Author: ممتاز حیدر

امریکہ کی 249 ویں یوم آزادی کے موقع پر امریکن سفارتخانے اسلام آبادمیں ایک شاندار تقریب کا انعقاد کیا گیا، جس میں وزیراعظم شہباز شریف، وفاقی وزراء، مختلف ممالک کے سفرا، جے یو آئی کے سربراہ مولانا فضل الرحمان، معروف صحافی،سینئر اینکر اور سی ای او باغی ٹی وی مبشر لقمان سمیت دیگر نمایاں شخصیات نے شرکت کی۔

تقریب میں جے یو آئی سربراہ مولانا فضل الرحمان نے خصوصی توجہ حاصل کی اور انہوں نے تقریب کے دوران نماز کی امامت بھی کی، جس کی وجہ سے وہ پروگرام کا مرکز توجہ بنے رہے۔ تقریب کو ایک خاص تھیم کے تحت منظم کیا گیا تھا جس میں دونوں ممالک کے تعلقات اور باہمی تعاون پر زور دیا گیا۔تقریب کے دوران مولانا فضل الرحمان اور مبشر لقمان کی ملاقات بھی ہوئی،تقریب کےا ختتام پر مولانا فضل الرحمان کاامریکی سفیر نے خصوصی طور پر شکریہ ادا کیا اور تقریب کے بعد انہیں روانہ کرتے ہوئے کہا کہ ہم رابطے میں رہیں گے۔ مولانا فضل الرحمان کے ہمراہ جے یو آئی کے دیگر رہنما، جن میں کامران مرتضیٰ بھی شامل تھے، موجود تھے۔

وزیراعظم شہباز شریف نے تقریب سے خطاب کرتے ہوئے کہا کہ پاک بھارت کشیدگی میں کمی کے لیے امریکی صدر ٹرمپ کے اہم کردار کو بھرپور انداز میں سراہتے ہیں۔ انہوں نے کہا کہ صدر ٹرمپ نے عالمی سطح پر امن کے پیامبر کے طور پر اپنا موقف واضح کیا ہے۔ "کوئی شک نہیں کہ پہلگام واقعہ بھارت کا فالس فلیگ آپریشن تھا، جسے پاکستان نے تحمل اور صبر سے برداشت کیا۔”وزیراعظم نے مزید کہا کہ پاکستان دہشت گردی کے خلاف جنگ میں بھاری جانی و مالی نقصان برداشت کر چکا ہے، جس میں 90 ہزار سے زائد شہید اور 150 ارب ڈالر سے زائد کا معاشی نقصان شامل ہے۔ "پاکستان نے 2018 تک دہشت گردی کو تقریباً ختم کر دیا تھا اور انسداد دہشت گردی کی قربانیاں کسی سے کم نہیں۔”انہوں نے کہا کہ بھارت نے پہلگام واقعے کے بعد پاکستان پر حملہ کرکے خواتین اور بچوں کو بھی نشانہ بنایا، جس کے جواب میں پاکستان نے اپنے دفاع میں بھارت کے 6 جنگی جہاز مار گرائے۔ "پاکستان ہمیشہ خطے میں امن، استحکام اور خوشحالی کا خواہشمند رہا ہے۔”وزیراعظم شہباز شریف نے کہا کہ پاکستان کی توجہ معیشت کو مضبوط بنانے پر ہے اور امریکہ کے ساتھ اقتصادی تعلقات کو فروغ دینے کے لیے اقدامات جاری ہیں۔ انہوں نے کہا کہ ٹیرف کے مسائل کے حل سمیت دونوں ممالک کے درمیان تجارت بڑھانے کے لیے بھرپور کوششیں کی جا رہی ہیں۔

یہ تقریب نہ صرف امریکہ کی یوم آزادی کا جشن تھی بلکہ پاک امریکہ تعلقات میں بہتری کے نئے مواقع کی بھی علامت بن گئی۔ عالمی اور علاقائی امن و استحکام کے لیے تعاون کے عزم کا اظہار کیا گیا اور دونوں ممالک کے درمیان دوستانہ تعلقات کو مزید مضبوط بنانے کی خواہش کا اعادہ کیا گیا۔

