Baaghi TV

Author: ممتاز حیدر

  • ایاز صادق قائم مقام صدرِ پاکستان مقرر

    ایاز صادق قائم مقام صدرِ پاکستان مقرر

    صدرِ مملکت آصف علی زرداری اور چیئرمین سینیٹ سید یوسف رضا گیلانی کے بیرونِ ملک دوروں کے باعث اسپیکر قومی اسمبلی سردار ایاز صادق نے قائم مقام صدرِ پاکستان کے طور پر اپنے فرائض سنبھال لیے ہیں۔

    کابینہ ڈویژن کی جانب سے باضابطہ طور پر نوٹیفکیشن جاری کر دیا گیا ہے، جس کے تحت سردار ایاز صادق آئینِ پاکستان کے آرٹیکل 49(2) کے تحت صدرِ مملکت کی ذمہ داریاں ادا کریں گے۔ذرائع کے مطابق، صدرِ پاکستان آصف علی زرداری اس وقت بیرونِ ملک دورے پر ہیں، جب کہ چیئرمین سینیٹ سید یوسف رضا گیلانی بھی غیر ملکی مصروفیات کے باعث ملک میں موجود نہیں۔ ایسے میں آئینی تقاضوں کے مطابق اسپیکر قومی اسمبلی کو قائم مقام صدر مقرر کیا گیا ہے۔

    سردار ایاز صادق، جو کہ ملک کے سینئر پارلیمنٹرینز میں شمار ہوتے ہیں، اس سے قبل بھی اسپیکر قومی اسمبلی کے طور پر کئی بار آئینی و پارلیمانی امور میں مرکزی کردار ادا کر چکے ہیں۔کابینہ ڈویژن کے مطابق سردار ایاز صادق صدرِ مملکت کی وطن واپسی تک قائم مقام صدر کے طور پر خدمات انجام دیتے رہیں گے۔

  • معرکہ حق میں رسوائی کے باوجود انتہا پسند مودی کی شکست خوردہ افواج کا جنگی جنون برقرار

    معرکہ حق میں رسوائی کے باوجود انتہا پسند مودی کی شکست خوردہ افواج کا جنگی جنون برقرار

    معرکہ حق میں رسوائی کے باوجود انتہا پسند مودی کی شکست خوردہ افواج کا جنگی جنون برقرار ہے

    معرکہ حق میں شکست کے بعد اپنی عوام کو مطمئن کرنے کیلئے بھارتی سیاسی و عسکری قیادت کی گیدڑ بھبکیاں جاری ہیں،آپریشن سندور میں منہ کی کھانے کے بعد بھارت عالمی سطح پر شرمندہ اور بوکھلاہٹ کا شکار ہو چکا ہے،اقتدار پر قابض مودی نے حسب روایت بہار انتخابات سے قبل پاکستان دشمنی کا سہارا لے لیا ،بھارت کی شکست خوردہ عسکری قیادت کے حالیہ بیانات نے خطے کے امن کو دوبارہ داؤ پر لگا دیا،

    بھارتی آرمی چیف نے آپریشن سندور کے دوسرے مرحلے کے آغاز کا اشارہ دے دیا ،بھارتی آرمی چیف جنرل اوپندر دویودی نے کہا کہ اس بار بھارت پوری جنگی تیاری کے ساتھ کارروائی کرے گا

    بھارت کی سیاسی و عسکری قیادت کی گیدڑ بھبکیاں دراصل معرکہ حق کی شکست کو چھپانے کی ناکام کوشش ہیں،بھارتی قیادت کو یہ سمجھنا ہوگا کہ پاکستان کسی بھی جارحیت کا جواب دینے کی بھرپور صلاحیت رکھتا ہے،پاکستان کی مسلح افواج کا دو ٹوک موقف ہے کہ بھارتی جارحیت کا جواب معرکہ حق سے بھی زیادہ سخت اور تیز ہوگا

  • پاک فوج اور ضلعی انتظامیہ کی مشترکہ حکمت عملی، گوادر میں پانی کے بحران کا مسئلہ حل

    پاک فوج اور ضلعی انتظامیہ کی مشترکہ حکمت عملی، گوادر میں پانی کے بحران کا مسئلہ حل

    پاک فوج اور ضلعی انتظامیہ کی مشترکہ حکمت عملی، گوادر میں پانی کے بحران کا مسئلہ حل کر لیا گیا

