Author: ممتاز حیدر

بھارت کے ضلع امرتسر کے علاقے مجیٹھا میں زہریلی شراب پینے کے نتیجے میں کم از کم 12 افراد کی جان چلی گئی، جبکہ پانچ دیگر افراد اسپتال میں زندگی اور موت کی کشمکش میں مبتلا ہیں۔

یہ واقعہ پیر کی شام سے منگل کی صبح کے درمیان پیش آیا، جس میں مختلف دیہاتوں میں لوگوں نے مقامی طور پر تیار کی گئی غیرقانونی شراب پی، جس کے بعد زہریلی شراب سے موت کا سلسلہ جاری رہا۔ابتدائی رپورٹس کے مطابق، متاثرین نے جو شراب پی تھی، وہ ممکنہ طور پر میتھانول (میتھائل الکحل) کی خطرناک مقدار پر مشتمل تھی۔ میتھانول ایک انتہائی زہریلا کیمیکل ہے، جو جسم کے اعصابی نظام کو شدید نقصان پہنچا سکتا ہے اور اکثر اس سے بینائی کی ضیاع یا موت واقع ہوتی ہے۔

ضلع امرتسر کے ایس ایس پی منیندر سنگھ نے اس واقعے کی تصدیق کرتے ہوئے کہا کہ اب تک تھروال، مڑی، پاتالپوری اور بھنگالی دیہاتوں سے 12 ہلاکتیں رپورٹ ہوچکی ہیں۔ انہوں نے بتایا کہ اموات کا سلسلہ پیر کی شام شروع ہوا تھا اور یہ تمام دیہات مجیٹھا اسمبلی حلقے کے تحت آتے ہیں۔ پولیس نے فوری طور پر ایف آئی آر درج کرلی ہے اور متاثرین کی شناخت کے ساتھ ساتھ اس سانحہ میں ملوث افراد کی تلاش کا عمل شروع کر دیا ہے۔

یہ کوئی پہلا واقعہ نہیں ہے جب پنجاب میں زہریلی شراب کی وجہ سے اتنی بڑی تعداد میں ہلاکتیں ہوئی ہوں۔ 2020 میں بھی ایک سانحہ پیش آیا تھا جس میں 100 سے زائد افراد اپنی زندگیوں سے ہاتھ دھو بیٹھے تھے۔ اس کے باوجود غیرقانونی شراب کا کاروبار تاحال جاری ہے، جس کی روک تھام کے لیے حکومت کی طرف سے خاطر خواہ اقدامات نہیں کیے گئے۔اس واقعہ پر عوامی تنظیموں اور انسانی حقوق کے کارکنوں نے سخت ردعمل ظاہر کیا ہے۔ ان کا کہنا ہے کہ غیرقانونی شراب کی تیاری اور فروخت کا نیٹ ورک بے نقاب کرکے اسے ختم کیا جانا چاہیے تاکہ آئندہ ایسے المناک واقعات سے بچا جا سکے۔ کارکنوں کا مطالبہ ہے کہ حکومت اس مسئلے کو سنجیدگی سے لے اور اس کے خلاف سخت کارروائیاں کرے تاکہ اس سے مزید انسانی جانیں ضائع نہ ہوں۔

جنگ میں ہزیمت اٹھانے کے بعد مودی سرکار نے بھارتی فضائیہ کے سکھ سربرہ کی وفاداری پر سوال اٹھا دیے ،تین سو 300 سے زائد سکھ فوجیوں کو کورٹ مارشل کا سامنا ہو سکتا ہے،وزیراعظم نریندر مودی، وزیر خارجہ ایس جے شنکر، وزیر دفاع راج ناتھ سنگھ، اور فوجی قیادت کے ساتھ ایک اعلیٰ سطحی خفیہ اجلاس میں، ایئر فورس چیف امر پریت سنگھ پر الزام لگایا گیا کہ انہوں نے پاکستان کے خلاف حالیہ آپریشنز کے دوران بھارتی ایئر فورس کی کارکردگی کو نقصان پہنچایا۔ اندرونی ذرائع سے لیک ہونے والی معلومات کے مطابق، قومی سلامتی کے مشیر اجیت دوول نے ایئر چیف مارشل امرپریت سنگھ سے طنزیہ انداز میں سوال کیا،“کیا آپ نے اس جنگ میں ایمانداری سے بھارت کی خدمت کی؟”جس کے جواب میں ایئر چیف امر پریت سنگھ نے کہا،“میں اپنے سکھ عقیدے کے مطابق بھارت کی خدمت کر رہا ہوں۔”

یہ تبادلہ خیال بھارت کی فوجی صفوں میں، خاص طور پر سکھ افسروں اور جوانوں کے حوالے سے، بڑھتے ہوئے اندرونی عدم اعتماد کی نشاندہی کرتا ہے۔

جس طرح بھارت کے سیکرٹری خارجہ وکرم مسری کو جنگ بندی میں کردار ادا کرنے کی وجہ سے دھمکیوں کا سامنا ہے، اسی طرح امر پریت سنگھ کو بھی دائیں بازو کی ہندوتوا گروپوں کی طرف سے دھمکیوں کا سامنا ہے، جو ایئر فورس چیف کو جنگی کارروائیوں کے دوران رافیل طیاروں کے نقصان کا ذمہ دار ٹھہراتے ہیں۔

تین سو 300 سے زائد سکھ فوجی اب بھارتی فوجی انٹیلی جنس کی نگرانی میں ہیں۔ پہلگام حمل کے بعد سکھ فوجیوں کی سرگرمیوں کے حوالے سے ا اندرونی تحقیقات جاری ہیں اور مستقبل میں سکھ فوجیوں کو کورٹ مارشل کا سامنا کرنا پڑ سکتا ہے۔

اس سے قبل، خالصتان نواز گروپ ایس ایف جے (سکھز فار جسٹس) نے سکھ فوجیوں سے پاکستان کے خلاف لڑائی سے باز رہنے کی اپیل کی تھی۔اب سکھ فار جسٹس نے کہا ہے کہ سکھ فوجی بھارتی جنگ نہیں لڑنا چاہتے، سکھ فار جسٹس سکھ فوجیوں کے ساتھ کھڑی ہے، بھارتی فوج جو سکھوں کو سہولیات دیتی ہے وہ سکھ فار جسٹس دے گی،خالصتان ریفرنڈم کا سکھ فوجی ساتھ دیں گے، بھارت کبھی بھی سکھوں پر یقین نہیں کرے گا،