Author: ممتاز حیدر

وزیرِ اعظم پاکستان میاں محمد شہباز شریف اور چیف آف آرمی اسٹاف جنرل سید عاصم منیر نے آج اسکواڈرن لیڈر عثمان یوسف شہید کے گھر کا دورہ کیا۔ اس موقع پر انہوں نے شہید کے اہلِ خانہ سے ملاقات کی، ان کے صبر و حوصلے کو سراہا اور شہید کے درجات کی بلندی کے لیے دعا کی۔

وزیرِ اعظم اور آرمی چیف نے شہید کے اہلِ خانہ کے ساتھ تعزیت کا اظہار کرتے ہوئے کہا کہ عثمان یوسف نے مادرِ وطن کے دفاع کے لیے جان کا نذرانہ دے کر قوم کا سر فخر سے بلند کر دیا۔ اُن کا یہ عظیم کارنامہ تاریخ کے سنہری اوراق میں ہمیشہ زندہ رہے گا۔”شہداء ہمارا فخر ہیں۔ عثمان یوسف کی قربانی قوم کے لیے مشعلِ راہ ہے۔ ہم ان کے اہلِ خانہ کے ساتھ کھڑے ہیں اور ان کی لازوال قربانی کو سلام پیش کرتے ہیں۔”

چیف آف آرمی اسٹاف جنرل سید عاصم منیر نے کہا "قومی سلامتی اور ملکی خودمختاری کے تحفظ میں شہید ہونے والے افسران اور جوان ہمارا قیمتی اثاثہ ہیں۔ اسکواڈرن لیڈر عثمان یوسف کی فرض شناسی، جرأت اور بہادری ناقابلِ فراموش ہے۔”دورے کے دوران وزیرِ اعظم اور آرمی چیف نے شہید کی تصاویر اور یادگار کا مشاہدہ کیا اور شہید کے والدین و دیگر اہلِ خانہ سے گفتگو کرتے ہوئے اُن کے حوصلے کو سراہا۔آخر میں شہید کی روح کے ایصالِ ثواب کے لیے فاتحہ خوانی کی گئی اور قومی سلامتی، استحکام اور شہداء کے درجات کی بلندی کے لیے دعا کی گئی۔

یوم تشکر کے حوالے سے وزیراعظم ہاؤس میں پرچم کشائی کی تقریب ہوئی.

وزیراعظم نے پرچم کشائی کی، اور کہا کہ آج ، بھارت کی کھلی جارحیت اور اشتعال انگیزی کے خلاف پاکستان کی شاندار کامیابی اور فتح پر اللہ تعالیٰ کا شکر بجا لانے کے لئے ملک بھر میں یوم تشکر منایا جا رہا ہے،6 اور 7 مئی کی درمیانی شب بھارت نے بزدلی کا مظاہرہ کرتے ہوئے پاکستان پر حملہ کر دیا جس کے نتیجے میں معصوم اور بے گناہ پاکستانی شہری شہید ہوئے، اور ہمیں ان بے گناہ شہریوں کی خاطر جوابی کارروائی کرنے پر مجبور کردیا ،پاکستان ایک پر امن ملک ہے لیکن ہم اپنے دفاع میں بھرپور جوابی کارروائی کا حق محفوظ رکھتے ہیں، پاکستان کی بہادر اور پیشہ وارانہ مسلح افواج نے دشمن کو اسی کی زبان میں مؤثر اور بھرپور جواب دے کر عسکری تاریخ کا سنہرا باب رقم کیا ہے .

