Author: ممتاز حیدر

: جمعیت علماء اسلام (جے یو آئی) خیبر پختونخوا کے ترجمان مولانا عبدالجلیل جان نے واضح کیا ہے کہ سینیٹ انتخابات کے حوالے سے اب تک مولانا فضل الرحمان سے کسی سیاسی جماعت نے رابطہ نہیں کیا ہے۔ انہوں نے کہا کہ اگر کسی جماعت کی جانب سے رابطہ کیا گیا تو جے یو آئی کے دروازے کھلے ہیں اور ہر قسم کے سیاسی مذاکرات کے لیے تیار ہیں۔

مولانا عبدالجلیل جان نے مزید کہا کہ تحریک انصاف (پی ٹی آئی) کے کچھ رہنما ہمارے پاس آ رہے ہیں لیکن ابھی تک جے یو آئی کی مجلس عاملہ کی جانب سے پی ٹی آئی کے ساتھ اتحاد کی منظوری نہیں دی گئی ہے۔ انہوں نے اس بات پر زور دیا کہ پارٹی اپنی حکمت عملی اور اتحاد کے حوالے سے اپنا فیصلہ مجلس عاملہ میں کرے گی۔

دوسری جانب پاکستان پیپلز پارٹی (پی پی پی) کے وفد نے خورشید شاہ کی قیادت میں مولانا فضل الرحمان سے ملاقات کی ہے جس میں خیبر پختونخوا میں سینیٹ انتخابات کے حوالے سے بات چیت کی گئی۔ اس ملاقات میں صوبے میں سیاسی صورتحال اور الیکشن کی حکمت عملی پر تفصیلی تبادلہ خیال ہوا۔ملاقات کے بعد گورنر خیبر پختونخوا فیصل کریم کنڈی نے میڈیا سے گفتگو کرتے ہوئے کہا کہ پیپلز پارٹی جنرل اور خواتین کی نشستوں پر الیکشن لڑ رہی ہے اور ان کی کوشش ہے کہ اپوزیشن خیبر پختونخوا سے سینیٹ کی پانچوں نشستیں جیتے۔ انہوں نے بتایا کہ اپوزیشن کے پاس اگر ایک بھی ممبر اضافی ہوا تو تحریک عدم اعتماد لانے کی راہ ہموار ہو جائے گی۔فیصل کریم کنڈی نے کہا کہ مولانا فضل الرحمان سے ملاقات میں کے پی اور بلوچستان میں دہشتگردی کی موجودہ صورتحال پر بھی تفصیلی گفتگو ہوئی۔ انہوں نے کہا کہ اپوزیشن کے درمیان رابطے اور ملاقاتوں کا سلسلہ جاری ہے کیونکہ سیاست میں اتحاد بنتے اور ٹوٹتے رہتے ہیں، اس لیے سیاسی رہنماؤں کے درمیان رابطہ بہت اہم ہے۔

گورنر نے کہا کہ تحریک انصاف کے دو چیپٹر ہیں، ایک اسلام آباد اور دوسرا خیبر پختونخوا کا۔ انہوں نے خیبر پختونخوا میں امن و امان کی خراب صورتحال پر تشویش کا اظہار کیا اور کہا کہ اس حوالے سے بھی سیاسی سطح پر بات چیت ضروری ہے۔

اس موقع پر پاکستان پیپلز پارٹی کے سینئر رہنما سید خورشید شاہ نے کہا کہ ان کا مولانا فضل الرحمان سے پرانا تعلق ہے اور وہ ان سے قریبی رابطے میں ہیں۔ انہوں نے مزید کہا کہ پیپلز پارٹی اسمبلی میں جتنے ارکان کے حامل ہے، اتنی ہی نشستوں پر پارٹی الیکشن لڑے گی۔

راولپنڈی تھانہ نیو ٹاؤن پولیس نے متعدد صحافیوں کو حراست میں لے لیا

صحافی تھانہ نیوٹاون کی حراست میں لیے گئے صحافی نعیم منہاس کی رہائی کے لیے تھانے کے باہر احتجاج کررہے تھے ، حراست میں لیے گئے صحافیوں میں صدر آر آئی یو جے طارق علی ورک بھی شامل ہیں،صحافی برادری میں شدید تشویش کی لہر دوڑگئی،

تھانہ نیو ٹاؤن کا سینئر صحافی صدر راولپنڈی اسلام آباد یونین آف جرنلسٹس طارق ورک اور کرائم رپورٹر نعیم منہاس پر بیہمانہ تشدد ،کرائم رپورٹر نعیم منہاس پر بےبنیاد اندراج ایف آئی آر پر صدر آر آئی یو جے طارق ورک تھانہ نیو ٹاؤن پہنچے تھے صحافی نعیم منہاس پر بےبنیاد ایف آئی آر اندراج سے متعلق استفسار کرنے پر پولیس نے صدر آر آئی یو جے طارق ورک پر تشدد کیا پولیس اہلکار غلیظ زبان استعمال کرتے گالم گلوچ کرتے ہوئے صدر آر آئی یو جے کو گھسیٹتے ہوئے حوالات لے گئے ،صدر آر آئی یو جے گزشتہ کئی گھنٹوں سے پولیس کی غیر قانونی حراست میں حوالات میں بند ہیں ،

