Author: ممتاز حیدر

بھارت، جو خود کو "دنیا کی سب سے بڑی جمہوریت” کہنے پر فخر کرتا ہے، وہاں سچ بولنے والوں کے لیے جگہ تنگ ہوتی جا رہی ہے۔ نریندر مودی کی حکومت نے اب نہ صرف ملکی سطح پر مخالف آوازوں کو دبانا شروع کر دیا ہے بلکہ بین الاقوامی ذرائع ابلاغ کو بھی روکنے کی مہم تیز کر دی ہے۔

حالیہ اطلاعات کے مطابق بھارت میں کئی غیر ملکی میڈیا اداروں پر مکمل پابندی عائد کر دی گئی ہے۔ ان میں چین کے سرکاری میڈیا ادارے گلوبل ٹائمز اور شینہوا نیوز ایجنسی کے ساتھ ساتھ ترکی کے مشہور ادارے ٹی آر ٹی ورلڈ شامل ہیں۔ ان اداروں کی خاص بات یہ ہے کہ یہ اکثر بھارت کے حساس موضوعات پر تنقیدی اور تحقیقی صحافت پیش کرتے ہیں ، وہی صحافت جو مودی حکومت کو گوارا نہیں،بھارت میں قومی میڈیا کا ایک بڑا حصہ اب حکومت کی ترجمانی کا کردار ادا کر رہا ہے، جسے عوام میں ’گودی میڈیا‘ کہا جاتا ہے۔ یہ میڈیا ادارے وہی دکھاتے ہیں جو حکومت چاہتی ہے، اور جو آوازیں حکومت سے سوال کرتی ہیں، انہیں یا تو غدار کہہ کر خاموش کرا دیا جاتا ہے یا پھر مکمل طور پر بین کر دیا جاتا ہے۔

صحافیوں، سوشل میڈیا ایکٹیوسٹس اور تحقیقی رپورٹرز کو یا تو گرفتار کیا جاتا ہے یا ان کے خلاف مقدمات درج کیے جاتے ہیں۔ بہت سے غیر ملکی صحافیوں کو ویزا تک نہیں دیا جاتا، یا ملک بدر کر دیا جاتا ہے۔ایک حقیقی جمہوریت وہ ہوتی ہے جہاں ہر آواز کو سنا جائے، ہر سوال کا جواب دیا جائے اور اختلاف رائے کو عزت دی جائے۔ لیکن مودی کا بھارت ایک ایسی ریاست بن چکا ہے جہاں جمہوریت تب تک ہے جب تک آپ سرکار کی ہاں میں ہاں ملاتے رہیں۔ تنقید کرو، تو آپ ملک دشمن، قوم کے غدار، یا سیکیورٹی رسک قرار دیے جاتے ہیں۔

یہ "میڈیا فائر وال” محض سوشل میڈیا ویب سائٹس کو بند کرنے تک محدود نہیں، بلکہ ایک وسیع منصوبہ ہے جس کے تحت نریٹیو کو مکمل طور پر کنٹرول کیا جا رہا ہے۔ دنیا کو جو بھارت دکھایا جا رہا ہے، وہ صرف پردے کا ایک رخ ہے ، پردے کے پیچھے سچائی کہیں چھپی، کہیں جلی، کہیں دبائی جا رہی ہے۔

امریکی صدر ٹرمپ کے سیز فائر بیان کو بھارت نے کھلے عام مسترد کر دیا

10 مئی کو معرکہ بنیان مرصوص کی کامیابی کے امریکی صدر ڈونلڈ ٹرمپ نے جنگ بندی کا اعلان کیا ،جنگ بندی کے بعد بھارتی لیڈران سمیت صحافیوں نے امریکی صدر کے بیان کو مسترد کرتے ٹرمپ کو شدید تنقید کا نشانہ بنایا ،بھارتی سیاستدان پرکاش امبیڈکر نے مودی سرکار پر سخت تنقید کی اور کہا کہ امریکہ نے سیزفائر کا اعلان کیا اور بھارت کو خبر تک نہ ہوئی،ٹرمپ انتظامیہ نے خود ہی انڈیا پاکستان جنگ ختم کر دی،مودی اور بھارتی دفتر خارجہ نے سیز فائر معاہدے پر مکمل چپ سادھ لی ہے، لیڈر شپ مکمل طور پر ناکام،ٹرمپ نے یکطرفہ فیصلہ کر کے بھارت کی قومی سلامتی کو مذاق بنا دیا،

پون کھھیڑا (کانگریس) نے کہا کہ یہ مودی سرکار کی ناکامی ہے کہ سیزفائر کی خبر ہمیں امریکی صدر سے سننی پڑی،بھارت کی خارجہ پالیسی اب واشنگٹن سے چلائی جا رہی ہے،مودی کو سیز فائر کا علم نہیں تھا تو ہمیں اعتماد میں لینا چاہیے تھا، بھارتی عوام کو حق ہے کہ وہ یہ جان سکے کہ یہ فیصلہ کہاں سے کیا گیا،

صحافی، ارناب گوسوامی کا کہنا تھا کہ یہ ٹرمپ کا کام نہیں کہ وہ جنگ بندی جیسے حساس معاملے پر دعویٰ کرے جب ہم نے اس پر کوئی اتفاق ہی نہیں کیا، کچھ دن پہلے ٹرمپ نے کہا تھا کہ پاک بھارت اس کا مسئلہ نہیں، اب اچانک جنگ بندی کا اعلان کیسے کر دیا،میں ٹرمپ کے اس دعوے کو سختی سے مسترد کرتا ہوں کہ بھارت اور پاکستان کے درمیان جنگ بندی ہو گئی ہے، ہمارا میڈیا صرف مودی اور بھارتی افواج کی بات مانے گا، باہر والوں کی نہیں،

دفاعی ماہرین کا کہنا ہے کہ بھارتی میڈیا نے پہلے خبر چلائی کہ جنگ بندی مودی کی اپیل پرہوئی اور اس کے بعد وہ خبر ہٹا دی جس سے واضح ہوتا ہے کہ بھارتی حکام اس خبر کو جھٹلا رہے ہیں،آپریشن بنیان مرصوص کے بعد سے مودی نے شرم کے خوف سے ٹرمپ سے سیز فائر کی اپیل کی اور پھر مکر گیا، مودی کی اپیل پر ٹرمپ نے جنگ بندی کا اعلان کیا جو بھارتی میڈیا نے بھی نشر کیا،مودی کی خاموشی ثابت کرتی ہے فیصلہ دہلی میں نہیں، واشنگٹن میں ہوا،