Author: ممتاز حیدر

کم عمر بچوں کی شادیوں پر پابندی سے متعلق بل قومی اسمبلی سے منظور کر لیا گیا

18 سال سے کم عمر بچوں کے نکاح کا اندراج قانونی جرم قرار، بل منظور کر لیا گیا، بل کے مطابق نکاح رجسٹرار کم عمر بچوں کی شادی کا اندارج نہ کرنے کے پابند ہونگے،نکاح پڑھانے والا شخص نکاح پڑھانے یا رجسٹرڈ کرنے سے قبل دونوں فریقین کے کمپیوٹررائز شناختی کارڈز کی موجودگی یقینی بنائے گا، بنا کوائف کے نکاح رجسٹر کرنے یا پڑھانے پر ایک سال قید ایک لاکھ روپے جرمانہ یا دونوں سزائیں ہونگی، 18 سال سے کم عمر لڑکی سے شادی بھی جرم قرار دے دیا گیا،18 سال سے زائد عمر کے مرد کی کمسن لڑکی سے شادی پر سزا مقرر کر دی گئی،کمسن لڑکی سے شادی پر کم سے کم 2 سال اور زیادہ سے زیادہ 3 سال قید بامشقت ہوگی،کمسن لڑکی سے شادی پر جرمانہ بھی ہوگا، کم عمر بچوں کی رضامندی یا بغیر رضامندی شادی کے نتیجے میں مباشرت نابالغ فرد سے زیادتی تصور ہوگی، نابالغ دلہن یا دولہے کو شادی پر مائل یا مجبور کرنے، ترغیب دینے اور زبردستی کرنے والا شخص بھی زیادتی کا مرتکب قرار دیا جائے گا، نابالغ دلہن یا دولہے کی شادی کرانے پر 5 سے 7 سال قید، 10 لاکھ روپے جرمانہ یا دونوں سزائیں ہونگی، شادی کی غرض سے کسی بچے کو ملازمت پر رکھنے، پناہ دینے یا تحویل میں دینے والے شخص کو 3 سال قید بمع جرمانہ سزا ہوگی، 18 سال سے کم عمر بچوں کی شادی پر والدین اور سرپرست کے لیے بھی سزائیں مقرر کی گئی ہیں، کمسن بچوں کی شادی کے فروغ، بدسلوکی یا شادی کے انعقاد پر والدین کو 3 سال قید بامشقت اور جرمانے کی سزا ہوگی،شادی کے لیے کمسن بچوں کو علاقہ چھوڑنے پر مجبور یا زبردستی کرنا بچوں کی سمگلنگ قرار دیا جائے گا،بچوں کی سمگلنگ کے مرتکب شخص کو 5 سے 7 سال قید اور جرمانے کی سزائیں ہونگی، 18 سال سے کم عمر بچوں کی شادی رکوانے کے لیے عدالت کو حکم امتناع دینے کا اختیار ہوگا،عدالت کم عمر بچوں کی شادی سے متعلق مقدمات 90 روز میں نمٹانے کی پابند ہوگی،بل وفاقی دارلحکومت اسلام آباد میں فی الفور نافذالعمل ہوگا،

اسلام آباد: ترجمان دفتر خارجہ شفقت علی خان نے ہفتہ وار میڈیا بریفنگ کے دوران ایک اہم اعلان کرتے ہوئے بتایا کہ پاکستان نے بھارت کی حالیہ جارحیت کے جواب میں چھ (6) بھارتی جنگی طیارے مار گرائے ہیں۔ ان کا کہنا تھا کہ پاکستان کسی بھی یکطرفہ کارروائی کا منہ توڑ جواب دینے کی بھرپور صلاحیت رکھتا ہے، اور ہم اپنی خودمختاری پر کوئی سمجھوتہ نہیں کریں گے۔

