Author: ممتاز حیدر

پہلگام فالس فلیگ آپریشن اور آپریشن سندور کی ناکامی کے بعد سے بھارت کے اندر سے سوالات اٹھ رہے ہیں

آپریشن سندور، یا آپریشن سیاست؟ مودی سرکار کا ڈرامہ بے نقاب ہو گیا،شیو سینا پارٹی کے لیڈر سنجے راوت نے بی جے پی کو کڑی تنقید کا نشانہ بنایا،آپریشن سندور کی ناکامی پر سنجے راوت نے امت شاہ سے استعفے کا مطالبہ کر دیا،سنجے راوت کا کہنا تھا کہ امت شاہ کی ناکامی سے پہلگام حملہ ہوا مگر کوئی جوابدہ نہیں، 26خواتین بیوہ ہو گئیں، لیکن مودی حکومت صرف کریڈٹ لینے میں مصروف ہے!پہلگام کے 6 دہشتگرد ابھی تک اس لیے نہیں پکڑے گئے شاید انہوں نے بی جی پی میں شمولیت حاصل کرلی ہے,مودی جی کو شہیدوں سے زیادہ اپنی تصویریں چھپوانے کی فکر ہے, مودی سرکار نے سندور جیسے مقدس نشان کی بھی بے حرمتی کردی ہے،پہلگام میں عورتیں بیوہ ہو گئیں اور دلی میں سیاست کا میلہ لگا ہوا ہے، مودی نے بی جے پی ورکروں کو سندور بانٹنے بھیج کر عورتوں کی توہین کی,

عالمی سطح پر بھارت کا پاکستان مخالف بیانیہ ناکام ہو گیا

ششی تھرور کا کولمبیا میں پاکستان مخالف بیانیہ پذیرائی حاصل نہ کر سکا،بھارتی توقعات کے برعکس کولمبیائی حکومت نے بھارت کی بجائے پاکستان کے مؤقف کی تائید کی،کولمبیا کی حکومت نے بھارتی حملوں میں پاکستانی جانوں کے نقصان پر افسوس کا اظہار کیا،بھارتی جارحیت کی مذمت کے بعد کولمبیا کی حکومت بھارت کے نشانے پر آ گئی

ششی تھرور نے کولمبیا پر تنقید کرتے ہوئے کہا کہ "دہشتگردوں اور ان کے خلاف دفاع کرنے والوں میں کوئی مساوات نہیں ہو سکتی”کولمبیا کے سفارتی دورے میں ششی تھرور نے انڈس واٹرز ٹریٹی، پہلگام حملہ، اور آپریشن سندور جیسے موضوعات پر پاکستان کو تنقید کا نشانہ بنایا،ششی تھرور نے بھارت میں ہونے والی دہشتگردی کا قصوروار پاکستان کو ٹھہرایا ،کولمبیا کی حکومت نے پاکستان مخالف بیانیے کو مکمل طور پر مسترد کر دیا،کولمبیا پر تنقید سے قبل ششی تھرور امریکہ اور صدر ٹرمپ کے خلاف بھی سخت بیانات دے چکے ہیں

عالمی سطح پر بھارت کی ناقص سفارتی حکمت عملی پر سوالات اٹھنے لگے ہیں،بھارت کا جارحانہ سفارتی رویہ اور ناقص حکمت عملی عالمی سطح پر اسے تنہا کر رہی ہے

آپریشن بنیان مَّرْصُوْص کی شاندار کامیابی اور بھارتی طیاروں کی تباہی پربھارتی سیاست دان اپنی ہی فضائیہ پر برہم ہوگئے

مشرقی اُدھم پور میں بی جے پی کے رکن لوک سبھا رنبیر سنگھ پٹھانیا نے بھارتی فضائیہ کو نالائق اور نااہل قرار دیدیا،
رنبیر سنگھ پٹھانیا نے بھارتی فضائیہ کے بارے میں کہا کہ ’’آپریشن سندور کے دوران سب جانتے ہیں کیا ہوا ، نالائقی ہو گی ان کی سو رہے ہونگے یہ لوگ‘‘اس میں ہمارا کوئی قصور نہیں ہے ہم نے تو ان کو اپنی پلکوں پر بٹھا کے رکھا،

