Author: ممتاز حیدر

الیکشن کمیشن نے پنجاب بلدیاتی انتخابات سے نتعلق فیصلہ جاری کردیا،پنجاب میں بلدیاتی انتخابات دسمبر کے آخری ہفتے میں ہونگے، الیکشن کمیشن نے بلدیاتی انتخابات لوکل گورنمنٹ ایکٹ 2022ء کے تحت کروانے کا فیصلہ کرتے ہوئے پنجاب کے بلدیاتی انتخابات دسمبر 2025ء میں کروانے کا حکم دیدیا۔الیکشن کمیشن نے پنجاب کو 2 ماہ میں حلقہ بندیاں کروانے کا حکم بھی دیا ہے۔

قبل ازیں دوران سماعت چیف الیکشن کمشنر کا کہنا تھا کہ یہ ہمارے لیے شرمندگی ہے،الزام ہم پر آرہے ہیں،اسلام آباد اور پنجاب میں بلدیاتی انتخابات نہیں ہو رہے ،چیف الیکشن کمشنر سکندر سلطان راجہ کی سربراہی میں 5رکنی کمیشن نے سماعت کی .دوران سماعت چیف الیکشن کمشنر سکندر سلطان راجہ برہم ہوگئے، ریمارکس دیتے ہوئے کہا کہ پنجاب میں بلدیاتی الیکشن میں تین سال نو ماہ کی تاخیر ہو چکی ہے،ملک کےسب سے بڑا صوبے میں بلدیاتی الیکشن نہیں ہوا،یہ صرف الیکشن کمیشن نہیں بلکہ مختلف حکومتوں کے لیے باعث شرمندگی ہے،پنجاب اور وفاق میں الیکشن نہیں ہوا،کل وفاقی حکومت کے وزیر نے بیان دیا ہے الیکشن کمیشن فیصلہ کرے ہم الیکشن کرا دیں گے، پنجاب اور اسلام آباد تیار ہے اور الیکشن کمیشن انعقاد میں تاخیر کر رہا ہے،اگر اتنے مخالف ہیں تو آئین قانون میں ترمیم کر دیں کہ مقامی حکومت ہونی نہیں چاہئے،

سپیشل سیکرٹری بلدیات پنجاب نے کہا کہ سیلاب کی وجہ سے اسمبلی اجلاس نہیں ہوسکا جیسے ہوگا بلدیاتی قانون منظور کرلیں گے،سیکرٹری الیکشن کمیشن نے بتایا کہ پنجاب میں چھٹی بار بلدیاتی قانون میں تبدیلی ہورہے،

وزیراعظم محمد شہباز شریف نے قومی استقامت کے دن پر پیغام میں کہا ہے کہ 8 اکتوبر کا دن ملکی تاریخ میں قومی استقامت کی تابندہ مثال کے طور پرمنایا جاتا ہے کیونکہ یہ نہ صرف 8 اکتوبر 2005 کو آنے والے قیامت خیز زلزلے کے نتیجے میں ہونے والی جانی ومالی نقصان کی یاد دہانی کراتا ہے بلکہ اسکے تباہ کن اثرات سے نبٹنے کے لیے قومی یکجہتی اور استقامت کو بھی اجاگر کرتا ہے۔

