Author: ممتاز حیدر

بھارت میں سکھوں کے خلاف ماورائے عدالت قتل کی تاریخ

1984 میں اندرا گاندھی کے قتل کے بعد دہلی سمیت بھارت بھر میں ہزاروں سکھوں کا قتل عام کیا گیا، 1984 میں ہونڈھ چِلر، ہریانہ میں 32 سکھوں کا قتل کیا گیا،1984 سے 1995 تک پنجاب میں بھارتی سیکیورٹی فورسز کے ہاتھوں ہزاروں سکھوں کی جبری گمشدگیاں اور ماورائے عدالت قتل کئے گئے،ہیومن رائٹس واچ رپورٹ کے مطابق 1995 میں انسانی حقوق کے کارکن جسونت سنگھ خالرا کو اغوا کر کے قتل کر دیا گیا،2000 میں مقبوضہ جموں وکشمیر کےچٹّی سنگھ پورہ میں 35 سکھوں کو قتل کروا دیا گیا،دی گارڈین رپورٹ کے مطابق 2023 میں کینیڈا میں سکھ رہنما ہردیپ سنگھ نجار کے قتل پر کینیڈین وزیر اعظم نے بھارت پر الزام عائد کیا،2023 میں امریکہ میں سکھ کارکن گرپتونت سنگھ پنو کے قتل کی بھارتی سازش ناکام، را کے افسران ملوث قرار دیئے گئے

گولڈن ٹیمپل پر بھارتی سکھوں کیخلاف کئے گئےآپریشن بلیو سٹار کو 41 سال مکمل ہو گئے ہیں

بھارتی سکھوں کو لگائے گئے1984کے زخم، آج بھی تازہ ہیں، حق و انصاف کی تلاش آج بھی جاری ہے،”بھارتی فوج نے گولڈن ٹیمپل کا تقدس پامال کیا جو آج بھی بھارتی سکھوں کے دلوں میں خنجر کی طرح پیوست ہے،آپرہشن بلیو سٹارکو 41 سال مکمل لیکن سکھوں کےدل اداس ہیں،بھارتی ظلم کیخلاف آواز آج بھی گونجتی ہے،سکھ نہ بھولے ہیں، نہ بھولیں گے،خالصہ کا وقار پامال ہوا، لیکن ایمان مضبوط تر ہوا،1984 کو یاد رکھنا سکھوں کا فرض ہے،آپریشن بلیو سٹار تاریخ کا ایک سیاہ باب ہے، جسے نظر انداز نہیں کیا جا سکتا، 1984 میں بھارتی سکھوں پر کئے گئے مظالم اور خون کے دھبے مٹائے نہیں جا سکتے،آپریشن بلیو سٹار میں بھارتی فوج نے سانت جرنیل سنگھ بھنڈرانوالے، اکال تخت میں قتل کیا

جنرل شبھگ سنگھ، سابق بھارتی فوجی افسرکو گولڈن ٹیمپل میں قتل کیا گیا،امریک سنگھ، آل انڈیا سکھ اسٹوڈنٹس فیڈریشن کے صدر کو بھی فوجی کارروائی میں مار دیا گیا ،مہنگا سنگھ ببر، ببر خالصہ کے بانی رکن کو بھی گولڈن ٹیمپل میں مار دیا گیا ،بھارتی فوج نے 13 سالہ بے گناہ سربجیت سنگھ دادھر کو بھی مار دیا جو کہ سب سے کم عمر تھا ،سکھ تنظیموں کے مطابق آپریشن بلیو سٹارمیں 5000 سے زائد بے گناہ سکھ یاتریوں کو مار دیا گیا، ہر سال جون میں سکھ برادری آپریشن بلیو سٹار میں مارے جانے والوں کو خراجِ عقیدت پیش کرتی ہے

سعودی عرب سمیت خلیجی ممالک میں عید الاضحیٰ منائی جارہی ہے۔

سعوی عرب میں نمازِ عید کا سب بڑا اجتماع مسجدالحرام اور مسجد نبویؐ میں ہوا،وزیراعظم شہباز شریف نے رات گئے اپنے وفد کے ہمراہ عمرہ ادا کیا اور نمازِ عید مسجد الحرام میں ادا کی،سعودی عرب کے علاوہ متحدہ عرب امارات، قطر، کویت، ترکی، شام، اردن، عمان اور عراق میں بھی آج ہی عید الاضحیٰ منائی جا رہی ہے جبکہ برطانیہ، امریکہ، کینیڈا اور آسٹریلیا میں مقیم مسلمان بھی آج ہی کے دن عیدِ قربان منا رہے ہیں

