Author: ممتاز حیدر

حیدر آباد میں ہونے والے ایئر انڈیا حادثے کے حوالے سے ہوشربا انکشافات، پائلٹس کی ذہنی صحت پر سوالات اٹھنے لگے،

12جولائی کو حادثے کی شائع ہونے والی ابتدائی رپورٹ میں پائلٹ کی ذہنی صحت پر کوئی بات نہیں کی گئی،مودی سرکار اور ایئر انڈیا نے اس رپورٹ کو شائع ہونے سے روکا مگر ٹیلی گراف اور نیویارک پوسٹ سچ سامنے لے آئے،ٹیلی گراف اور نیویارک پوسٹ کی رپورٹس کے مطابق:ایئر انڈیا کے پائلٹس میں ڈپریشن اور ذہنی صحت کے مسائل موجود تھے،حادثے کے وقت بوئنگ 787 ڈریم لائنر کا کنٹرول کیپٹن سمیت سبھروال کے پاس تھا، برطانوی اخبار ٹیلی گراف کی رپورٹ کے مطابق؛’’پائلٹ سمیّت سبھروال کئی برسوں سے ذہنی دباؤ جیسے مسائل کا سامنا کر رہے تھے اور انہوں نے بارہا طبی رخصت لی‘‘ذہنی صحت کے مسائل کے باعث پروازوں سے طویل وقفے کے باوجود ایئر انڈیا نے انہیں دوبارہ پرواز کی اجازت دی، ذہنی مسائل کے شکار اور والدہ کی موت کے صدمے سے دوچار ایئر انڈیا نے 2023ء میں پائلٹ کو میڈیکل کلیئرنس دی، پائلٹ حالیہ دنوں میں والد کے بڑھاپے کی دیکھ بھال کے لیے ریٹائرمنٹ پر غور کر رہے تھے،

نیویارک پوسٹ کے مطابق حادثے کی ابتدائی تحقیقاتی رپورٹ میں ایندھن بند کرنے والے بٹن دبانے کو مرکزی سبب قرار دیا گیا،کمپنی کے ترجمان نے صرف اتنا تسلیم کیا کہ: میڈیکل ریکارڈز تفتیش کاروں کو دے دیے گئے، نیویارک پوسٹ کے مطابق’’ایئر انڈیا کے سی ای او کیمپبل ولسن نے اس خبر کو "افواہیں اور سنسنی” قرار دے کر فیکٹ فائنڈنگ کو مشکوک بنانے کی کوشش کی‘‘انڈین کمرشل پائلٹس ایسوسی ایشن نے دعویٰ کیا کہ پائلٹ کی ذاتی کیفیت کو ایئر انڈیا نے نظرانداز کیا، 12 جون کو احمد آباد میں ہونے والے ایئرانڈیا کے اس حادثے میں 270 افراد ہلاک ہو گئے تھے، ایئر انڈیا نے ابھی تک پائلٹ کی ذہنی صحت کے حوالے سے کوئی باضابطہ مؤقف اختیار نہیں کیا،

پائلٹ کی ذہنی حالت خراب ہونے کے باوجود اس کے ہاتھ میں جہاز کا کنٹرول دینا ایئر انڈیا کی نااہلی کا منہ بولتا ثبوت ہے،یہ حادثہ ثابت کرتا ہے کہ ایئر انڈیا کے نزدیک انسانی جانوں کی کوئی قیمت نہیں

معروف بھارتی مصالحہ جات کمپنیوں کی جانچ پڑتال کے دوران ہوشربا انکشافات سامنے آئے ہیں

بھارتی مصالحہ جات کے غیر معیاری ہونے کی وجہ سے عالمی سطح پر پابندی عائد کر دی گئی،بھارتی صحافی پالکی شرما کے مطابق؛ بھارت کی معروف مصالحہ ساز کمپنیوں، ایم ڈی ایچ اور ایوریسٹ، مصنوعات پر بیرونِ ملک پابندیاں عائد کی گئی”،ہانگ کانگ، سنگاپور اور دیگر ممالک نے بھارتی مصالحہ جات میں مضر صحت کیمیکل کی موجودگی پر ان کی فروخت روک دی، یورپی یونین فوڈ سیفٹی اتھارٹی نے بھارتی مصالحہ جات میں کینسر پیدا کرنے والا کیمیکل "ایتھیلین آکسائیڈ” دریافت ہونے پابندی لگا دی، صرف گزشتہ چار سالوں میں یورپی یونین نے 500 بھارتی خوراک کی مصنوعات کو مضرِ صحت قرار دیا، بھارتی مصالحہ جات میں سالمونیلا، کڈمیم اور خطرناک کیڑے مار ادویات کی موجودگی کی عالمی اداروں نے تصدیق کی، حیرت کی بات یہ ہے کہ یہ تمام مصنوعات بھارت کے اندر معیار پر پورا اترنے کی سند حاصل کر چکی تھیں،

