Author: ممتاز حیدر

مودی سرکار پہلگام فالس فلیگ کے شواہد منظر عام پر لانے میں بری طرح ناکام، عالمی رسوائی کا سامنا کرنا پڑ رہا ہے

فالس لیگ کی بنیاد پر کیے گئے آپریشن سندور میں عبرتناک شکست کی خفت مٹانے کے لیےمودی کا نیا ہتھیار سامنے آیا ہے،مودی کی ناکامیوں پر بھارتی عوام اور اپوزیشن جماعتوں کی کڑی تنقید سامنے آ رہی ہے تا ہم مودی تسلی بخش جواب دینے سے قاصر ہے،اپنی ناکامیوں کو چھپانے اور عوام کی توجہ ہٹانے کے لیے مودی نے ایک نیا مدعا چھیڑ دیا،

سیاسی ساکھ بچانے کے لیے سوشل میڈیا پلیٹ فارم” ایکس” پر مودی نےگمراہ کن ٹوئیٹ کیا،مودی نےاپنی ناکامیوں پر پردہ ڈالنے کے لیے اندرا گاندھی کے دور حکومت میں لگائی گئی ایمرجنسی کا سیاسی استعمال کیا،اور کہا کہ 1975-77 کی ایمرجنسی کے تاریک دنوں کے متاثرہ خاندان اپنے تجربات سوشل میڈیا پر شیئر کریں، ایمرجنسی کے دوران تاریک اور شرمناک دنوں کی حقیقت نوجوان نسل تک پہنچانا ضروری ہے،

مودی سرکار کی ناکامیوں سے توجہ ہٹانے کے لیے ایمرجنسی کا حوالہ دینا بی جے پی کی نااہلی کا منہ بولتا ثبوت ہے،مودی سرکار پربڑھتے سوالات کی بدولت اندرا گاندھی کی لگائی گئی ایمرجنسی کا بیانیہ چھیڑ کر عوام کو گمراہ کرنے کی کوشش کی جا رہی ہے،درحقیقت مودی اپنی عوام کے سامنے بھارت کی ناکامی اور رسوائی پر پردہ ڈالنے کے لیے اندرونی تضادات کو ہوا دے رہا ہے

واشنگٹن: امریکی صدر ڈونلڈ ٹرمپ کے مشیر برائے مشرق وسطیٰ اسٹیو وٹکوف نے دعویٰ کیا ہے کہ جلد دنیا کے ایسے ممالک بھی اسرائیل کو تسلیم کرنے جا رہے ہیں جن کے بارے میں سوچا بھی نہیں جا سکتا۔

اپنے ایک حالیہ بیان میں اسٹیو وٹکوف نے کہا کہ صدر ٹرمپ کی کوشش ہے کہ ابراہام معاہدے کو مزید وسعت دی جائے تاکہ مشرق وسطیٰ میں پائیدار امن قائم ہو اور اسرائیل کو مزید عالمی حمایت حاصل ہو۔انہوں نے کہا کہ ڈونلڈ ٹرمپ کے پہلے دورِ صدارت کے دوران متحدہ عرب امارات، بحرین، مراکش اور سوڈان جیسے اہم عرب ممالک نے اسرائیل کو تسلیم کیا، جو کہ ایک بڑی سفارتی کامیابی تھی۔ اب انہی کوششوں کو آگے بڑھایا جا رہا ہے تاکہ مزید مسلم یا غیر مسلم ممالک اسرائیل کے ساتھ تعلقات بحال کریں۔اسٹیو وٹکوف کے مطابق، "ٹرمپ اس بات پر پُرعزم ہیں کہ اسرائیل کو تسلیم کرنے والے ممالک کی تعداد میں اضافہ کیا جائے۔ ہم ان مقاصد کے بہت قریب ہیں اور آنے والے وقت میں دنیا دیکھے گی کہ وہ ممالک بھی اسرائیل کے ساتھ معاہدے کریں گے جن کے بارے میں ماضی میں کبھی سوچا بھی نہیں گیا۔”

انہوں نے یہ بھی کہا کہ اس پیشرفت سے نہ صرف اسرائیل کی بین الاقوامی حیثیت مضبوط ہوگی بلکہ مشرق وسطیٰ میں طاقت کا توازن بھی نئے انداز سے ترتیب پائے گا۔ وٹکوف کے مطابق، اس سلسلے میں کئی ممالک کے ساتھ خفیہ مذاکرات جاری ہیں، اور جلد حیران کن اعلانات متوقع ہیں۔

ابراہام معاہدہ دراصل امریکا کی زیر سرپرستی ایک سفارتی پیشرفت تھی جس کے تحت 2020 میں چند عرب ممالک نے اسرائیل کے ساتھ تعلقات قائم کیے تھے۔ بین الاقوامی تجزیہ کاروں کے مطابق، اسٹیو وٹکوف کا یہ بیان واضح کرتا ہے کہ ٹرمپ کی مشرق وسطیٰ پالیسی اب بھی فعال ہے اور ان کی ٹیم خطے میں امریکی اثر و رسوخ بڑھانے کے لیے متحرک ہے۔ تاہم، یہ پیشرفت مسلم دنیا میں شدید تنقید کا نشانہ بھی بن سکتی ہے۔