    اکرہ اور سواد ڈیم خشک ہونے سے گوادر اور جیوانی میں پانی کی شدید قلت پیدا ہو گئی تھی،شادی کور ڈیم پائپ لائن سے پانی چوری اور گوادر ڈی سیلینیشن پلانٹ غیر فعال ہونے سے بحران مزید سنگین ہو گیا تھا،صورت حال کے پیش نظر 29 ستمبر کو گوادر میں پاک فوج اور ضلعی انتظامیہ کا ہنگامی اجلاس منعقد ہوا، اجلاس میں گوادر کے لیےیومیہ 24 لاکھ گیلن اور جیوانی کے لیے یومیہ پانچ لاکھ گیلن پانی کا ہدف مقررکیا گیا، شادی کور پائپ لائن سے بہاؤ میں اضافہ اور گوادر ڈی سیلینیشن پلانٹ بحال کرنا کا فیصلہ کیا گیا

    وزیراعلیٰ بلوچستان نے میرانی ڈیم سے پانی کو باؤزر کے ذریعے منتقل کرنے کی بھی منظوری دی ،شادی کور پائپ لائن اب یومیہ 12 لاکھ گیلن پانی فراہم کر رہی ہے، ڈی سیلینیشن پلانٹ کو بھی جزوی طور پر بحال کر لیا کیا گیا ہے،سن اسٹار کنوؤں کے لیے پائپ لائن کا کام مکمل ہونے کے قریب ہے، میرانی ڈیم سے سات واٹر باؤزر کی آمد جلد متوقع ہے ،پاک فوج اور ضلعی انتظامیہ کے یہ اقدامات پانی کی کم از کم ضروریات کو پورا کریں گے ،علاقے میں جلد ہی پانی کے بحران پر قابو پا لیا جائے گا،آبی ماہرین کا کہنا ہے کہ موسمیاتی تبدیلی کے باعث اس قسم کے واقعات میں اضافہ ہونے کا خدشہ ہوتا ہے، پانی کو ضائع ہونے سے روکا جائے اور مزید ڈیمز بنائے جائیں ،گوادر اور جیونی کی عوام نے پاک فوج اور سول انتظامیہ کا پانی کا بحران حل کرنے پر شکریہ ادا کیا

  • فرنٹیئر کورخیبر پختونخوا (نارتھ) کے زیر اہتمام پشاورمیں گرینڈ خیبر جرگے کا انعقاد

    فرنٹیئر کورخیبر پختونخوا (نارتھ) کے زیر اہتمام پشاورمیں گرینڈ خیبر جرگے کا انعقاد

    فرنٹیئر کورخیبر پختونخوا (نارتھ) کے زیر اہتمام پشاورمیں گرینڈ خیبر جرگے کا انعقاد کیا گیا

    قلعہ بالاحصار میں منعقد گرینڈ جرگے میں آئی جی ایف سی نارتھ ، سول انتظامیہ اور معزز قبائلی عمائدین نے شرکت کی،جرگے میں ضلع خیبر کی موجودہ امن و امان کی صورتحال اور درپیش چیلنجز پر تفصیلی تبادلہ خیال کیا گیا،جرگے میں قبائلی عمائدین نے سیکیورٹی فورسز کے ساتھ قریبی تعاون کی یقین دہانی کرائی، مقامی نمائندوں نے عوامی مسائل اجاگر کیے اور ان کے حل کے لیے مشترکہ اقدامات پر زور دیا، جرگے میں قومی یکجہتی اور باہمی اعتماد کو فروغ دینے پر اتفاق رائے کیا گیا،گرینڈ خیبر جرگہ قومی یکجہتی اور علاقائی امن کے لیے سیکیورٹی اداروں کی سنجیدہ کاوشوں کا مظہر ہے،قبائلی عمائدین نے امن کے قیام میں فورسز کے کردار اور قربانیوں کو خراجِ تحسین پیش کیا، قلعہ بالاحصار کا یہ اجتماعی جرگہ قبائلی عوام اور فورسز کے درمیان اعتماد کی نئی مثال بن گیا،جرگے کا اختتام قومی اتحاد اور علاقائی استحکام کے حوصلہ افزا پیغام کے ساتھ ہوا

  • بی جے پی سرکار میں مسلمانوں کے مذہبی مقامات غیر محفوظ

    بی جے پی سرکار میں مسلمانوں کے مذہبی مقامات غیر محفوظ

    آر ایس ایس کے نظریے پر چلنےوالی بی جے پی سرکار میں مسلمانوں کے مذہبی مقامات غیر محفوظ ہو گئے ہیں

