Author: ممتاز حیدر

ہریانہ کے ضلع جھجھّر کے لوہاری گاؤں میں اتوار کی رات دیر گئے ایک دل دہلا دینے والے واقعے میں نامعلوم حملہ آوروں نے ایک سینئر صحافی دھرمیندر سنگھ چوہان کو سر میں گولی مار کر شدید زخمی کر دیا، جو بعد میں دوران علاج زخموں کی تاب نہ لاتے ہوئے دم توڑ گئے۔ پولیس حکام نے پیر کو اس افسوسناک واقعے کی تصدیق کی۔

دھرمیندر سنگھ چوہان، جو کہ گزشتہ کئی برسوں سے صحافت کے شعبے سے وابستہ تھے اور لوہاری گاؤں کے رہائشی تھے، اتوار کی شام اپنے روزمرہ کے کام سے فارغ ہو کر گھر لوٹے۔ کھانے کے بعد جب وہ معمول کے مطابق چہل قدمی کے لیے باہر نکلے تو کچھ نامعلوم افراد نے ان پر اچانک حملہ کر دیا اور ان کے سر پر گولی مار دی۔گولی چلنے کی آواز سن کر قریبی رہائشی موقع پر پہنچے اور چوہان کو خون میں لت پت زمین پر گرا ہوا پایا۔ فوری طور پر ان کے اہل خانہ کو اطلاع دی گئی اور انہیں نزدیکی اسپتال پٹودی لے جایا گیا۔ حالت نازک ہونے کی وجہ سے ڈاکٹروں نے انہیں مزید بہتر علاج کے لیے دوسرے اسپتال منتقل کرنے کا مشورہ دیا، جس پر اہل خانہ نے انہیں گڑگاؤں کے نجی اسپتال "گنیش جی اسپتال” منتقل کیا۔گنیش جی اسپتال میں دوران علاج دھرمیندر سنگھ چوہان زخموں کی تاب نہ لاتے ہوئے پیر کی صبح دم توڑ گئے۔ اہل خانہ کے مطابق گولی سر میں لگی تھی جس کے باعث ان کی حالت ابتدا ہی سے نازک تھی۔

واقعے کی اطلاع ملتے ہی پولیس اور فرانزک ماہرین کی ٹیم جائے وقوعہ پر پہنچی، جہاں سے شواہد اکٹھے کیے گئے۔ تاہم اب تک نہ تو حملہ آوروں کی شناخت ہو سکی ہے اور نہ ہی قتل کے محرکات کا سراغ ملا ہے۔ پولیس کا کہنا ہے کہ تحقیقات جاری ہیں اور تمام پہلوؤں سے معاملے کا جائزہ لیا جا رہا ہے۔چوہان کے اہل خانہ گہرے صدمے میں ہیں اور کسی مشتبہ شخص کی شناخت کرنے سے قاصر ہیں۔ دوسری جانب صحافی برادری اور میڈیا اداروں میں شدید غم و غصے کی لہر دوڑ گئی ہے۔ کئی صحافتی تنظیموں نے اس بہیمانہ قتل کی سخت الفاظ میں مذمت کی ہے۔

آل انڈیا جرنلسٹس ایسوسی ایشن کے ترجمان نے کہا "یہ حملہ نہ صرف ایک صحافی پر ہے بلکہ جمہوری اقدار اور آزادیٔ صحافت پر بھی حملہ ہے۔ حملہ آوروں کو فوری گرفتار کر کے کڑی سزا دی جائے۔”صحافیوں کی مختلف تنظیموں نے ہریانہ حکومت اور پولیس سے مطالبہ کیا ہے کہ واقعے کی اعلیٰ سطح پر شفاف تحقیقات کرائی جائیں اور جلد از جلد قاتلوں کو گرفتار کیا جائے تاکہ متاثرہ خاندان کو انصاف مل سکے اور صحافیوں میں پائی جانے والی عدم تحفظ کی فضا ختم ہو۔

پاکستان کے لیے جاسوسی: بھارت میں تین ریاستوں سے 9 افراد گرفتار، پہلگام حملے کے بعد کریک ڈاؤن

