Author: ممتاز حیدر

سپریم کورٹ،مخصوص نشستوں کے فیصلے کیخلاف نظرثانی کیس پر سماعت ہوئی
جسٹس امین الدین کی سربراہی میں 13 رکنی بینچ نے آج سماعت کی،جسٹس جمال خان مندوخیل، جسٹس محمد علی مظہر بینچ میں شامل تھے،جسٹس عائشہ ملک، جسٹس حسن اظہر رضوی، جسٹس نعیم اختر افغان بینچ کا حصہ تھے،جسٹس مسرت ہلالی، جسٹس ہاشم کاکڑ، جسٹس شاہد بلال بینچ کا حصہ تھے،جسٹس صلاح الدین پنہور، جسٹس عامر فاروق، جسٹس باقر نجفی بینچ میں شامل تھے،

مسلم لیگ ن کے وکیل حارث عظمت نے دلائل میں کہا کہ مخصوص نشستیں ایک ایسی جماعت کو دی گئیں جو کیس میں فریق نہیں تھی،جسٹس عائشہ ملک نے کہا کہ اس نکتے کا جواب فیصلے میں دیا جا چکا ہے، آپ کی نظرثانی کی بنیاد کیا ہے؟ جسٹس محمد علی مظہر نے کہا کہ آپ کا پورے فیصلے سے اختلاف ہے یا پھر اکثریتی فیصلے سے،وکیل حارث عظمت نے کہا کہ ہمارا اختلاف اکثریتی بینچ سے ہے،چیف جسٹس یحییٰ آفریدی نے بھی استدعا تکنیکی بنیادپر مسترد کی تھی،جسٹس عائشہ ملک نے کہا کہ نظر ثانی کا اسکوپ کم ہے اس پر دوبارہ بحث نہیں کر سکتے،جسٹس جمال مندوخیل نے کہا کہ ہمارے سامنے آراو کا آرڈر اور الیکشن کمیشن کا فیصلہ موجود تھا،حارث عظمت نے کہا کہ پی ٹی آئی وکلا کی فوج تھی ان آرڈرز کو چیلنج نہیں کیا، جسٹس جمال مندوخیل نے کہا کہ کیا ہم ایک پارٹی کی غلطی کی سزا قوم کو دیں،کیا سپریم کورٹ کے نوٹس میں ایک چیز آئی تو اسے جانے دیتے؟ جسٹس عائشہ ملک نے کہا کہ سارےنکات تفصیل سے سن کر فیصلہ دیا تھا، جسٹس عقیل عباسی نے کہا کہ آپ نظر ثانی میں اپنے کیس پر دوبارہ دلائل دے رہے ہیں، آپ نظر ثانی کے گراونڈز نہیں بتا رہے، جسٹس عائشہ ملک نے استفسار کیا کہ کیا فیصلے پر عملدرآمد ہوا تھا؟ جسٹس عقیل عباسی نے کہا کہ فیصلے پر عملدرآمد نہ ہونے پر توہین عدالت کی درخواست بھی ہے،سلمان اکرم راجہ نے کہا کہ توہین عدالت کی درخواست آج لگی ہوئی ہے،

جسٹس جمال مندوخیل نے کہا کہ کیا الیکشن کمیشن باونڈ نہیں ہے کہ الیکشن کمیشن فیصلے پر عمل نہ کرے؟جسٹس عائشہ ملک نے کہا کہ کیا ہمارے فیصلے پر عمل درآمد ہوا ہے؟وکیل حارث عظمت نے کہا کہ مجھے اس بارے علم نہیں ہے،جسٹس عائشہ ملک نے کہا کہ آپ عدالت آ گئے ہیں لیکن آپکو پتہ نہیں ہے،الیکشن کمیشن نے فیصلے پر عمل درآمد کیے بغیر کیسے نظر ثانی فائل کر دی؟جسٹس عقیل عباسی نے کہا کہ آپ بار بار ایک سیاسی جماعت کا نام لے رہے ہیں اسے چھوڑ دیں،سپریم کورٹ نے آئین کے مطابق فیصلہ دیا،آپ ہمیں بتائیں کہ فیصلے میں کیا غلطی ہے،جو باتیں آپ بتا رہے ہمیں وہ زمانہ طالب علمی سے معلوم ہیں کیا اب آپ سپریم کورٹ کو سمجھائیں گے،آرٹیکل 188 کے تحت نظرثانی کے دائرہ اختیار پر دلائل دیں،

سپریم کورٹ کے 13 رکنی بنچ میں سے 11 ممبران نے سپریم کورٹ کے ایک فیصلے پر عملدرآمد نہ ہونے کے باوجود اُس فیصلے پر نظرثانی کی درخواست پر نوٹس جاری کر دیا،سپریم کورٹ نے مخصوص نشستوں کے فیصلے کیخلاف نظرثانی درخواستیں باضابطہ سماعت کیلئے منظور کرلیں،جسٹس عائشہ ملک اور جسٹس عقیل عباسی نے اختلاف کرتے ہوئے درخواستیں ناقابل سماعت قرار دیں،گیارہ ججز نے اکثریت سے فریقین کو نوٹس جاری کر دیئےکیس کی سماعت کل تک ملتوی کر دی گئی،توہین عدالت کی درخواست بھی کیس کے ساتھ سنی جائیگی