    مودی کی ہندوتوا حکومت کامسلمانوں کی شناخت ، مذہبی روایات اور مذہبی آزادی پر ایک اور وار سامنے آیا ہے،مسلمانوں کیخلاف بھارت میں غاصب مودی کی ریاستی سرپرستی میں دہشت گردانہ کارروائیاں جاری ہیں،*بھارتی جریدے دی ٹیلی گراف انڈیا کے مطابق؛ اتر پردیش کے ضلع سنبھل کے رائے بزرگ گاؤں میں ایک اور مسجدکوشہید کر دیا گیا ،پچھلے چار ماہ میں ضلع سنبھل میں مسجد شہید کرنے کا یہ دوسرا واقعہ ہے ، مسجد کو فوجی دستے اور بھاری پولیس کی نفری کی نگرانی میں گرایا گیا ، مقامی افراد کا مؤقف ہے کہ مسجد تقریباً 10سال پہلے تعمیر کی گئی تھی ، اتر پردیش کے ضلع سنبھل کی انتظامیہ نے تجاوزارت کا الزام لگا کر مسجد کو گرایا،رضاءِ مصطفیٰ مسجد کو بھی کچھ عرصہ پہلے سنبھل انتظامیہ نے گرایا تھا ،اتر پردیش کے وزیراعلیٰ یوگی آدتیہ ناتھ نے مسجد کو گرانے کا اشارہ دیتے ہوئے کہا تھا کہ رام مندر کی تعمیر کے بعد ضلع ایودھیا ترقی اور روحانیت سے آگے بڑھ رہا ہے ،ضلع سنبھل کو بھی کاشی اور ایودھیا شہر کی طرح بنایا جائےگا،

    یوگی آدتیہ ناتھ آر ایس ایس کے نظریے کے تحت گجرات کے قتل عام کو پھر دہرانا چاہتا ہے ،مودی سرکار میں ہندوتوا انتہا پسندوں کا مساجد گرانا مودی کی متعصبانہ پالیسیوں کا ثبوت ہیں ،مسلم شناخت مٹانے کی سرکاری کوشش بھارتی سیکولرازم کے تابوت میں آخری کیل ہے

  • پاکستان فلسطین میں پائیدار امن کے قیام کے لیے بھرپور کردار ادا کرتا رہے گا،وزیراعظم

    پاکستان فلسطین میں پائیدار امن کے قیام کے لیے بھرپور کردار ادا کرتا رہے گا،وزیراعظم

    وزیراعظم شہباز شریف نے کہا ہے کہ الحمداللہ، ہم اس قیامت خیز نسل کشی کے آغاز کے بعد سے اب تک کے سب سے قریب ترین مرحلے پر ہیں جہاں جنگ بندی ممکن نظر آ رہی ہے۔

    وزیراعظم شہباز شریف کا کہنا تھا کہ پاکستان نے ہمیشہ فلسطینی عوام کا ساتھ دیا ہے اور آئندہ بھی ان کے شانہ بشانہ کھڑا رہے گا۔ انہوں نے کہا کہ یہ وقت شکرگزاری کا ہے، خاص طور پر امریکی صدر ڈونلڈ ٹرمپ سمیت قطر، سعودی عرب، متحدہ عرب امارات، ترکیہ، اردن، مصر اور انڈونیشیا کی قیادتوں کا شکریہ ادا کیا جنہوں نے اقوام متحدہ کی جنرل اسمبلی کے 80ویں اجلاس کے موقع پر صدر ٹرمپ سے ملاقات میں فلسطینی مسئلے کے حل کے لیے مشترکہ کوششیں کیں۔

    وزیراعظم شہباز شریف نے مزید کہا کہ حماس کی جانب سے جاری کردہ بیان نے جنگ بندی اور قیامِ امن کے لیے ایک نئی راہ ہموار کی ہے، جسے بند نہیں ہونے دینا چاہیے۔انہوں نے اس امید کا اظہار کیا کہ ان شاءاللہ پاکستان اپنے تمام شراکت داروں اور برادر ممالک کے ساتھ مل کر فلسطین میں پائیدار امن کے قیام کے لیے بھرپور کردار ادا کرتا رہے گا۔

  • کشمیری بھائیوں کے مسائل کو حل کرنے کے لیے ہر وقت تیار ہیں،وزیراعظم

    کشمیری بھائیوں کے مسائل کو حل کرنے کے لیے ہر وقت تیار ہیں،وزیراعظم

    وزیر اعظم پاکستان شہباز شریف نےآزاد کشمیر میں مذاکرتی عمل کی کامیابی کا اور حکومتی مذاکراتی کمیٹی اور جوائنٹ ایکشن کمیٹی کے درمیان معاہدے کا خیر مقدم کیا ہے

