Author: ممتاز حیدر

پاکستان مرکزی مسلم لیگ کے زیر اہتمام پاکستان اور سعودی عرب کےمابین دفاعی معاہدے پر ملک بھر میں یوم تشکر منایا گیا، خطبات جمعہ میں علماء کرام نے تحفظ حرمین الشریفین کو موضوع بنایا،مرکزی رہنماؤں و علما کرام نے خطاب کرتے ہوئے کہا کہ پاک سعودیہ دفاعی معاہدہ امت کے دفاع کو ناقابل تسخیر بنانے کی طرف اہم قدم ہے ،یہ معاہدہ صرف دفاعی نوعیت کا نہیں بلکہ عالمِ اسلام کی سلامتی، اتحاد اور خودمختاری کے لیے ایک طاقتور پیغام بھی ہے،حرمین الشریفین کا تحفظ ہر مسلمان کے ایمان کا حصہ ہے

ان خیالات کا اظہار مرکزی مسلم لیگ کے صدر خالد مسعود سندھو،جوائنٹ سیکرٹری قاری محمد یعقوب شیخ،ڈپٹی سیکرٹری جنرل حافظ خالد نیک،انجینئر حارث ڈار،محمد سرور چوہدری،حمید الحسن، شیخ فیاض احمد، فیصل ندیم،عارف اللہ خٹک و دیگر نے جمعہ کے اجتماعات سے خطاب،بعد ازاں کارکنان کے وفود سے گفتگو کرتے ہوئے کیا،خالد مسعود سندھو کا کہناتھا کہ موجودہ حالات میں جب مسلم دنیا کو اندرونی و بیرونی چیلنجز کا سامنا ہے، ایسے میں پاکستان اور سعودی عرب جیسے اہم مسلم ممالک کے درمیان دفاعی تعاون کا فروغ انتہائی خوش آئند ہے، پاکستان اور سعودی عرب کے تاریخی، مذہبی اور ثقافتی رشتے ہمیشہ مضبوط رہے ہیں، اور یہ معاہدہ تعلقات کو نئی جہت دینے میں مددگار ثابت ہوگا، سعودی عرب اور پاکستان یک جان دو قالب ہیں، برادر اسلامی ملک نے مشکل وقت میں کبھی پاکستان کوتنہا نہیں چھوڑا اور ہر موقع پر پاکستان کا ساتھ دینے کا حق ادا کیا ہے، حرمین شریفین کا تحفظ سیاسی یا علاقائی نہیں بلکہ ہر مسلمان کے عقیدے و ایمان کا مسئلہ ہے، قاری یعقوب شیخ کا کہنا تھا کہ پاک سعودی دفاعہ معاہدہ پوری مسلم دنیا کے لیے ایک مثال بنے گا، اور دیگر مسلم ممالک کو بھی باہمی اتحاد اور تعاون کے لیے عملی اقدامات اٹھانے کی ترغیب دے گا،حافظ خالد نیک،انجینئر حارث ڈار،محمد سرور چوہدری،حمید الحسن، شیخ فیاض احمد، فیصل ندیم،عارف اللہ خٹک کا کہنا تھا کہ پاکستان، سعودی عرب کے مابین دفاع معاہدہ لائق تحسین ہے، سرزمین حرمین شریفین کا دفاع پوری مسلم امہ پر فرض ہے۔ پاکستانی قوم حرمین کے تحفظ کیلئے ہر قسم کی قربانی پیش کرنے کیلئے تیار ہے

پاکستان مرکزی مسلم لیگ کی سیلاب متاثرہ علاقوں میں امدادی سرگرمیاں جاری ہیں،پکی پکائی خوراک، خشک راشن کی تقسیم کا عمل مسلسل جاری ہے، کشتیوں پر جا کر متاثرہ علاقوں‌میں میڈیکل ٹیمیں مریضوں کا علاج معالجہ کر رہی ہیں،ملتان، بہاولپور،جلال پور پیر والا،سیت پور و دیگر علاقوں میں خیمہ بستیوں میں متاثرین کو تمام سہولیات فراہم کی گئی ہیں،

