Author: ممتاز حیدر

جنوبی ایشیا میں بھارت کے اثرورسوخ میں کمی، چین نے بازی پلٹ دی

امریکی تھنک ٹینک کونسل آن فارن ریلیشنز (سی ایف آر) نے بھارت کی گرتی ساکھ اور جنوبی ایشیا میں چین کے بڑھتے اثر پر تہلکہ خیز رپورٹ جاری کر دی،رپورٹ کے مطابق پاکستان کے ہاتھوں جنگ ہارنے کے بعد مودی اب سفارتی جنگ بھی ہار چکا ، خطے میں مودی حکومت کی اجارہ داری ختم ،جنوبی ایشیا نے بھارت کو مسترد کر دیا، چین اور پاکستان ابھرتی ہوئی قوت کے طور پر سامنے آگئے، بنگلہ دیش، نیپال، سری لنکا، مالدیپ- بھارت کے پرانے اتحادی اب چین کے ساتھ ہیں،چین کی سرمایہ کاری اور سمارٹ ڈپلومیسی نے بھارت کو بیک فٹ پر دھکیل دیا، بھارت نے شیخ حسینہ کو پناہ دی، بنگلہ دیشی عوام میں شدید غصہ اور بھارت مخالف جذبات ہیں،مالدیپ میں "انڈیا آؤٹ” تحریک کامیاب، حکومت نے چین سے دوستی بڑھا لی،نیپال میں کمیونسٹ حکومت کا چین کی طرف جھکاؤ، بھارت کو مکمل نظرانداز کر دیا گیا، سری لنکا کے نئے صدر نے چین کی معیشت کو ماڈل قرار دے دیا، بھارت کی سفارتی شکست ہے

مودی کا ناکام معاشی ماڈل، غربت، بے روزگاری اور پسماندگی کا شکار بھارتی عوام

بھارت کا مجموعی جی ڈی پی کے اعتبار سے جاپان کو پیچھے چھوڑنے کے دعویٰ جھوٹ ثابت ہو گیا، گلوبل ہنگر انڈیکس کے مطابق فی کس آمدنی کے لحاظ سے بھارتی عوام اب بھی شدید پسماندگی کا شکار ہیں،جاپان کی فی کس آمدنی 33,900 ڈالرز، جبکہ بھارت کی فی کس آمدنی محض 2,880 ڈالرز ہے،معاشی انڈیکیٹرز کے مطابق دونوں ممالک کے عوام کے معیارِ زندگی میں واضح فرق ہے،بھارت میں دولت چند امیر طبقوں تک محدود ہو چکی ہے
،بھارت کی اکثریتی آبادی غربت، بے روزگاری اور بنیادی سہولیات کی شدید کمی کا شکار ہے،آئی ایم ایف کے مطابق، قوتِ خرید کے حساب سے بھارت کی فی کس آمدنی جاپان سے پانچ گنا کم ہے،اعداد و شمار سے واضح ہوا کہ جاپانی شہری اوسطاً بھارتی شہری سے 11 گنا زیادہ آمدنی حاصل کرتا ہے

معاشی ترقی کا ڈھنڈورا پیٹنے والی مودی سرکار، زمینی حقائق چھپانے میں مصروف ہے،بھارتی عوام کی ایک بڑی تعداد آج بھی غربت کی لکیر سے نیچے زندگی گزارنے پر مجبور ہے، چیف ماہر اقتصادیات، انویسٹمنٹ بینک نیٹکسس، ایلیسیا گارسیا-ہیریرو کا کہنا تھا کہ بھارتی معیشت کی ناکامی اس بات کی عکاسی کرتی ہے کہ بھارتی معاشی ماڈل کا عوام کی فلاح و بہبود سے کوئی واسطہ نہیں،بھارت میں دولت کی منصفانہ تقسیم، انسانی ترقی اور بہتر معیارِ زندگی کو ترجیح دئیے بغیر ترقی کے دعوے کھوکھلے ہیں،

روس اور پاکستان کے درمیان اسٹریٹجک شراکت داری: بھارتی سفارتی ناکامی

پاکستان کی مضبوط معاشی ساکھ سے متاثر روس کا پاکستان میں بڑی سرمایہ کاری کا معاہدہ ہواہے،پاک روس معاہدے سے خطے میں بھارت کا اثرورسوخ شدید خطرے میں ہیں،دہائیوں سے بھارت کے اسٹریٹجک اتحادی روس کا پاکستان میں سرمایہ کاری کا معاہدہ بھارت کی سفارتی ناکامی کا منہ بولتا ثبوت ہے،عرب نیوز کے مطابق پاکستان اور روس کے مابین ایک ارب ڈالر کی دو طرفہ تجارت ہے،پاکستان کا روس سے سستے تیل کی درآمد کا سلسلہ کامیابی سے جاری ہے،دی ڈپلومیٹ کے مطابق وسطی ایشیا سے روابط میں پاکستان کے اہم کردار کا روس معترف ہے،پاکستان اور روس کے مابین بارٹر ٹریڈ کا نیا نظام بھی زیر غور ہے،روس سے رعایتی نرخوں پر تیل اور گیس کی درآمد پاکستان کے لیے اہم پیشرفت سامنے آ رہی ہے،

پاکستان اسٹیل ملز کے 700 ایکڑ پر جدید روسی ٹیکنالوجی سے نیا پلانٹ تعمیر کیا جا رہا ہے،روسی ٹیکنالوجی سے تیار کردہ پلانٹ سے خام تیل کی نقل و حرکت کے اخراجات کم ہوں گے،پاک روس معاہدے کے تحت پاکستان اسٹیل کی درآمدات میں 30 فیصد کمی اور 2.6 ارب ڈالر کی بچت متوقع ہے،

بھارت پراپیگنڈے کے ذریعے پاک روس شراکت داری کو سبوتاژ کرنے کی مذموم کوشش کرتا رہا ہے،سرمایہ کاری کے شعبے میں روس اور چین کا پاکستان پر اعتماد پاکستان کی کامیاب سفارتی پالیسیوں کا منہ بولتا ثبوت ہے

بھارتی دفاعی معاہدے کرپشن کا شکار: بھارتی ائیر چیف کے سنسنی خیز انکشافات

آپریشن سندور نے بھارتی فوج کی نااہلی کو بے نقاب کر دیا،دفاعی معاہدوں کی کرپشن کا راز فاش، بھارتی ائیر چیف کا تہلکہ خیز بیان سامنے آگیا، بھارتی ایئر چیف کا کہنا تھا کہ ٹائم لائن کا جنازہ نکل چکا ہے،کوئی بھی دفاعی پروجیکٹ کبھی بھی وقت پر مکمل نہیں ہوا ، ہم جانتے ہیں کچھ سسٹمز کبھی آئیں گے ہی نہیں، پھر بھی معاہدے کرتے ہیں!

بعد میں دیکھیں گے کیا کرنا ہے!’ اے پی سنگھ نے دفاعی خریداری کا حیران کن فارمولا بتادیا اور کہا کہ ہر منصوبہ تاخیر کا شکار، ایسا کوئی پروجیکٹ نہیں جو آج تک وقت پر مکمل ہوا ہو ،دفاعی معاہدے تو ہوتے ہیں، مگر ہتھیار نہیں آتے!،آپریشن سندور نے دفاعی قیادت کو جھنجھوڑ کر رکھ دیا ہےآپریشن سندور نے واضح کر دیا ہے کہ جنگ کی نوعیت اور حکمت عملی بدل رہی ہے ،جو وعدے پورے نہیں ہونے، وہ کیوں کرتے ہیں؟