Author: ممتاز حیدر

سرائیلی حراست سے رہائی پانے والے ترک صحافی کا کہنا ہے کہ گلوبل صمود فلوٹیلا کے امدادی کارکنوں کو اسرائیلی حراست میں تشدد کا نشانہ بنا کر اسرائیلی جھنڈا چومنے پر مجبور کیا گیا۔

غیر ملکی میڈیا رپورٹس کے مطابق غزہ امداد لے جانے والے گلوبل صمود فلوٹیلا کے امدادی کارکنوں کا ایک قافلہ گزشتہ روز رہائی کے بعد ترکیہ پہنچا ہے۔امدادی کارکنوں میں شامل ترک صحافی نے رہائی کے بعد بتایا کہ ہمیں اسرائیلی حراست میں تشدد اور بدسلوکی کا نشانہ بنایا گیا۔انہوں نے مزید بتایا کہ سویئڈن سے تعلق رکھنے والی ماحولیاتی کارکن گریٹا تھنبرگ پر بھی تشدد کیا گیا اور اسرائیلی جھنڈا چومنے پر مجبور کیا گیا۔

واضح رہے کہ 450 سماجی کارکن اب بھی اسرائیلی حراست میں موجود ہیں، 137 سماجی کارکن رہائی کے بعد استنبول پہنچ گئے ہیں۔

بین الاقوامی شہری ہوا بازی تنظیم (ICAO) نے پائلٹوں کی لازمی ریٹائرمنٹ کی عمر 65 سے بڑھا کر 67 سال کرنے کی تجویز باضابطہ طور پر مسترد کر دی ہے۔ یہ فیصلہ 23 ستمبر سے 3 اکتوبر 2025 تک جاری رہنے والے 42ویں آئی سی اے او اسمبلی اجلاس میں کیا گیا۔

یہ تجویز انٹرنیشنل ایئر ٹرانسپورٹ ایسوسی ایشن (IATA) کی جانب سے پیش کی گئی تھی، جسے دنیا بھر کی کئی ایئرلائنز کی حمایت حاصل تھی۔ ان ایئرلائنز کا مؤقف تھا کہ پائلٹوں کی بڑھتی ہوئی کمی کے باعث ریٹائرمنٹ کی عمر میں توسیع ناگزیر ہے تاکہ تجربہ کار پائلٹ مزید عرصے تک اپنی خدمات جاری رکھ سکیں، خصوصاً ایسے وقت میں جب فضائی سفر کی عالمی طلب میں تیزی سے اضافہ ہورہا ہے۔تاہم، مختلف ممالک کے نمائندوں نے ووٹنگ کے دوران یہ تجویز مسترد کر دی۔ بنیادی وجہ محفوظ پرواز کے تقاضے اور عمر سے متعلق طبی خدشات بتائے گئے۔ رکن ممالک نے مؤقف اپنایا کہ 65 سال سے زائد عمر کے پائلٹوں کے لیے بین الاقوامی پروازوں کی جسمانی و ذہنی مشقت زیادہ ہوتی ہے، اس لیے سخت عمر اور طبی اصولوں کو برقرار رکھنا ضروری ہے تاکہ فضائی حفاظت کے اعلیٰ معیار کو یقینی بنایا جاسکے۔

آئی سی اے او کے فیصلے کے بعد موجودہ قانون برقرار رہے گا، جس کے تحت 65 سال سے زیادہ عمر کے پائلٹ بین الاقوامی پروازیں نہیں چلا سکیں گے۔یہ فیصلہ ایوی ایشن انڈسٹری میں مختلف ردعمل کا باعث بنا ہے۔ کئی ایئرلائنز نے اس پر مایوسی کا اظہار کیا ہے، ان کے مطابق پائلٹوں کی کمی کے بحران میں یہ فیصلہ مزید مشکلات پیدا کرے گا۔ دوسری جانب ماہرینِ فضائی حفاظت اور ریگولیٹری اداروں نے اس فیصلے کو مسافروں کی حفاظت کے لیے ایک ضروری اقدام قرار دیا ہے۔

بھارت میں خواتین کے ساتھ زیادتی کے واقعات مسلسل بڑھ رہے ہیں،گروگرام سے ایک دل دہلا دینے والا واقعہ سامنے آیا ہے جہاں ایک معروف نجی اسکول میں غیر ملکی زبان پڑھانے والی خاتون ٹیچر کے ساتھ مبینہ طور پر چار افراد نے اجتماعی زیادتی کی۔ پولیس کے مطابق یہ واقعہ یکم اکتوبر کی رات پیش آیا، جب ملزمان نے خاتون کو ایک فلیٹ میں بلا کر سنگین جرم کا ارتکاب کیا۔

متاثرہ خاتون نے جمعرات کے روز وومن پولیس اسٹیشن ایسٹ میں شکایت درج کرائی، جس کے بعد پولیس نے فوری کارروائی کرتے ہوئے جمعہ کو چاروں ملزمان کو گرفتار کرلیا۔ گرفتار ملزمان کی شناخت گورو، نیرج، ابھیشیک، اور یوگیش کے نام سے ہوئی ہے۔پولیس کے مطابق متاثرہ خاتون نے بتایا کہ اس کی ملزم گورو سے گزشتہ سال ستمبر میں ایک پارٹی کے دوران ملاقات ہوئی تھی، جس کے بعد دونوں کے درمیان جان پہچان بڑھ گئی۔ یکم اکتوبر کی رات گورو نے خاتون کو فون کرکے اپنے دوست کے کمرے میں آنے کا کہا۔ ابتدائی طور پر وہ اکیلا تھا، مگر کچھ دیر بعد اس نے اپنے دیگر تین دوستوں کو بھی وہاں بلالیا۔تحقیقات کے مطابق، گورو نے پہلے خود متاثرہ خاتون کی عصمت دری کی، پھر اپنے دوست نیرج کو بلایا، جس نے بھی خاتون کے ساتھ زیادتی کی۔ اس کے بعد دونوں نے اپنے دیگر دوستوں ابھیشیک اور یوگیش کو بھی موقع پر بلایا، جنہوں نے مل کر اجتماعی زیادتی کی۔ جرم کے بعد چاروں ملزمان متاثرہ خاتون کو وہیں چھوڑ کر موقع سے فرار ہوگئے۔اگلے روز، یعنی 2 اکتوبر کو متاثرہ خاتون نے اپنے اہلِ خانہ کو سارا واقعہ بتایا اور پولیس سے رجوع کیا۔ پولیس نے فوری طور پر مقدمہ درج کرتے ہوئے چاروں ملزمان کو گرفتار کرلیا۔

پولیس حکام کا کہنا ہے کہ ملزمان پیشے کے اعتبار سے جم ٹرینر اور زومبا انسٹرکٹر ہیں، اور معاملے کی مزید تحقیقات جاری ہیں۔ متاثرہ خاتون کا میڈیکل ٹیسٹ کرایا جاچکا ہے، جس کی رپورٹ پولیس تفتیش کا حصہ بنائی گئی ہے۔پولیس نے کہا کہ ملزمان کے موبائل فون اور جائے وقوعہ سے شواہد اکٹھے کر لیے گئے ہیں، جبکہ متاثرہ کو مکمل تحفظ اور قانونی معاونت فراہم کی جارہی ہے۔ذرائع کے مطابق، واقعے کے انکشاف کے بعد اسکول انتظامیہ نے پولیس سے مکمل تعاون کی یقین دہانی کرائی ہے۔