Author: ممتاز حیدر

سانحہ 9 مئی کیس میں دس دس سال قید کی سزا پانے والے پی ٹی آئی کے کارکنان کو اسلام آباد ہائیکورٹ نے بری کر دیا ہے

تحریک انصاف کے 9 مئی کے کیسز میں سزا یافتہ 4 ورکرز کو ہائیکورٹ کے دو رکنی بینچ جسٹس اعظم خان اور جسٹس خادم سومرو نے بری کر دیا،بری ہونے والے ورکرز میں سہیل،شاہ زیب،میرا خان،اکرام خان شامل ہیں
جنکو 30 مئی کو اسلام آباد کی انسدادِ دہشتگردی عدالت نے سزا سنائی تھی

پی ٹی آئی کے جن چار کارکنوں کو اسلام آباد ہائیکورٹ نے بری کیا اُن میں دو سے کوئی برآمدگی نہیں تھی، ایک سے پی ٹی آئی کا جھنڈا اور اُسکا ڈنڈا برآمدگی لکھی گئی جبکہ چوتھے سے پی ٹی آئی کی ٹوپی برآمد کی گئی تھی، چاروں میں سے کسی ملزم سے اسلحہ برآمدگی نہیں تھی، کسی پر کوئی مخصوص جرم کرنے کا الزام نہیں پولیس کا کوئی افسر یا اہلکار زخمی نہیں، کسی کی ایم ایل آر نہیں پھر بھی اقدامِ قتل کی دفعہ میں سزا سنائی گئی تھی.

خواجہ آصف کی مسلسل تنقید اور الزامات پر ا سپیکر قومی اسمبلی ایاز صادق نے وزیراعظم کو خط لکھا ہے

اسپیکر قومی اسمبلی ایاز صادق نے اپنی تنخواہ کا معاملہ وزیراعظم پر چھوڑ دیا،ایاز صادق کا کہنا تھا کہ تنخواہ کے معاملے سے میرا کوئی تعلق ہے اورنہ ہی دلچسپی،تنخواہ بڑھانے کا فیصلہ وفاقی کابینہ اور وزیراعظم کا ہے میرا کا نہیں، بے شک میری تنخواہ مت بڑھائیں مگر میرا اس معاملے سے لینا دینا نہیں،اسپیکر ایاز صادق نےوزیردفاع خواجہ آصف کے الزامات کا جواب دینے سے گریز کیا،اسپیکر قومی اسمبلی ایاز صادق نےخط میں بڑھی ہوئی تنخواہ لینے سے بھی انکار کر دیا

واضح رہے کہ وزیر دفاع خواجہ محمد آصف نےکہا تھا کہ اسپیکر، ڈپٹی اسپیکر، چیئرمین سینیٹ، ڈپٹی چیئرمین سینیٹ کی تنخواہ اور مالی مراعات میں بے تحاشہ اضافہ مالی فحاشی کے زمرے میں آتا ہے۔ انہوں نے کہا کہ عام آدمی کی زندگی کو ذہن میں رکھیں۔ ہماری تمام عزت و آبرو اس کی مرہون منت ہے۔

وزیراعظم محمد شہباز شریف کی زیر صدارت کیش لیس و ڈیجیٹل معیشت کے حوالے سے ہفتہ وار اجلاس آج وزیراعظم ہاؤس، اسلام آباد میں منعقد ہوا۔

اجلاس کے شرکاء سے گفتگو کرتے ہوئے وزیراعظم نے کہا کہ معیشت میں شفافیت لانے کے لیے ڈیجیٹل ٹرانزیکشن سسٹم ناگزیر ہے؛ شہریوں اور کاروباری اداروں کے درمیان ادائیگیوں کو آسان بنانے، ڈیجیٹل سسٹم کےاستعمال کے بارے میں آگاہی بڑھانا وقت کی اہم ضرورت ہے۔ انہوں نے ہدایت کی کہ کیش لیس اکانومی کے حوالے سے قائم کردہ کمیٹیاں تمام شراکت داروں کے ساتھ مل کر قابل عمل تجاویز پیش کریں۔