صرف بھارتی مصالحہ جات ہی نہیں بلکہ بھارتی فارماسوٹیکل کمپنیاں بھی جان لیوا دوائیاں برآمد کر کے عالمی سطح پر بدنام ہو چکی ہیں،رائٹرز کے مطابق "افریقی ممالک میں بھارتی کھانسی کا شربت پینے سے 70 بچوں کی اموات ہو چکی ہیں”بھارتی کھانسی کے شربت میں ایتھائلین گلائکول کی بڑی تعداد موجودگی بھی پائی گئی، مودی راج کی بدانتظامی، کرپشن اور ناقص نگرانی نے بھارتی برآمدات کو عالمی صحت کے لیے سنگین خطرہ بنا دیا،”میڈ اِن انڈیا” اب صرف ایک لیبل نہیں، بلکہ مودی راج کی ناکامیاں، زہریلی برآمدات اور عالمی بدنامی کی پہچان بن چکا ہے

مودی راج میں مظلوم مسلمان نظریاتی تعصب اور ریاستی ظلم کا مسلسل نشانہ بن رہے ہیں

مودی راج کے ہندوتوا ایجنڈے کے تحت مسلمان انصاف کے نہیں بلکہ جبری وفاداری اور فکری غلامی کے تقاضوں کا سامنا کر رہے ہیں،مودی راج میں عدلیہ، میڈیا اور قانون فسطائی سیاست کے ہتھیار بن چکے ہیں، جہاں انصاف، سچ اور آئین پر مکمل قدغن لگ چکی ہے،آسام کی عدالت نے مسلمان شہری کو ضمانت دیتے ہوئے روزانہ تین بار ‘جے ہند’ کا نعرہ لگا کر ویڈیو اپ لوڈ کرنے کی شرط عائد کر دی، بھارتی جریدےدی وائر کے مطابق؛”عارف الرحمان کو ہدایت دی گئی کہ وہ یہ نعرہ ریکارڈ کر کے سوشل میڈیا پر شیئر کرے”یہ شرط قانون کے اس اصول کی خلاف ورزی ہے کہ ضمانت کسی شخص کی بے گناہی یا قصور کا فیصلہ نہیں کرتی، عدالت کا یہ حکم نظریاتی وفاداری کو قانونی جبر کے ذریعے منوانے کی کوشش ہے، ضمانت کا اصل مقصد ملزم کو مقدمے کی سماعت مکمل ہونے تک آزاد رکھنا ہے، نہ کہ اس پر سزا عائد کرنا،’’جے ہند‘‘ کا نعرہ لگانے کی شرط ایسے شخص کو اپنی وفاداری ثابت کرنے پر مجبور کرنا ہے، جسے ابھی تک عدالت نے مجرم قرار نہیں دیا ،یہ عدالتی رویہ انصاف کے بنیادی اصولوں اور ’معقول شک کا فائدہ‘ جیسے تصورات کے منافی ہے،بھارتی عدلیہ میں ایسی شرائط عدالتی غیر جانبداری کو سنگین خطرے سے دو چار کر رہی ہیں،ماضی میں بھی عدالتوں نے پی ایم کیئرز فنڈ میں عطیہ دینے یا ہسپتال میں ٹی وی لگوانے جیسی شرائط لگا کر انصاف کا مذاق بنایا، آسام کی عدالت کا یہ حکم ایک خطرناک مثال قائم کرتا ہے، جو عدلیہ کو مودی سرکار کے سیاسی بیانیے کا آلہ کار بناتی ہے

ایسے عدالتی فیصلے ضمانت کے مقصد اور آئینی آزادی و انصاف کے اصولوں کی کھلی خلاف ورزی ہیں،عدالتی اختیارات کا یہ غلط استعمال اقلیتوں بالخصوص مسلمانوں کو نشانہ بنانے کی سوچ کو تقویت دیتا ہے،مودی راج میں اقلیتیں بالخصوص مسلمان انصاف سے محروم، عدلیہ ہندوتوا وفاداری کا ہتھیار، آئینی آزادی محض دکھاوا بن گئی