بھارت کے چیف آف ڈیفنس اسٹاف کی حالیہ اعترافی تقریر نے نہ صرف بھارتی میڈیا میں ہلچل مچا دی ہے بلکہ ملک میں سیاسی اور عسکری حلقوں کے درمیان شدید اختلافات کو بھی جنم دیا ہے۔ بھارتی فوج کے اعلیٰ عہدیدار نے تسلیم کیا ہے کہ حالیہ چار روزہ جنگ کے دوران متعدد بھارتی جہاز تباہ ہو گئے اور اس کے نتیجے میں بھارتی فضائیہ دو دن تک مکمل طور پر معطل رہی۔ یہ اعتراف بھارت کے روایتی بیانیے کی سخت نفی کرتا ہے، جس میں بھارت ہمیشہ سے پاکستان پر اپنے عسکری برتری کا دعویٰ کرتا رہا ہے۔

بھارت نے جنگ کے بعد اپنے عوام اور عالمی برادری کو مسلسل گمراہ کیا، دعویٰ کیا گیا کہ نہ تو کوئی طیارہ گرا ہے اور نہ ہی فوج کو کوئی سنگین نقصان ہوا۔ بلکہ پاکستان کو بھاری شکستوں کا سامنا کرنا پڑا ہے۔ لیکن اب جب ملک کے اعلیٰ فوجی عہدیدار نے یہ حقیقت کھل کر بتائی ہے، تو بھارت کی عسکری اور سیاسی قیادت کی جانب سے ایک گہری بےچینی اور سردمہری دیکھنے میں آ رہی ہے۔چیزوں کو قبول کرنے کی بجائے کئی ہندو قوم پرست حلقوں نے بھارتی جنرل کو ہی غدار قرار دے دیا ہے، اور ان پر ملک کے خلاف بولنے کا الزام عائد کیا ہے۔ یہ حلقے حقیقت کو تسلیم کرنے کے بجائے اپنے من گھڑت بیانیے پر قائم رہنا چاہتے ہیں کہ بھارت ایک ناقابل شکست فوجی طاقت ہے جس نے پاکستان کو شکست دی ہے۔ یہ منفی ردعمل بھارت میں عسکری حقائق کو چھپانے اور قومی بہادری کے غلط فہم بیانیے کو بچانے کی کوشش کے مترادف ہے۔

یہ بات بھی قابل غور ہے کہ CDS نے یہ اہم معلومات بھارتی میڈیا کے بجائے عالمی میڈیا آؤٹ لیٹ "بلومبرگ” کو دی، جو بھارت میں میڈیا کی آزادی اور شفافیت کے حوالے سے تشویش کی علامت ہے۔ اس سے یہ ظاہر ہوتا ہے کہ فوجی قیادت اور سیاسی حکام کے درمیان ایک قسم کی نااتفاقی اور مایوسی موجود ہے، جہاں فوجی حقائق کو چھپانے کی کوشش کی جا رہی ہے۔بھارت کے وزیراعظم نریندر مودی نے جنگ بندی کے چند دن بعد ہی اپنا انتخابی مہم شروع کر دی، جس میں پاکستان کے خلاف فرضی فتح کے نعروں کو اجاگر کیا جا رہا ہے۔ اس کے باوجود حکومت نے نہ تو شہداء کی قربانیوں کا اعتراف کیا اور نہ ہی بھارتی فضائیہ کی تباہ کاریوں کو تسلیم کیا۔ یہ رویہ قومی اخلاقیات اور فوجی ذمہ داریوں کی سنگین خلاف ورزی ہے۔ بظاہر سیاسی مفادات کے لیے فوجی شکست کو چھپایا جا رہا ہے اور اس شکست کا بوجھ فوجی جوانوں پر ڈال دیا گیا ہے۔

بھارتی چیف آف ڈیفنس اسٹاف کے اعتراف نے بھارت میں عسکری حقائق کو منظر عام پر لا کر ایک نیا بحران کھڑا کر دیا ہے۔ اس نے نہ صرف قومی سطح پر سیاسی و عسکری اختلافات کو ابھارا ہے بلکہ بھارت کی وہ سیاسی قیادت بھی بے نقاب کی ہے جو جنگ کے جذباتی اور غلط بیانی پر مبنی پروپیگنڈے کو سیاسی فائدے کے لیے استعمال کرتی رہی ہے۔ اب سوال یہ ہے کہ بھارت کب اپنے عوام کو سچائی سے آگاہ کرے گا اور کب عسکری حقائق کو سیاسی مقاصد کی نذر کرنے کا سلسلہ ختم ہوگا۔

فتنہ الہندوستان کے بلوچستان میں دہشت گرد حملے، بھارت کے ملوث ہونے کے مزید شواہدسامنے آ گئے