اقوام متحدہ میں پاکستان کے مستقل مندوب عاصم افتخار کا کہنا ہے کہ بھارت نے پہلگام واقعے کو جواز بنا کر 2ہزار سے زائد کشمیریوں کو گرفتار کیا تاکہ ان کی جائز جدوجہد حقِ خودارادیت کو مزید کچلا جا سکے۔

پاکستان کے مستقل مندوب عاصم افتخار نے سلامتی کونسل میں بریفنگ دیتے ہوئے کہا کہ مقبوضہ جموں و کشمیر میں حالیہ برسوں میں ہزاروں نامعلوم اور بے شناخت قبریں سامنے آئی ہیں، تحقیقات سےواضح ہوا ہے کہ بھارتی قابض افواج لوگوں کو پہلے اغوا کرتی ہیں، پھر انہیں اذیتیں دی جاتی ہیں اور بغیر کسی قانونی عمل کے موت کے گھاٹ اتار دیا جاتا ہے،بھارت نے پہلگام واقعے کو جواز بنا کر 2 ہزار سے زائد کشمیریوں کو گرفتار کیا تاکہ ان کی جائز جدوجہدِ حقِ خودارادیت کو مزید کچلا جا سکے،لاپتا افراد کے بحران سے نمٹنے کے لیے تنازعات کی روک تھام اور پُرامن تصفیہ ناگزیر ہیں۔

دوسری جانب کشمیر کونسل یورپ نے مسئلہ کشمیر کو بین الاقوامی سطح پر اُجاگر کرنے کے لیے اپنی کوششیں تیز کر دی ہیں اور یورپی حکام اور اہم یورپی شخصیات کے ساتھ اس سلسلے میں تازہ رابطے کئے ہیں۔کشمیر میڈیا سروس کے مطابق ”کشمیر کونسل یورپ“ کے زیراہتمام کانفرنسوں ، سیمیناروں اور مباحثوں کا انعقاد بھی کیا جا رہا ہے تاکہ کشمیری عوام کی آواز مؤثر طریقے سے عالمی برادری تک پہنچائی جا سکے۔کونسل کے چیئرمین علی رضا سید نے اعلیٰ یورپی حکام بشمول صدر یورپی کمیشن ارسولا وون در لیین ، صدر یورپی کونسل انٹونیو کوسٹا ، یورپی پارلیمنٹ کی سربراہ روبرٹا مٹسولا اور اعلیٰ سفارتکار کاجا کالاس کو خطوط بھی لکھے ہیں جن میں ان کی توجہ جنوبی ایشیاء کی سنگین صورتحال کی طرف دلائی گئی ہے۔خط میں پاکستان پر بھارتی جارحیت کا ذکر بھی کیا گیا اور کہا گیا کہ بھارت کی ہٹ دھرمی اور غیر حقیقت پسندانہ طرزِعمل کی وجہ سے جنوبی ایشیا کا خطہ سخت غیر یقینی صورتحال سے دوچار ہے۔
خط میں یورپی یونین پر زور دیا گیا کہ وہ تنازعہ کشمیر کے حل کے لیے اپنا کردار ادا کرے کیونکہ جب تک یہ مسئلہ حل نہیں ہوتا ، پاک بھارت تعلقات بہتر نہیں ہو سکتے اور نہ ہی جنوبی ایشیا میں پائیدار امن و ترقی کا خواب شرمندہ تعبیر ہو سکتا ہے۔

ڈپٹی سپیکر نے اسلام آباد ائیر پورٹ کانام بے نظیر بھٹو رکھنے کی قرار داد پر حکومت سے جواب طلب کرلیا۔ قومی اسمبلی کا اجلاس ڈپٹی سپیکر سید غلام مصطفی شاہ کی زیر صدارت ہوا۔

سید خورشید شاہ نے کہا کہ اسلام آباد ایئرپورٹ کا نام شہید محترمہ بے نظیر بھٹو رکھنے کی قرارداد د پاس ہو گئی ہے، اس قرار داد پر عملدرآمد نہیں ہو رہا، عبدالقادر پٹیل نے کہاکہ وزیر داخلہ محسن نقوی کو ایک بار ڈائس کے سامنے کھڑا کرکے دکھا دیں، محسن نقوی کو سامنے کھڑا کرکے دکھا دیں ہمیں ان سے اور کچھ نہیں چاہئے، وزیر قانون اعظم نذیر تارڑ نے کہاکہ یہ ایگزیکٹو فیصلے ہیں، ایوی ایشن ڈویژن سے مشاورت کے بعد بتادوں گا ، سیکیورٹی صورتحال کی وجہ سے وزیر داخلہ کی مصروفیات ہم سے زیادہ ہیں، ڈپٹی اسپیکر نے قرارداد پر عملدرآمد کے حوالے سے حکومت سے جواب طلب کرلیا.