    وزیراعظم نے مذاکراتی کمیٹی کے اراکین کو خراج تحسین پیش کیا،مذاکراتی کمیٹی کے اراکین کی انفرادی اور اجتماعی کاوشوں کو سراہتے ہوئے، وزیراعظم نے بھرپور شاباش دی،وزیر اعظم نے اسے "پاکستان اور آزاد جموں و کشمیر کی بڑی کامیابی” قرار دیا اور کہا کہ امن کا قیام اور حالات کا معمول پر آ جانا خوش آئند ہے،وزیراعظم شہباز شریف کا کہنا تھا کہ سازشیں اور افواہیں آخر کار دم توڑ گئیں اور تمام معاملات خوش اسلوبی سے حل ہوئے الحمدللہ۔انہوں نے مذاکرات کی کامیابی پر جوائنٹ ایکشن کمیٹی کے اراکین کا بھی شکریہ ادا کیا اور امن کے قیام پر مبارکباد دی اور کہا کہ حکومت اپنے کشمیری بھائیوں کے مسائل کو حل کرنے کے لیے ہر وقت تیار ہے۔عوامی مفاد اور امن ہماری ترجیح ہے اور آزاد کشمیر کی خدمت کرتے رہیں گے.کشمیری بھائیوں سے گزارش ہے کہ افواہوں پر کان دھرنے سے گریز کریں. ہم پہلے بھی کشمیری بہن بھائیوں کے حقوق کے محافظ تھے اور آیندہ بھی انکے حقوق کا تحفظ کرتے رہیں گے.آزاد کشمیر کے مسائل پر ہمیشہ توجہ رہی ہے اور میری حکومت نے ہمیشہ ترجیح بنیادوں پر ان مسائل کو حل کیا ہے۔

  • آنے والے دنوں میں بارش متوقع ہے، پی ڈی ایم اے

    آنے والے دنوں میں بارش متوقع ہے، پی ڈی ایم اے

    ڈی جی پی ڈی ایم اے عرفان علی کاٹھیا نےکہا ہےکہ پنجاب میں اس وقت سیلابی صورتحال نہیں تاہم آنے والے دنوں میں مزید بارش متوقع ہے۔

    لاہور میں میڈیا سے گفتگو کرتے ہوئے ڈی جی پی ڈی ایم اے عرفان علی کاٹھیا کا کہنا تھا کہ سیلاب متاثرین اپنے گھروں کو واپس جارہے ہیں، سیلاب سے متاثرہ علاقوں میں سروے جاری ہے، سیلاب سے متاثرہ شاہراہوں کی بحالی کاکام بھی جاری ہے، سیلاب سے نقصانات کا ازالہ کرنے کے لیے کوشاں ہیں، پنجاب میں اس وقت سیلابی صورتحال نہیں، دریاؤں کی صورتحال اب معمول کے مطابق ہے تاہم دریائے ستلج میں بھارت سے مزید پانی آنے کا امکان ہے، دریائے راوی میں بھی بھارت سے 35 ہزارکیوسک پانی آنےکاامکان ہے، آنے والے دنوں میں مزید بارش متوقع ہے،سیلاب متاثرہ 27 اضلاع میں نقصانات کا جائزےکے لیے سروے جاری ہے، مختلف اداروں پر مشتمل ٹیمیں سروے شفافیت کےساتھ کر رہی ہیں، چندعلاقوں میں پانی کھڑاہونےکےباعث مشکلات کا سامنا ہے۔

  • ملک کا تھیٹر فیملی کے ساتھ جاکر نہیں دیکھاجاسکتا،گورنر سندھ

    ملک کا تھیٹر فیملی کے ساتھ جاکر نہیں دیکھاجاسکتا،گورنر سندھ

    گورنر سندھ کامران ٹیسوری نے کہا ہے کہ ملک کے سیاسی حالات اور بڑھتی ہوئی مہنگائی نے معاشرے کی قدریں، رویے اور سوچ سب کچھ بدل کر رکھ دیا ہے۔ سیاست دان ووٹ لینے کے وقت کراچی کے لوگوں کو یاد کرتے ہیں، لیکن جب عملی کام کرنے کا وقت آتا ہے تو یہی لوگ "بائے کراچی” کہہ کر رخصت ہو جاتے ہیں۔