اسلام کے مقدس ترین شہر مکہ مکرمہ کے باہر واقع وادی منیٰ میں لاکھوں مسلمانوں نے جمعہ (10 ذوالحجہ) کو صبح سویرے رمی جمرات ادا کی جس کے دوران شیطان کو کنکریاں ماری جاتی ہیں،جمعرات اور جمعے کی درمیانی شب حجاج کرام نے منیٰ اور عرفات کے درمیان واقع مزدلفہ کے میدان میں پتھر جمع کر کے کھلے آسمان کے نیچے رات گزاری تھی جس کے بعد صبح انہوں نے رمی کے بعد عید کی نماز ادا کی،

سعودی عرب میں نماز عید کے بڑے اجتماعات مسجد الحرام اور مسجد نبوی ﷺمیں منعقد ہوئے جہاں لاکھوں کی تعداد میں موجود حجاج اور دیگر افراد نے نماز عید ادا کی،سعودی عرب بھر میں ہزاروں چھوٹی بڑی مساجد میں بھی عید کی نماز پڑھی گئی جس میں سعودی شہریوں سمیت پاکستانی اور دیگر غیر ملکی شریک ہوئے، عید کی نماز کے اجتماعات کے بعد سنت ابراہیمی پر عمل کرتے ہوئے حجاج قربانی کا فریضہ ادا کیا جس کے بعد سر منڈوایا جاتا ہے۔

ابوظبی، شارجہ اور دیگر اماراتی ریاستوں میں بھی نماز عید اداکی گئی،عرب میڈیا کے مطابق دبئی کے علاقے القصص میں کلمہ سینٹر کے زیرِاہتمام سب سے بڑا اجتماع ہوا،نمازِ عید کے اجتماعات میں امن، خوشحالی اور قربانی کی اہمیت پر زور دیا گیا،اماراتی قیادت نے امن اور مستحقین کی مدد کے جذبے کو اُجاگر کرنے کی اپیل کی۔

کراچی میں بھی بوہرہ برادری آج عید الاضحیٰ مذہبی جوش و جذبے سے منارہی ہے،کراچی میں طاہری مسجد میں بوہرہ برادری کا نماز عید کا بڑا اجتماع ہوا، نماز عید میں ملک وقوم کے لیے خصوصی دعائیں کی گئیں،نماز عید کے بعد ایک دوسرے کو مبارک باد دی گئی،نماز کے دیگر اجتماعات صدر، پاکستان چوک، حیدری، بلوچ کالونی سمیت مختلف علاقوں میں ہوئے،نماز عید کے بعد بوہرہ برادری نے سنت ابراہیمی پر عمل کرتے ہوئے جانوروں کی قربانی کی،نماز عید کے موقع پر سیکیورٹی کے سخت انتظامات کیے گئے تھے۔

الجزائر کی 26 سالہ اولمپک گولڈ میڈل یافتہ باکسر ایمان خلیف نے نیدرلینڈز میں منعقد ہونے والے مشہور اینڈہوون باکسنگ کپ میں حصہ نہ لینے کا فیصلہ کیا ہے۔ یہ فیصلہ اس وقت سامنے آیا جب انہوں نے جمعرات کی ڈیڈ لائن تک ایونٹ میں رجسٹریشن کروانے سے گریز کیا۔

ابتدائی طور پر ایمان خلیف نے اس ٹورنامنٹ میں حصہ لینے کا ارادہ ظاہر کیا تھا اور باکسنگ کے میدان میں واپسی کے خواہاں تھیں، تاہم بعد ازاں انہوں نے رجسٹریشن کی کارروائی مکمل نہیں کی۔ ٹورنامنٹ کے میڈیا ڈائریکٹر نے تصدیق کی کہ ایمان خلیف کا یہ فیصلہ مکمل طور پر ان کا ذاتی ہے اور ایونٹ کے منتظمین کا اس سے کوئی تعلق نہیں۔

