Author: ممتاز حیدر

کوہستان کرپشن اسکینڈل میں نیب نے مافیا کی بڑی کرپشن بے نقاب کرتے ہوئے اربوں روپے کے اثاثے برآمد کر لیے ہیں۔ نیب کی جانب سے اس اسکینڈل کی انکوائری کو اب باضابطہ تحقیقات میں تبدیل کر دیا گیا ہے، جس کے دوران کئی بڑے ناموں کا پردہ فاش ہوا ہے۔

نیب حکام نے بتایا ہے کہ کوہستان کرپشن کیس میں کنٹریکٹر محمد ایوب کو گرفتار کر لیا گیا ہے، جس کی تفتیش کے دوران اعظم سواتی سمیت دیگر بااثر افراد کے ساتھ مالی لین دین اور ڈیلز کا انکشاف ہوا ہے۔ نیب نے اب تک 25 ارب روپے مالیت کے اثاثے برآمد اور منجمد کیے ہیں۔ایک ارب روپے سے زائد نقدی رقم، مختلف غیر ملکی کرنسیاں، اور 3 کلو گرام سونا بھی برآمد کرکے ضبط کر لیا گیا۔73 بینک اکاؤنٹس منجمد کیے گئے، جن میں سے 5 ارب روپے کی رقم برآمد ہوئی۔77 لگژری گاڑیاں برآمد کی گئیں، جن میں نئی ماڈل کی مرسڈیز، بی ایم ڈبلیو، آؤڈی، پورش، لیکسز، ریوو، مارک ایکس، لینڈ کروزر اور فارچیونر شامل ہیں۔ ان گاڑیوں کی کل مالیت 94 کروڑ روپے سے زائد ہے۔

نیب نے 30 رہائشی گھر، 25 فلیٹس، 12 کمرشل پلازے، 12 دکانیں، اور 4 فارم ہاؤسز بھی قبضے میں لے لیے ہیں۔ضبط شدہ جائیدادوں میں پینٹ ہاؤسز اور 175 کنال زرعی اراضی بھی شامل ہے۔ضبط شدہ جائیدادوں کی مجموعی تعداد 109 ہے، جو راولپنڈی، اسلام آباد، پشاور، ایبٹ آباد اور مانسہرہ میں واقع ہیں۔ ان جائیدادوں کی مجموعی مالیت 17 ارب روپے سے زائد بتائی گئی ہے۔

نیب حکام کا کہنا ہے کہ کوہستان کرپشن کیس میں بڑی مہم جوئی کی جا رہی ہے تاکہ تمام ملوث افراد کو قانون کے کٹہرے میں لایا جا سکے۔ تحقیقات تیزی سے جاری ہیں اور جلد مزید اہم گرفتاریوں اور انکشافات کی توقع ہے۔

مودی کے دور اقتدار میں بھارتی فوج میں چھپے جنسی درندے بے نقاب ہو گئے

عورتوں کے لیے غیر محفوظ ملک بھارت میں عورت کی عزت فوجی افسران کے ہاتھوں پامال ہو رہی ہے، کرنل امیت کمار نے اعلی افسران کی جانب سے بیوی کے ریپ کا گھناؤنا راز فاش کر دیا ،کرنل امیت کمار کا کہنا ہے کہ؛ بھارتی فوجی افسران اپنی کمزوری کو "آرڈرز اور ڈیوٹی” کی آڑ میں چھپاتے ہیں،جب میں اپنی بیوی کو فیملی وارڈ سے لے کر آیا تو اُس کی عصمت دری کی گئی،اڈیشہ کا خوفناک واقعہ پولیس کے ہاتھوں ہوا جبکہ میری بیوی کے ساتھ جنسی زیادتی جنرلز اور بریگیڈیئرز نے کی،جنرلز نے بیوی کی عزت پامال کی، ویڈیوز موجود ہیں مگر کوئی مقدمہ درج نہیں کیا گیا، ایف آئی آر 33/2024 میں تین بریگیڈیئر اور ایک لیفٹیننٹ کرنل نامزد تھے مگر سب کو کلین چٹ دے دی گئی،کیس کی تحقیقات بھی انہی افراد نے کی جو خود اس جرم میں ملوث تھے،ایڈجوٹنٹ جنرل، لیفٹیننٹ جنرل ایس پی سنگھ کا بھائی ہے، جبکہ بریگیڈیئر پربھو اور میجر جنرل سندیپ قانونی مشیر ہیں، شکایات انہی کے خلاف ہیں،

عورتوں کے خلاف سنگین جرائم پر آرمی چیف خاموش کیوں ہے؟ امیت کمار نے کڑی تنقید کرتے ہوئے کہا کہ یہ کوئی غفلت نہیں بلکہ ایک سوچا سمجھا مجرمانہ عمل ہے، ہسپتال کی جانب سے آج تک ہمیں کوئی میڈیکل دستاویز فراہم نہیں کی گئی،یہ واقعہ یونیفارم میں موجود ڈاکٹروں کی اصل حقیقت کو ظاہر کرتا ہے،جب خود آرمی کمانڈر ہی ملوث ہو تو انصاف کی توقع نہیں کی جا سکتی، کیا بھارتی جنرلز قانون سے بالاتر ہیں،کس نے انہیں خواتین کی عزت سے کھیلنے کا اختیار دیا؟ میری بیوی کی کردار کشی کرنے کے لیے جھوٹے پیغامات کے ذریعے عوام اور پولیس کو گمراہ کرنے کی کوشش کی گئی،قومی خواتین کمیشن کی شکایت پر ایس پی کانگڑا کو پانچ دن میں نئی پوسٹنگ پر بھیج دیا گیا،میں ضرور بھارتی فوج کی ویسٹرن کمانڈ کو بے نقاب کر کے رہوں گا

مودی سرکار کی نااہلی کے باعث بھارتی فوج کردار کشی اور ویڈیوز کے ذریعے متاثرین پر دباؤ ڈال رہی ہے ،مودی سرکار کی بدولت فوجی درندے عورتوں کی عصمت دری کے بعد بھی آزاد گھوم رہے ہیں،بھارتی فوج وردی کی آڑ میں انسانی حقوق اور خواتین پر مظالم کی نئی داستانیں رقم کر رہی ہے