کراچی پی آئی اے حادثہ 2020 کے متاثرین معاوضہ کے لئے رل گئے
توجہ دلاؤ نوٹس پر پارلیمانی سیکرٹری دفاع زیب جعفر نے بتایا کہ کراچی میں پی آئی اے کا جہاز 2020میں طیارہ تباہ ہواتھا ، 97مسافروجہاز کا عملہ جاں بحق ہوا ۔ ہم نے سب کو معاوضہ دیا ہے ۔73 خاندانوں کو معاوضہ دیا گیا باقی عدالتوں میں چلے گئے ہیں ۔ توجہ دلاؤ نوٹس پر معین عامر نے کہاکہ حادثہ میں شہید ہونے والوں کا ابھی تک معاوضہ نہیں دیا گیا ہے متاثرین عدالتوں میں رل رہے ہیں ان افراد کو معاوضہ دیا جائے ۔توجہ دلاؤ نوٹس قائمہ کمیٹی دفاع کو بھیج دیا گیا ۔

وزیر پارلیمانی امور ڈاکٹر طارق فضل چوہدری نے کہاکہ پاکستان نیوی ترمیمی بل 2025ایوان میں پیش کیا ۔جس پر نوید قمر نے اعتراض کیا کہ کمیٹی ممبر ہی بل ایوان میں پیش کرسکتا ہے جس پر ملک ابرار نے بل پر کمیٹی کی رپورٹ ایوان میں ہیش کی ۔

وفاقی دارالحکومت اسلام آباد میں قتل، گینگ ریپ، زنا ،اغواء، اور اقدام قتل کے ہوشرباء کیسز رپورٹ ہونے کا انکشاف ہوا۔گزشتہ 3 برسوں 24 اپریل 2022 سے 24 اپریل 2025 تک دوران کل 4455 مقدمات درج ہوئے،گینگ ریپ کے کل 63 مقدمات درج کیے گئے گینگ ریپ میں 169 افراد ملوث پائے گئے۔

کیسز کی تحریری تفصیلات وزارت داخلہ نے قومی اسمبلی میں جمع کرادیں۔تین سالوں میں 7259 ملزمان مختلف جرائم میں ملوث پائے گئے۔4499 ملزمان گرفتار کیے گئے جبکہ 2718 مفرور ہیں۔قتل کے مقدمات کی مجموعی تعداد 600 رہی قتل کے کیسز میں 2064 افراد ملوث پائے گئے قتل میں 1063 ملزمان گرفتار کیے گئے قتل کے جرم میں 1002 تاحال گرفتار نہ ہو سکے قتل کے مقدمات میں 387 چالان عدالتوں میں جمع کرائے گئے قتل کے 15 مقدمات منسوخ اور 61 تاحال ناقابل سراغ ہیں۔

گینگ ریپ کے کل 63 مقدمات درج کیے گئے،گینگ ریپ میں 169 افراد ملوث پائے گئے ،گینگ ریپ کے گھناؤنے جرم میں سے 138 گرفتار اور 29 تاحال گرفتار نہ ہو سکے،زنا کے 2013 مقدمات درج ہوئے،زنا کے کیسز میں 1275 ملزمان گرفتار، 805 مفرور قرار پائے،زنا کے مقدمات میں 524 مقدمات زیر تفتیش رہے،اغوا اور اغواء برائے تاوان کے 875 مقدمات رپورٹ ہوئے،اغوا کے مقدمات میں 611 ملزمان گرفتار، 329 مفرور ہوئے اغواء کے 138 مقدمات زیر تفتیش ہیں،

اقدام قتل کے 904 مقدمات درج کیے گئے اقدام قتل میں 3140 افراد ملوث پائے گئے اقدام قتل میں 2164 گرفتار کیے گئے 940 مفرور ہیں اقدام قتل کے 679 مقدمات کا چالان جمع ہوا جبکہ 27 منسوخ ہوئے سال 23-2022 میں 1419 مقدمات درج ہوئے سال 24-2023 میں 1527 مقدمات درج کیے گئے سال 25-2024 میں 1509 مقدمات سامنے آئے تین برسوں میں مجموعی طور پر 1784 ملزمان مفرور قرار پائے 164 مقدمات منسوخ جبکہ 451 مقدمات تاحال ناقابل سراغ ہیں

