Author: ممتاز حیدر

بہار کے ضلع اورنگ آباد میں ایک دل دہلا دینے والے واقعے نے پورے علاقے کو ہلا کر رکھ دیا ہے، جہاں شادی کے صرف 45 دن بعد ایک 25 سالہ نوجوان پرینشو کو مبینہ طور پر اس کی بیوی گُنجا دیوی نے اپنے ماموں اور دو شوٹرز کی مدد سے قتل کروا دیا۔ یہ واقعہ مئی میں پیش آئے میگھالیہ کے "ہنی مون مرڈر” کی یاد تازہ کر دیتا ہے جس نے ملک بھر میں سنسنی پھیلا دی تھی۔

پولیس کے مطابق گُنجا دیوی، جو کہ خود بھی بیس کی دہائی میں ہے، اپنے 55 سالہ ماموں جیون سنگھ کے ساتھ تعلقات میں تھی۔ دونوں آپس میں شادی کرنا چاہتے تھے لیکن خاندان کی مخالفت کے باعث گُنجا کی شادی زبردستی پرینشو سے کر دی گئی، جو نوبی نگر تھانہ حلقے کے باروان گاؤں کا رہائشی تھا۔ضلع کے ایس پی امریش راہول کے مطابق، "25 جون کو پرینشو اپنی بہن سے مل کر ٹرین کے ذریعے واپس لوٹ رہا تھا اور نوبی نگر اسٹیشن پہنچ کر اس نے گُنجا کو فون کیا کہ کوئی موٹر سائیکل پر لینے آجائے۔””جب وہ اسٹیشن سے گھر کی طرف آ رہا تھا تو راستے میں دو افراد نے اسے گولی مار کر قتل کر دیا،”

پولیس تفتیش کے دوران گُنجا دیوی کی مشکوک سرگرمیوں پر پرینشو کے اہل خانہ کو شک ہوا، خاص طور پر جب وہ گاؤں سے فرار ہونے کی کوشش کر رہی تھی۔ پولیس نے جب گُنجا کے موبائل فون کی کال ہسٹری کا تجزیہ کیا تو معلوم ہوا کہ وہ مسلسل اپنے ماموں جیون سنگھ سے رابطے میں تھی۔ جیون سنگھ کی کال ہسٹری سے بھی انکشاف ہوا کہ وہ دونوں شوٹرز کے ساتھ بھی مسلسل رابطے میں تھا۔سپیشل انویسٹی گیشن ٹیم تشکیل دی گئی جس نے فوری کارروائی کرتے ہوئے گُنجا دیوی اور دونوں شوٹرز کو گرفتار کر لیا ہے، جبکہ جیون سنگھ کی گرفتاری کے لیے چھاپے مارے جا رہے ہیں۔

یہ واقعہ اس سے قبل پیش آئے میگھالیہ کے ہنی مون مرڈر کیس سے کافی مماثلت رکھتا ہے، جہاں سونم نامی خاتون نے اپنے شوہر راجا رگھوونشی کو اپنے عاشق راج کوشوا اور تین دیگر افراد کی مدد سے قتل کر دیا تھا۔ اُس کیس میں تمام ملزمان کو گرفتار کیا جا چکا ہے۔

بھارت میں کسانوں کی حالت زار کسی سے ڈھکی چھپی نہیں، لیکن مہاراشٹر میں 2025 کے ابتدائی تین مہینوں میں سامنے آنے والے کسانوں کی خودکشی کے اعداد و شمار نے ملک بھر میں تشویش کی لہر دوڑا دی ہے۔ سرکاری رپورٹ کے مطابق جنوری سے مارچ کے درمیان مہاراشٹر میں کم از کم 767 کسانوں نے خودکشی کی، جس کی وجہ مالی مشکلات، قرضوں کا بوجھ، فصل کی کم قیمت اور حکومتی لاپرواہی بتائی جا رہی ہے۔

ان تشویشناک اعداد و شمار کو بنیاد بنا کر کانگریس پارٹی نے بی جے پی کی ریاستی حکومت کے ساتھ ساتھ مرکز میں نریندر مودی کی قیادت والی حکومت کو بھی آڑے ہاتھوں لیا ہے۔ کانگریس نے اپنے آفیشل ’ایکس‘ (سابقہ ٹوئٹر) ہینڈل پر ایک انگریزی روزنامہ کی خبر کا اسکرین شاٹ شیئر کرتے ہوئے لکھا ’’2025 کے ابتدائی 3 مہینوں میں مہاراشٹر میں 767 کسانوں نے خودکشی کر لی۔ یہ اعداد و شمار بے حد حیران کن اور افسوسناک ہیں، جو مودی حکومت میں کسانوں کی بدترین حالت کی غمازی کرتے ہیں۔‘‘کانگریس نے مزید دعویٰ کیا کہ کسان بھاری قرض کے نیچے دبے ہوئے ہیں، جی ایس ٹی کے نفاذ نے زراعتی سامان کو مہنگا کر دیا ہے، اور فصلوں کی مناسب قیمت نہ ملنے کی وجہ سے کسان روز بروز کمر توڑ مسائل کا شکار ہو رہے ہیں۔کانگریس نے وزیر اعظم نریندر مودی کے اس پرانے وعدے کو بھی نشانہ بنایا جس میں کہا گیا تھا کہ 2022 تک کسانوں کی آمدنی دوگنی کی جائے گی۔ پارٹی نے طنز کرتے ہوئے لکھا ’’نریندر مودی نے وعدہ کیا تھا کہ 2022 تک کسانوں کی آمدنی دوگنی ہو جائے گی، لیکن آج حالات یہ ہیں کہ کسانوں کی زندگی ہی آدھی ہو گئی ہے۔‘‘