واضح رہے کہ عالمی باکسنگ فیڈریشن (ورلڈ باکسنگ) نے تمام باکسرز کے لیے جینڈر ٹیسٹ لازمی قرار دیا ہے، اور اسی حوالے سے ایمان خلیف کا نام بھی لیا گیا تھا۔ ورلڈ باکسنگ نے کہا تھا کہ کسی بھی مقابلے میں حصہ لینے سے پہلے باکسرز کو جینڈر ٹیسٹ سے گزرنا ہوگا تاکہ صنفی شناخت کے حوالے سے وضاحت ہو سکے۔ورلڈ باکسنگ نے یہ سختی سے کہا کہ یہ ٹیسٹ لازمی ہے، اور تقریباً ایک ہفتے کے اندر ایمان خلیف کا اینڈہوون کپ میں حصہ نہ لینے کا فیصلہ سامنے آیا۔ یہ صورتحال ایسے وقت میں سامنے آئی ہے جب انہیں پیرس اولمپکس میں خواتین کی کیٹیگری میں گولڈ میڈل حاصل کرنے پر بڑے پیمانے پر سراہا گیا تھا۔تاہم، پیرس اولمپک مقابلوں کے دوران ایمان خلیف صنف کے حوالے سے تنازع کا شکار بھی ہوئیں، جس کے بعد سے خواتین باکسنگ مقابلوں میں ان کی اہلیت پر سوالات اٹھائے جانے لگے۔ اس مسئلے نے ان کے کیریئر پر ایک قسم کی سائے کی مانند اثر ڈالا ہے اور موجودہ وقت میں انہیں مختلف چیلنجز کا سامنا ہے۔

بھارتی سیاستدان ششی تھرور کی سربراہی میں کل جماعتی بھارتی سفارتی وفد کو امریکی دارالحکومت میں بھارتی شہریوں نے گھیر لیا، جس کے نتیجے میں وفد کے ارکان کو شدید مشکلات کا سامنا کرنا پڑا۔

احتجاج کرنے والے سکھوں کی بڑی تعداد نے بھارتی وفد کے خلاف زوردار مظاہرہ کیا، جس کے باعث بھارتی وفد کے ارکان دباؤ کے باعث پارکنگ ایریا میں چھپنے پر مجبور ہو گئے۔ اس صورتحال میں بھارتی سفارتی وفد کو پارکنگ ایریا سے باہر نکلنے کے لیے امریکی پولیس کی مدد طلب کرنا پڑی۔

یہ واقعہ اس وقت پیش آیا جب سکھ برادری نے بھارت کی حکومتی پالیسیوں اور کشمیری عوام کے خلاف بھارت کی سخت کارروائیوں کے خلاف احتجاج کیا۔ احتجاجیوں کا موقف تھا کہ بھارت اپنی انسانی حقوق کی خلاف ورزیوں اور دیگر مسائل کو عالمی سطح پر چھپانے کی کوشش کر رہا ہے، جس کی وجہ سے اس کے خلاف عالمی برادری میں سخت تنقید ہو رہی ہے۔

دوسری جانب، بھارتی وفد کی اس احتجاجی صورتحال کے پیچھے ایک بڑی سفارتی حکمت عملی بھی ہے۔ پاکستان اور بھارت کے درمیان حالیہ جنگ کے دوران بھارت کو عالمی سطح پر شدید تنہائی کا سامنا کرنا پڑا۔ بھارت نے ایک اعلیٰ سطحی کل جماعتی وفد تشکیل دیا ہے جس کا مقصد دنیا بھر میں بھارتی موقف کو مضبوطی سے پیش کرنا اور بھارت کے خلاف بڑھتے ہوئے عالمی دباؤ کو کم کرنا ہے۔ اس وفد کو مختلف ممالک میں روانہ کیا جا رہا ہے تاکہ عالمی برادری کو بھارتی حکومتی پالیسیوں کی حمایت میں قائل کیا جا سکے۔واشنگٹن میں پیش آنے والے اس واقعے نے بھارتی سفارتی کوششوں کو ایک اور چیلنج دے دیا ہے اور ظاہر کیا ہے کہ بھارت کی عالمی حمایت میں بہتری لانا آسان نہیں ہوگا۔