صحافیوں کا کہنا ہے کہ نیو ٹاؤن پولیس گردی کے خلاف ملک بھر میں احتجاج کریں گے راولپنڈی میں سی پی او ،ار پی او آفس کے سامنے احتجاج کریں گے پولیس گردی کے خلاف وزیر اعلی پنجاب ،آئی جی پنجاب دفتر اور ہاؤس کے سامنے احتجاج کریں گے ملک بھر کی صحافتی تنظیمیں طارق ورک اور نعیم منہاس کے ساتھ کھڑی ہیں پولیس گردی کے خلاف پر فورم پر احتجاج کریں گے۔

مولانا خان زیب کا قتل قابل مذمت،قاتلوں کو گرفتارکیا جائے،قاری یعقوب شیخ،حافظ خالد نیک

پاکستان مرکزی مسلم لیگ کے رہنماؤں نے کہا ہے کہ بلوچستان و خیبر پختونخوا میں دہشت گردی کے بڑھتے واقعات لمحہ فکریہ ہیں، بلوچستان میں بس سے مسافروں کو اتار کر گولیاں مارنا، باجوڑ میں مولانا خان زیب کی ٹارگٹ کلنگ سمیت تمام کاروائیوں میں‌فتنۃ الہندوستان ملوث ہے، دہشت گردی کے خلاف جنگ میں پاکستانی قوم قربانیاں دے رہی، مرکزی مسلم لیگ قوم کو متحد کررہی ہے، اتحاد امت کا عملی نمونہ چند دنوں میں ملک بھر میں نظر آئے گا

ان خیالات کا اظہار مرکزی مسلم لیگ کے صدر خالد مسعود سندھو، جوائنٹ سیکرٹری قاری محمد یعقوب شیخ،ڈپٹی سیکرٹری جنرل حافظ خالدنیک، صدر پنجاب محمد سرور چوہدری،انجینئر حارث ڈار نے جمعہ کے اجتماعات سے خطاب،وفود سے ملاقاتوں کے دوران گفتگو کرتے ہوئے کیا، خالد مسعود سندھو کا کہنا تھا کہ بھارتی حمایت یافتہ دہشت گردوں نے لورالائی کے قریب مسافر بس کو روک کر شناخت کے بعد نو معصوم مسافروں کو فائرنگ کر کے شہید کر دیا جو ایک الم ناک سانحہ ہے اور اس کی ہم پرزور مذمت کرتے ہیں، یہ پہلا موقع نہیں،رواں سال جعفر ایکسپریس جیسے سانحات اور مسافر بسوں سے مخصوص قومیت کے افراد کو اتار کر قتل کرنے کے واقعات سامنے آ چکے ہیں، جن کا مقصد ملک میں فرقہ واریت، لسانی منافرت اور بدامنی کو ہوا دینا ہے، بلوچستان کے عوام کو حقوق ملنے چاہئیں، لیکن حقوق کے نام پر فساد، قتل و غارت اور ملک دشمنی کی کوئی گنجائش نہیں۔

قاری یعقوب شیخ، حافظ خالد نیک کا کہنا تھا کہ اے این پی کے رہنما اور معروف عالم دین مولانا خان زیب کا باجوڑ میں بہیمانہ قتل قابل مذمت ہے،مولانا خان زیب اتحادِ امت کے داعی، محب وطن اور پرامن شخصیت کے حامل عالم تھے، ان کا قتل نہ صرف باجوڑ بلکہ پورے ملک کے علما اور دینی حلقوں کے لیے ایک بڑا صدمہ ہے، خیبر پختونخوا میں علماء کرام کی ٹارگٹ کلنگ میں مسلسل اضافہ ایک لمحہ فکریہ ہے۔ابھی تک جے یو آئی سربراہ مولانا حامد الحق حقانی،مرکزی مسلم لیگ کے رہنما مولانا کاشف کے قاتل گرفتار نہیں ہوئے،کہ مولانا خان زیب کو نشانہ بنا دیا گیا، حکومت مولانا خان زیب کے قاتلوں کو گرفتار کرے، علماء کرام کو تحفظ فراہم کرنے کے لیے ہنگامی بنیادوں پر مؤثر اقدامات کیے جائیں۔

محمد سرور چوہدری،انجینئر حارث ڈار کا کہنا تھا کہ بنیان مرصوص کی کامیابی کے بعد بھارت کو جو عالمی سطح پر رسوائی ہوئی ہے، اس کا بدلہ لینے کے لیے وہ پاکستان میں دہشت گردی وتخریب کاری کی کاروائیوں کو تیز کر رہا ہے، پاکستانی عوام اور ریاست کو بھارتی سازشوں کا مکمل ادراک ہے، پاکستانی قوم ملک دشمن عناصر کے خلاف متحد ہے،مرکزی مسلم لیگ اتحاد امت کا فریضہ سرانجام دیتی رہے گی.