قومی اسمبلی کو بتایا گیا کہ 2023سے اب تک 10 لاکھ افغان مہاجرین کو واپس اپنے وطن بھیج دیا گیا ہے، ہاکی کے لیے 119ملین روپے کا بجٹ دیاگیا، پی آئی اے کی برطانیہ کے لیے فلائٹس کی بحالی کے حوالے سے مذاکرات ہورہے ہیں ۔

قومی اسمبلی کا اجلاس ڈپٹی سپیکر سید غلام مصطفی شاہ کی زیر صدارت پارلیمنٹ ہاوس میں ہوا۔قومی اسمبلی کا اجلاس شروع ہواتو اقبال آفریدی نے کہاکہ میرے حلقے میں لوگ شہید ہوئے ہیں اس پر کوئی بات نہیں کررہاہے اس کے بعد انہوں نے سپیکر کے ڈائس کے سامنے دھرنا دے دیا ۔ وزیر پارلیمانی امور ڈاکٹر طارق فضل چوہدری نے مذاکرات کرکے دھرنا ختم کروادیا۔

وقفہ سوالات میں شرمیلا فاروقی نے کہاکہ جہاز ٹائر کراچی میں چھوڑ دیں گے لاہور میں غلط رن وے پر لینڈ کریں گے تو پابندی کس طرح ختم ہوگی ۔پارلیمانی سیکرٹری زیب جعفر نے کہاکہ پی آئی اے منافع میں ہوگئی ہے یورپ کی فلائٹس شروع ہوگئی ہیں یوکے کی فلائٹس کے لیے مذاکرات ہوئے ہیں مگر ابھی تک اس کی اجازت نہیں ملی ہے۔ برطانیہ کے لیے ترکش ائیر لائن کے ساتھ شیئرنگ شروع کردی ہے جس سے پی آئی اے کو منافع ہورہاہے ۔

آغا رفیع اللہ نے کہاکہ بچوں کو تعلیم دیا ریاست کی زمہ داری ہے مگر او پی ایف سکولوں میں بچوں سے فیس لی جارہی ہے ۔وزیر پارلیمانی امور ڈاکٹر طارق فضل چوہدری نے کہاکہ او پی ایف سکولوں میں فیس بہت کم بڑی ہے سرکاری سکولوں میں کوئی فیس نہیں لی جاتی ہے او پی ایف انہی فیسوں سے چلتا ہے ان سکولوں کو کوئی سرکاری فنڈ نہیں دیاجاتا ہے۔

پارلیمانی سیکرٹری مختار بھرتھ نے بتایا کہ افغان مہاجرین میں سے اے سی سی ہولڈر کی تعداد 8لاکھ 13ہزار 146اور پی او آر کارڈ ہولڈرز کی تعداد 13لاکھ 1 ہزار 413 ہے ۔ افغان شہری ویزہ لےکر پاکستان آسکتے ہیں ۔ نومبر 2023 سے 7 مئی 2025 تک کل 10 لاکھ 2 ہزار 230افغان شہریوں کو واپس وطن بھیجا ہے ۔

شرمیلا فاروقی نے کہاکہ ہاکی قومی کھیل ہے مگر ہر ٹورنامنٹ میں وہ کولیفائی نہیں کررہے ہیں اس کی کیا وجہ ہے وسائل خرچ ہورہے ہیں ۔کرن ڈار نے کہاکہ 119ملین روپے بجٹ ہم نے ہاکی کو دیا تھا کھیل میں سیاسی مداخلت کو کم سے کم کرنے کی کوشش کروں گی ۔ارکان قومی اسمبلی نے پارلیمنٹ الاجز کے بارے میں شکایات کی بھرمار کردی۔ ارکان نے آؤٹ سورس کرنے کا مطالبہ کردیا.