وزیراعظم شہباز شریف کا کہنا تھا کہ پاکستانی قوم نے زلزلے کے پس منظر میں جس بے مثال اتحاد و یکجہتی کا مظاہرہ کیا وہ نہ صرف ہماری قوم کی بنیادی اساس کی عکاس ہے بلکہ آنے والے نسلوں کے لیے بھی ایک قابل فخر اثاثہ ہے کہ مصیبت میں کسطرح وسائل کی کمی کو خاطر میں نہ لاتے ہوئے مشکلات سے نبرد آزما ہونا ہے۔ 8 اکتوبر 2005 کے زلزلے نےملک بھر میں عوامی سطح پر قومی رواداری و یکجہتی، مضبوط قومی اتحاد و یگانگت اور ملی جذبے کو ہماری ملکی یاداشت میں ہمیشہ کے لیے محفوظ کر دیا. پاکستان اس سال بھی شدید مون سون سیزن اور سیلابی صورتحال کی وجہ سے ملک میں جانی و مالی، فصلوں، مال و مویشی سمیت گھروں کے نقصانات اور دیہاتوں اور شہری علاقوں میں سڑکوں اور انفراسٹرکچر کی تباہی سے گزرا ہے اور اس سال بھی عوام نے مثالی قومی استقامت و مضبوطی اور اتحاد سے اس قدرتی آفت کا مقابلہ کیا۔ عوام کے شانہ بشانہ وفاقی و صوبائی حکومتوں نے تمام متعلقہ اداروں کی پیشہ ورانہ استعداد استعمال کرتے ہوئے موثر اور جامع حکمت عملی کے تحت سیلاب اور مون سون کے بعد ریسکیو اور بحالی کے لئیے بھرپور کام کیا ہے۔ قدرتی آفات اور بالخصوص موسمیاتی تبدیلی کے اثرات کسی بھی ملک کو ہنگامی صورتحال سے نبرد آزما ہونے کی لیے بھی تیار کرتے ہیں۔
پاکستان موسمیاتی تبدیلی سے بری طرح متاثر ہونے والے سر فہرست ممالک میں شامل ہے اس لیے حکومت کی اولین ترجیح ہے کہ موسمیاتی تبدیلی کے اثرات سے بچاؤ اورنقصانات کو محدود رکھنے کے لیۓ جامع پالیسیز تشکیل دی جائیں۔ تاکہ مستقبل میں پاکستان کو بارشوں، زلزلے،گرمی کی شدید لہروں اور دیگر موسمیاتی تغیرات کےمضر و نقصان دہ اثرات سے بچانے کے لیے موثر پیش بندی کی جا سکے۔ جامع پالیسی کا مقصد یہ بھی ہے کہ موسمی ہنگامی صورتحال میں دستیاب ذرائع اور وسائل کو بروئے کار لاتے ہوئے حتی الامکان کوشش کی جا ئے کہ جانی و مالی اور ملکی معیشت کا کم سے کم نقصان ہو۔

وزیراعظم شہباز شریف کا مزید کہنا تھا کہ موسمیاتی تبدیلی کےنقصانات سے بچنے کے لیےموثر پیشگی اطلاع نہایت اہم ہے۔نیشنل ڈیزاسٹر مینجمنٹ اتھارٹی میں موسمی تغیرات سے بچنے کے لیے پیشگی اطلاع کا نظام کام کر رہا ہے جس کو مزید فعال کرنے سے ہم بلا شبہ موسمی تغیرات کے نقصانات سے بہت حد تک بچ سکتے ہیں۔اسی تناظر میں دنیا بھر میں رائج موسمی تغیرات سے بچنے کے لیے بہترین نظام کو اپنانے اور جدید ٹیکنالوجی سے زیادہ سے زیادہ فائدہ اٹھانے کی بھی ضرورت ہے تاکہ ہم نہ صرف حکومتی بلکہ شہروں اور دیہاتوں میں عوامی سطح پر بھی ان خطرات سے نہ صرف آگاہ ہوں بلکہ ان کا موثر طور پر سامنا کرنے کے لیے بھی ہر دم تیار ہوں۔ آج کے دن حکومت پاکستان اس عزم کا اعادہ کرتی ہے کہ ملک عزیز کو ہر طرح کے موسمیاتی تغیرات اور نقصانات سے بچاؤ کے لیے بھرپور طریقے سے تیار رکھیں گے۔ اور آج کا دن عوامی اور قومی سطح پر اتحاد اور بحیثیت قوم مل کر اسطرح کی قدرتی آفات اور موسمی تغیرات کے نقصانات سے بچاؤ کے لیے قومی عزم و ہمت، حوصلہ اور باہمی تعاون کوبھی اجاگر کرتا ہے۔

جعفر ایکسپریس حادثہ ، بھارت کے گودی میڈیا کا ایک بار پھر گھناؤنا پروپیگنڈا بے نقاب ہو گیا