معرکہ حق میں ناکامی کی ہزیمت چھپانے کے لیے بھارت نے اپنی پراکسیز کا بے دریغ دوبارہ استعمال شروع کر دیا، بلوچستان میں بھارتی سرکردہ فتنہ الہندوستان معصوم بلوچوں بچوں اور خواتین کو نشانہ بنانے لگی،بھارت منظم منصوبے کے ساتھ سپانسرڈ دہشت گردوں سے بلوچستان میں حملے کروا رہا ہے، مزدوروں کا ناحق قتل، جعفر ایکسپریس ٹرین، اے پی ایس بس خصدار اور سوراب حملہ اسی سلسلے کی کڑی ہے ،فتنہ الہندوستان کے حملے کے بعد بھارتی میڈیا پر وار فیئر چلنا شروع ہو جاتی ہے، فتنہ الہندوستان کے بلوچستان میں ہر حملے کے بعد بھارتی میڈیا اسے خوب اچھالتا ہے، ہر حملے سے پہلے اور بعد میں بھارتی سوشل میڈیا ان خبروں کو پھیلاتا ہے، بھارتی خفیہ ایجنسی "را” سے منسلک سوشل میڈیا اکاؤنٹس پوری طرح متحرک نظر آتے ہیں ،جعفر ایکسپریس حملے کے بعد بھارتی میڈیا نے جعلی اور اے آئی ویڈیوز تک چلائیں، یہ تمام شواہد فتنہ الہندوستان کے ہر حملے کی منظم بھارتی منصوبہ بندی کی طرف نشاندہی کرتے ہیں، فتنہ الہندوستان کے ہر حملے پر بھارتی میڈیا کا پروپگنڈادہشت گردوں کے بیانیے کو سپورٹ کرتا ہے ،

دوسری جانب سوراب کی عوام فتنہ ال ہند کی سفاک دہشت گردی کے خلاف سراپا احتجاج ہے،سوراب میں بھارتی حمایت یافتہ دہشتگردوں کی جانب سے نہتے شہریوں، خواتین اور بچوں پر حملے کے خلاف بلوچ عوام رات گئے سڑکوں پر نکل ائی۔عوام کا کہنا ہے ہماری سرزمین پر بیرونی آلہ کاروں کی بزدلانہ کاروائیاں ناقابلِ برداشت ہیں۔ شہید ہدایت اللہ بلوچ ہمارا فخر ہے، ان کی قربانی رائیگاں نہیں جائے گی۔عوام نے حکومت بلوچستان اور سیکورٹی فورسز سے مطالبہ کیا کہ بھارتی ایجنسیوں کے پے رول پر چلنے والی بی ایل اے جیسے فتنہ ال ہند کو مکمل طور پر کچلا جائے اور ان دہشتگردوں کو کیفرِ کردار تک پہنچایا جائے جو معصوم بلوچ عوام کا آے روز خون بہا رہے ہیں۔

واضح رہے کہ بلوچستان کے ضلع سوراب میں بھارتی سرپرستی میں سرگرم کالعدم تنظیم بی ایل اے کے دہشت گردوں نے ایک بزدلانہ حملہ کیا۔ 50 سے زائد دہشت گردوں نے شہری علاقوں، سرکاری عمارتوں اور معصوم بلوچ عوام کو نشانہ بنایا، جس میں اے ڈی سی ریونیو ہدایت بلیدی نے دشمن کے خلاف لڑتے ہوئے جامِ شہادت نوش کیا، قوم ان کی قربانی کو سلام پیش کرتی ہے۔یہ حملہ نہ صرف ریاستی رٹ پر حملہ ہے، بلکہ بلوچستان کے پرامن عوام کی عزت و حرمت، چادر اور چاردیواری کی پامالی بھی ہے۔ جلتے گھروں میں خواتین اور بچے محصور ہیں، جس کی ہر ذی شعور شخص مذمت کرتا ہے۔ریاست پاکستان ایسے بزدل عناصر اور ان کے بیرونی سرپرستوں کو خبردار کرتی ہے کہ دہشت گردی کی ہر کارروائی کا منہ توڑ جواب دیا جائے گا۔ سیکیورٹی فورسز نے فوری رسپانس دیتے ہوئے علاقے کا محاصرہ کر لیا ہے، اور کلیئرنس آپریشن جاری ہے۔ متعدد دہشت گرد موقع سے فرار ہو گئے ہیں، جن کی تلاش اور گرفتاری کے لیے سرچ آپریشن جاری ہے۔یہ بات اب عالمی برادری کے لیے بھی ناقابلِ انکار ہے کہ بھارت بلوچستان میں ریاست مخالف دہشت گردی کو منظم انداز میں ہوا دے رہا ہے۔ ایسے عناصر اور ان کے ہینڈلرز کو جلد انجام تک پہنچایا جائے گا۔ریاست پاکستان، بلوچستان کے عوام اور سیکیورٹی فورسز متحد ہیں۔ دشمن کے ہر وار کا جواب اتحاد، قربانی اور عزم سے دیا جائے گا۔

