Author: ممتاز حیدر

ایران اب تک اسرائیل کی جانب 400 سے زیادہ میزائل داغ چکا ہے،ایرانی حملوں میں اسرائیل کے 40 مقامات کو نشانہ بنایا گیا،ایران کے حملوں میں 24 اسرائیلی ہلاک، 800 سے زائد زخمی ہو چکے ہیں،3ہزار800 سے زائد شہریوں کو شیلٹرز میں منتقل کیا گیا،

گزشتہ جمعہ کو اسرائیل کی جانب سے ایران پر حملے شروع کیے جانے کے بعد، ایران نے بھی شدید جوابی کارروائی کرتے ہوئے اسرائیل کی جانب 400 سے زائد میزائل اور سیکڑوں ڈرون حملے کیے ہیں۔ یہ اطلاع اسرائیلی وزیراعظم بنجمن نتن یاہو کے دفتر کی جانب سے دی گئی ہے۔اسرائیلی حکومت کے مطابق، ایرانی میزائل حملوں اور ڈرون حملوں نے اسرائیل کے 40 مختلف علاقوں کو نشانہ بنایا ہے،اب تک اسرائیل میں 24 افراد ہلاک اور 800 سے زائد زخمی ہو چکے ہیں۔ مزید 3,800 افراد کو ان کے گھروں سے نکال کر محفوظ مقامات پر منتقل کیا گیا ہے۔ دوسری جانب ایران میں بھی گزشتہ جمعہ سے اب تک کم از کم 224 افراد مارے جا چکے ہیں، جو ایرانی حکام نے تصدیق کی ہے۔

دوسری جانب امریکہ نے مشرق وسطیٰ میں کشیدگی کو دیکھتے ہوئے دو ایئرکرافٹ کیریئر سٹرائیک گروپس تعینات کرنے کا فیصلہ کیا ہے۔ ان میں سے ایک گروپ یو ایس ایس نیمتز کی قیادت میں ہے جبکہ دوسرا یو ایس ایس کارل ونسن کی سربراہی میں ہے۔یو ایس ایس نیمتز گروپ نے جنوب مشرقی ایشیا کے پانیوں کو چھوڑ کر مشرق وسطیٰ کی طرف روانہ ہونا شروع کر دیا ہے تاکہ وہ پہلے سے موجود کارل ونسن گروپ کے ساتھ شامل ہو جائے، جو تقریباً سات ماہ سے اس علاقے میں تعینات ہے۔

ایران کے مسلسل حملوں کے بعد اسرائیلی دفاعی میزائل انٹرسیپٹرز کم ہونے لگے ہیں۔

امریکی اخبار وال اسٹریٹ جرنل نے اپنی رپورٹ میں کہا کہ ایک امریکی عہدیدار نے بتایا کہ ایران کے میزائل حملوں کے بعد اسرائیل کے دفاعی ’ایرو‘ میزائل انٹرسیپٹرز کی مقدار کم ہو رہی ہے،رپورٹ کےمطابق اسرائیل کے دفاعی ’ایرو‘ میزائل انٹرسیپٹرز کی مقدار کم ہونے سے ایران سے آنے والے طویل فاصلے تک مار کرنے والے بیلسٹک میزائلوں کا مقابلہ کرنے کی اسرائیلی صلاحیت پر خدشات پیدا ہوگئے ہیں، امریکا اس مسئلے سے آگاہ ہے اور وہ زمینی، بحری اور فضائی نظاموں کے ذریعے اسرائیل کے دفاع کو مضبوط کررہا ہے۔

ایران کی جانب سے پے در پے میزائل حملوں کے باعث اسرائیل کا میزائل دفاعی نظام دباؤ سے دوچار ہے،اسرائیلی میڈیا کے مطابق اسرائیلی فضائی دفاعی نظام کے لیے غزہ سے فائر ہونے والے دیسی ساختہ راکٹوں کے بر عکس جدید میزائلوں کو روکنا ایک امتحان ثابت ہورہا ہے،ایرانی میزائلوں کو روکنے میں مکمل کامیابی نہ ملنے کے باعث نہ صرف اس فضائی دفاعی نظام کی کارکردگی پر سوالات اٹھ رہے ہیں بلکہ اس کے مستقل استعمال کے باعث اس نظام پر آنے والے اخراجات بھی بڑھتے جارہے ہیں،اسرائیلی میڈیا کے مطابق پیر کی شب ایران نے اسرائیل پر جس طرح میزائل داغے اس طرح کے حملے کو روکنے پر تقریباً 28 کروڑ 70 لاکھ ڈالرکی لاگت آتی ہے، ایرانی میزائلوں کو روکنے کے لیے عام طور پر اسرائیلی ساختہ ایرو 3 سسٹم اور امریکی ساختہ تھاڈ سسٹم کیا جاتا ہے،اسرائیلی ایرو 3 سسٹم 90 فیصد اہداف کو تباہ کرسکتا ہے جبکہ امریکی تھاد نظام صرف 40 فیصد اہداف کو ہی نشانہ بنا سکتا ہے۔

امریکی صدر ڈونلڈ ٹرمپ اور بھارتی وزیراعظم نریندر مودی کے درمیان ایک اہم ٹیلی فونک رابطہ ہوا ہے، جس میں خطے کی موجودہ کشیدہ صورتحال اور پاک بھارت تعلقات پر تبادلہ خیال کیا گیا۔

بھارتی میڈیا رپورٹس کے مطابق، بھارتی سیکریٹری خارجہ وکرم مسری نے اپنے بیان میں بتایا کہ وزیراعظم مودی اور صدر ٹرمپ کے درمیان 35 منٹ طویل بات چیت ہوئی، جس میں دونوں رہنماؤں نے خطے میں امن و استحکام کے لیے اقدامات پر غور کیا۔وکرم مسری کے مطابق، وزیراعظم مودی نے امریکی صدر کو واضح طور پر بتایا کہ بھارت پاکستان کے ساتھ تنازع میں تیسرے فریق کی ثالثی قبول نہیں کرتا اور نہ ہی کرے گا۔ بھارت کی جانب سے آپریشن سندور جاری ہے

واضح رہے کہ 10 مئی کو پاکستان نے بھارتی جارحیت کے جواب میں ‘آپریشن بنیان مرصوص’ کا آغاز کیا تھا۔ اس آپریشن میں پاکستان نے بھارتی فوج کے متعدد اہم اہداف کو نشانہ بنایا جن میں ادھم پور، پٹھان کوٹ، اور آدم پور کے ائربیسز، براہموس میزائل اسٹوریج سائٹس اور ایس 400 میزائل دفاعی نظام شامل ہیں۔اسی روز امریکی صدر ڈونلڈ ٹرمپ نے اعلان کیا تھا کہ دونوں ممالک فوری اور مکمل سیز فائر کے لیے تیار ہو گئے ہیں۔ ٹرمپ کی اس ٹوئٹ کے بعد بھارتی سیکریٹری خارجہ نے بھی سیز فائر کا اعلان کیا تھا۔