Author: ممتاز حیدر

مظفرگڑھ کے علاقے علی پور میں سیلابی ریلے نے تباہی مچا دی، سیت پور کے مقام پر افسوسناک واقعے میں 8 افراد پانی میں بہہ گئے۔ ریسکیو ذرائع کے مطابق ایک بچے کی لاش نکال لی گئی ہے، جب کہ دو افراد کو زندہ بچا لیا گیا ہے، تاہم 5 افراد کی تلاش کے لیے امدادی کارروائیاں جاری ہیں۔

تفصیلات کے مطابق یہ واقعہ اس وقت پیش آیا جب سیت پور کے نزدیک مقامی افراد سیلابی ریلے کی زد میں آ گئے۔ واقعے کی اطلاع ملتے ہی ریسکیو 1122 کی ٹیمیں موقع پر پہنچ گئیں اور امدادی کارروائیاں شروع کیں۔ ریسکیو حکام کا کہنا ہے کہ اندھیرا اور تیز بہاؤ تلاش میں مشکلات پیدا کر رہا ہے، تاہم غوطہ خوروں کی مدد سے سرچ آپریشن جاری ہے۔ادھر ضلع لودھراں میں بھی صورتحال تشویشناک ہو گئی ہے، جہاں حفاظتی بند ٹوٹنے کے باعث حیات پور، مراد پور اور پیپل والا سمیت متعدد دیہات زیرِ آب آ گئے ہیں۔ متاثرہ علاقوں سے لوگوں کی محفوظ مقامات پر منتقلی جاری ہے۔ریسکیو حکام کے مطابق سیلابی پانی میں پھنسے 3 لڑکوں کو بحفاظت نکال لیا گیا ہے۔ ضلعی انتظامیہ کا کہنا ہے کہ سیلابی صورتحال پر قابو پانے کے لیے تمام وسائل بروئے کار لائے جا رہے ہیں۔

دوسری جانب دریائے ستلج میں اونچے درجے کا سیلاب ریکارڈ کیا گیا ہے۔ ڈپٹی کمشنر بہاولپور کے مطابق ضلع کے 98 مواضعات مکمل یا جزوی طور پر زیرِ آب آ چکے ہیں۔ سیلاب سے اب تک ڈیڑھ لاکھ سے زائد افراد متاثر ہوئے ہیں۔انتظامیہ نے الرٹ جاری کرتے ہوئے مقامی آبادی کو محفوظ مقامات پر منتقل ہونے کی ہدایت کی ہے، جب کہ امدادی کیمپ قائم کر دیے گئے ہیں۔ متاثرہ علاقوں میں کھانے پینے کی اشیاء اور طبی سہولیات فراہم کرنے کے لیے ٹیمیں متحرک ہیں۔علاقہ مکینوں اور مقامی نمائندوں نے حکومت سے مطالبہ کیا ہے کہ ریسکیو اور بحالی کے کاموں کو تیز کیا جائے، اور متاثرہ خاندانوں کو فوری امداد فراہم کی جائے۔

خدمت خلق مرکزی مسلم لیگ کے چیئرمین شفیق الرحمان وڑائچ نے کہا ہے کہ بھارت نےپاکستان پر واٹر بم پھوڑ دیا،پنجاب میں سیلاب ،ہر طرف تباہی کے مناظر ہیں، جلال پور پیر والا سمیت متاثرہ اضلاع میں مرکزی مسلم لیگ کا ریسکیو ،ریلیف آپریشن جاری ہے، تباہی بہت زیادہ ہے، حکومت بھی غفلت ترک کرے، قوم اس سانحہ سے نکلنے کے لئے آگے بڑھے،

