Author: ممتاز حیدر

پاکستان کو آئی ٹی پارک بنائیں گے، جلد دوسرے مرحلے کا آغاز ہو گا،ملک وقاص سعید
پاکستان مرکزی مسلم لیگ کا دس روزہ "صلاحیت بڑھاؤ، اپنا کماؤ” ڈیجیٹل روزگار پروگرام کا پہلا مرحلہ کامیابی کے ساتھ مکمل ہو گیا۔ یہ پروگرام یکم مئی سے 10 مئی تک جاری رہا جس میں روزانہ دو گھنٹے کی آن لائن کلاسز کا انعقاد کیا گیا۔ پروگرام کا مقصد نوجوانوں کو جدید ڈیجیٹل مہارتوں سے آراستہ کرکے خود روزگار کے مواقع فراہم کرنا تھا۔

دس روزہ "اپنا کماؤ” پروگرام میں پاکستان بھر سے ایک لاکھ سے زائد افراد نے بھرپور شرکت کی۔ کلاسز کو یوٹیوب، فیس بک اور دیگر سوشل میڈیا پلیٹ فارمز پر براہ راست نشر کیا گیا جبکہ ملک بھر میں تین ہزار سے زائد فزیکل کلاس رومز کا بھی بندوبست کیا گیا جہاں مرد، خواتین اور بچے باقاعدگی سے شرکت کرتے رہے۔ کئی گھروں میں بھی خاندانوں نے اجتماعی طور پر کلاسز اٹینڈ کیں، بیرونِ ملک مقیم پاکستانیوں نے بھی اس پروگرام میں دلچسپی لی اور آن لائن کلاسز میں شرکت کی۔ بھارت کی جانب سے کشیدگی اور خطے کی حساس صورتحال کے باوجود نوجوانوں کی بڑی تعداد باقاعدگی سے کورس میں شرکت کر تی رہی

پاکستان مرکزی مسلم لیگ کے ڈیجیٹل میڈیا ہیڈ ملک وقاص سعید نے دس روز تک سبق پڑھائے اور شرکاء کے سوالات کے جوابات دیئے۔ملک وقاص سعید کا کہنا تھا کہ یہ پروگرام اللہ تعالیٰ کے فضل سے کامیابی سے مکمل ہوا ہے اور اس کا اگلا مرحلہ جلد شروع کیا جائے گا۔ جن افراد نے کلاسز مکمل کی ہیں، انہیں اسناد (سرٹیفکیٹس) جاری کی جائیں گی۔ سرٹیفکیٹس کے اجراء کا شیڈول جلد جاری کیا جائے گا۔ "اپنا کماؤ” کے دوسرے مرحلے اور مزید نئے کورسز کا بھی جلد آغاز کیا جائے گا تاکہ زیادہ سے زیادہ نوجوان ڈیجیٹل دنیا میں باعزت روزگار حاصل کر سکیں،ہم پاکستان میں اس پروگرام کو قومی تحریک بنائیں گے اور وطن عزیز کو آئی ٹی پارک میں تبدیل کریں گے .

پاکستان کی سیاسی جماعت تحریک انصاف نے پاک بھارت کشیدگی کے دوران اپنی متنازعہ بیانات اور ملک دشمنی کے رویے سے کئی سوالات اٹھائے ہیں۔ ایک طرف جہاں پاکستانی قوم اپنے افواج پاکستان کے شانہ بشانہ کھڑی تھی اور ہر طرف پاکستان زندہ باد کے نعرے گونج رہے تھے، وہیں دوسری جانب پی ٹی آئی کے رہنماؤں اور حامیوں نے مسلسل اداروں پر تنقید کی اور دشمن ملک بھارت کے حوالے سے ایسے بیانات دیے جن سے ان کی وطن دشمنی کی جھلکیاں سامنے آئیں۔

پاکستان اور بھارت کے مابین کشیدگی کے آغاز کے ساتھ ہی پی ٹی آئی کے حامی معروف یوٹیوبر عمران ریاض نے اپنی ایک ویڈیو میں کہا تھا کہ "یہ کوئی جنگ نہیں ہے، یہ صرف ایک نورا کشتی ہے تاکہ عوام میں اپنی عزت بحال کی جا سکے۔” یہ بیان عوام میں شدید تنقید کا باعث بنا، کیونکہ اس میں بھارتی خطرے کی سنگینی کو نظرانداز کیا گیا تھا.

