Author: ممتاز حیدر

پاکستان کی افواج نے بھارت کی جانب سے مسلسل اشتعال انگیزیوں کا بھرپور جواب دیتے ہوئے آپریشن "بُنْيَانٌ مَّرْصُوْص” (آہنی دیوار) کے تحت بھارتی فورسز کی متعدد پوسٹوں کو مکمل طور پر تباہ کر دیا ہے۔ پاک فوج کی طاقتور کارروائیوں نے بھارت کو شدید نقصان پہنچایا اور ان کی دفاعی پوسٹوں کا صفایا کر دیا۔

پاکستانی افواج کی جانب سے بل مقابلہ حملے کے دوران پکھلیاں سیکٹر میں بھارتی پوسٹوں کو نشانہ بنایا گیا۔ پاکستانی توپوں نے بھارتی توپوں کو خاموش کر دیا، جس کے باعث دشمن کی فائرنگ میں بھی کمی آ گئی۔پاکستانی فوج کی جانب سے کیے گئے اس کامیاب حملے کے دوران بھارتی پوسٹوں کو مکمل طور پر تباہ کر دیا گیا۔ ان تباہ شدہ بھارتی پوسٹوں کے مناظر اب ویڈیوز میں دیکھے جا سکتے ہیں، جو اس کارروائی کی کامیابی اور بھارتی فوج کے لیے ایک سنگین پیغام ہیں۔

آپریشن "بُنْيَانٌ مَّرْصُوْص” (آہنی دیوار) پاکستان کی مسلح افواج کی بہترین حکمت عملی کا نتیجہ ہے، جس کے ذریعے دشمن کی قوت کو مؤثر طریقے سے کم کیا گیا ہے۔ پاک فوج نے بھارتی فورسز کے جارحانہ اقدامات کا منہ توڑ جواب دیتے ہوئے ان کی پوسٹوں کو تباہ کرنے کے ساتھ ساتھ اپنی دفاعی پوزیشنز کو مزید مضبوط کیا۔یہ آپریشن پاکستان کی دفاعی صلاحیت اور دشمن کے سامنے اپنی طاقت کو واضح کرنے کا ایک اور اہم قدم ہے۔

پاکستان نے 10 مئی کی علی الصبح بھارت کے خلاف آپریشن "بنیان المرصوص” کے تحت کامیاب حملہ کیا، جس میں بھارت کو بھرپور ضربیں لگائیں گئیں۔ اس آپریشن میں بھارتی فوجی تنصیبات اور کئی اہم ائیر فیلڈز کو نشانہ بنایا گیا، جس کے بعد وزیر دفاع خواجہ آصف نے ایک شعر کے ذریعے دشمن کو اہم پیغام دیا۔

پاک فوج نے بھارت کے پاکستان میں دراندازی کے جواب میں اس آپریشن کا آغاز کیا، جس میں بھارت کے کئی ائیر بیسز جیسے کہ ادھم پور، آدم پور اور پٹھان کوٹ ائیر بیسز کو تباہ کر دیا گیا۔ اس کے علاوہ بھارتی ریاست مہاراشٹرا کی الیکٹرک کمپنی پر سائبر حملہ کر کے بھارت کا بجلی کا نظام مکمل طور پر جام کر دیا گیا، اور بھارتی ملٹری سیٹیلائٹس کو بھی جام کر دیا گیا۔خواجہ آصف نے اپنی ایکس پوسٹ پر معروف شاعر فیض احمد فیض کا شعر لکھا،

"جو وہ قرض رکھتے تھے جان پر، وہ حساب آج چکا دیا”

اس شعر کے ذریعے وزیر دفاع نے بھارت کو واضح پیغام دیا کہ پاکستان اپنے دفاع کے لئے ہر سطح پر تیار ہے اور دشمن کو جواب دینے کے لئے کبھی بھی پیچھے نہیں ہٹے گا۔

خواجہ آصف کا مزید کہنا تھا کہ پاکستان نے بھارت پرکاری ضربیں لگائی ہیں ،بھارت کو جواب ملنے کے بعد ان کےلیے صلح کی طرف آنا مشکل ہوگا،پاکستان نے بھارت کا خطے میں تھانیدار ہونے کا جعلی بیانیہ مسمارکردیا ، بھارت ہر 2 ماہ بعد جعلی مقابلے کرواکر الزام پاکستان پر لگاتا ہے، بھارت خطے میں بد امنی پھیلانے پر لگا ہوا ہے، دنیا امن کی بات کررہی ہے اور بھارت بد امنی کے درپے ہے،بھارتی گجرات سے ان کے پنجاب تک ائیر فیلڈغیر فعال ہو گئے ہیں ، کل رات تک بھارت کی کارروائی جاری تھی ،ہم نے قرض پورا کر دیا ،

