Author: ممتاز حیدر

بین الاقوامی سفارتی امور کے معروف ایڈیٹر اور امریکی نشریاتی ادارے سی این این سے وابستہ نک رابرٹسن نے لائن آف کنٹرول (ایل او سی) کے قریب واقع سرجیوار گاؤں کا دورہ کیا، جہاں حالیہ دنوں میں بھارتی فوج کے مبینہ فیک انکاونٹر میں دو کشمیری شہریوں کو شہید کیا گیا تھا۔

ذرائع کے مطابق، نک رابرٹسن نے محمد فاروق شہید اور محمد دین شہید کے گاؤں کا دورہ کیا اور متاثرہ خاندانوں سے ملاقات کی۔ ان ملاقاتوں میں انہوں نے شہداء کے لواحقین سے تفصیلی انٹرویوز کیے، جنہوں نے سی این این کو بھارتی فوج کے مظالم اور اس فیک انکاونٹر کی سنگینی پر دل دہلا دینے والے انکشافات فراہم کیے۔عینی شاہدین نے بھی نک رابرٹسن کو بتایا کہ 24 اپریل 2025 کو بھارتی افواج نے بغیر کسی پیشگی اطلاع یا تصادم کے، آزاد کشمیر کے رہائشی محمد فاروق اور محمد دین کو نشانہ بنایا اور بعد ازاں ان کے قتل کو ایک "انکاونٹر” کا نام دیا گیا۔

ذرائع کا کہنا ہے کہ سی این این کی ٹیم کو گاؤں کے دیگر باسیوں نے بھی بھارتی فوج کی طرف سے کیے گئے مظالم کی تفصیلات سے آگاہ کیا۔ نک رابرٹسن نے اپنی رپورٹ کے لیے نہ صرف متاثرہ خاندانوں بلکہ عینی شاہدین کے بیانات بھی ریکارڈ کیے۔

دفاعی ماہرین کا کہنا ہے کہ بھارتی فوج کی جانب سے اس نوعیت کے فیک انکاونٹرز اب صرف ایک مقامی مسئلہ نہیں رہے، بلکہ یہ معاملہ بین الاقوامی سطح پر ایک سنجیدہ انسانی حقوق کا بحران بن چکا ہے۔ اقوامِ متحدہ سمیت دیگر عالمی اداروں سے مطالبہ کیا جا رہا ہے کہ وہ اس معاملے کی شفاف تحقیقات کرائیں۔شہداء کے لواحقین نے بین الاقوامی میڈیا کے توسط سے دنیا بھر کے انصاف پسند حلقوں سے اپیل کی ہے کہ انہیں انصاف دلایا جائے اور بھارتی فوج کے ان مبینہ جنگی جرائم کو عالمی عدالت میں اٹھایا جائے۔

پہلگام حملے کو مودی حکومت کی ایک منصوبہ بند "فالس فلیگ” کارروائی قرار دیتے ہوئے نہ صرف بین الاقوامی برادری بلکہ خود بھارت کے باشعور ہندو عوام نے بھی اس ڈرامے کا پول کھول دیا ہے۔ مختلف بھارتی ذرائع ابلاغ اور سوشل میڈیا پر عام شہریوں، ماہرین، اور انسانی حقوق کے علمبرداروں نے اس واقعے پر سوالات اٹھاتے ہوئے اس کی اصلیت کو بے نقاب کر دیا ہے۔

بھارتی ہندو خاتون میناکشی بالی نے ایک ویڈیو پیغام میں پہلگام حملے کو مودی سرکار کی سیاسی چال قرار دیا ہے۔ ان کے مطابق، "یہ حملہ کوئی دہشت گردی نہیں بلکہ ایک منصوبہ بند فالس فلیگ آپریشن ہے جس کا مقصد عوام کی توجہ مہنگائی، بے روزگاری اور بدانتظامی جیسے حقیقی مسائل سے ہٹانا ہے۔”انہوں نے مزید کہا، "اب بہار کے انتخابات قریب آ رہے ہیں، اور کشمیر میں اس حملے کے ذریعے مودی سرکار ایک مرتبہ پھر ووٹ حاصل کرنے کے لیے فرقہ واریت کو ہوا دینا چاہتی ہے۔”میناکشی نے کہا، "مودی تو دعویٰ کرتا تھا کہ بھارت کی فوج اتنی طاقتور ہے کہ پرندہ بھی پر نہیں مار سکتا، پھر یہ حملہ آور کشمیر میں اندر گھس کر کیسے حملہ کر گئے؟ یہ فوج یا حکومت کی ناکامی ہے یا پھر جان بوجھ کر ہونے والی چال؟”انہوں نے مزید کہا کہ، "ہندوؤں کو مار کر مسلمانوں کو ذمہ دار ٹھہرانا مودی کا پرانا ہتھکنڈہ ہے۔ یہ سازش اب عوام کی نظروں سے اوجھل نہیں رہی۔”