رنبیر سنگھ پٹھانیا کا اشارہ بھارتی فضائیہ کی نالائقی اور پاک فضائیہ کی کامیابی کی جانب تھا، 6 اور 7 مئی کی درمیانی شب پا ک فضائیہ نے بھا ر ت کے 3 رافیل ، ایک مگ 29، 1 ایس یو 30 اور 1 معراج طیارہ مار گرایا،رافیل اور ا ایس یو -30 جیسے جدید طیاروں کی تباہی نے بھارتی فضائیہ برتری کے تمام دعوے بے نقاب کر دیئے، بھارت کی جانب سے تباہ شدہ طیاروں سے متعلق مکمل خاموشی بھارت کی شکست کے مترادف ہے، بھارتی طیاروں کی تباہی کے شواہد بین الاقوامی میڈیا بھی پیش کرچکا ہے

دفاعی ماہرین کا کہنا ہے کہ بھارتی سیاستدان کا بھارتی فضائیہ کی ناکامی حقائق پر مبنی ہے، مودی کی قیادت میں بھارت دفاعی لحاظ سے کمزور اور سفارتی طور پر بلکل تنہا رہ گیا ہے،مودی دور حکومت میں تمام دفاعی دعوے کھوکھلے ہو گئے ،بھارتی بری، فضائیہ اور بری فوج میں عملی صلاحیت کا شدید فقدان ہے،

اسرائیل نے سعودی عرب اور دیگر عرب ممالک کے وزرائے خارجہ کو مقبوضہ فلسطین کے علاقے مغربی کنارے کے شہر رام اللہ جانے کی اجازت نہ دینے کا فیصلہ کیا ہے۔ یہ اقدام ایسے وقت میں سامنے آیا ہے جب سعودی وزیر خارجہ شہزادہ فیصل بن فرحان اتوار کو مغربی کنارے کے دورے کا ارادہ رکھتے تھے۔

غیر ملکی خبر رساں ایجنسی کی رپورٹ کے مطابق، سعودی وزیر خارجہ کے علاوہ متحدہ عرب امارات، مصر، اردن، قطر اور ترکی کے وزرائے خارجہ بھی اتوار کو رام اللہ میں فلسطینی صدر محمود عباس سے ملاقات کریں گے۔ اس ملاقات کا مقصد فلسطینی قیادت کے ساتھ علاقائی سلامتی اور فلسطینی مسئلے پر تبادلہ خیال کرنا ہے۔سفارتی ذرائع نے بتایا ہے کہ سعودی وزیر خارجہ کی قیادت میں ایک وزارتی وفد رام اللہ جائے گا، جو 1967 میں اسرائیل کے فلسطینی علاقوں پر قبضے کے بعد سعودی وزیر خارجہ کا مغربی کنارے کا پہلا دورہ ہوگا۔ فلسطینی سفارت خانے کے ذرائع کے مطابق یہ دورہ تاریخی نوعیت کا حامل ہوگا کیونکہ اس سے سعودی عرب کی طرف سے فلسطینی عوام کی حمایت کا واضح اظہار ہوگا۔

تاہم، اسرائیل نے اس دورے کو روکنے کے لیے سخت مؤقف اختیار کیا ہے۔ ایک اسرائیلی اہلکار نے بتایا کہ فلسطینی اتھارٹی عرب وزرائے خارجہ کو رام اللہ میں بلانے کی خواہش رکھتی ہے تاکہ ایک آزاد فلسطینی ریاست کے قیام کے حق میں حمایت حاصل کی جا سکے، لیکن اسرائیل اس تجویز کو قبول نہیں کرتا۔اہلکار نے مزید کہا کہ اسرائیل مغربی کنارے کو یہودی ریاست بنانے کے اپنے منصوبے پر قائم ہے اور اس حوالے سے کسی بھی طرح کی بین الاقوامی کوششوں یا عرب وزرائے خارجہ کی مداخلت کو روکنا چاہتا ہے۔

