Author: ممتاز حیدر

امریکی صدر ڈونلڈ ٹرمپ نے ایک بار پھر پاکستان اور بھارت کے درمیان جنگ بندی کرانے میں اپنی حکومت کے کردار کو اجاگر کیا ہے۔ انہوں نے یہ بات جرمن چانسلر فریڈرک مرٹز سے وائٹ ہاؤس میں ملاقات کے دوران کہی۔ صدر ٹرمپ نے کہا کہ انہیں فخر ہے کہ ان کی کوششوں سے دو ایٹمی طاقتوں کے درمیان جنگ بندی ممکن ہوئی۔

صدر ٹرمپ نے مزید کہا کہ دونوں ملکوں سے سختی سے کہا گیا کہ اگر آپ گولیاں چلائیں گے تو تجارت نہیں ہوگی، اس لیے دونوں فریقوں نے جنگ بندی کو قبول کیا۔ انہوں نے پاکستان کی قیادت کو بھی بہت مضبوط قرار دیا اور کہا کہ پاکستان میں بہترین قیادت موجود ہے۔

یہ بات قابل ذکر ہے کہ صدر ٹرمپ نے پاکستان اور بھارت کے درمیان جنگ بندی کا ذکر تقریباً ایک درجن بار کیا ہے۔ ہر بار اس بیان کے بعد بھارتی حکومت خاص طور پر وزیر اعظم نریندر مودی کی سرکار شدید ردعمل ظاہر کرتی ہے، جبکہ بھارتی حزب اختلاف کانگریس پارٹی اس موقع کو مودی سرکار کا مذاق اڑانے کے لیے استعمال کرتی ہے۔

دوسری جانب، گزشتہ ماہ بھارتی سیکرٹری خارجہ وکرم مسری نے پاکستان اور بھارت کے درمیان جنگ بندی میں امریکی کوششوں کا کھل کر انکار کیا تھا۔ انہوں نے پارلیمانی کمیٹی کو بریفنگ دیتے ہوئے کہا کہ پاک بھارت فائربندی مکمل طور پر دو طرفہ تھی اور اس میں امریکی صدر ٹرمپ کا کوئی کردار نہیں تھا۔ وکرم مسری نے کہا کہ ٹرمپ نے دونوں ممالک سے بیچ میں آنے کی اجازت نہیں لی اور خود ہی اسٹیج پر آنا چاہا، جو انہوں نے کر دکھایا۔

یہ تنازعہ اس وقت پیدا ہوا جب امریکی صدر نے بار بار یہ دعویٰ کیا کہ ان کی ثالثی سے جنگ بندی ممکن ہوئی، لیکن بھارتی سرکاری حلقوں نے اس دعوے کو مسترد کرتے ہوئے کہا کہ یہ معاملہ دوطرفہ ہے اور امریکہ کا اس میں کوئی کردار نہیں

غزہ: اسرائیلی فوج نے غزہ میں شدید بمباری کرتے ہوئے پناہ گزین کیمپوں اور ال اہلی اسپتال کو نشانہ بنایا، جس کے نتیجے میں کم از کم 50 فلسطینی شہید اور متعدد زخمی ہوگئے ہیں۔ یہ حملے غزہ کی پٹی میں انسانی جانوں کے ضیاع کا سبب بنے اور علاقے میں شدید خوف و ہراس پھیل گیا ہے۔

غیر ملکی میڈیا رپورٹس کے مطابق، اسرائیلی فضائیہ نے راکٹ حملے ایسے علاقوں میں کیے جہاں عام شہری، خاص طور پر خواتین اور بچے، پناہ لیے ہوئے تھے۔ ال اہلی اسپتال پر بمباری کے بعد امدادی کارکنوں کی رسائی مشکل ہوگئی ہے، اور زخمیوں کو بروقت طبی امداد فراہم کرنا مشکل ہو گیا ہے۔