ترجمان نے کہا کہ بھارت کی جانب سے جو اقدامات کیے گئے، وہ بین الاقوامی قوانین کی خلاف ورزی کے مترادف ہیں۔ انہوں نے واضح کیا کہ بھارت کا یہ تاثر بالکل غلط ہے کہ پاکستان نے مایوسی کی حالت میں جنگ بندی کی درخواست کی۔ انہوں نے بتایا کہ سیز فائر کا فیصلہ پاکستان کی سفارتی کوششوں اور کئی دوست ممالک کی ثالثی سے ممکن ہوا۔شفقت علی خان نے کہا کہ بھارت مسلسل جھوٹا بیانیہ قائم کرنے کی کوشش کر رہا ہے اور اپنے عوام کو گمراہ کر رہا ہے۔ بھارت کی جانب سے پاکستان کے جوہری ہتھیاروں پر بار بار سوالات اٹھانا ایک غیر ذمہ دارانہ عمل ہے، جبکہ پاکستان ایک ذمہ دار جوہری ریاست ہے جو اپنے تمام بین الاقوامی معاہدوں اور ضابطوں کی مکمل پاسداری کرتا ہے۔انہوں نے کہا کہ پاکستان کی امن کی خواہش کو ہرگز کمزوری نہ سمجھا جائے۔ "ہم پرامن بقائے باہمی پر یقین رکھتے ہیں لیکن اگر ہماری خودمختاری کو چیلنج کیا گیا تو ہم ہر حد تک جائیں گے”،

دفتر خارجہ کے ترجمان نے بتایا کہ پاکستان نے مسئلہ کشمیر کے حل کے لیے امریکی ثالثی کی پیشکش کا خیر مقدم کیا ہے۔ انہوں نے کہا کہ یہ مسئلہ جنوبی ایشیا کے امن کے لیے سب سے بڑا خطرہ ہے اور جب بھی پاکستان اور بھارت کے درمیان مذاکرات ہوں گے، کشمیر ایجنڈے کا مرکزی نکتہ ہو گا۔انہوں نے بتایا کہ پاکستان اور بھارت کے ڈی جی ایم اوز کے درمیان 10 مئی سے رابطے جاری ہیں، جس کے نتیجے میں دونوں ممالک نے بتدریج جنگ بندی پر اتفاق کیا ہے۔اس موقع پر ترجمان نے بھارت کی جانب سے آئی ایم ایف کو لکھا گیا خط بھی تنقید کا نشانہ بنایا، جسے انہوں نے بھارتی حکومت کی "مایوسی اور سفارتی ناکامی” کا مظہر قرار دیا۔چین کی جانب سے اروناچل پردیش کے علاقوں کو چینی نام دیے جانے پر بھارتی اعتراضات کے حوالے سے سوال پر ترجمان نے کہا کہ پاکستان ہمیشہ چین کے مؤقف کی حمایت کرتا ہے۔سندھ طاس معاہدے سے متعلق ترجمان نے کہا کہ بھارت اسے یکطرفہ طور پر معطل نہیں کر سکتا کیونکہ معاہدے میں ایسی کوئی شق موجود نہیں۔ بھارت کی کوشش ہے کہ پانی کو بطور ہتھیار استعمال کرے، جو ایک خطرناک رجحان ہے۔انہوں نے بتایا کہ پاکستان کے دورے پر آئے ہوئے برطانوی سیکریٹری خارجہ کے ساتھ ملاقاتیں جاری ہیں، اور ان کی تفصیلات جلد باضابطہ اعلامیے کے ذریعے جاری کی جائیں گی۔ترجمان نے واضح کیا کہ پاکستان خود دہشت گردی کا شکار ہے اور بھارت کی ریاستی پشت پناہی سے ہونے والے حملوں کے ٹھوس شواہد موجود ہیں۔ انہوں نے بھارت سے مطالبہ کیا کہ وہ دہشت گردی کے نیٹ ورکس کی حمایت بند کرے۔افغانستان کے حوالے سے گفتگو کرتے ہوئے ترجمان کا کہنا تھا کہ وہ ایک خودمختار ملک ہے، جسے اپنے فیصلے خود کرنے کا مکمل اختیار حاصل ہے۔ تاہم ہماری درخواست ہے کہ افغان سرزمین پاکستان کے خلاف استعمال نہ ہونے دی جائے۔