یہ فیصلہ اس وقت سامنے آیا ہے جب اسرائیل نے علانیہ طور پر مغربی کنارے کو اپنی ریاست میں شامل کرنے کے منصوبے کا اظہار کیا ہے، جس سے خطے میں کشیدگی مزید بڑھنے کا خدشہ پیدا ہو گیا ہے۔فلسطینی قیادت اور عرب ممالک کی جانب سے اس اسرائیلی اقدام کی شدید مذمت کی جا رہی ہے اور وہ عالمی برادری سے مطالبہ کر رہے ہیں کہ وہ فلسطینی عوام کے حقوق کا تحفظ یقینی بنائے۔

دبئی: دبئی پولیس نے ایک منظم بھکاری گروہ کے خلاف بڑی کارروائی کرتے ہوئے 41 افراد کو گرفتار کر لیا ہے۔ یہ گرفتار شدگان ایک ہوٹل میں قیام پذیر تھے اور بھیک مانگنے کی سرگرمیوں میں ملوث تھے۔ اس موقع پر پولیس نے 60,000 درہم سے زائد نقدی بھی برآمد کی ہے جو پاکستانی کرنسی میں تقریباً 46 لاکھ روپے کے برابر ہے۔

پولیس حکام کے مطابق گرفتار کیے گئے افراد عرب ممالک سے وزٹ ویزوں پر متحدہ عرب امارات آئے تھے اور دبئی کے مختلف علاقوں میں لوگوں سے بھیک مانگنے کے لیے دعا کی مالائیں اور دیگر مذہبی اشیاء فروخت کرنے کا کاروبار کر رہے تھے۔یہ کارروائی "المسباح” کے نام سے چلائے جانے والے ایک خفیہ آپریشن کے تحت کی گئی، جسے جنرل ڈپارٹمنٹ آف کرمنل انویسٹی گیشن کے سسپیکٹس اینڈ کرمنل فینومینا ڈیپارٹمنٹ نے انجام دیا۔پولیس کو یہ اطلاع 901 کال سینٹر کے ذریعے ملی کہ کچھ افراد عوام سے دعا کی مالائیں اور دیگر مذہبی اشیاء بیچتے ہوئے بھیک مانگ رہے ہیں۔ اطلاع ملنے کے فوراً بعد پولیس نے چھان بین شروع کی اور جلد ہی تین عرب شہریوں کو موقع پر گرفتار کر لیا۔گرفتار افراد کی تحقیقات کے دوران ان کا اعتراف ہوا کہ وہ ایک بڑے منظم بھکاری گروہ کا حصہ ہیں جو متحدہ عرب امارات میں اس غیر قانونی سرگرمی میں ملوث ہے۔

پولیس کا کہنا ہے کہ اس کارروائی سے نہ صرف بھکاریوں کا نیٹ ورک متاثر ہوا ہے بلکہ عوام میں اس طرح کی غیر قانونی سرگرمیوں کے خلاف شعور بیدار کرنے میں بھی مدد ملی ہے۔

بھارت اور فرانس کے درمیان رافیل جنگی طیاروں کی حالیہ جنگ میں خراب کارکردگی نے دونوں ممالک کے تعلقات میں تلخی پیدا کر دی ہے۔ پاکستان کے خلاف حالیہ لڑائی میں مہنگے فرانسیسی ساختہ رافیل طیاروں کی مایوس کن کارکردگی نے عالمی سطح پر حیرت اور خدشات پیدا کر دیے ہیں، جبکہ دیگر ممالک جنہوں نے فرانس سے دفاعی سازوسامان خریدا ہے، وہ بھی اپنی خریداری پر نظر ثانی کرنے لگے ہیں۔

