Author: ممتاز حیدر

آپریشن سندور کی شکست چھپانے کے لیے مودی کا جھوٹا کھیل بے نقاب، میزائل نمائش سے سیاسی بحران سنبھالنے کی کوشش کی جا رہی ہے.

مودی سرکار کی جنگی جنونیت خطے کو تباہی کے دہانے پر لے آئی، "نیا بھارت” امن نہیں بارود کاراگ الاپنے میں مصروف ہے،بھارت نے 28 اور 29 جولائی کو مسلسل دو روز پرلے میزائل کے تجربات کیے،میزائل کے تجربے اڈیشہ کے ساحل ڈاکٹر اے پی جے عبدالکلام جزیرے پر کیے گئے ،مودی سرکار کے پریلے میزائل کے پے در پے تجربات خطے میں کشیدگی بڑھانے، ہتھیاروں کی دوڑ اور تباہ کن جنگ کی راہ ہموار کرنے کی سازش ہیں،بھارت کی دھمکیوں اور جنگی جنونیت کا منہ توڑ جواب پاکستان کا جدید نصر (ہتف-9) میزائل ہے،نصر میزائل بھارت کی ہر قسم کی عسکری سازشوں کو ناکام بنانے کی قوت رکھتا ہے،پاکستانی نصر میزائل تیز رفتار، موبائل، اور جوہری وارہیڈ لے جانے کی صلاحیت رکھتا ہے،نصر میزائل کی موبائل اور تیز رفتار خصوصیات اسے دشمن کی پہلی ضرب کے خلاف مؤثر بناتی ہیں

مودی سرکار آپریشن سندور کی ناکامی پر پردہ ڈالنے کے لیے فوج کو سیکیورٹی کے بجائے سیاسی فائدے کے لیے استعمال کر رہی ہے.ہندوتوا حکومت اپنی ناکامیوں سے توجہ ہٹانے کے لیے فوجی نمائش پر انحصار کرنے پر مجبور ہے،یہ حکمت عملی نہیں بلکہ مودی سرکار کی ایک خطرناک مہم جوئی ہے، مودی سرکار داخلی ناکامیوں سے توجہ ہٹانے کے لیے جنوبی ایشیا میں اسلحے کی دوڑ کو ہوا دے رہی ہے

بھارت عالمی سطح پر سفارتی تنہائی کا شکار ،بھارتی بیانیےکو دنیا نے مسترد کر دیا

مودی سرکار کو آپریشن بنیان مَّرْصُوْص میں شکست کے بعد سفارتی سطح پر بھی منہ کی کھانی پڑی، راہول گاندھی نےلوک سبھا میں مودی سرکار کی ذلت آمیز ناکامیوں کا پردہ چاک کر دیا،راہول گاندھی کا کہنا تھا کہ اگر دم ہے تو وزیراعظم مودی کہیں کہ ٹرمپ جھوٹ بول رہا ہے .بھارتی وزیر خارجہ جے شنکرنے تقریر کے دوران نیو نارمل کا لفظ استعمال کیا، بھارتی وزیر خارجہ نے تقریر میں کہا کہ تمام ممالک نےدہشت گردی کی مذمت کی، جے شنکرنے یہ نہیں بتایا کہ پہلگام کے بعد ایک بھی ملک نے پاکستان کا نام نہیں لیا ،دنیا بھارت کو اب پاکستان کے برابر سمجھ رہی ہے ،

مودی سرکار کے بیانیے کیخلاف امریکی صدر ٹرمپ کئی مرتبہ جنگ بندی میں کردار کا حوالہ دے چکے ،دہشت گردی کے خلاف پاکستان کے مؤثر اور حقیقت پسندانہ مؤقف کو عالمی سطح پر بھرپور پذیرائی ملی، مودی سرکار کے مبہم، کمزور اور سیاسی مؤقف کو دنیا نے بے رحمی سے مسترد کر دیا .مودی سرکار کا جھوٹ اب پوری طرح کھل کر سامنے آگیا

لیبیا کے مشرقی ساحلی علاقے طبرق کے قریب ایک کشتی حادثہ پیش آیا جس میں 18 تارکین وطن ہلاک اور 50 لاپتا ہوگئے جبکہ 10 افراد کو بحفاظت بچا لیا گیا ہے۔ یہ افسوسناک واقعہ طبرق کے ساحلی علاقے میں پیش آیا، جو مصر کی سرحد کے قریب واقع ہے۔

بین الاقوامی ادارہ برائے مہاجرین ے اس حادثے کی تصدیق کرتے ہوئے بتایا کہ کشتی میں سوار تارکین وطن یورپ پہنچنے کی کوشش میں تھے جب کشتی اچانک سمندر میں ڈوب گئی۔ ادارے نے بتایا کہ لاپتا افراد کی تلاش کے لیے امدادی کارروائیاں جاری ہیں۔غیر ملکی میڈیا رپورٹس کے مطابق، لیبیا مہاجرین کے لیے ایک خطرناک مگر اہم راستہ بن چکا ہے جہاں ہزاروں افراد اپنی جان کو خطرے میں ڈال کر غیر قانونی طریقے سے یورپ پہنچنے کی کوشش کرتے ہیں۔ ماہرین کے مطابق لیبیا کی سمندری حدود میں اس قسم کے حادثات کی تعداد میں اضافہ ہو رہا ہے کیونکہ تارکین وطن کو غیر محفوظ کشتیوں پر سوار کیا جاتا ہے۔

یاد رہے کہ لیبیا میں اس سے پہلے بھی کئی بڑے کشتی حادثات ہو چکے ہیں۔ گزشتہ ماہ دو کشتی حادثات میں تقریباً 60 تارکین وطن ہلاک ہو گئے تھے۔ یہ واقعات مہاجرین کے لیے اس خطے کی صورت حال کی سنگینی کو ظاہر کرتے ہیں جہاں انسانی جانوں کو رسک پر ڈال کر غیر قانونی سفر کی کوششیں معمول بن چکی ہیں۔