پاکستان مرکزی مسلم لیگ کے صدر خالد مسعود سندھو کی ہدایت پر پنجاب کے سیلاب متاثرہ اضلاع میں ریلیف سرگرمیاں‌جاری ہیں، شعبہ خدمتِ خلق گوجرانوالہ کے زیراہتمام بہاولپور (سمہ سٹہ) میں قائم خیمہ بستی میں متاثرین کے بچوں میں تحائف، خواتین کے لیے ضروری اشیاء، اور خاندانوں کے لیے چارپائیاں، مچھر دانیاں، راشن اور واٹر کولر تقسیم کیے گئے۔علی پور میں متاثرہ خیمہ بستیوں میں 100 خاندانوں کو فیملی پیک (راشن، بستر، کچن سیٹ، چٹائیاں وغیرہ) فراہم کیے گئے۔ صدر شعبہ خدمتِ خلق اسلام آباد چوہدری عبدالبصیر، اجمل بلوچ ، رانا عبدالشکور، یاسر عرفات بٹ، راؤ شرجیل صاحب اور دیگر نے خود اس عمل کی نگرانی کی۔اسی علاقے میں کشتی موبائل میڈیکل کیمپ کے ذریعے سینکڑوں مریضوں کا معائنہ کیا گیا اور مفت ادویات فراہم کی گئیں، جبکہ قاری طلحہ اصغر صاحب نے سیلابی علاقوں میں کشتی کے ذریعے کھانا پہنچانے کی نگرانی کی۔شعبہ خدمتِ خلق بورے والا کی جانب سے ستلج فلڈ ریلیف کیمپ میں مسلسل 28ویں دن بھی خدمات جاری رہیں۔متاثرین میں کھانے کی فراہمی،خشک راشن ،جانوروں کے لئے چارہ تقسیم کیا جا رہا ہے.موبائل میڈیکل کیمپ پر مریضوں کا علاج معالجہ جاری ہے، مرکزی مسلم لیگ فیصل آباد کی ٹیم نے پانی کم ہونے کی صورت میں کھانا پانی میں کھڑے ہو کر اور کڑاہیوں کو لکڑیوں پر رکھ کر پکایا۔سیلاب زدہ علاقوں میں جانوروں کے لیے خصوصی امداد فراہم کی گئی، جسے مقامی زمینداروں نے بھی سراہا اور دل کی گہرائیوں سے شکریہ ادا کیا۔مرکزی مسلم لیگ اوکاڑہ کی ٹیم نے جلال پور پیر والا ملتان میں سیلاب متاثرین کو روزانہ کھانا فراہم کیا۔شجاع آباد میں ریلیف سرگرمیاں روزانہ کی بنیاد پر جاری ہیں اور متاثرین کو تین وقت کا کھانا فراہم کیا جا رہا ہے۔مرکزی مسلم لیگ کے رہنما انجینئر حارث ڈار نے اوکاڑہ کا دورہ کیا وار امدادی سرگرمیوں کا جائزہ لیا. ساہیوال کے علاقے 17/7DR میں فری میڈیکل کیمپ کا انعقاد کیا گیا جس میں مریضوں کا معائنہ اور مفت ادویات فراہم کی گئیں۔ مرکزی مسلم لیگ گوجرانوالہ ٹیم کی جانب سے لودھراں کے موضع جسی اور بہاولپور کے علاقہ جھانگڑا میں خشک راشن کی تقسیم کی گئی۔گجرات میں محلہ شاہ حسین کے مستحق خاندانوں میں سروے کی بنیاد پر راشن تقسیم کیا گیا ،علی پور میں پاکستان مرکزی مسلم لیگ کی خیمہ بستی، قائداعظم خیمہ بستی، اور خالصہ ایڈ کی خیمہ بستی ایک ہی مقام پر سڑک کے دونوں اطراف قائم کی گئی ہیں جہاں تقریباً ایک ہزار خاندانوں کو ریسکیو کر کے منتقل کیا گیا ہے،خیمہ بستیوں میں متاثرین کو کھانا دیا جا رہا ہےجبکہ میڈیکل کیمپ میں‌مریضوں کا علاج معالجہ بھی کیا جا رہا ہے