کانگریس نے وزیر اعظم مودی پر الزام عائد کیا کہ وہ ملک کے سرمایہ داروں کے کروڑوں روپے کے قرضے معاف کر رہے ہیں، مگر غریب کسانوں کو کوئی راحت نہیں دی جا رہی۔’’چوتھی بڑی معیشت ہونے کا دعویٰ کرنے والے نریندر مودی ملک کے سرمایہ داروں کا لاکھوں کروڑ روپے کا قرض معاف کر دیتے ہیں، لیکن کسانوں کا ایک روپیہ بھی معاف نہیں کرتے۔ مودی حکومت کسانوں کو تباہی کی جانب دھکیل رہی ہے۔‘‘

زرعی ماہرین کا کہنا ہے کہ مہاراشٹر کے خشک سالی سے متاثرہ علاقوں، جیسے ودربھ اور مراٹھواڑہ، میں کسانوں کی خودکشی ایک طویل عرصے سے جاری مسئلہ ہے، لیکن حالیہ اعداد و شمار میں جو اضافہ دیکھا گیا ہے، وہ حکومت کی پالیسیوں پر سنگین سوالات کھڑے کرتا ہے۔

ماہر معاشیات ڈاکٹر ارون تیواری نے کہا کہ ’’حکومت کو فوری طور پر کسانوں کے لیے قرض معافی، فصلوں کی کم از کم امدادی قیمت کی ضمانت، اور زراعت کو جی ایس ٹی سے خارج کرنے جیسے اقدامات کرنے کی ضرورت ہے۔ صرف دعووں سے کسانوں کا پیٹ نہیں بھرتا۔‘‘

حیرت کی بات یہ ہے کہ ان خودکشیوں پر ابھی تک نہ تو ریاستی حکومت کی جانب سے کوئی جامع بیان آیا ہے، نہ ہی مرکز نے کوئی ہنگامی اقدامات کا اعلان کیا ہے۔ اگر یہی خاموشی برقرار رہی تو آنے والے مہینوں میں یہ بحران مزید سنگین شکل اختیار کر سکتا ہے۔

امریکا آنے والوں کے لیے ویزا اور گرین کارڈ منسوخی کے نئے قانون سے متعلق وارننگ جاری کردی گئی۔

امریکی محکمہ امیگریشن کے مطابق دہشتگردی، تشدد کی ترغیب یا ایسی سرگرمی پر امریکا میں رہنے نہیں دیا جائیگا اور قانون توڑنے والوں کےگرین کارڈ سمیت ویزے بھی منسوخ ہوں گے،وائٹ ہاؤس کے مطابق امریکا میں غیرقانونی طور پر رہنے والا ہر شخص مجرم ہے، امریکی وزیر خا رجہ کہہ چکے ہیں کہ کوئی طالب علم صرف مظاہروں میں شرکت یا افراتفری پھیلانے آتا ہے تو ویزا نہیں دیں گے۔

امریکی صدر ڈونلڈ ٹرمپ کا کہنا ہے کہ جون میں غیرقانونی تارکین وطن کے سب سے کم واقعات رپورٹ ہوئے، کسٹمز اینڈ بارڈر پروٹیکشن نے صرف 25 ہزار243واقعات رپورٹ کیے،بارڈر پٹرول نے کسی غیر قانونی تارک وطن کو رہا نہیں کیا، یہ ثابت کرتا ہے کہ اب امریکی سرحدیں محفوظ اور مضبوط ہیں، سخت بارڈر کنٹرول برقرار رکھنے کے لیے’’ بگ بیوٹی فل بل‘‘ منظورکیاجائے،

دوسری جانب امریکی ڈسٹرکٹ جج کا کہنا ہے کہ تارکین وطن کے خلاف ٹرمپ اقدامات کومعطل کیاجائےگا،جو پناہ کی درخواست دیناچاہتے ہیں ان کے حقوق محدودکرناصدرکایکطرفہ اختیارنہیںامریکی صدرڈونلڈ ٹرمپ کے مشیر اسٹیفن ملر نے ڈسٹرکٹ جج کے فیصلے پر تنقید کی اور کہا کہ اگر ہماری خودمختاری بحال نہ کی گئی تو مغرب بھی نہیں بچ سکے گا،