بارہ جون کو احمد آباد سے لندن جانے والا ایئر انڈیا کا بوئنگ ڈریم لائنر طیارہ اڑان بھرنے کے چند ہی لمحوں بعد گر کر تباہ ہوگیا تھا۔ اس المناک حادثے میں دو سو اکتالیس مسافر اور عملے کے ارکان جان بحق ہوگئے تھے، جن میں تریپن برطانوی شہری بھی شامل تھے۔ واحد زندہ بچ جانے والا مسافر ایک برٹش انڈین تھا جو طیارے کے الیون اے سیٹ پر موجود تھا۔ طیارے کے گرنے کی وجہ سے نیچے واقع میڈیکل کالج کی عمارت بھی شدید متاثر ہوئی اور مزید انیس افراد کی ہلاکت ہوئی۔

حادثے کی تحقیقات میں اب تک اہم پیش رفت سامنے آئی ہے۔ امریکی میڈیا اور حکام کی رپورٹ کے مطابق بلیک باکس کی ریکارڈنگ میں طیارے کے دونوں پائلٹوں کے درمیان ہونے والی گفتگو سے یہ بات عیاں ہوئی ہے کہ کیپٹن سُومیت صبروال نے ان سوئچز کو بند کیا تھا جو دونوں انجنوں کو ایندھن فراہم کرتے ہیں۔ ابتدائی تجزیے میں یہ دعویٰ کیا گیا ہے کہ فرسٹ آفیسر کلائیو کندر نے طیارے کی پرواز شروع ہوتے ہی کیپٹن سے پوچھا تھا کہ انہوں نے انجن کے ایندھن کے سوئچز کو کٹ آف پوزیشن پر کیوں رکھا ہے۔

رپورٹ کے مطابق، فرسٹ آفیسر کندر اس صورتحال پر حیران اور خوفزدہ دکھائی دیے، جبکہ کیپٹن صبروال انتہائی پُرسکون تھے۔ کیپٹن سُومیت صبروال کے فلائنگ تجربے تقریباً پندرہ ہزار چھ سو اڑتیس گھنٹے تھے، جن میں سے آدھے سے زائد وقت انہوں نے بوئنگ طیارے اُڑانے میں گزارا تھا۔ اس کے برعکس، فرسٹ آفیسر کندر کا تجربہ تقریباً تین ہزار چار سو تین گھنٹے تھا۔

بھارتی سول ایوی ایشن اور ایئر انڈیا کی جانب سے پچھلے ہفتے جاری کی گئی ابتدائی رپورٹ میں کہا گیا تھا کہ کاک پٹ میں پائلٹوں کے درمیان کنفیوژن کی کیفیت تھی، لیکن اس میں کسی پر واضح الزام عائد نہیں کیا گیا تھا۔ رپورٹ میں یہ بھی شامل تھا کہ ایک پائلٹ نے دوسرے سے پوچھا تھا کہ انہوں نے سوئچز کو کٹ آف پوزیشن پر کیوں رکھا، جس پر دوسرے نے انکار کیا کہ انہوں نے ایسا نہیں کیا۔

کیپٹن سُومیت صبروال، جو کہ 56 سالہ تجربہ کار پائلٹ تھے، نے 1994 میں ایئر انڈیا میں شمولیت اختیار کی تھی اور وہ لائن ٹریننگ کیپٹن کے عہدے پر فائز تھے۔ یہ وہ ذمہ داری تھی جس میں وہ دیگر جونئیر پائلٹس کی تربیت بھی کرتے تھے۔ انہوں نے اپنی زندگی میں شادی نہیں کی اور چند ماہ بعد ریٹائرمنٹ کی امید تھی۔ روانگی سے پہلے انہوں نے اپنے والد کو فون کر کے بتایا تھا کہ لندن پہنچ کر رابطہ کروں گا، لیکن قسمت نے کچھ اور ہی فیصلہ کیا۔

فرسٹ آفیسر کلائیو کندر کی عمر 32 سال تھی اور وہ بچپن سے پائلٹ بننے کا خواب دیکھتے تھے۔ ان کی شادی دو ماہ بعد ہونے والی تھی۔ ان کے خاندان میں بھی ایئر انڈیا سے تعلق رکھنے والے افراد شامل تھے؛ ان کی والدہ ایئر ہوسٹس رہ چکی ہیں جبکہ کیپٹن صبروال کے دو بھانجے بھی پائلٹ ہیں۔ ایئر انڈیا کا دعویٰ ہے کہ دونوں پائلٹس کی پرواز سے پہلے نشے اور بیماری کے ٹیسٹ کیے گئے تھے اور دونوں مکمل طور پر فٹ تھے۔