Author: ممتاز حیدر

بھارتی جارحیت اور آپریشن سندور کی ناکامی: پاکستانی قوم کی پرعزم جواب

بھارت نے اپنی جارحیت کی ایک اور مثال قائم کرتے ہوئے ایک نیا آپریشن شروع کیا جس کا نام "سندور” رکھا۔ لیکن یہ آپریشن بھارتی فوج کی بڑی ناکامی میں بدل گیا جب پاک فوج اور پاک فضائیہ نے شجاعت و بہادری سے دشمن کو منہ توڑ جواب دیا۔

پاکستانی شہریوں نے بھارتی آپریشن کے ناکامی کے حوالے سے اپنی رائے کا اظہار کرتے ہوئے کہا کہ بھارت کا گمان تھا کہ وہ آپریشن "سندور” کے ذریعے پاکستان کو نقصان پہنچا سکے گا، لیکن پاک فوج نے ان کی تمام امیدوں کو چکنا چور کر دیا۔ شہریوں کا کہنا تھا کہ بھارت نے آپریشن کا نام سندور رکھا، لیکن ہمارے سپاہیوں نے ان کے ماتھے پر سچ میں سندور لگا دیا۔پاکستانی شہریوں نے بھارتی فضائیہ کے طیارے رافیل کو بھی بھارت کا غرور قرار دیتے ہوئے کہا کہ رافیل طیارے بھارتی فضائیہ کا جواز تھے، لیکن جب پاک فضائیہ نے بھارت کے بزدلانہ حملوں کا جواب دیا تو پانچ بھارتی طیارے مار گرائے گئے۔ پاکستانی شہریوں نے مزید کہا کہ بھارت یہ سمجھتا تھا کہ پاکستانی ڈرون حملوں سے خوفزدہ ہو جائے گا، مگر پاکستانی شاہینوں نے ان کے 25 ڈرونز کو فضا میں ہی تباہ کر دیا۔

بھارت کے میڈیا کی شور مچانے کی عادت پر شہریوں نے تنقید کرتے ہوئے کہا کہ یہ ہندوستانی میڈیا کا پرانا وطیرہ ہے کہ وہ عوام کو گمراہ کرنے کی کوشش کرتا ہے۔ تاہم پاکستانی قوم کا حوصلہ بلند ہے، اور وہ ہر محاذ پر افواج پاکستان کے ساتھ کھڑی ہے۔پاکستانی عوام کا کہنا تھا کہ "یہ قوم نہ کبھی ڈری ہے نہ جھکی ہے”، اور یہ ہر حال میں اپنے وطن کی حفاظت کے لیے تیار ہے۔ ایک شہری نے کہا کہ پاک فوج نے دشمن کی مکمل بریگیڈ کو تباہ کر دیا ہے، جس سے بھارت کو واضح پیغام مل چکا ہے۔پاکستانی شہریوں نے بھارت کی بزدلی پر بھی سخت ردعمل ظاہر کیا اور کہا کہ "تم بزدل قوم ہو جو صرف سکھوں پر ظلم کر سکتے ہو یا کینیڈا میں بے گناہ لوگوں کو مار سکتے ہو۔” مودی کے بارے میں شہریوں کا کہنا تھا کہ "مودی کے لیے گھر میں چھپنا بھی مشکل ہو گا” کیونکہ اس کی پالیسیوں نے بھارت میں نفرت اور انتہا پسندی کو ہوا دی ہے۔ پاکستانی عوام نے اپنے افواج کے ساتھ اپنے عزم کا اعادہ کیا اور کہا کہ "عوام پرعزم ہے اور ہر محاذ پر افواج پاکستان کے ساتھ کھڑی ہے۔”