بھارتی مسلح افواج کے سربراہ جنرل انیل چوہان نے پہلی بار اعتراف کیا ہے کہ بھارت نے مئی میں پاکستان کے ساتھ ہونے والی جھڑپوں میں نامعلوم تعداد میں لڑاکا طیارے کھوئے۔ تاہم، انہوں نے اس تاثر کو رد کر دیا کہ یہ چار روزہ جنگ جوہری تصادم کے قریب پہنچی تھی۔

سنگاپور میں جاری "شنگریلا ڈائیلاگ” میں بلوم برگ ٹی وی کو انٹرویو دیتے ہوئے جنرل چوہان نے کہا، "اہم بات یہ نہیں کہ طیارے گرائے گئے، بلکہ یہ ہے کہ وہ کیوں گرائے گئے۔” انہوں نے یہ بتانے سے گریز کیا کہ بھارت نے کتنے طیارے کھوئے۔جنرل چوہان کا کہنا تھا، "اصل اہمیت اس بات کی ہے کہ ہم نے کون سی ٹیکنیکل غلطیاں کیں، ان کی نشاندہی کی، اصلاح کی اور پھر دو دن بعد دوبارہ کامیابی سے کارروائی کی۔ ہم نے تمام لڑاکا طیارے دوبارہ فضاء میں بھیجے اور طویل فاصلے کے اہداف کو کامیابی سے نشانہ بنایا۔”

یہ بیان بھارتی فوج یا حکومت کی جانب سے سب سے براہ راست اعتراف ہے جو اس مہینے کے آغاز میں پاکستان سے ہونے والی شدید جھڑپوں کے دوران لڑاکا طیاروں کے نقصان سے متعلق سامنے آیا ہے۔

یاد رہے کہ پاکستانی وزیراعظم شہباز شریف نے چند روز قبل دعویٰ کیا تھا کہ پاکستان نے چھ بھارتی لڑاکا طیارے مار گرائے ہیں، بھارت کی حکومت نے اس سے قبل طیارے گنوانے یا نہ گنوانے سے متعلق کوئی تبصرہ نہیں کیا تھا۔

یہ جھڑپ دونوں جوہری طاقتوں کے درمیان گزشتہ پچاس برسوں کی بدترین جھڑپ قرار دی جا رہی ہے، جس میں دونوں طرف سے فضائی، ڈرون، میزائل، توپ خانے اور چھوٹے ہتھیاروں کا تبادلہ ہوا۔ جھڑپ کی ابتدا 22 اپریل کو پہلگام میں ایک حملے سے ہوئی جس میں 26 شہری مارے گئے۔

جنرل چوہان سے جب سابق امریکی صدر ڈونلڈ ٹرمپ کے اس بیان پر تبصرہ مانگا گیا کہ امریکہ نے جوہری جنگ کو روکا، تو انہوں نے کہا کہ "یہ دعویٰ بعید از قیاس ہے کہ کوئی فریق جوہری ہتھیاروں کے استعمال کے قریب تھا۔”میرے ذاتی خیال میں روایتی جنگی کارروائیوں اور جوہری دہلیز کے درمیان کافی گنجائش موجود ہے۔ پاکستان کے ساتھ رابطے کے تمام ذرائع کھلے تھے تاکہ صورتحال کو قابو میں رکھا جا سکے۔” ان کا کہنا تھا کہ دونوں ممالک کے پاس کئی ایسے آپشنز موجود تھے جو مکمل جنگ سے پہلے آزما سکتے تھے۔

جنرل چوہان نے کہا کہ جنگ بندی برقرار ہے، تاہم اس کا دار و مدار پاکستان کے رویے پر ہے۔ "ہم نے واضح سرخ لکیریں کھینچ دی ہیں، اور اب یہ پاکستان پر ہے کہ وہ انہیں عبور کرتا ہے یا نہیں۔”انہوں نے کہا کہ بھارت عالمی سطح پر اپنا موقف پیش کر رہا ہے اور دنیا کو یہ باور کروا رہا ہے کہ وہ ذمہ داری کا مظاہرہ کر رہا ہے