ان خیالات کا اظہار انہوں‌نے مرکزی مسلم لیگ کے رہنماؤں ابوالحسن ،تابش قیوم کے ہمراہ مشترکہ پریس کانفرنس کرتے ہوئے کیا، شفیق الرحمان وڑائچ کا کہنا تھا کہ ملک پاکستان اس وقت شدید ترین سیلابی صورتحال سے دوچار ہے، بھارتی آبی جارحیت کی وجہ سے پنجاب کے اضلاع میں سیلاب آیا،پاکستان کے اوپر بھارت نے واٹر بم چلایا، پاکستان کے تمام دریا بپھر چکے ہیں، خیبر پختونخوا گلگت میں بھی موسمیاتی تبدیلی کی وجہ سے سیلاب آیا لیکن پنجاب میں جو پانی آیا ستلج، چناب،راوی میں یہ بھارت کی وجہ سے آیا،سیالکوٹ، نارووال سے لے کر ملتان، بہاولپور، جلال پور پیر والا ہر طرف تباہی ہی تباہی ہے، پانی کی طغیانی، رفتار بہت زیادہ ہے، پانی آبادیوں ،بستیوں کو پانی ڈبو رہا ہے، ہماری آنکھوں کے سامنے لوگ ڈوب رہے ہیں، مرکزی مسلم لیگ پانی میں پھنسے افراد کو ریسکیو کر رہی ہے، چار افراد رات کو ڈوبے ، ہمارے رضاکاروں نے بچانے کی کوشش کی ایک بچی کو بچایا جا سکا لیکن باقیوں کو ہم نہیں بچا سکے، حکومت اس موقع پر آگے بڑھے، یہ بہت بڑا سانحہ ہے، حکومت نے ہوش کے ناخن نہ لئے، راشن کے نام پر حکومت چنے بانٹتی رہی تو بہت بڑا المیہ جنم لے سکتا لے، جلال پور میں حکومتی غفلت بہت زیادہ ہے، حاملہ خواتین کو مرکزی مسلم لیگ کے رضاکاروں نے ریسکیو کر کے ہسپتال پہنچایا، بیماروں کا علاج معالجہ کر رہے ہیں، دو لاکھ افراد کو ریسکیو کرنا ہے، چھ لوگ ہیں تو تین جانور انکے ہمراہ ہیں،حکومت مشنری لائے،ہزاروں لوگ پانیوں میں موجود ہیں، قوم کھڑی ہو، سب ملکر متاثرین کی مدد کریں، اس سانحے سے ملکر نکلیں، مرکزی مسلم لیگ کے رضاکار 100 کے قریب دیگیں روزانہ جلال پور میں تقسیم کر رہے ہیں، متاثرین میں پکا پکایا کھانا تقسیم کیا جا رہا ہے،

اسلام آباد: وزیر اعظم کی زیر صدارت فیڈرل بورڈ آف ریونیو (ایف بی آر) میں جاری اصلاحات کے حوالے سے اہم جائزہ اجلاس ہوا، جس میں محصولات کے نظام کو مزید شفاف اور مؤثر بنانے کے لیے مختلف اقدامات کا جائزہ لیا گیا۔

اجلاس میں وزیر اعظم نے انکم ٹیکس اور سیلز ٹیکس دہندگان کی ڈائریکٹری کو جلد مکمل کرنے کی ہدایت دیتے ہوئے کہا کہ باقاعدگی سے ٹیکس ادا کرنے والے ذمہ دار شہری ملکی معیشت کی ریڑھ کی ہڈی ہیں اور ان کی پذیرائی ضروری ہے۔وزیر اعظم نے اس عزم کا اظہار کیا کہ ٹیکس دہندگان کی حوصلہ افزائی اور ٹیکس چوروں کی سرزنش سے ٹیکس نیٹ کو وسعت دینے میں مدد ملے گی۔ انہوں نے ایف بی آر کو ٹیکس دہندگان کے لیے کاروبار دوست ماحول فراہم کرنے اور ہر ممکن سہولت دینے کی ہدایت بھی کی۔مزید برآں وزیر اعظم نے کہا کہ ٹیکس چوری کرنے والے افراد اور کمپنیوں کی نشاندہی کے لیے صرف ایف بی آر کی افرادی قوت ہی نہیں بلکہ نجی شعبے کے ماہرین اور پروفیشنلز کی خدمات بھی حاصل کی جائیں۔ انہوں نے ہدایت دی کہ حکومت کے ٹیکس چوری کے خلاف اقدامات سے متعلق عوامی آگاہی مہم بھی فوری طور پر شروع کی جائے تاکہ شہریوں میں اعتماد بحال ہو اور محصولات میں اضافہ ہو سکے۔