اسی دوران، عمران خان کی بہن علیمہ خان کا بھی ایک متنازعہ بیان سامنے آیا تھا جس میں انہوں نے کہا تھا کہ "مودی ایک بم مارے گا اور یہ باہر بھاگ جائیں گے یا چپ کر جائیں گے۔” اس بیان میں بھارت کے حملے کے خطرے کی شدت کو نظرانداز کرتے ہوئے پاکستان کے اداروں کو کمزور دکھانے کی کوشش کی گئی۔

پی ٹی آئی کے ایک اور حامی، صحافی اور تجزیہ کار صابر شاکر نے بھی اس کشیدگی پر اپنی غیر سنجیدہ رائے دی۔ انہوں نے کہا تھا کہ "جہاں جہاں بھارت حملہ کرے گا، امریکہ نے پہلے ہی بتا دیا تھا کہ یہ سب پلانٹڈ ہے۔” اس بیان میں بھارت کی جارحیت کو محض ایک سیاسی کھیل قرار دے کر پاکستانی عوام کی قربانیوں کو معمولی سمجھا گیا۔

پی ٹی آئی کی مشہور ٹک ٹاکر صنم جاوید نے بھی اسی طرح کا بیان دیا تھا، جس میں انہوں نے کہا تھا کہ "بارڈر پر جاؤ، پاکستانیوں کو بہت بدمعاش بن کے دکھا لیا۔” اس قسم کے بیانات عوامی جذبات کو مجروح کرتے ہیں اور قوم کی یکجہتی کو نقصان پہنچاتے ہیں۔

اسی طرح، پی ٹی آئی کی دیگر سوشل میڈیا ایکٹوسٹ شہر بانو اور ثمینہ پاشا نے بھی بھارتی زبان میں بات کرتے ہوئے پاکستان کے خلاف ناپسندیدہ باتیں کیں۔ شہر بانو نے 26 فروری کو ہونے والی گولیوں کی فائرنگ کے حوالے سے کہا کہ "7 مئی کو ڈر گئے”، جب کہ ثمینہ پاشا نے بھارتی زبان میں کہتے ہوئے کہا کہ "بھارت کا پلٹ کر زور دار حملہ، پاکستانی ایئربیسز تباہ کردی۔”

تاہم، جب پاکستان نے بھارت کو منہ توڑ جواب دیا اور بھارتی جنگی طیاروں کو مار گرایا، تو بھارت سیز فائر کے لئے امریکہ کے سامنے بھیک مانگنے پر مجبور ہو گیا۔ پاکستان نے اس جنگ میں فتح حاصل کی، اور اس کے بعد پی ٹی آئی کے حامیوں کی زبان بدل گئی۔ اب وہی افراد جو پہلے پاکستان کے خلاف بیانات دے رہے تھے، سوشل میڈیا پر یہ کہنے لگے کہ "انہی ڈیجیٹل دہشتگردوں نے سوشل میڈیا پر جنگ لڑی ہے، باقی سب تو سوئے ہوئے تھے۔”

اس واقعے سے یہ بات واضح ہوئی کہ پی ٹی آئی کی قیادت اور اس کے حامیوں کی جانب سے بھارت کے خلاف ہونے والی کشیدگی کے دوران ملک کے ساتھ وفاداری کا مظاہرہ کم نظر آیا۔ ان بیانات نے عوامی سطح پر پی ٹی آئی کے حوالے سے ناپسندیدگی اور تشویش کو جنم دیا ہے.

لاہور کے علاقے باٹا پور میں پولیس نے ایک فارم ہاؤس پر چھاپہ مارا جہاں غیر قانونی ڈانس پارٹی جاری تھی۔ اس کارروائی کے دوران پولیس نے متعدد مرد و خواتین کو حراست میں لے لیا اور شراب و دیگر منشیات بھی برآمد کیں۔

پولیس کے مطابق انہیں فارم ہاؤس پر غیر قانونی پارٹی کی اطلاع ون فائیو پر ملی تھی، جس کے بعد کارروائی کی گئی اور 100 سے زائد لڑکوں اور لڑکیوں کو حراست میں لیا گیا،کارروائی کے بعد پولیس نے 15 سے زائد خواتین اور 40 سے زیادہ مردوں پر مقدمہ درج کیا۔ پولیس کا کہنا ہے کہ پارٹی کے دوران شراب نوشی اور منشیات کا استعمال ہو رہا تھا۔نجی ٹی وی کے ذرائع کے مطابق کئی افراد کو ان کے ورثا کے ساتھ ساز باز کے بعد رہا کر دیا گیا، لیکن پولیس نے واضح کیا کہ تحقیقات جاری ہیں۔

اس دوران ایک ویڈیو بھی سامنے آئی ہے جس میں خواتین کو بغیر لیڈی کانسٹیبل کے پولیس گاڑی میں منتقل کرتے ہوئے دکھایا گیا ہے۔ اس ویڈیو کے منظر عام پر آنے کے بعد پولیس کی کارروائی پر سوالات اٹھ رہے ہیں۔

پولیس نے اپنی مدعیت میں مقدمہ درج کرتے ہوئے کہا ہے کہ کارروائی کے دوران شراب اور منشیات کی برآمدگی نے اس بات کو ثابت کیا کہ پارٹی میں غیر قانونی سرگرمیاں جاری تھیں۔ مزید تحقیقات کے سلسلے میں پولیس نے مزید افراد کو بھی شامل تفتیش کرنے کا عندیہ دیا ہے۔پولیس حکام کا کہنا ہے کہ اس قسم کی غیر قانونی سرگرمیوں کو روکنے کے لیے مزید سخت اقدامات کیے جائیں گے اور آئندہ اس قسم کی پارٹیوں کے انعقاد کو سختی سے روکا جائے گا۔