اسی دوران، اسرائیل نے لبنان میں واقع حزب اللہ کے مختلف ٹھکانوں کو بھی نشانہ بنایا۔ ان حملوں میں متعدد عمارتیں مکمل یا جزوی طور پر تباہ ہو گئیں، اور جانی نقصان کی اطلاعات موصول ہو رہی ہیں۔ لبنان میں کشیدگی مزید بڑھ گئی ہے اور علاقائی امن خطرے میں پڑ گیا ہے۔

دوسری جانب فلسطینی مزاحمتی تنظیم حماس کے رہنما خلیل الحیا نے امریکی نمائندے اسٹیو وٹکوف کی طرف سے پیش کی گئی تجاویز پر ردعمل دیتے ہوئے کہا ہے کہ حماس نے ان تجاویز کو مکمل طور پر مسترد نہیں کیا بلکہ کچھ تبدیلیوں کا مطالبہ کیا تھا۔خلیل الحیا نے مزید کہا کہ حماس جنگ بندی مذاکرات کے نئے دور میں شامل ہونے کے لیے تیار ہے اور اس حوالے سے ممکنہ پیش رفت کی توقع کی جا سکتی ہے۔ ان کا یہ بیان اس بات کی نشاندہی کرتا ہے کہ کشیدگی کے خاتمے کے لیے کچھ سفارتی کوششیں جاری ہیں۔

بی جے پی حکومت کے دور میں بھارت میں اقلیتوں، بالخصوص مسلمانوں کے خلاف معاشی استحصال کی نئی شکل سامنے آگئی ہے۔ بھارت میں مذہب کی بنیاد پر روزگار کے مواقع کی تقسیم میں شدت آتی جارہی ہے، جہاں صرف ہندوؤں کے لیے مخصوص جاب پلیٹ فارمز متعارف کروائے جا رہے ہیں۔

تازہ ترین اقدام کے تحت ’کال ہندو‘ کے نام سے ایک موبائل ایپ متعارف کرائی گئی ہے، جو صرف ہندو امیدواروں کو ملازمت کے مواقع فراہم کرتی ہے۔ اس ایپ کی افتتاحی تقریب مہاراشٹرا کے وزیر منگل پربھات لوڈھا نے کی، جبکہ ایپ کے بانی ویشال دوروفے ہیں، جو بھارتیہ جنتا یووا مورچہ کے سابق رکن بھی رہ چکے ہیں۔

ویشال دوروفے کا کہنا ہے کہ "ہمارا ہندو سماج سب سے آگے ہونا چاہیے”، جو اس اقدام کے پیچھے موجود نظریاتی تعصب کی واضح عکاسی کرتا ہے۔ ایپ میں ‘ہندو زون’، ‘ٹریوو ہندو’ اور ‘ہندو منڈی’ جیسے سیکشنز شامل ہیں اور صارفین کو آدھار کارڈ کے ذریعے رجسٹریشن کرنا لازمی ہے۔

‘کال ہندو’ جیسے پلیٹ فارمز کا بنیادی مقصد مسلمانوں کو روزگار کے مواقع سے محروم کر کے ان کا معاشی بائیکاٹ کرنا ہے۔ انتہا پسند بی جے پی رہنماؤں، نیتیش رانے اور ٹی راجہ سنگھ، نے بھی مسلمانوں کے معاشی بائیکاٹ کی کھل کر حمایت کی ہے۔

قانونی ماہرین اور انسانی حقوق کے کارکنان کا کہنا ہے کہ یہ اقدام بھارتی آئین کی سراسر خلاف ورزی ہے، کیونکہ آئین کا آرٹیکل 15 مذہب، ذات یا نسل کی بنیاد پر کسی بھی قسم کے امتیاز کی ممانعت کرتا ہے۔’کال ہندو‘ جیسی ایپس بھارت میں بڑھتے ہوئے مذہبی امتیاز اور اقلیتوں کے خلاف معاشی جنگ کی علامت بن چکی ہیں۔ انسانی حقوق کی تنظیموں نے حکومت سے اس ایپ پر پابندی عائد کرنے اور اس کے ذمہ داران کے خلاف کارروائی کا مطالبہ کیا ہے۔یہ خطرناک رجحان بھارت کے سیکولر تشخص اور آئینی اقدار پر سوالیہ نشان ہے، جو نہ صرف اقلیتوں کے حقوق پامال کرتا ہے بلکہ معاشرتی تقسیم کو بھی ہوا دے رہا ہے