لندن: برطانیہ کے وزیراعظم سر کیئر اسٹارمر نے قومی سلامتی سے متعلق تشویشناک بیان دیتے ہوئے کہا ہے کہ ملک کو دہشتگرد حملوں سمیت دیگر سنگین خطرات لاحق ہیں، جن کے تدارک کے لیے فوری اور مؤثر اقدامات کیے جا رہے ہیں۔

غیر ملکی میڈیا رپورٹس کے مطابق وزیراعظم کیئر اسٹارمر نے اپنی حکومت کی سیکیورٹی پالیسی پر روشنی ڈالتے ہوئے کہا کہ برطانیہ کو اس وقت 9 بڑے سیکیورٹی چیلنجز کا سامنا ہے، جن میں دہشتگردی، سائبر حملے، حیاتیاتی خطرات، دشمن ممالک کی کارروائیاں، قدرتی آفات، وبائی امراض، اقتصادی بدحالی، معلوماتی جنگ اور موسمیاتی تبدیلیاں شامل ہیں۔انہوں نے کہا کہ "ہمیں اپنے ملک کی حفاظت کے لیے نئے سرے سے سوچنا ہوگا، کیونکہ خطرات اب نہ صرف سرحدوں پر ہیں بلکہ ڈیجیٹل دنیا میں بھی موجود ہیں۔”وزیراعظم کے مطابق ان خطرات سے نمٹنے کے لیے قومی سیکیورٹی حکمت عملی میں ازسرنو تبدیلیاں کی جارہی ہیں اور انٹیلی جنس اداروں، پولیس اور سیکیورٹی فورسز کو مزید مضبوط بنایا جا رہا ہے۔

کیئر اسٹارمر نے واضح کیا کہ دہشتگردی کا خطرہ اب بھی برطانیہ کے لیے ایک بڑا چیلنج ہے، جس سے نمٹنے کے لیے بین الاقوامی تعاون اور مقامی نگرانی دونوں ضروری ہیں۔ برطانوی حکومت کی جانب سے اس بیان کے بعد آئندہ دنوں میں مزید سخت حفاظتی اقدامات، قانون سازی اور قومی سیکیورٹی بجٹ میں اضافہ متوقع ہے۔

لاس ویگاس سے شارلٹ جانے والی ایک امریکی مسافر پرواز فنی خرابی کے باعث ایک بڑے سانحے سے محفوظ رہی۔ غیر ملکی خبر رساں ادارے کے مطابق امریکن ایئرلائنز کی پرواز AA1665 نے جیسے ہی لاس ویگاس کے ہیری ریڈ انٹرنیشنل ایئرپورٹ سے اڑان بھری، محض آٹھ منٹ بعد اس میں فنی خرابی سامنے آگئی، جس کے باعث طیارے کو ہنگامی لینڈنگ کرنا پڑی۔

میڈیا رپورٹس کے مطابق بوئنگ طیارے میں اس وقت 165 مسافر سوار تھے، جنہیں فوری طور پر محفوظ طریقے سے ایئرپورٹ واپس لایا گیا۔ پرواز کے انجن سے اچانک آگ کے شعلے نکلنے لگے، جس کے نتیجے میں زوردار دھماکوں جیسی آوازیں سنائی دیں۔ واقعے کی ویڈیو بھی سوشل میڈیا پر وائرل ہو گئی ہے، جس میں انجن سے آگ نکلتے اور دھماکوں کی آوازیں سنی جا سکتی ہیں۔ائیرپورٹ انتظامیہ کا کہنا ہے کہ فوری اور مؤثر ردعمل کے باعث تمام مسافر اور عملہ بحفاظت رہے اور کسی قسم کا جانی نقصان نہیں ہوا۔ طیارے کی ہنگامی لینڈنگ کے بعد ایوی ایشن ماہرین نے طیارے کا تفصیلی معائنہ شروع کر دیا ہے۔

امریکن ایئرلائنز کی جانب سے بھی واقعے کی تصدیق کرتے ہوئے کہا گیا ہے کہ مسافروں کی حفاظت کمپنی کی اولین ترجیح ہے اور اس واقعے کی مکمل تحقیقات کی جائیں گی تاکہ مستقبل میں ایسے کسی ممکنہ حادثے سے بچا جا سکے۔واقعے کے بعد کچھ دیر کے لیے ایئرپورٹ پر فضائی آمدورفت متاثر رہی، تاہم بعد ازاں معمول کے مطابق پروازیں بحال کر دی گئیں۔

ایران اور اسرائیل کے درمیان حالیہ جنگ اگرچہ ختم ہو چکی ہے، لیکن اس کے تباہ کن اثرات اب سامنے آ رہے ہیں۔ دونوں ممالک اپنی اپنی فتح کے دعوے کر رہے ہیں، لیکن زمینی حقائق کچھ اور ہی کہانی بیان کر رہے ہیں۔ اسرائیلی میڈیا میں شائع ہونے والے اعداد و شمار نے اس جنگ کی شدت اور تباہ کاری کو بے نقاب کر دیا ہے۔