پاکستان مرکزی مسلم لیگ کی جانب سے سیلاب متاثرہ علاقوں میں امدادی سرگرمیوں میں مسلم ویمن لیگ کی رہنما و خواتین رضاکار بھی متحرک ہیں،مسلم ویمن لیگ کی جانب سے سیلاب متاثرہ اضلاع میں خیمہ بستیوں میں خواتین میں راشن، کپڑے،دیگر سامان تقسیم کیا گیا جبکہ گلگت ،سکردو کے سیلاب متاثرین کے لئے بھی امدادی سامان کی بڑی کھیپ بھجوائی گئی، مسلم ویمن لیگ کی سیکرٹری جنرل عفت سعید امدادی کاموں کی نگرانی کر رہی ہیں اور خود سیلاب متاثرہ علاقوں میں آگے بڑھ کر کام کر رہی ہیں

پاکستان مرکزی مسلم لیگ کے صدر خالد مسعود سندھو کی ہدایت پر سیلاب متاثرہ علاقوں میں امدادی کاروائیاں جاری ہیں، کشتیوں کے ذریعے شہریوں کو ریسکیو،کرنے کے علاوہ پکی پکائی خوراک،خشک راشن کی تقسیم ،میڈیکل کیمپوں پر مریضوں کا علاج معالجہ جاری ہے،مرکزی مسلم لیگ کے خواتین ونگ مسلم ویمن لیگ بھی سیلاب متاثرہ اضلاع میں متحرک ہے، مسلم ویمن لیگ کی سیکرٹری جنرل عفت سعید کی قیادت میں سیکرٹری جنرل مسلم ویمن لیگ لاہور طیبہ نصیر، سیکرٹری جنرل مسلم گرلز لیگ شازیہ رحمان و دیگر خواتین رہنماؤں نے خواتین رضاکاروں کے ہمراہ سیلاب متاثرہ علاقوں کا دورہ کیا اور خواتین سے ملاقات کی، کپڑے، بچوں میں تحائف ،راشن تقسیم کیا، مسلم ویمن لیگ کی جانب سے سیلاب متاثرہ علاقوں لاہور ،اوکاڑہ ،سیالکوٹ ،شیخو پورہ ،ملتان ،بہاولپور ،بہاولنگر و دیگر میں امدادی سرگرمیاں‌جاری ہیں،مسلم ویمن لیگ کی جانب سے مرکزی مسلم لیگ خیمہ بستیوں میں مقیم خواتین اور بچوں کے لئے کھانا،برتن، کپڑے و دیگر اشیاء تقسیم کی گئیں،خیمہ بستیوں‌میں مسلم ویمن لیگ کی جانب سے حاملہ خواتین کےلئے خصوصی نگہداشت کا انتظام کیا گیا ہے،مسلم ویمن لیگ کی جانب سے گلگت کے سیلاب متاثرہ علاقوں میں امدادی پیکج بھی روانہ کیا ہے جس میں سو خاندانوں کے لئے خشک راشن،150 بستر،150 تکیے، 100 سلنڈر، گیس پائپ 600 فٹ،چولہے کے ریگولیٹر 100، چارپائیاں 25،برتن ،بالٹیاں 100،کھیس 50، سکول بیگ گفٹس 10، پیرا شوٹ بیگ 200، چٹائیاں 100،چٹائی والی جائے نماز 50، توا 100،خواتین،بچوں کے کپڑے،جائے نماز شامل تھیں، مسلم ویمن لیگ کی جانب سے دو کشتیاں بھی سیلاب متاثرین کو ریسکیو کرنے کے لئے شعبہ خدمت خلق مرکزی مسلم لیگ کے حوالے کی گئیں، موہلنوال کی خیمہ بستی میں مسلم ویمن لیگ کی جانب سے کھانے کی تقسیم کے علاوہ جائے نمازیں، کھیس،کمبل تقسیم کئے گئے، بچوں‌کو تحائف دیئے گئے ،اوکاڑہ منڈی احمد آباد اٹاری کے مقام پر ، بہاولنگر ہیڈ سلیمانکی کے مقام پر مسلم ویمن لیگ کی رہنماؤں نے کشتیوں میں بیٹھ کر بستیوں اور گاؤں میں جا کر خواتین میں کھانا اور کپڑے تقسیم کیے، مسلم ویمن لیگ کی جانب سے چھ ہزار سے زائد افراد کو کھانا اور دس ہزار سے زائد خواتین ،بچوں میں سوٹ تقسیم کئے گئے،