کسٹم کلیرنس کے نظام پر بات کرتے ہوئے وزیر اعظم نے کہا کہ مس ڈیکلیریشن اور انڈر انوائسنگ کے تدارک کے لیے بہترین غیر ملکی آڈیٹرز کی خدمات حاصل کی جائیں اور تھرڈ پارٹی آڈٹ کے عمل کو مسلسل جاری رکھا جائے تاکہ سسٹم میں موجود خامیوں کی نشاندہی ہو سکے اور اسے مزید بہتر بنایا جا سکے۔اجلاس میں وزیر اعظم کو بریفنگ دیتے ہوئے بتایا گیا کہ ٹیکس پیئر ڈائریکٹری کی تکمیل پر تیزی سے کام جاری ہے، جس سے انکم اور سیلز ٹیکس دہندگان کی پذیرائی کی جا سکے گی۔کسٹم کلیرنس میں شفافیت لانے کے لیے ایک سائنٹفک آڈٹنگ نظام ترتیب دیا گیا ہے جس کے تحت "سپر آڈیٹرز” تعینات کیے گئے ہیں۔سپر آڈیٹرز نے کسٹم کلیرنس اور رسک مینجمنٹ سسٹم کا تفصیلی جائزہ لیا، اور ان کے نتائج کو سسٹم میں بہتری کے لیے استعمال کیا جائے گا۔

اجلاس میں وفاقی وزیر قانون و انصاف اعظم نذیر تارڑ، وفاقی وزیر اقتصادی امور احد خان چیمہ، وفاقی وزیر اطلاعات و نشریات عطا اللہ تارڑ، وفاقی وزیر ماحولیاتی تبدیلی ڈاکٹر مصدق مسعود ملک، وزیر خزانہ محمد اورنگزیب، وزیر پیٹرولیم علی پرویز ملک اور متعلقہ اداروں کے اعلیٰ افسران شریک تھے۔

پاکستان مرکزی مسلم لیگ کی سیلاب متاثرہ علاقوں میں امدادی سرگرمیاں جاری ہیں، جلال پور پیروالا میں کشتیوں کے ذریعے مزید 2000 سے زائد پھنسے افراد کو محفوظ مقام پر منتقل کر دیا گیا، خدمت خلق مرکزی مسلم لیگ کے چیئرمین شفیق الرحمان وڑائچ جلال پور پیر والا میں امدادی سرگرمیوں کی نگرانی کے لئے موجود ہیں،مسلم لیگ ض کے سربراہ اعجازالحق نے بہاولنگر میں مرکزی مسلم لیگ کے امدادی کیمپ کا دورہ کیا، مرکزی مسلم لیگ کے جوائنٹ سیکرٹری قاری محمد یعقوب شیخ نے رنگ پور مظفرگڑھ میں سیلاب متاثرین کے لیے قائم خیمہ بستی کا دورہ کیا،لاہور،قصور،بہاولپور،چنیوٹ، مظفر گڑھ میں خیمہ بستیوں میں متاثرین کی خدمت کا عمل جاری ہے،باجوڑ میں بھی سیلاب متاثرہ بچوں کے لئے سکول قائم کر دیا گیا ،

پاکستان مرکزی مسلم لیگ کے صدر خالد مسعود سندھو کی ہدایت پر سیلاب متاثرہ علاقوں میں امدادی سرگرمیاں جاری ہیں،پنجاب و خیبر پختونخوا،گلگت کے سیلاب متاثرہ اضلاع میں پکے پکائے کھانے، خشک راشن کی تقسیم کا عمل جاری ہے، پنجاب کے متاثرہ اضلاع میں کشتیوں کے ذریعے شہریوں، سامان اور انکے جانوروں کو محفوظ مقام پر منتقل کیا جا رہا ہے،میڈیکل کیمپوں میں‌مریضوں کا علاج معالجہ بھی جاری ہے،چیئرمین شعبہ خدمت خلق پاکستان مرکزی مسلم لیگ چوہدری شفیق الرحمان وڑائچ نے جلالپور پیروالا کا دورہ کیا اور ریسکیو و ریلیف آپریشن مزید تیز کرنے کی ہدایت کی، اس دوران شفیق الرحمان وڑائچ کو بریفنگ میں بتایا گیا کہ جلالپور پیروالا میں سیلابی صورتحال انتہائی سنگین ہے ہزاروں لوگ گھروں میں محصور ہیں پانی تیزی سے بڑھ رہا ہے، مرکزی مسلم لیگ کے رضاکار کشتیوں کے ذریعے خواتین،بچوں سمیت متاثرین کو محفوظ مقامات پر منتقل کر رہے ہیں،لیاقت پور تحصیل میں سیلابی پانی میں بہہ جانے والے شخص کو مرکزی مسلم لیگ رحیم یار خان کی ریسکیو ٹیم نے بروقت کارروائی کرتے ہوئے بچا لیا، شفیق الرحمان وڑائچ نے رضاکاروں سے گفتگو کرتے ہوئے کہا کہ خدمت انسانیت ہی مرکزی مسلم لیگ کا منشور ہے، ہم متاثرین کی دوبارہ گھروں کی بحالی تک امدادی سرگرمیاں جاری رکھیں گے،