اسرائیلی ٹیکس اتھارٹی کے معاوضہ محکمہ کو اب تک مجموعی طور پر 38,700 سے زائد درخواستیں موصول ہوئی ہیں، جن میں متاثرہ افراد نے میزائل حملوں سے ہونے والے نقصانات پر معاوضے کی اپیل کی ہے۔ ان میں سے 30,809 درخواستیں صرف رہائشی مکانات کو پہنچنے والے نقصان سے متعلق ہیں۔تقریباً 3,700 دعوے گاڑیوں کے نقصان پر مشتمل ہیں۔جب کہ 4,000 درخواستیں مشینری، دکانوں اور دیگر اثاثوں کی تباہی سے متعلق ہیں۔اسرائیل کی معروف ویب سائٹ باہادرئی ہریڈیم کے مطابق سب سے زیادہ متاثرہ علاقہ تل ابیب ہے، جہاں سے 25,000 سے زائد افراد نے مالی معاوضے کے لیے درخواست دی ہے۔ دوسرے نمبر پر جنوبی اسرائیلی شہر اشکلون ہے، جہاں سے 10,800 دعوے سامنے آئے ہیں۔

ماہرین کا کہنا ہے کہ اصل نقصان اس سے کہیں زیادہ ہو سکتا ہے کیونکہ کئی علاقوں سے اب تک درخواستیں موصول نہیں ہوئیں۔ ایسی عمارتیں اور املاک بھی ہیں جنہیں نقصان تو پہنچا ہے لیکن ان کے مالکان نے تاحال کوئی دعویٰ دائر نہیں کیا۔ اسرائیلی حکومت کی جانب سے اب تک اس جنگ میں ہونے والے مجموعی مالی نقصان پر کوئی باضابطہ بیان سامنے نہیں آیا ہے۔ تاہم جس تیزی سے دعووں کی تعداد میں اضافہ ہو رہا ہے، اس سے اندازہ لگایا جا سکتا ہے کہ اس جنگ کا معاشی بوجھ اسرائیل کی معیشت پر بھاری پڑے گا۔ماہرین کا کہنا ہے کہ صرف مکانات کی مرمت و تعمیر ہی حکومت کے لیے ایک بڑا چیلنج بن سکتی ہے، جب کہ گاڑیوں، کاروباری مشینری اور دیگر نجی املاک کی بحالی پر بھی اربوں ڈالر خرچ ہونے کا امکان ہے۔

امریکی صدر ڈونلڈ ٹرمپ نے نیٹو اجلاس کے موقع پر ایک پریس کانفرنس کے دوران ایران اسرائیل تنازعے سے متعلق اہم انکشافات کیے ہیں۔ انہوں نے کہا کہ جنگ کے آخری دنوں میں ایران نے اسرائیل کو بیلسٹک میزائل حملوں کے ذریعے بہت نقصان پہنچایا، اور کئی اسرائیلی عمارتیں مکمل طور پر تباہ ہو گئیں۔

ڈونلڈ ٹرمپ کا کہنا تھا کہ ایرانی حملوں سے اسرائیلی بنیادی ڈھانچے کو شدید نقصان پہنچا، جو میڈیا کے اکثر حلقوں میں نظر انداز کیا جا رہا ہے۔ انہوں نے امریکی میڈیا کو شدید تنقید کا نشانہ بناتے ہوئے کہا کہ "سی این این، ایم ایس این بی سی اور نیو یارک ٹائمز جیسے ادارے امریکی فوج کی شاندار کامیابیوں کو چھپانے کی کوشش کر رہے ہیں، یہ برے لوگ ہیں۔”ٹرمپ نے ایرانی جوہری تنصیبات پر ہونے والے حملوں اور ان کے اثرات سے متعلق میڈیا رپورٹس کو مسترد کرتے ہوئے دعویٰ کیا کہ "فردو میں سب کچھ ختم ہوچکا ہے، جو کچھ تباہ ہونا تھا، وہ تباہ ہو چکا ہے۔”انہوں نے مزید کہا کہ ایف بی آئی کے ساتھ مل کر انٹیلی جنس معلومات کے لیک ہونے کی تحقیقات جاری ہیں، اور ذمہ داروں کو کیفر کردار تک پہنچایا جائے گا۔

ایران اسرائیل جنگ بندی سے متعلق بات کرتے ہوئے ٹرمپ کا کہنا تھا کہ "سیز فائر بالکل ٹھیک چل رہی ہے، اور میرے کہنے پر اسرائیلی طیارے ایرانی فضاؤں سے واپس لوٹے۔” انہوں نے مزید کہا کہ غزہ کے مسئلے پر بھی بڑی پیش رفت ہو رہی ہے، اور امن کی بحالی کی کوششیں جاری ہیں۔ٹرمپ نے خبردار کیا کہ اگر ایران دوبارہ یورینیم افزودگی کا عمل شروع کرتا ہے تو امریکہ اسے فوجی طاقت سے روکنے کے لیے تیار ہے۔