علاوہ ازیں‌،پاکستان مرکزی مسلم لیگ کی سیلاب متاثرہ اضلاع میں امدادی سرگرمیاں جاری ہیں، مرکزی سیکرٹری جنرل سیف اللہ قصوری،جوائنٹ سیکرٹری قاری محمد یعقوب شیخ ،چیئرمین خدمت خلق شفیق الرحمان سمیت مرکزی قیادت سیلاب متاثرہ علاقوں میں امدادی سرگرمیوں کی نگرانی کے لئے موجود ہے، کشتیوں کے ذریعے متاثرین،سامان ریسکیو کرنے کے علاوہ پکی پکائی خوراک،خشک راشن ،برتن، جانوروں کے لئے چارے کی تقسیم کا عمل جاری ہے،پاکستان مرکزی مسلم لیگ کے صدر خالد مسعود سندھو کی ہدایت پر مرکزی مسلم لیگ کی سیلاب متاثرہ علاقوں میں وسیع پیمانے پر ریسکیو، ریلیف اور بحالی کی سرگرمیاں جاری ہیں۔ مختلف اضلاع میں قائم کردہ خیمہ بستیاں، میڈیکل کیمپس، فری اسکول، راشن و کھانے کی تقسیم کے علاوہ خواتین و بچوں میں تحائف کی تقسیم، خیمہ بستیوں میں سکولز کے قیام کا عمل جاری ہے،پاکستان مرکزی مسلم لیگ کے جنرل سیکرٹری سیف اللہ قصوری نے لودھراں میں قائم ماڈل خیمہ بستی کا دورہ کیا، جہاں ڈاکٹر محمد صفی اللہ کمبوہ نے استقبالیہ کیمپ انہیں امدادی سرگرمیوں پر بریفنگ دی۔ اس موقع پر عمران لیاقت بھٹی،محمد راشد علی سندھو بھی ان کے ہمراہ تھے۔خیمہ بستی میں رہائشی خیمے، میڈیکل سہولیات، مدد گار سکول اور جانوروں کے لیے علیحدہ جگہ قائم کی گئی ہے۔ مرکزی رہنما قاری محمد یعقوب شیخ نے دورے کے دوران سیلاب متاثرہ بچوں میں گفٹس تقسیم کیے، اس موقع پر محمد زکریا، مظہر الحق خان، حافظ اسماعیل اور دیگر رہنما بھی موجود تھے۔انجینئر حارث ڈار نے بہاول نگر کے امدادی کیمپ اور الکریم خیمہ بستی کا دورہ کیا ، مسلم سٹوڈنٹس لیگ کی جانب سے خیمہ بستیوں میں مدد گار سکول بنائے گئے ہیں،احسان اللہ منصور، ارشد نواب اور دیگر رہنماؤں نے مختلف اسکولز کا دورہ کیا اور تعلیمی معیار اور سہولیات کا جائزہ لیا،برائٹ سکول اینڈ مونٹیسوری سسٹم کے پرنسپل مظفر حسین اور وائس پرنسپل انیلہ تبسم نے لودھراں خیمہ بستی کا دورہ کیا، جہاں طلبہ و طالبات کے لیے ناشتہ، بسکٹ اور ٹافیاں تقسیم کی گئیں۔پاکپتن میں روزانہ کی بنیاد پر سو سے زائد خاندانوں کو خشک راشن فراہم کیا جا رہا ہے۔ قصور،اوکاڑہ،بہاولپور،ملتان،سیالکوٹ جلال پور پیر والا،سیت پور ،علی پور سمیت تمام متاثرہ علاقوں میں متاثرین کو پکا پکایا کھانا، بیڈ شیٹس، روزمرہ کا سامان اور صاف پانی مہیا کیا جا رہا ہے۔بورے والا میں قائم فلڈ ریلیف کیمپ 26ویں روز بھی فعال رہا، جہاں کھانے، پانی، ادویات اور جانوروں کے چارے کی سہولت موجود ہے۔ مرکزی مسلم لیگ اسلام آباد کی ٹیم نے مظفر گڑھ (تحصیل علی پور) میں فری میڈیکل کیمپ قائم کیا، جہاں سینکڑوں مریضوں کا چیک اپ اور مفت ادویات فراہم کی گئیں۔ مسلم ویمن لیگ گجرات کی خواتین، کوآرڈینیٹر ام محسن کی سربراہی میں امدادی گودام پہنچیں اور سامان کی پیکنگ و تقسیم میں فعال کردار ادا کیا۔