گزشتہ ہفتے رپورٹ کے مطابق انڈونیشیا نے حال ہی میں داسوٹ سے طیارے خریدنے کے معاہدے کی آڈٹ شروع کر دی ہے۔ اگرچہ آڈٹ کی وجہ ظاہر نہیں کی گئی لیکن واضح ہے کہ انڈونیشیا بھارت میں رافیل طیاروں کی خراب کارکردگی سے متاثر ہو کر تشویش میں مبتلا ہے،ریفائن کرنے کی کوشش میں پیرس نے نئی دہلی پر تنقید کی ہے اور دعویٰ کیا ہے کہ رافیل طیاروں کی ناکامی کی وجہ ان کی مرمت میں غفلت اور پائلٹس کی غلطیاں ہیں، نہ کہ طیاروں کی تکنیکی خامیاں،

غیر مصدقہ اطلاعات کے مطابق بھارت نے فرانس کی جانب سے رافیل طیاروں کی جانچ کے لیے بھیجی گئی ٹیم کو اپنی فضائیہ کے طیاروں تک رسائی دینے سے انکار کر دیا ہے۔ بھارت اس بات سے خوفزدہ ہے کہ فرانسیسی آڈیٹر اپنی رپورٹ میں خامیاں طیاروں کی بجائے بھارتی فضائیہ کے پائلٹس اور مینٹیننس پر ڈالیں گے۔

دسمبر 2024 میں انڈین کاؤنٹرولیٹر اینڈ آڈیٹر جنرل (CAG) اور پارلیمانی دفاعی کمیٹی کی رپورٹس میں بھارت کی فضائیہ کو شدید پائلٹ قلت اور تربیتی مسائل کا شکار بتایا گیا تھا۔ رپورٹ کے مطابق پائلٹس کی کمی 2015 میں 486 سے بڑھ کر 2021 میں 596 ہو گئی تھی۔ اس کمی نے فضائیہ کی لڑائی کی تیاری اور تربیت کو بری طرح متاثر کیا۔

کئی حلقوں کا کہنا ہے کہ اصل مسئلہ رافیل طیاروں کا ناقص ہونا نہیں بلکہ بھارتی فضائیہ کی تربیت اور مینٹیننس میں کوتاہی ہے۔ تاہم یہ بھی امکان ہے کہ فرانسیسی رافیل طیارے اب چینی ساختہ پاکستانی طیاروں اور میزائلوں کے سامنے برتری برقرار نہیں رکھ پاتے، جس کی وجہ ان کا زیادہ مہنگا ہونا ہے۔

بھارت کا ایک بڑا اعتراض یہ بھی ہے کہ داسوٹ کمپنی نے بھارتی فضائیہ کو رافیل طیاروں کے سافٹ ویئر کا سورس کوڈ فراہم کرنے سے انکار کر دیا ہے، جس کی وجہ سے طیاروں کی مینٹیننس اور جدید ہتھیاروں کی انٹیگریشن مشکل ہو رہی ہے۔ فرانس اس کو اپنی انٹلیکچوئل پراپرٹی کا تحفظ قرار دیتا ہے، لیکن بھارت کا موقف ہے کہ بغیر سورس کوڈ کے مکمل کنٹرول ممکن نہیں۔

پاکستانی فضائیہ کے چینی ساختہ PL-15 میزائل اور طیاروں نے بھارت کے رافیل طیاروں کو مار گرایا تو چین نے سوشل میڈیا پر بھارتی فوجی ناکامی کا خوب مذاق اڑایا۔ ایک چینی سفارتکار نے کہا، "بھارت ہر رافیل پر 288 ملین ڈالر خرچ کرتا ہے اور سورس کوڈ تک رسائی نہیں رکھتا۔ یہ ایک متنازعہ بات ہے۔”

مجموعی طور پر بھارت کو اپنی دفاعی خریداریوں اور فوجی تیاری پر گہرائی سے غور کرنا ہوگا۔ فرانس اور بھارت دونوں کو اس شکست کا ذمہ دار ماننا پڑے گا، لیکن بھارت کے لیے یہ ضروری ہے کہ وہ اپنے فضائیہ کے پائلٹس کی تربیت، مینٹیننس، اور دفاعی حکمت عملی میں بہتری لائے تاکہ آئندہ ایسے حالات میں بہتر مقابلہ کر سکے۔