پاکستان کی جانب سے کیے گئے اس حملے کے بعد بھارتی وزیر اعظم نریندر مودی کی ریاست گجرات میں پاکستانی ڈرونز کئی گھنٹوں تک پرواز کرتے رہے، جس سے بھارتی فوج اور حکومت میں ایک اضطراب کی لہر دوڑ گئی۔ اس صورتحال نے بھارت کی دفاعی حکمت عملی پر سوالات اٹھائے ہیں اور عالمی سطح پر پاکستان کی طاقتور کارروائی کو سراہا گیا ہے۔

پاکستان نے اپنے آپریشن کے ذریعے نہ صرف بھارتی جارحیت کا بھرپور جواب دیا بلکہ عالمی برادری کو یہ بھی باور کرایا کہ پاکستان کسی بھی جارحیت کا مؤثر اور فوری جواب دینے کی صلاحیت رکھتا ہے۔

امریکی وزیر خارجہ مارکو روبیو نے جمعہ کو پاکستان کے آرمی چیف جنرل سید عاصم منیر سے بات چیت کی اور پاکستان اور بھارت دونوں سے تناؤ کم کرنے کے لئے طریقے تلاش کرنے کی اپیل کی، جیسا کہ امریکی محکمہ خارجہ کے ایک ترجمان نے بتایا۔

خبر رساں ادارے کے مطابق ترجمان نے کہا کہ روبیو نے پاکستان اور بھارت کے درمیان ممکنہ تنازعات سے بچنے کے لیے تعمیری بات چیت کے آغاز میں امریکی معاونت کی پیشکش بھی کی۔یہ بات چیت اس وقت ہوئی جب پاکستان نے ہفتہ کی صبح بھارت کے خلاف ایک فوجی آپریشن شروع کرنے کا اعلان کیا۔ اس آپریشن کے دوران بھارت کے شمالی علاقے میں متعدد فوجی اڈوں، بشمول ایک میزائل اسٹوریج سائٹ کو نشانہ بنایا گیا۔ امریکی محکمہ خارجہ نے اس بات چیت کے حوالے سے مزید تفصیلات فراہم کیں، لیکن اس بات پر زور دیا کہ امریکہ ہمیشہ پاکستان اور بھارت کے درمیان امن و استحکام کو فروغ دینے کے لئے تیار ہے۔

نائب وزیراعظم و وزیر خارجہ اسحاق ڈار سے بھی امریکی وزیر خارجہ مارکو روبیو نے ٹیلی فونک رابطہ کر کے موجودہ صورت حال پر گفتگو کی اور بھارت سے جاری حالیہ کشیدگی پر تحمل سے مظاہرہ کرنے کا مطالبہ کیا، وزیر خارجہ اسحاق ڈار نے امریکی ہم منصب کو کہا کہ اگر بھارت یہاں رک جائے تو پاکستان معاملے کے حل کے لیے تیار ہے لیکن اگر بھارت نہ رکا تو پاکستان اس سے بھی زیادہ بھرپور جواب دے گا۔

دوسری جانب بھارت سے بھی امریکا کا رابطہ موجود ہے، مارکو روبیو نے دو روز قبل بھارتی ہم منصب جے شنکر سے رابطہ کیا تھا تاہم اس کے باوجود بھارت نے حملہ کیا،گزشتہ روز نائب امریکی صدر جے ڈی وینس نے بھی میڈیا سے گفتگو کرتے ہوئے کہا تھا امریکا کا پاک بھارت جنگ سے کوئی لینا دینا نہیں ہے، امریکا اس جنگ میں کوئی مداخلت نہیں کرے گا۔

کارکنان شکرانے کے نوافل ادا کریں،اپنے علاقوں میں سول ڈیفنس کے لیے تیار رہیں،خالد مسعود سندھو

پاکستان مرکزی مسلم لیگ کے صدر خالد مسعود سندھو نے کہا ہے کہ بھارت کی جانب سے پاکستان کے خلاف مسلسل جارحیت اور حملوں کے بعد، پوری قوم اور دنیا نے دیکھا کہ افواجِ پاکستان نے فجر کی نماز ادا کر کے دشمن کے خلاف آپریشن بنیان المرصوص کا آغاز کیا،