    گورنر سندھ کراچی میں فنونِ لطیفہ اور ادبی سرگرمیوں کے فروغ کے حوالے سے منعقدہ ایک تقریب سے خطاب کر رہے تھے۔ انہوں نے کہا کہ فنونِ لطیفہ کا ہر شعبہ زوال کا شکار ہے، اور آہستہ آہستہ ہم ادب و ثقافت سے دور ہوتے جا رہے ہیں۔ ان کے مطابق "ہم نے اپنی تہذیب، اپنے الفاظ، اپنی زبان، اور اپنی فنکارانہ روایات کو پسِ پشت ڈال دیا ہے، جس کا نتیجہ معاشرتی بے سمتی کی صورت میں نکل رہا ہے۔”کامران ٹیسوری نے افسوس کا اظہار کرتے ہوئے کہا کہ آج ملک کا تھیٹر اس سطح پر پہنچ گیا ہے کہ اسے فیملی کے ساتھ جا کر نہیں دیکھا جا سکتا۔ انہوں نے کہا کہ "ادب اور ثقافت وہ ستون ہیں جو قوموں کو جوڑے رکھتے ہیں، لیکن بدقسمتی سے ہم ان ستونوں کو خود ہی کمزور کر رہے ہیں۔”انہوں نے مزید کہا کہ اردو زبان کے فروغ کے لیے سب سے زیادہ کام پنجاب میں ہو رہا ہے، جبکہ کراچی جو کبھی اردو ادب کا گہوارہ سمجھا جاتا تھا، وہاں ادبی سرگرمیوں میں نمایاں کمی آئی ہے۔ اس صورتحال کو بہتر بنانے کے لیے گورنر سندھ نے اعلان کیا کہ گورنر ہاؤس میں ہر ماہ باقاعدہ مشاعرہ منعقد کیا جائے گا، تاکہ شہر میں ادبی روایت کو دوبارہ زندہ کیا جا سکے۔

    مہنگائی کے موضوع پر بات کرتے ہوئے گورنر سندھ نے کہا کہ عوام پر معاشی بوجھ بڑھنے سے ان کی روزمرہ زندگی بری طرح متاثر ہوئی ہے۔ انہوں نے کہا کہ "سیاسی بے یقینی اور مہنگائی نے عوام کی ترجیحات بدل دی ہیں، اب لوگ فنون اور ادب سے زیادہ دو وقت کی روٹی کی فکر میں ہیں۔” اگر معاشرے کو دوبارہ جاندار اور متوازن بنانا ہے تو ہمیں سیاست کے ساتھ ساتھ فن، ادب، اور اخلاقیات کو بھی اہمیت دینا ہوگی، کیونکہ یہی وہ عناصر ہیں جو قوموں کی اصل پہچان ہوتے ہیں۔

  • بہنوئی کو قتل کرنے والاملزم چند گھنٹوں میں پولیس کے ہتھے چڑھ گیا

    بہنوئی کو قتل کرنے والاملزم چند گھنٹوں میں پولیس کے ہتھے چڑھ گیا

    سبزہ زار میں گھر میں گھس کر دوہرے قتل کا دلخراش واقعہ ،لاہور پولیس آپریشن ونگ نے چند گھنٹوں میں قاتل کا سراغ لگا لیا

    قتل کا معمہ حل، ملزم کا اقبال جرم، مقتول کا بہنوئی قاتل نکلا،ڈی آئی جی آپریشنز فیصل کامران نے دلخراش واقعہ پر اظہار افسوس کیا،بروقت کاروائی پر ڈی آئی جی آپریشنز نے ٹیم کو شاباش دی،ایس پی اقبال ٹاؤن ڈاکٹر عمر نے تفتیش کی تمام وقت خود سربراہی کی،پولیس حکام کے مطابق ملزم نے گھر میں گھس کر ثمر اقبال اور کلثوم بی بی کو گولیوں کا نشانہ بنایا،ملزم نے اعتراف کیا کہ ملزم نے کچھ عرصہ قبل بیوی کا زیور بیچا جس پر سالہ طعن زنی کرتا تھا، ملزم مقتول کی دوکان پر ملازم تھا جہاں سالے کے رویے سے نالاں رہتا تھا،

    ڈی آئی جی آپریشنز لاہور فیصل کامران کا کہنا ہے کہ ملزم نے صبح گھر پر دھاوا بولا، مقتولین کو گولیوں کا نشانہ بنایا، ملزم نے واردات کے بعد آلہ قتل کھاڑک نالہ میں پھینکنے کا اعتراف کیا،آلہ قتل برآمد کرنے کے لیے کاروائی جاری ہے،واردات میں استعمال ہونے والی موٹر سائیکل بھی برآمد کر لی گئی،پولیس کی بروقت کاروائی سے ملزم قانون کی گرفت میں آیا، ملزم کے خلاف مزید قانونی کاروائی کا عمل جاری ہے،