وزیر اعظم کو بریفنگ میں بتایا گیا کہ پچھلے اجلاس قائم کی گئی ڈیجیٹل پیمنٹس انوویشن اینڈ ایڈوپشن کمیٹی، ڈیجیٹل پبلک انفراسٹرکچر کمیٹی اور گورنمنٹ پیمنٹس کمیٹی تشکیل دی جا چکی ہیں۔ اجلاس میں ڈیجیٹل پیمنٹس انوویشن اینڈ ایڈوپشن کے حوالے سے بنائی گئی کمیٹیوں نے معیشت کی ڈیجیٹایزیشن کے حوالےسے تجاویز اور حکمت عملی پر بریفنگ دی۔

اجلاس کو بتایا گیا کہ ڈیجیٹل ادائیگیوں کو فروغ دینے کے حوالے سے اسٹیٹ بینک آف پاکستان تاجروں کے لئے ڈیجیٹل ادائیگیوں کے طریقہء کار کو آسان اور سہل بنانے کے لئے حکمت عملی ترتیب دی رہا ہے ۔ڈیجیٹل ادائیگیوں میں چھوٹے کاروباروں کی حوصلہ افزائی اور شمولیت کے لئے سہل پیکج متعارف کرایا جائے گا ۔ڈیجیٹل ادائیگیوں کے لئے موبائل فون ایپلی کیشنز استعمال کرنے والوں کی تعداد 95 ملین سے 120 ملین تک لے جانے کا ہدف ہے ۔ کیو آر کوڈ استعمال کرنے والے تاجروں کے تعدد 0.9 ملین سے 2 ملین تک لے جانے کا ہدف ہے۔ مجموعی ڈیجیٹل ادائیگیوں کو 7.5 بلین روپے سے 12 بلین روپے تک بڑھایا جائے گا۔ وزیر اعظم نے ان تمام اہداف کو دگنا کرنے کی ہدایت کی۔

اجلاس کو مزید بتایا گیا کہ ڈیجیٹل نیشنل پاکستان کے حوالے سے ڈیجیٹل اکانومی پراجیکٹ شروع ہو چکا ہے ۔اسلام آباد سٹی موبائل فون ایپلی کیشن کے اب تک 1.3 ملین ڈاؤن لوڈز ہیں جبکہ اس ایپلی کیشن پر 15 سروسز دستیاب ہیں ۔ اسلام آباد سٹی ایپ کے ذریعے آئی سی ٹی ایکسائز اینڈ ٹیکسیشن کی مد میں 15.5 بلین روپے جمع کئے جا چکے ہیں ۔ڈیجیٹل پاکستان آئی ڈی منصوبے کی تکمیل کے لئے تیزی سے کام جاری ہے ۔اسلام آباد میں ای-اسٹیمپنگ کی سہولت جلد متعارف کروائی جا رہی ہے۔اسلام آباد بھر ، خصوصاً اسپتالوں، تعلیمی اداروں ، سرکاری دفاتر ، پارکس اور میٹرو بس لائینز پر وائی فائی انٹرنیٹ کی سہولت کی فراہمی کے حوالے سے کام جاری ہے ۔ وزیر اعظم نے یہ تمام سہولیات تمام وفاقی علاقے، آزاد جموں کشمیر اور گلگت بلتستان میں بھی متعارف کروانے کے احکامات دئے۔

اجلاس میں وفاقی وزیر انفارمیشن ٹیکنالوجی و ٹیلی کام شزا فاطمہ ، وفاقی وزیر پیٹرولیم علی پرویز ملک ، وزیراعظم کے مشیر ڈاکٹر توقیر شاہ ، وزیر مملکت برائے خزانہ و ریلوے بلال اظہر کیانی اور متعلقہ اعلیٰ سرکاری افسران نے شرکت کی۔