بھارت میں انٹیلیجنس اور قانون نافذ کرنے والے اداروں نے پاکستان کے لیے جاسوسی کے الزام میں تین ریاستوں ہریانہ، پنجاب، اور اترپردیش سے کم از کم نو افراد کو گرفتار کیا ہے۔ یہ کارروائیاں پہلگام حملے کے بعد جاسوسی کی سرگرمیوں پر بڑھتی نگرانی کے تناظر میں کی گئی ہیں۔

بھارتی حکام کے مطابق ان میں سے چار گرفتاریاں ہریانہ، تین پنجاب، اور ایک اترپردیش سے عمل میں آئیں۔ گرفتار افراد پر الزام ہے کہ انہوں نے پاکستان کو حساس معلومات فراہم کیں، جن میں فوجی تنصیبات، دفاعی نقل و حرکت، اور دیگر سیکیورٹی تفصیلات شامل ہیں۔

ہریانہ کے ضلع حصار سے تعلق رکھنے والی یوٹیوبر اور ٹریول ولاگر جیوٹی ملہوترا کو گرفتار کیا گیا ہے۔ وہ ‘Travel with JO’ کے نام سے یوٹیوب چینل چلاتی تھیں۔ پولیس کے مطابق، 33 سالہ جیوٹی پاکستان ہائی کمیشن کے ایک اہلکار سے رابطے میں تھیں اور کم از کم دو بار پاکستان جا چکی تھیں۔ حکام کا کہنا ہے کہ پاکستانی انٹیلیجنس ایجنسی آئی ایس آئی انہیں بطور اثاثہ استعمال کرنا چاہتی تھی۔

پٹیالہ کے خالصہ کالج میں سیاسیات کے طالبعلم دیویندر سنگھ کو 12 مئی کو کیتھل (ہریانہ) سے گرفتار کیا گیا۔ اس نے فیس بک پر ہتھیاروں کی تصاویر پوسٹ کی تھیں، جس کے بعد تحقیقات سے معلوم ہوا کہ وہ نومبر میں پاکستان گیا تھا اور وہاں آئی ایس آئی افسران کو پٹیالہ کی فوجی چھاؤنی کی تصاویر سمیت حساس معلومات فراہم کی تھیں۔

24 سالہ نعمان الہی، جو پانی پت (ہریانہ) میں سیکیورٹی گارڈ تھا، کو بھی گرفتار کیا گیا۔ وہ اترپردیش کا رہائشی ہے۔ پولیس کا کہنا ہے کہ وہ پاکستان میں ایک آئی ایس آئی ہینڈلر سے رابطے میں تھا، اور اپنے بہنوئی کے بینک اکاؤنٹ کے ذریعے پاکستان سے رقم وصول کرتا رہا۔

23 سالہ ارمان کو 16 مئی کو ضلع نوح (ہریانہ) سے انٹیلیجنس اطلاعات کی بنیاد پر گرفتار کیا گیا۔ پولیس نے دعویٰ کیا کہ وہ پاکستان کو حساس معلومات فراہم کر رہا تھا، اور اس کے خلاف ثبوت موجود ہیں۔

ضلع نوح ہی کے گاؤں کانگرکا سے طریف کو ارمان کی گرفتاری کے دو دن بعد گرفتار کیا گیا۔ پولیس کے مطابق، طریف نے گرفتاری کے وقت اپنے موبائل سے کچھ واٹس ایپ چیٹس ڈیلیٹ کرنے کی کوشش کی، جو پاکستانی نمبروں سے کی گئی تھیں۔

ضلع رامپور کا رہائشی اور کاروباری شخصیت شہزاد کو یوپی اسپیشل ٹاسک فورس نے مرادآباد سے گرفتار کیا۔ اس پر الزام ہے کہ وہ قومی سلامتی سے متعلق حساس معلومات پاکستان کو فراہم کرتا رہا۔ پولیس کے مطابق وہ متعدد بار پاکستان جا چکا ہے اور اسمگلنگ (کاسمیٹکس، کپڑے، مصالحہ جات) میں بھی ملوث رہا۔