پاکستان تحریک انصاف (پی ٹی آئی) کے چیئرمین بیرسٹر گوہر خان نے ملک کی موجودہ سیاسی کشیدگی کو ختم کرنے کے لیے سیاسی سیز فائر کا مطالبہ کرتے ہوئے کہا ہے کہ اب وقت آ گیا ہے کہ ملک میں سیاسی استحکام کے لیے تمام فریقین سنجیدگی کا مظاہرہ کریں اور مفاہمت کی جانب قدم بڑھائیں۔

اسلام آباد میں میڈیا نمائندگان سے گفتگو کرتے ہوئے بیرسٹر گوہر خان نے کہا”اب بہت ہوگیا، معاملات سلجھانے کی ضرورت ہے۔ پاکستان میں بھی سیاسی سیز فائر ہونا چاہیے، یہ ملک اور اس کے سسٹم کے لیے بہتر ہے۔”ان کا کہنا تھا کہ ملک اس وقت سنگین سیاسی اور معاشی چیلنجز کا سامنا کر رہا ہے، اور ایسے حالات میں مسلسل محاذ آرائی کسی کے مفاد میں نہیں۔میڈیا گفتگو کے دوران بیرسٹر گوہر خان نے سابق وزیراعظم اور پی ٹی آئی کے بانی عمران خان سے متعلق بھی واضح مؤقف اپنایا۔ ان کا کہنا تھا کہ”بانی پی ٹی آئی اور ان کی اہلیہ اس وقت جیل میں ہیں، لیکن عمران خان کبھی کوئی ڈیل نہیں کریں گے۔”انہوں نے عمران خان کے اصولی مؤقف پر زور دیتے ہوئے کہا کہ وہ عوام کے حق کے لیے لڑتے رہے ہیں اور اُن کی جدوجہد کسی ذاتی مفاد کے لیے نہیں بلکہ قومی مفاد کے لیے ہے۔

چیئرمین پی ٹی آئی نے افواج پاکستان کو خراجِ تحسین پیش کرتے ہوئے کہا”اللہ نے پاکستان کو کامیابی عطا کی اور افواج پاکستان نے بھارت کا غرور خاک میں ملا دیا۔”انہوں نے کہا کہ وطن کے دفاع کے لیے ہماری افواج ہمیشہ چوکس اور تیار رہتی ہیں، اور قوم کو ان پر فخر ہے۔

اسلام آباد ہائیکورٹ کے جسٹس سردار اعجاز اسحاق خان کا کہنا ہے ہائیکورٹ کے ججز میں تنازع ہے، میں کیوں دکھاوا کروں کہ تنازع نہیں ہے۔