میناکشی بالی نے بھارت میں مسلمانوں کے خلاف امتیازی سلوک اور مخصوص قوانین پر بھی شدید تنقید کی۔ انہوں نے کہا، "وقف قانون صرف مسلمانوں کی جائیدادیں ہڑپنے کے لیے بنایا گیا ہے۔ آج مسلمان بھارت میں سب سے زیادہ نشانے پر ہیں۔ ان کے خلاف قوانین بنا کر ہندو ووٹ بینک کو مضبوط کیا جا رہا ہے۔””مودی بندوق مسلمانوں کے کندھوں پر رکھ کر، ہندوؤں کو مسلمانوں کے خلاف اکسا رہا ہے۔ یہ صرف سیاست نہیں، یہ ظلم ہے، فسطائیت ہے۔”انہوں نے مودی حکومت کو بڑے سرمایہ داروں کا غلام قرار دیتے ہوئے کہا، "مودی نے ایئرپورٹ بیچ دیے، تیل بیچ دیا، اب ملک کی ہر چیز بیچ رہا ہے۔ اڈانی اور امبانی جیسے سرمایہ داروں کے مفادات کے تحفظ کے لیے ملک کو قربان کیا جا رہا ہے۔”

بھارتی تجزیہ کاروں اور دفاعی ماہرین کا کہنا ہے کہ اگر بھارتی فوج اتنی باصلاحیت ہے تو حملہ آور اتنی گہرائی تک کیسے پہنچے؟ یہ سیکیورٹی کی بہت بڑی ناکامی ہے، یا پھر ایک سوچی سمجھی سازش۔ماہرین کے مطابق، "مودی سرکار اس قسم کے حملے کرواتی ہے تاکہ مسلمانوں پر غداری کا الزام لگا کر عوام میں نفرت پیدا کی جائے اور ووٹ حاصل کیے جا سکیں۔”ماہرین نے خبردار کیا ہے کہ یہ سازش صرف مسلمانوں تک محدود نہیں رہے گی۔ اگر آواز نہ اٹھائی گئی تو ظلم کا دائرہ دلتوں، سکھوں، عیسائیوں اور دیگر اقلیتوں تک پھیل جائے گا۔

مقبوضہ کشمیر کے علاقے پہلگام میں حالیہ فالس فلیگ آپریشن نے بھارتی حکومت اور انٹیلیجنس ایجنسیز کی کارکردگی پر سنگین سوالات کھڑے کر دیے ہیں۔ سوشل میڈیا اور مین اسٹریم میڈیا پر بھارتی عوام کی جانب سے شدید ردعمل سامنے آ رہا ہے، جس میں حکومت سے مؤثر اقدامات نہ کرنے پر سخت تنقید کی جا رہی ہے۔

ذرائع کے مطابق، حملہ آوروں کی جانب سے سخت سکیورٹی کے باوجود موقع واردات تک پہنچنا اور واردات کے بعد بحفاظت فرار ہو جانا ایک ناقابلِ فہم پہلو ہے جس نے بھارتی سکیورٹی نظام کی قلعی کھول دی ہے۔ایک بھارتی خاتون نے میڈیا سے بات کرتے ہوئے سوال اٹھایا”جب سکیورٹی خدشات پہلے سے موجود تھے تو مؤثر اقدامات کیوں نہیں کیے گئے؟ یہ کیسے ممکن ہے کہ دہشتگرد کھلے عام واردات کر کے فرار ہو جائیں؟”خاتون کا مزید کہنا تھا کہ اگر واقعے کی پیشگی اطلاعات دستیاب تھیں تو روک تھام کے لیے کوئی عملی قدم کیوں نہیں اٹھایا گیا؟ یہ غفلت اور ناکامی بھارتی نظام کی سنگینی کو عیاں کرتی ہے۔

دوسری جانب، دفاعی ماہرین نے واقعے کو بھارت کی انٹیلیجنس ایجنسیز کی مکمل ناکامی قرار دیا ہے۔ ان کا کہنا ہے کہ "پہلگام فالس فلیگ آپریشن کے شواہد واضح طور پر ظاہر کرتے ہیں کہ یہ ایک سوچے سمجھے منصوبے کے تحت کیا گیا عمل تھا، جو اندرونی سطح پر ناقص منصوبہ بندی اور ناکامی کی علامت ہے۔”ماہرین نے مزید کہا کہ بھارتی حکومت کو پاکستان پر الزامات عائد کرنے کے بجائے اپنی عوام کے سامنے جوابدہ ہونا چاہیے۔”عوام کے اندر سے اٹھنے والی آوازیں اور سوالات اس بات کا ثبوت ہیں کہ یہ واقعہ مودی سرکار کی پالیسیوں کی ناکامی کا عکاس ہے