امریکی صدر ڈونلڈ ٹرمپ اور معروف ارب پتی کاروباری شخصیت، ٹیسلا کے بانی اور سابق محکمہ برائے حکومتی کارکردگی (DOGE) کے سربراہ ایلون مسک کے درمیان اختلافات اب کھل کر سامنے آ گئے ہیں۔ یہ کشیدگی اس وقت شروع ہوئی جب ایلون مسک نے صدر ٹرمپ کو اطلاع دیے بغیر اپنے سرکاری مشیر کے عہدے سے استعفیٰ دے دیا تھا،بعد ازاں مسک نے صدر ٹرمپ کی ٹیکس کٹوتیوں اور سرکاری اخراجات کے بل پر سخت تنقید کی۔

ایلون مسک اور ڈونلڈ ٹرمپ کی دوستی اب دشمنی میں تبدیل ہو چکی ہے اور دونوں طرف سے ایک دوسرے پر سنگین الزامات عائد کیے جا رہے ہیں۔ ایلون مسک نے صدر ٹرمپ پر الزام لگایا ہے کہ ان کا نام جنسی اسکینڈلز میں ملوث معروف شخصیت جیفری ایپسٹین کی فائلوں میں موجود ہے۔ایلون مسک نے کہا ہے کہ جیفری ایپسٹین کی فائل میں صدر ٹرمپ کا نام ہونے کی وجہ سے یہ حساس دستاویزات منظر عام پر نہیں آ رہیں۔ انہوں نے خبردار کیا کہ "لکھ کر رکھ لیں، حقیقت جلد سامنے آ جائے گی”۔ جیفری ایپسٹین کمسنوں کے ساتھ جنسی زیادتی کے متعدد واقعات میں ملوث تھا اور 2019 میں جیل میں پراسرار موت کا شکار ہوا تھا۔ ایپسٹین امریکا سمیت مختلف ممالک کی اہم شخصیات کا دوست تھا اور اپنے گھر پارٹیوں میں انہیں مدعو کرتا تھا۔

صدر ٹرمپ نے ایک ٹی وی خطاب میں کہا کہ وہ کانگریس میں زیر غور بل پر مسک کی تنقید سے شدید مایوس ہیں۔ انہوں نے ایلون مسک کو خبردار کرتے ہوئے کہا کہ وہ اپنے اربوں ڈالر کے سرکاری معاہدے منسوخ کرنے کا اختیار رکھتے ہیں۔،ایلون مسک نے بھی بے باکی سے جواب دیا کہ 2024 کے انتخابات میں ٹرمپ ان کی مدد کے بغیر جیت نہیں سکتے تھے۔ مسک نے کہا کہ اگر وہ نہ ہوتے تو ڈیموکریٹس ایوان نمائندگان پر قبضہ کر لیتے اور سینیٹ میں ریپبلکن کی اکثریت بہت کم رہ جاتی۔

مسک نے ٹرمپ کو "احسان فراموش” بھی قرار دیا جبکہ ٹرمپ نے مسک کو پاگل اور حکم ماننے سے انکار کرنے والا قرار دیا۔

صدر ٹرمپ نے کہا کہ انہیں معلوم نہیں تھا کہ ایلون مسک منشیات استعمال کرتے ہیں، اور ان کی باتوں سے انہیں کوئی فرق نہیں پڑتا۔ انہوں نے ایلون مسک کے لیے ناسا کی سربراہی کے لیے منتخب کردہ جیرڈ آئزک مین کی نامزدگی بھی واپس لے لی۔

ایلون مسک نے اپنے سوشل میڈیا پلیٹ فارم "ایکس” پر اپنے فالوورز سے پوچھا کہ کیا انہیں ایک نئی سیاسی جماعت بنانی چاہیے؟ یہ سوال اس کشیدہ صورت حال میں سیاسی منظر نامے میں نئی تبدیلیوں کی طرف اشارہ ہے،

اس کشیدگی کے باعث ٹیسلا کے حصص میں تقریباً 14 فیصد تک کمی واقع ہو گئی ہے، جو کہ مالی مارکیٹ میں اس تنازعہ کے اثرات کو ظاہر کرتا ہے۔برطانوی ذرائع کے مطابق ایلون مسک نے امریکی صدر ٹرمپ کے مواخذے کا مطالبہ کیا ہے اور تجویز دی ہے کہ ان کی جگہ جے ڈی وینس کو صدر منتخب کیا جائے۔