جسٹس سردار اعجاز اسحاق خان کی عدالت سے توہینِ عدالت کیس لارجر بینچ منتقل کرنے کے خلاف کیس کی سماعت جسٹس سردار اعجاز اسحاق خان نے کی جس دوران ڈپٹی رجسٹرار و دیگر عدالت میں پیش ہوئے،سنگل بینچ نے اسلام آباد ہائیکورٹ کی جانب سے ڈویژن بینچ سے توہینِ عدالت کی کارروائی معطل کرنے کے آرڈر پر حیرت کا اظہار کیا اور جسٹس سردار اعجاز اسحاق نے ریمارکس دیے کہ آپ ڈویژن بینچ کا آرڈر بتا رہے ہیں کہ اس عدالت کو توہینِ عدالت کیس چلانے سے روک دیا گیا ہے، یہ تو ڈویژن بینچ کی جانب سے اختیار سے تجاوز کیا گیا ہے،فاضل جج کا کہنا تھا طے شدہ قانون ہےکہ ایک جج کے عبوری آرڈر کے خلاف انٹراکورٹ اپیل قابلِ سماعت نہیں ہوتی، ڈویژن بینچ کا یہ آرڈر اپنے سینئر ساتھی جج کی اتھارٹی کے خلاف ہے، اگر میں اختیار کے اس تجاوز کو تسلیم کرلوں تو سائلین کو میری عدالت پر اعتماد کیوں رہےگا؟ کل کو میری عدالت سے جاری آرڈر پر کوئی عملدرآمد کیوں کرے گا،جسٹس سردار اعجاز اسحاق کا کہنا تھا آرڈرز پر عملدرآمد کیوں ہو گا کہ جس لمحے میں توہینِ عدالت کا شوکاز نوٹس جاری کروں وہ ڈویژن بینچ معطل کر دے گا،عدالت نے ایڈیشنل اور ڈپٹی رجسٹرار سے استفسار کیا آپ نے انٹرا کورٹ اپیل دائر کرنے والی بات عدالت سےکیوں چھپائی؟ انہوں نے آپ کو سنا اور سمجھ لیا کہ میں غلط ہوں، مجھے قانون آتا ہی نہیں ہے،جسٹس سردار اعجاز اسحاق خان نے ریمارکس دیے کہ کیا آپ لوگ اسلام آباد ہائیکورٹ کو مذاق بنا رہے ہیں؟ میں نے آپ کو تسلی دی تھی کہ آپ نے پریشان نہیں ہونا آپ کے خلاف کارروائی نہیں کروں گا، آپ نے پھر بھی انٹرا کورٹ اپیل دائر کردی یا پھر آپ کو اپیل دائر کرنےکیلئے مجبور کیا گیا۔

انہوں نے کہاکہ یہاں چاہے سردار اعجاز بیٹھا ہو یا کوئی اور جج، یہ اسلام آبادہائیکورٹ کی کورٹ نمبر 5ہے، جب ڈویژن بینچ میں کیس آیا تو اس عدالت کی نمائندگی کہاں ہے؟ یکطرفہ آرڈر ہوا ہے، جب آرڈر ہو گیا تو اس عدالت کے سامنے لایا گیا کہ یہ کارروائی روک دی گئی ہے، سنگل بینچ کے عبوری آرڈرکے خلاف انٹراکورٹ اپیل قابلِ سماعت ہی نہیں ہے،فاضل جج نے کہا حیران ہوں کہ ایڈیشنل اور ڈپٹی رجسٹرار 30 سال کی سروس کے بعد بھی اس بات سے لاعلم تھے، کیا ڈویژن بینچ کو بھی معلوم نہیں تھا کہ عبوری آرڈر کے خلاف انٹرا کورٹ اپیل قابل سماعت نہیں؟جسٹس سردار اعجاز اسحاق نے کہا میں توہین عدالت کی یہ کارروائی آگے بڑھاؤں گا اور فیصلہ لکھوں گا، فیصلہ لکھوں گا کہ کیا چیف جسٹس کے پاس ایک جج سے توہین عدالت کیس واپس لینےکا اختیار ہے؟ یہ اس ادارے کی بنیاد پر زوردار حملہ ہے،عدالتی معاون نے کہا ڈویژن بینچ کے آرڈر میں ابہام ہے، وضاحت تک ایڈیشنل اور ڈپٹی رجسٹرار کی حد تک کارروائی آگے نہ بڑھائی جائے، اس طرح تاثر جاتا ہے کہ جیسے ہائیکورٹ کے ججز میں تنازع ہے،جسٹس سردار اعجاز اسحاق خان نے ریمارکس دیے ججز میں تنازع ہے، میں کیوں دکھاوا کروں کہ تنازع نہیں ہے؟