بھارتی وفد عوامی ٹیکس کے پیسوں پر موج مستیوں میں مصروف ہے

پاکستان کے ہاتھوں ہزیمت اٹھانے کے بعد بھی بھارتی حکومت کو شرم نہ آئی،بین الاقوامی سطح پر ساکھ بحال کرنے کا ڈرامہ رچا کر بھارتی عوام کو بیوقوف بنایا جانے لگا،واشنگٹن میں موجود اعلیٰ سطحی بھارتی وفد کے غیر سنجیدہ رویہ پر بھارتی عوام سیخ پا ہے،بھارت کا اعلیٰ سطح وفد گیانا، پاناما، کولمبیا اور برازیل میں ناکامی کے بعد واشنگٹن پہنچا ہےبھارت کے اعلیٰ سطح وفد کی قیادت ششی تھرور کر رہے ہیں

میڈیا رپورٹس کے مطابق ’اعلیٰ سطحی وفد میں شامل سینئر سیاست دان ششی تھرور محفل میں گانے گا کر وقت ضائع کرتے رہے‘‘سوشل میڈیا پر بھارتی عوام کی جانب سے اس پر سخت ردعمل سامنے آیا ہے،بھارتی عوام کی جانب سے ششی تھرور اور دیگر وفد اراکین کو کڑی تنقید کا سامنا ہے، عوام کا کہنا ہے کہ یہ وقت ہے کہ عالمی برادری کے سامنے اپنی ساکھ بہتر کی جائے مگر وفد گانے گا رہا ہے،عوامی ٹیکس کا پیسہ ملک کیلئے ہوتا ہے مگر غیر ضروری تقریبات میں خرچ ہو رہا ہے،پہلگام واقعے میں ملوث دہشت گرد اب بھی آزادانہ گھوم رہے ہیں، جبکہ مودی سرکار ہاتھ پر ہاتھ دھرے بیٹھی ہے،مودی سرکار کے نمائندے دنیا بھر میں سرکار چرچ پر سیر و تفریح کرتے نظر آ رہے ہیں،مودی سرکار کی نااہلی کے باعث پہلگام کے متاثرین انصاف کی حصولی سے محروم ہے، بھارتی حکومت نے اپنا رویہ نہ بدلا تو بین الاقوامی سطح پر ساکھ ختم ہو جائیگی،

امریکا کے صدر ڈونلڈ ٹرمپ نے امریکی شہریوں اور مفادات کو دہشت گردوں سے بچانے کیلئے متعدد ملکوں کے شہریوں کے امریکا میں داخلے پر پابندی لگادی۔

غیر ملکی خبر رساں ایجنسی کے مطابق امریکی صدر ڈونلڈ ٹرمپ نے ایک نئے سفری پابندی کے حکم نامے پر دستخط کر دیے جس کے تحت 12 ممالک کے شہریوں کے امریکا میں داخلے پر پابندی عائد کی گئی ہے۔

وائٹ ہاؤس کے مطابق جن ممالک کے شہریوں پر پابندی عائد کی گئی ہے ان میں افغانستان، برما، چاڈ، جمہوریہ کانگو، استوائی گنی، اریٹیریا، ہیٹی، ایران، لیبیا، صومالیہ، سوڈان اور یمن شامل ہیں،وائٹ ہاؤس کے جاری کردہ بیان میں بتایا گیا ہے کہ اس اقدام کا مقصد امریکی عوام کو خطرناک غیر ملکی عناصر سے محفوظ رکھناہے،صدر ٹرمپ نے ایک ویڈیو پیغام میں کہا کہ گزشتہ دنوں کولوراڈو میں پیش آیا دہشت گرد حملہ اس بات کا ثبوت ہے کہ وہ غیر ملکی شہری جو درست طریقے سے ویری فائی نہیں ہوتے، ہمارے ملک کے لیے شدید خطرہ بن سکتے ہیں۔