بھارتی میڈیا اپنے ملک میں ہونے والے فسادات پر پردہ ڈالنے کیلئے پاکستان کیخلاف منفی پروپیگنڈا کرنے لگا،بھارت کے گودی میڈیا کا یہ پاکستان مخالف پروپیگنڈا وطیرہ بن چکا ہے ،بھارتی میڈیا نے جعفر ایکسپریس حادثہ پر ایک بار پھر منفی پروپیگنڈا مہم شروع کردی،ٹریک پر دھماکے کی وجہ سے جعفر ایکسپریس کی کچھ بوگیاں پٹری سے اتر گئیں،جعفر ایکسپریس حادثہ میں چند افراد کے زخمی ہونے کو بھارتی میڈیا کامیابی کے طور پر پیش کرنے لگا،بھارتی میڈیا فتنہ الہندوستان کی تخریبی کارروائیوں کو پروپیگنڈے کے طور پر اپنے مذموم مقاصد کے لئے استعمال کرتا ہے،بھارت کا گودی میڈیا 11 مارچ کے جعفر ایکسپریس پر دہشتگردانہ حملے کو بھی غیر معمولی طور پر پیش کر چکا ہے

تخریبی سرگرمیوں کا بھارتی میڈیا کی زینت بننا بھارت اور فتنہ الہندوستان کے گٹھ جوڑ کو ظاہر کرتا ہے ،پاکستان بار رہا فتہ الہندوستان اور بھارت کے گٹھ جوڑ کے شواہد عالمی دنیا کے سامنے رکھ چکا ہے

پاکستان میں امن و استحکام کیلئے غیر قانونی افغان مہاجرین کی واپسی ناگزیرہو چکی

پاکستان نے گزشتہ پانچ دہائیوں سے انسانی ہمدردی کی بنیاد پر لاکھوں افغان پناہ گزینوں کی میزبانی کی ، دوحہ معاہدے کے بعد افغانستان سے تمام غیر ملکی افواج کا انخلا ہو ا اور خانہ جنگی کا خاتمہ ہوا،افغان مہاجرین کا پاکستان میں رہنے کے لیے اب کوئی جواز باقی نہیں رہا،شواہد سے ثابت ہے کہ افغان پناہ گزینوں کے کچھ عناصر پاکستان میں دہشتگردی اور دیگر جرائم میں ملوث ہیں،پاکستان نے غیر قانونی افغان مہاجرین کی واپسی کیلئے تمام تر سہولیات فراہم کی

اب تک پاکستان چھوڑنے والے غیر قانونی افغان باشندوں کی تعداد 1,447,709 تک پہنچ چکی ہے،ستمبر 2023 سے جاری افغان مہاجرین کی واپسی کے عمل کیلئے 31اگست2025 کی ڈیڈلائن مقرر کی گئی تھی،پاکستان میں اب بھی تقریباً 40لاکھ سے زیادہ غیر قانونی اور افغان سٹیزن کارڈ ہولڈر مہاجرین مقیم ہیں ،غیر قانونی طور پر مقیم اور افغان سٹیزن کارڈ ہولڈرز کے خلاف قانونی کارروائی عمل میں لائی جا رہی ہے ،دیگر خودمختار ممالک کی طرح پاکستان کو اپنے قومی مفادات، امن اور داخلی استحکام کو یقینی بنانے کا حق حاصل ہے

انسداد دہشت گردی عدالت راولپنڈی نے بانی پی ٹی آئی کی بہن علیمہ خان کے قابلِ ضمانت وارنٹِ گرفتاری جاری کردیے۔

علیمہ خان سمیت 10 ملزمان کے خلاف 26 نومبر کے احتجاج پر تھانہ صادق آباد میں درج مقدمے کی سماعت ہوئی، اس موقع پر علیمہ خان کے علاوہ باقی ملزمان عدالت میں پیش ہوئے تھے،علیمہ خان کی جانب سے ان کے وکیل فیصل ملک اور حسنین سنبل نے حاضری سے استثنیٰ کی درخواست دائر کی جسے عدالت نے خارج کردیا،عدالت میں پراسیکیوٹر ظہیر شاہ نے کہا کہ وکیل فیصل ملک اور حسنین سنبل کا علیمہ خان کے کیس میں وکالت نامہ ہی جمع نہیں، دونوں وکلاء علیمہ خان کی طرف سے حاضری سے استثنیٰ کی درخواست نہیں دے سکتے،بعدازاں عدالت نے علیمہ خان کے قابلِ ضمانت وارنٹ گرفتاری جاری کر کے سماعت 11 اکتوبر تک ملتوی کردی۔