پنجاب کے جالندھر سے محمد مرتضیٰ علی کو گجرات پولیس نے گرفتار کیا۔ اطلاعات کے مطابق، وہ پاکستان کی آئی ایس آئی کے لیے جاسوسی کر رہا تھا اور اس نے ایک موبائل ایپ کے ذریعے معلومات کا تبادلہ کیا۔ اس کے قبضے سے چار موبائل فون اور تین سم کارڈز برآمد ہوئے۔ پنجاب سے دو مزید افراد — غزالہ اور یامین محمد — کو بھی پاکستان کے لیے جاسوسی کے الزامات میں گرفتار کیا گیا۔

یہ گرفتاریاں اس وقت عمل میں آئیں جب بھارت اور پاکستان کے درمیان کشیدگی میں اضافہ ہوا۔ پہلگام میں حملے کے بعد بھارت نے الزام لگایا کہ حملہ آور پاکستان کے حمایت یافتہ گروہوں سے تعلق رکھتے تھے۔جوابی کارروائی میں بھارت نے "آپریشن سندور” کے تحت پاکستان اور پاکستان کے زیر قبضہ کشمیر میں حملے کئے۔ پاکستان نے اس کے بعد میزائل اور ڈرون حملے کیے، 10 مئی کو فائر بندی کے اعلان کے بعد جھڑپیں ختم ہوئیں۔

ممبئی، مالونی پولیس اسٹیشن کی حدود میں ایک افسوسناک اور انسانیت سوز واقعہ پیش آیا ہے جہاں ایک 30 سالہ خاتون اور اس کے 19 سالہ عاشق کو اپنی ڈھائی سالہ بیٹی کے ساتھ زیادتی اور قتل کے الزام میں گرفتار کر لیا گیا ہے۔ یہ واقعہ پیر کے روز منظر عام پر آیا جب پولیس نے معاملے کی تصدیق کی۔

پولیس کے مطابق، اتوار کی رات مذکورہ بچی کو شدید زخمی حالت میں ایک سرکاری اسپتال لایا گیا، جہاں اس کے جسم، خصوصاً نجی اعضا پر تشدد کے نشانات دیکھے گئے۔ ڈاکٹروں کو شک ہوا کہ بچی کے ساتھ جنسی زیادتی ہوئی ہے، جس پر انہوں نے فوری طور پر پولیس کو مطلع کیا۔ بدقسمتی سے بچی زخموں کی تاب نہ لاتے ہوئے دم توڑ گئی۔مالونی پولیس اسٹیشن کے ایک اہلکار کے مطابق، بچی کی ماں نے ابتدائی طور پر ڈاکٹروں کو گمراہ کرنے کی کوشش کرتے ہوئے یہ دعویٰ کیا کہ اس کی بیٹی مرگی کی مریضہ تھی اور اسی کے باعث اس کی طبیعت خراب ہوئی۔ تاہم، میڈیکل رپورٹ سے ثابت ہو گیا کہ بچی کے ساتھ زیادتی کی گئی تھی اور اسے شدید جسمانی تشدد کا نشانہ بنایا گیا تھا۔

میڈیکل رپورٹ اور تفتیش کی بنیاد پر پولیس نے ماں اور اس کے 19 سالہ عاشق کو گرفتار کر لیا۔ دونوں کے خلاف بھارتیہ نیائے سنہیتا اور بچوں کے جنسی جرائم سے تحفظ کے قانون کے تحت ریپ، قتل اور دیگر سنگین جرائم کی دفعات میں مقدمہ درج کیا گیا ہے۔پولیس کے مطابق، مذکورہ خاتون طلاق یافتہ تھی اور اپنی ڈھائی سالہ بیٹی کے ساتھ اپنی والدہ کے گھر رہ رہی تھی۔ بعد ازاں اس نے 19 سالہ نوجوان سے تعلقات قائم کیے، جو اس بچی کے ساتھ جنسی زیادتی میں ملوث پایا گیا۔