بھارت نے مقبوضہ کشمیر میں 2 ہائیڈرو پاور پراجیکٹس پر کام شروع کر دیا ہے

غیر ملکی خبر ایجنسی کی رپورٹ کے مطابق بھارت پاکستان کو اطلاع دیے بغیر مقبوضہ کشمیر میں 2 پن بجلی منصوبوں پر پانی ذخیرہ کرنے کی گنجائش بڑھا رہا ہے، سندھ طاس معاہدہ بھارت کو پابند کرتا ہے کہ وہ ایسا نہیں کرسکتا،بھارت اس سے پہلے غیر قانونی طور پر سندھ طاس معاہدے کو یکطرفہ طور پر معطل کرچکا ہے۔ جب کہ ضابطے کے مطابق وہ سندھ طاس معاہدے پر کوئی یکطرفہ قدم نہیں اٹھاسکتا،بین الاقوامی خبر ایجنسی کا کہنا ہے کہ بھارتی اور جموں کشمیر کی مقامی حکومت نے اس خبر پر تبصرے کے لیے بھیجی ای میلز کا جواب نہیں دیا۔ْ

اسی دوران بھارت کی جانب سے دریائے چناب پر مقبوضہ کشمیر میں بنے بگلیہار ڈیم کے بعد سلال ڈیم کے دروازے بھی بند کردیے گئے ہیں دریائے چناب میں پانی کا بہاؤ کم ہو کر صرف 5 ہزار 300 کیوسک رہ گیا۔

بھارت نے ہمالیائی علاقے کشمیر میں دو بڑے پن بجلی منصوبوں سلال اور بگلیہا کے آبی ذخائر کی گنجائش بڑھانے کا کام شروع کر دیا ہے۔ رائٹرز کو باخبر ذرائع نے بتایا کہ یہ پیشرفت پاکستان کے ساتھ پانی کی تقسیم کے معاہدے انڈس واٹر ٹریٹی کی حالیہ معطلی کے بعد بھارت کی طرف سے معاہدے سے ہٹ کر کام کرنے کا پہلا عملی قدم ہے۔ گزشتہ ماہ بھارت نے اس معاہدے کو معطل کر دیا تھا، جو پاکستان کی 80 فیصد زرعی زمین کو پانی کی فراہمی کو یقینی بناتا تھا،بھارت نے پہلگام حملے کے بعد یہ اقدام اٹھایا،پاکستان نے اس حملے میں ملوث ہونے کی تردید کی ہے اور اس معاہدے کی معطلی کے خلاف بین الاقوامی سطح پر قانونی کارروائی کی دھمکی دی ہے۔ پاکستانی حکام کا کہنا ہے "پاکستان کے حصے کے پانی کے بہاؤ کو روکنے یا موڑنے کی کوئی بھی کوشش، جنگی اقدام تصور کی جائے گی۔”

ذرائع کے مطابق بھارت کی سرکاری پن بجلی کمپنی این ایچ پی سی لمیٹڈ (NHPC) اور جموں و کشمیر کی مقامی انتظامیہ نے 1 مئی سے تین روزہ "ریزروائر فلیشنگ” کا عمل شروع کیا۔ اس عمل میں پانی کے ذخائر سے تلچھٹ (مٹی، ریت) کو نکالنے کے لیے پانی کو نیچے کی طرف بہایا جاتا ہے، جس سے ابتدا میں پانی کے بہاؤ میں اچانک اضافہ اور بعد میں کمی واقع ہو سکتی ہے۔

ذرائع کا کہنا ہے کہ سلال (1987 میں تعمیر شدہ) اور بگلیہار (2008/09 میں مکمل شدہ) منصوبوں پر یہ کام پہلی بار کیا جا رہا ہے، اور بھارت نے پاکستان کو اس بارے میں کوئی پیشگی اطلاع نہیں دی ، جو کہ معاہدے کی خلاف ورزی سمجھی جا سکتی ہے۔

جموں و کشمیر کے چناب دریا کے کنارے بسنے والے لوگوں نے بتایا کہ جمعرات سے ہفتہ کے درمیان سلال اور بگلیہار سے پانی چھوڑا گیا، جس سے بعض مقامات پر دریا پوری روانی سے بہتا نظر آیا جبکہ کچھ جگہیں تلچھٹ سے جزوی طور پر بند ہو گئی تھیں۔ سوشل میڈیا پر مقامی افراد کی جانب سے پوسٹ کی گئی ویڈیوز میں یہ مناظر دیکھے جا سکتے ہیں۔ذرائع کے مطابق، سلال منصوبے کی 690 میگاواٹ بجلی پیدا کرنے کی صلاحیت مٹی کے جمع ہونے کی وجہ سے شدید متاثر ہو چکی تھی، کیونکہ معاہدہ ایسے صفائی کے عمل کی اجازت نہیں دیتا۔ بگلیہار کی 900 میگاواٹ صلاحیت پر بھی اس کا اثر پڑا۔