مرکزی مسلم لیگ بہاولنگر کے زیر اہتمام بھوکاں پتن دریائے ستلج پر قائم امدادی فلڈ ریلیف کیمپ کامسلم لیگ ضیاء کے صدر اعجاز الحق نے دورہ کیا، اس موقع پر حافظ امیر حمزہ رافع ،سعید عامر ودیگر نے اعجاز الحق کو امدادی سرگرمیوں پر بریفنگ دی ،اعجاز الحق نے مرکزی مسلم لیگ امدادی کیمپ میں جاری خدمات کو سراہتے ہوئے کہا کہ پاکستان مرکزی مسلم لیگ کا کام بہت اچھا اور نمایاں ہے۔، خدمتِ خلق کے اس جذبے سے متاثرین کو حوصلہ اور سہارا مل رہا ہے جو قابلِ تحسین ہے،مرکزی مسلم لیگ کے جوائنٹ سیکرٹری قاری محمد یعقوب شیخ نے رنگ پور مظفرگڑھ میں سیلاب متاثرین کے لیے قائم خیمہ بستی کا دورہ کیا،اس موقع پر انہوں نے متاثرہ خاندانوں میں کھانا بھی تقسیم کیا گیا،دورے کے دوران عمران لیاقت بھٹی ،زاہد ہمدانی بھی ان کے ہمراہ موجود تھے،شعبہ خدمتِ خلق گوجرانوالہ کی ٹیم راشد علی سندھو نائب صدر مرکزی مسلم لیگ گوجرانوالہ کے ہمراہ جلال پور بھٹیاں کے سیلاب زدہ علاقوں میں امدادی سرگرمیوں میں مصروف ہے، مرکزی مسلم لیگ عارفوالہ سٹی پاکپتن کے زیر اہتمام دریائے ستلج کے خطرناک سیلابی پانیوں میں گھری بستیوں تک کشتیوں کے ذریعے امدادی سامان ،کھانا پہنچایا گیا،مرکزی مسلم لیگ راولپنڈی کی جانب سے سیلاب متاثرین کیلئے 18 واں امدادی قافلہ چنیوٹ روانہ کر دیا گیا، تحریک انصاف تحصیل دیپالپور کے سیکرٹری جنرل محمد ندیم وٹو نے اٹاری منڈی احمد آباد دریائے ستلج کے مقام خدمت خلق ضلع اوکاڑہ کی جانب سے سیلاب متاثرین کیلیے لگائے گئے کیمپ کا دورہ کیا،سیلاب متاثرین کیلئے امدادی سامان خدمت خلق پاکستان مرکزی مسلم لیگ کے حوالے کیا .

مرکزی مسلم لیگ کی جانب سے باجوڑ کے متاثرہ بچوں کے لیے ‘مددگار اسکول’ کا افتتاح کر دیا گیا،افتتاحی تقریب میں اسسٹنٹ کمشنر خار باجوڑ کلیم جان، صدر مسلم سٹوڈنٹس لیگ انس محصی، جنرل سیکرٹری ایم ایس ایل عمر عباس، صدر مددگار ٹیم حماد عبدالرزاق، کوارڈینیٹر ایم ایس ایل کے پی کے معاویہ اعجاز اور دیگر معزز شخصیات نے خصوصی شرکت کی،اس موقع پر متاثرہ بچوں میں قرآن مجید کے ساتھ ساتھ ایجوکیشنل گفٹس بھی تقسیم کیے گئے۔مرکزی مسلم لیگ کی جانب سے ملتان، قصور،سیالکوٹ، ننکانہ، مظفر گڑھ،گجرات، موڑکھنڈا، پاکپتن، رحیم یارخان، عارفوالا، بہاولپور،لودھراں، چنیوٹ،جھنگ،نارووال و دیگر علاقوں میں بھی امدادی سرگرمیاں جاری ہیں.