مودی سرکار کے ظلم کے ستائے سکھ بغاوت پہ اتر آئے،

سکھ برادری نے بھارتی وزیراعظم نریندر مودی کو عالمی عدالت کے کٹہرے میں لانے کا مطالبہ کر دیا ، بھارتی سکھ کا کہنا ہے کہ ہم نریندر مودی کو پھانسی کی سزا دلوائیں گے، مودی کے خلاف نیشنل اور انٹرنیشنل کورٹ میں مقدمات چلائیں گے ، مودی سے بڑا چال باز نہ اس دنیا میں تھا ،نہ ہے اور نہ ہوگا ، مودی ایک قاتل ہے اس نے بہت سے لوگوں کا قتل کیا، مودی نے اُن لوگوں کا قتل کروایا جنہوں نے اس کے خلاف آواز اٹھائی ، تین ججوں اور بہت سے افسروں کو مودی نے قتل کروایا ، مودی نے مذموم مقاصد کے حصول کے لئے متعدد افسران کا تبادلہ کروایا تاکہ وہ کام نہ کر سکیں، مودی نے بے شمار قتل کیے وہ ایک قاتل ہے، پلوامہ حملے کے ساتھ ساتھ بھارت میں جتنے بھی حملے ہوئے سب مودی نےکرائے ،

دفاعی ماہرین کا کہنا ہے کہ مودی اپنے مذموم عزائم اور بین الاقوامی سطح پر اپنی ساکھ بچانے کیلئے مسلسل جھوٹ کا سہارا لےرہا ہے،

انتہا پسند بھارتی وزرا اور بھارتی فوج کے ریٹائرڈ افسران آمنے سامنے آ گئے

آپریشن بنیان مرصوص میں ذلت آمیز ناکامی پر انتہا پسند بھارتی وزراء کی بھارتی فوج کے خلاف ہرزہ سرائی،کرنل صوفیہ قریشی پر تنقید کے حوالے سے میجر جنرل (ر) شریواستو سمیت دیگر سابق فوجی افسران نے بھارتی وزراءکو آڑے ہاتھوں لیا، ریٹائرڈ بھارتی فوجی افسران کا مطالبہ ہے کہ بھارتی فوج کی توہین کرنے والے وزیروں کو مودی برطرف کیوں نہیں کر رہے؟ میجر جنرل (ر) شریواستو ا کہنا تھا کہ مدھیہ پردیش کے وزیر وجے شاہ اور نائب وزیر اعلیٰ جگدیش دیوڈا فوج پر کیچڑ اچھال رہے ہیں، مودی خاموش تماشائی ہیں،فوج صرف بھارت ماتا کے سامنے جھکتی ہے، مودی جیسے سیاستدانوں کے قدموں میں نہیں، مودی کے قدموں میں فوج کو جھکانے کا بیان شرمناک اور ناقابل قبول ہے،

سابق بھارتی فوجی افسران کا کہنا ہے کہ مدھیہ پردیش کے وزراء فوج کی قربانیوں کامذاق اڑا رہے ہیں، فوج میں کرنل صوفیہ قریشی جیسے افسران قوم کا فخر ہیں، مودی حکومت ان پر بھی حملہ آور ہو رہی ہے، جو فوج کی تذلیل کرے وہ وزیر نہیں بلکہ مودی کا ترجمان ہے، مودی حکومت کی خاموشی ثابت کرتی ہے کہ وہ فوج کی توہین میں شریک ہے، فوج پر حملے ہو رہے ہیں اور مودی سرکار تماشائی بنی ہوئی ہے، فوجی ادارے مودی کی غلامی کے لیے نہیں، قوم کے تحفظ کے لیے ہیں،

دفاعی ماہرین کا کہنا ہے کہ فوجی اداروں کو سیاسی غلام بنانا مودی سرکار کا خطرناک ایجنڈا ہے،بنیان مرصوص میں بھارتی شکست ثابت کرتی ہے کہ بھارتی فوج صرف میڈیا پر طاقتور ہے، مودی کی ضد اور غرور نے بھارت کو سفارتی و عسکری محاذ پر تنہا کر دیا ہے، پاکستانی فوج نے پیشہ ورانہ مہارت سے بھارت اور بھارتی فوج کا جنگی غرور خاک میں ملا یا.