پاکستان کے سیلاب متاثرہ خاندانوں کی بحالی اور امداد کے لیے پاکستان مرکزی مسلم لیگ اور اس کے ذیلی شعبہ جات، شعبہ خدمتِ خلق، مسلم ویمن لیگ اور مسلم سٹوڈنٹس لیگ بھرپور اور منظم انداز میں امدادی سرگرمیوں میں مصروف عمل ہے۔مرکزی مسلم لیگ لاہور نے علی پور میں جنوبی پنجاب کی سب سے بڑی خیمہ بستی قائم کر دی ،جنوبی پنجاب میں 21 خیمہ بستیوں میں 18 ہزار سے زائد متاثرین مقیم ہیں،گلگت میں مسلم ویمن لیگ کی جانب سے متاثرہ خاندانوں میں امدادی سامان تقسیم کیا گیا،جلال پور پیر والا کی خیمہ بستی میں ایک اور مددگار سکول کا افتتاح کر دیا گیا،مرکزی سیکرٹری جنرل سیف اللہ قصوری،نائب صدر حافظ طلحہ سعید اور چیئرمین خدمت خلق شفیق الرحمان وڑائچ نے متاثرہ علاقوں کا دورہ کیا
پاکستان مرکزی مسلم لیگ کے صدر خالد مسعود سندھو کی ہدایت پر سیلاب متاثرہ اضلاع میں امدادی سرگرمیاں جاری ہیں،مرکزی مسلم لیگ کے رضاکار متاثرہ اضلاع میں ریسکیو و ریلیف آپریشن میں متحرک ہیں، جلال پورپیر والا، علی پور و دیگر علاقوں میں کشتیوں کےذریعے متاثرین، سامان کو ریسکیو کیا جارہا ہے،کھانا بھی پہنچایا جا رہا جبکہ کشتیوںپر میڈیکل کیمپ بھی قائم کر دیئے گئے جو دور دراز علاقوں میں جا کر متاثرین کا علاج معالجہ کر رہے ہیں.جنوبی پنجاب میں 21 خیمہ بستیوں میں 2421 خیمے جبکہ 18 ہزار سے زائد افراد مقیم ہیں،جلال پور پیر والا میں چار خیمہ بستیاں ہیں جن میں بالترتیب 100،دو میں 150 اور ایک میں 2سو خیمے لگائے گئے ہیں،سیت پور کی خیمہ بستی میں 100 خیمے،علی پور میں350 خیمے،رنگ پور میں100 خیمے،ظاہر پیر میں 70 خیمے،اوچ شریف میں200 خیمے،سمہ سٹہ میں 70 خیمے،چوک اعظم میں 50 خیمے لگائے گئے ہیں. مرکزی مسلم لیگ کی جانب سے ساہلاں چوک میں150 خیمے،ساہوکا میں30 خیمے،بھوکا پتن میں30 خیمے،مخدوم پور میں50 خٰیمے،سرائے سندھو میں 100 خیمے لگائے گئے ہیں،خیمہ بستیوں میںمتاثرین کو کھانا،میڈیکل سمیت تمام سہولیات دستیاب ہیں، مرکزی مسلم لیگ لاہور نے علی پور میں جنوبی پنجاب کی سب سے بڑی خیمہ بستی قائم کر دی ہے، 531 خیموں پر مشتمل چار خیمہ بستیاں قائم کی گئی ہیں جن میں اس وقت 4200 متاثرہ افراد قیام پذیر ہیں۔ان خیمہ بستیوں میں متاثرہ خاندانوں کو تین وقت کا کھانا، بچوں کے لیے دودھ، ادویات، ملبوسات اور زندگی کی دیگر بنیادی ضروریات فراہم کی جارہی ہیں ،علی پور میں قائم مرکزی ریلیف کیمپ کا دورہ کرتے ہوئے مرکزی مسلم لیگ کے سیکرٹری جنرل سیف اللہ قصوری نے جاری امدادی سرگرمیوں کو سراہا ، شعبہ خدمت خلق اسلام آباد کے زیرِ اہتمام علی پور میں میڈیکل کیمپ بھی لگایا گیا، جہاں ڈاکٹر شکیل اور ان کی ٹیم نے 250 مریضوں کا مفت معائنہ کیا اور ادویات فراہم کیں، علی پور کی بستی بھیڈ ملاں میں 40 راشن پیک بھی تقسیم کیے گئے۔مرکزی مسلم لیگ کے نائب صدر حافظ طلحہ سعید نے بہاولپور میں خیمہ بستی کا دورہ کیا،اور متاثرین سیلاب میں راشن اور کپڑے تقسیم کیے،چیئرمین خدمت خلق شفیق الرحمان وڑائچ نے جلال پور پیر والا کا دورہ کیا جہاں سیلاب متاثرین کے لیے قائم خیمہ بستی میں خشک راشن، چارپائیاں، واٹر کولر، بستر، برتن، کپڑے اور جوتے تقسیم کیے گئے۔اسی خیمہ بستی میں مسلم سٹوڈنٹس لیگ فیصل آباد کے زیرِ اہتمام مددگار سکول کا افتتاح کیا گیا۔ تقریب میں حمید الحسن، محمد احسن تارڑ اور ظفر اقبال چیمہ نے شرکت کی۔ بچوں میں اسکول بیگز، اسٹیشنری، قرآنی کتب، اور گفٹ پیک تقسیم کیے گئے۔بلتستان کے ضلع گنگ چھے میں مسلم ویمن لیگ کی سیکرٹری جنرل عفت سعید خود امدادی سامان لے کر پہنچیں،انہوں نے سیلاب متاثرہ خاندانوں سےملاقات کی اور خشک راشن، برتن، بستر و دیگر گھریلو سامان تقسیم کیا،مسلم ویمن لیگ فیصل آباد کی خواتین کارکنان بھی سیلاب متاثرین کی خدمت میں مصروف ہیں،گوجرانوالہ میں مرکزی مسلم لیگ کی ٹیم نے دریائے ستلج کے کنارے واقع سیلاب زدہ بستیوں میں پہنچ کر پکا پکایا کھانا فراہم کیا۔ضلع گجرات میں محمد سجاد ڈار کی قیادت میں 800 خاندانوں میں راشن پیک تقسیم کیے گئے۔گوجرہ ضلع ٹوبہ میں متاثرین کو مچھر دانیاں اور مویشیوں کے لیے چارہ مہیا کیا گیا۔مرکزی مسلم لیگ راولپنڈی کی جانب سے بہاولپور کی خیمہ بستیوں میں تین وقت کا کھانا مسلسل فراہم کیا جا رہا ہے۔وائٹل گروپ آف کمپنیز کے حاجی سعید نے بہاولنگر کے امدادی کیمپ کا دورہ کیا اور بچوں میں تحائف، جبکہ متاثرین میں ناشتہ تقسیم کیا۔ عارف والا پاک پتن میں 60 خاندانوں کو خشک راشن جبکہ چک منور میں 50 متاثرہ خاندانوں کو راشن فراہم کیا گیا،
چیئرمین خدمت خلق شفیق الرحمان وڑائچ کا کہنا تھا کہ پاکستان مرکزی مسلم لیگ ہر مشکل گھڑی میں قوم کے ساتھ کھڑی ہے، متاثرین کی مکمل بحالی تک ریلیف سرگرمیاں جاری رکھی جائیں گی۔