1960 کے سندھ طاس معاہدے کے تحت بھارت کو صرف "رن آف دی ریور” طرز کے منصوبے بنانے کی اجازت ہے، جن میں بڑے ذخائر نہیں ہوتے۔

پہلگام فالس فلیگ ، آرمی چیف کا احسن اقدام سامنے آیا ہے،بھارت سے واپس بھیجے گئے دو بچوں کے علاج کا ذمہ لے لیا

پہلگام فالس فلیگ آپریشن کے بعد مودی سرکار نے غیر انسانی اقدام اٹھاتے ہوئے زیر علاج مریضو ں کو بھی پاکستان واپس بھیج دیا ،دل کے عارضے میں مبتلا دو بچوں کے والد شاہد احمد نے مودی کے غیر انسانی اقدام کی سخت مذمت کی ،حیدر آباد ، سند ھ کے رہائشی شاہد احمد نے اپنے تاثرات کا اظہار کرتے ہوئے کہا کہ "میرے دو بچے پیدائشی طور پر دل کے عارضے میں مبتلا ہیں اور میں ان کا علاج کروانے بھارت گیا "21 اپریل 2025 کو ہم اپنے بچوں کے علاج کی غرض سے بھارتی شہر فرید آباد پہنچے ، 22اپریل کو دونوں بچوں کے میڈیکل ٹیسٹ کئے، 23 اپریل کو ڈاکٹر ز نے سرجری پلان کر لی ، 24 اپریل کو بھارتی "فارنرز ریجنل رجسٹریشن آفس” سے کال آئی کہ اگلے 48گھنٹوں میں ہم نے بھارت چھوڑنا ہے،مودی کی انتہاپسندانہ پالیسیوں کا کسی کو کوئی فائدہ نہیں،میں آر ایس ایس اور مودی کے اس پاکستان دشمن اقدام کی شدید الفاظ میں مذمت کرتا ہوں، انسانیت سے بڑا کوئی مذہب نہیں، ہندو مذہب بھی انسانیت کا درس دیتا ہے،میں نے اپنے بچوں کے علاج کے لئے 7 سال کی تگ و دو کے بعد بھارت کا ویزہ حاصل کیا ،دوران علاج بی جے پی کی حکومت نے ہمیں پاکستان واپس بھیج کر غیر اخلاقی اور غیر انسانی سلوک کیا ، میں آرمی چیف کا بہت شکر گزار ہوں جنہوں نے میرے بچوں کو فوری علاج کی سہولیات فراہم کی، میں کہنا چاہوں گا AFICراولپنڈی میں میرے بچوں کا علاج میری اُمیدوں سے زیادہ بڑھ کر کیا جا رہا ، مجھے بچوں کے علاج معالجے کے حوالے سے کسی بھی قسم کی پریشانی کا سامنا نہیں ہے، شاہد احمد

ڈاکٹر محبوب سلطان کا کہنا ہے کہ ہمارے پاس دو بچے عبداللہ (9سال) اور منسا (7سال ) زیر علاج ہیں دونوں بچے پیدائشی طور پر دل کے عارضے میں مبتلا ہیں، دونوں بچوں کے دل میں سوراخ ہیں اور پھیپھڑوں کی نالیاں بھی کمزور ہیں، دونوں بچوں کی مرحلہ وار سرجری ہو گی ، اگلے چند دنوں میں پہلے مرحلے کی سرجری کو مکمل کیا جایا گیا ،ہمارے ہاں بچوں کی پیدائشی دل کی بیماریوں کا علاج کیا جاتا ہے، میرےخیال میں اس بیماری کے علاج کے لئے ان بچوں کو باہر جانے کی ضرورت نہیں ،ہم اس سے پہلے بھی کافی بچوں کی سرجریز کر چکے ہیں ،

بریگیڈئر ڈاکٹر خرم اختر ، اے ایف آئی سی کا کہنا ہے کہ اے ایف آئی سی پاکستان آرمی کا "اسٹیٹ آف دی آرٹ” ہسپتال ہے، اے ایف آئی سی میں دل کے پیچیدہ امراض کا علاج کیا جاتا ہے، جو بچے ہمارے پاس علاج کے لئے آتے ہیں ، اُن کے علاج کے لئے ہمارے پاس ساری سہولیات موجود ہیں ہم بین الاقوامی معیار کے مطابق سرجریز بھی مہیا کرتے ہیں ، جو دو بچےہمارے پاس علاج کے لئے آئے ہیں ، یہ Tetralogy of Fallot کی بیماری میں مبتلا ہیں، اس بیماری میں تھوڑی پیچیدگیاں ہیں کیونکہ پھیپھڑوں کی نالیاں چھوٹی ہیں ،ہم ان بچوں کی مرحلہ وار سرجریز کریں گے، یہ علاج بین الاقوامی اصولوں اور معیار کے بالکل عین مطابق ہے