پاک بھارت جنگ بھارتی میڈیا نےمذموم مقاصد کیلئے جھوٹا پروپیگنڈا شروع کردیا

پاکستان کی مسلح افواج کے ہاتھوں ہر محاذ پر ناکامی کے بعد اپنی ہزیمت چھپانے کیلئے بھارتی میڈیا کاجھوٹا پروپیگنڈا سامنے آیا ہے،بھارتی میڈیا اور را سے منسک اکاؤنٹس سے پاکستان پرحملےکا جھوٹا اور گمراہ کن پروپیگنڈاکیاجارہاہے، سوشل میڈیا پر را سے منسلک اکاؤنٹس اور بھارتی صحافی بھی جھوٹا پروپیگینڈا کرنے میں مصروف عمل ہیں،بھارتی میڈیا مودی حکومت کے کہنے پرایک نئے اور ناکام حملے کا جواز پیدا کرنا چاہتاہے

بھارتی صحافیوں کاحقائق اور صحافتی اقدار کے منافی جھوٹا اور گمراہ کُن پروپیگنڈا شرمناک ہے،مودی کا گودی میڈیا اسرائیل کے iron Dome کی پرانی ویڈیو کو جموں بیس پرپاکستانی میزائل حملے سے جوڑ رہاہے،بھارت اپنی ناکامیوں اوراندرونی خلفشار سے توجہ ہٹانےکیلئےیہ گمراہ کُن پروپیگنڈا کر رہا ہے

اسلام آباد نینشل سائبر کرائم ایجنسی کی کارروائی ،ریاستی اداروں کے خلاف توہین آمیز پیغامات پر خاتون افسر گرفتار کر لی گئی

وفاقی ادارے کی خاتون افسر کے خلاف پیکا ایکٹ کے تحت مقدمہ درج کر لیا گیا،خاتون افسر نے پاک بھارت کشیدگی کے دوران ریاستی ادارے کے خلاف واٹس ایپ پر پیغامات شیئر کیے ،درج مقدمے کے مطابق خاتون نے قومی اداروں کے خلاف عوام کے جذبات کو بھڑکانے کی کوشش کی،وفاقی ادارے کی خاتون کو لاہور سے گرفتار کیا گیا ،خاتون افسر کے موبائل فون سے شواہد بھی برآمد کر لئے گئے

گزشتہ رات پاکستانی فورسز نے بٹل سیکٹر میں بھارتی فوج کی جانب سے کی گئی گولہ باری کا دلی جوابی کارروائی کے ذریعے بھرپور جواب دیا۔ اطلاعات کے مطابق بھارتی فوج نے بٹل سیکٹر میں پاکستان کی سرحد پر متعدد گولے فائر کیے، جس کے نتیجے میں دونوں طرف کی فورسز میں شدید جھڑپیں ہوئیں۔

پاکستانی فورسز نے بھارتی گولہ باری کا سخت جواب دیتے ہوئے بھارتی فوجی لائنز پر جوابی حملے کیے۔ اس دوران بھارتی فورسز کو بھاری جانی و مالی نقصان پہنچا ہے، اور 18 کے قریب ہندوستانی فوجیوں کی ہلاکت کی اطلاعات موصول ہوئی ہیں۔ بھارتی فوج کی گولہ باری کا جواب دینے میں پاکستانی فورسز کی حکمت عملی کامیاب رہی۔ اس کے نتیجے میں بھارتی فوج نے شمشال پوسٹ پر شکست تسلیم کرتے ہوئے سفید جھنڈا لہرا دیا، جو کہ ان کی ہار کا واضح اشارہ ہے۔ سفید جھنڈا لہرانا ایک بین الاقوامی فوجی روایت ہے، جس کا مقصد دشمن کو اپنی شکست کا اعلان کرنا ہوتا ہے۔

ذرائع کے مطابق، لاشیں اٹھانے کے لیے بھارتی فوج نے اضافی نفری کو شمشال پوسٹ بھیجا، جبکہ پاکستانی فورسز نے اپنی پوزیشن مزید مستحکم کر لی ہے۔