خالد مسعود سندھو کا کہنا تھا کہ ہم اللہ رب العزت کا شکر ادا کرتے ہیں کہ اس نے ہمیں ایک بہادر، پیشہ ور، اور دین سے سرشار فوج عطا کی، افواجِ پاکستان نے دشمن کو منہ توڑ جواب دے کر یہ ثابت کر دیا کہ پاکستان کے تحفظ اور وقار پر آنچ نہیں آنے دی جائے گی،یہ آپریشن قوم کی امنگوں اور جذبوں کے عین مطابق، ہماری افواج نے پاکستان کا سر فخر سے بلند کر دیا ہے،آج کا دن پاکستان کے دشمنوں کے لیے یقیناً ایک سیاہ ترین دن ہے۔ ان کی سازشیں، ان کے حملے، اور ان کی امیدیں خاک میں مل گئیں۔ دشمن کو یہ پیغام مل چکا ہے کہ پاکستانی قوم متحد ہے، اور اس کا ہر فرد اپنی افواج کے شانہ بشانہ کھڑا ہے۔ہم دعا گو ہیں کہ اللہ تعالیٰ افواجِ پاکستان کو کامیابیوں سے ہمکنار کرے، انہیں اپنی حفاظت میں رکھے، اور دشمنانِ وطن پر ہمیشہ فتح عطا فرمائے۔

خالد مسعود سندھو کا مزید کہنا تھا کہ مرکزی مسلم لیگ کے کارکنان شکرانے کے نوافل ادا کریں۔اپنے علاقوں میں سول ڈیفنس کے لیے تیار رہیں۔عوام کے درمیان رہ کر انہیں حوصلہ دیں، اور افواجِ پاکستان کی حمایت میں ان کے جذبات کو مضبوط کریں۔کسی بھی ایمرجنسی کی صورت میں نظم و ضبط کا مظاہرہ کریں اور مرکزی قیادت سے رابطے میں رہیں،اللہ تعالیٰ ہمیں اپنی حفاظت میں رکھے، ہماری افواج کو فتح و نصرت عطا فرمائے، اور پاکستان کو تا قیامت سلامت رکھے۔ آمین۔

پاکستان نے بھارت پر فضائی حملے کئے ہیں اس کے بعد پاکستان نے سائبر اٹیک کے ذریعے بھارت کے 70 فیصد بجلی کے گرڈ کو ناکارہ کر دیا گیا ہے، بجلی بندہو گئی

بھارت اندھیرےمیں ڈوب گیا،پاکستان نے فضائی حملے کے ساتھ ساتھ بھارت کی بجلی بھی بند کر دی ہ

قبل ازیں پاکستانی سیکیورٹی ذرائع نے تصدیق کی ہے کہ پاکستان کی سیاسی اور فوجی قیادت نے ایک اہم فیصلہ کیا ہے کہ اگر بھارت کی جانب سے پاکستان کی جانب کسی بھی قسم کی جوابی کارروائی کی جاتی ہے، تو پاکستان بھارت کے اہم اور حساس اقتصادی اہداف کو نشانہ بنائے گا۔

پاکستان نے بھارت کی مسلسل اشتعال انگیزیوں کے جواب میں "آپریشن بنیان المرصوص” کا آغاز کر دیا ہے۔پاکستان نے گجرات، راجھستان اور نئی دہلی میں بھارت کی ملٹری تنصیبات پر حملے شروع کردیئے۔ اس آپریشن کا مقصد بھارت کی عسکری تنصیبات کو نشانہ بنانا ہے۔اب تک پاکستان نے بیاس میں براہموس کی سٹوریج جہاں سے پاکستان پر میزائل داغے گئے، کو تباہ کر دیا گیا ہے ،ائیر بیس ادھم پور کو تباہ کر دیا گیا ہے،اطلاعات کے مطابق پٹھان کوٹ میں ائیر فیلڈ کو بھی تباہ کر دیا گیا ہے,

پاکستان نے بھارتی جارحیت کے بعد مؤثر اور بھرپور جوابی کارروائی کا آغاز کر دیا ہے۔ سیکیورٹی ذرائع کے مطابق اس وقت پاکستان کی افواج بھارت کے جارحانہ اقدامات کا منہ توڑ جواب دے رہی ہیں اور دشمن کے عسکری ٹھکانوں کو نشانہ بنایا جا رہا ہے۔ذرائع کا کہنا ہے کہ پاکستان کی جوابی کارروائی نہایت منظم اور حکمت عملی کے تحت کی جا رہی ہے، جس میں دشمن کے حساس مقامات پر ہدف بنا کر حملے کیے جا رہے ہیں۔