Author: ممتاز حیدر

ایف آئی اے اینٹی کرپشن سرکل نے ایک بڑی کارروائی کے دوران سی ڈی اے اسلام آباد کے پانچ اعلیٰ افسران کو گرفتار کر لیا ہے، جن پر کرپشن اور بدعنوانی میں ملوث ہونے کا الزام ہے۔ گرفتار ہونے والے ملزمان میں اصغر علی، راجہ شعیب ملال، تیمور احمد، عنایت اللہ اور آفتاب احمد شامل ہیں، جو سی ڈی اے میں اسسٹنٹ ڈائریکٹر اور ڈپٹی ڈائریکٹر کے عہدوں پر فائز تھے۔

ان ملزمان کی گرفتاری اسپیشل جج سینٹرل II اسلام آباد کی جانب سے ضمانت قبل از گرفتاری منسوخ ہونے کے بعد عمل میں آئی۔ ایف آئی اے کے ذرائع کے مطابق، ابتدائی تفتیش میں یہ بات سامنے آئی کہ ملزمان نے جعلی اراضی کے متاثرین کو ظاہر کر کے اسلام آباد کے مختلف سیکٹروں I-14، E-11 اور D-13 میں غیر قانونی طور پر 43 پلاٹس الاٹ کیے تھے۔ان جعلی الاٹمنٹس سے قومی خزانے کو تقریباً ایک ارب روپے کا نقصان پہنچا۔ ملزمان نے جعلی فائلوں کی بنیاد پر یہ پلاٹس الاٹ کر کے اپنے اختیارات کا ناجائز استعمال کیا۔ ایف آئی اے نے تفتیش کا آغاز کر دیا ہے اور ملزمان کے ساتھ شریک دیگر افراد کے خلاف چھاپہ مار کارروائیاں جاری ہیں۔

اس کیس کی گرفتاری اور تفتیش میں مزید ترقی کی توقع کی جا رہی ہے، اور ایف آئی اے کی جانب سے دیگر ملوث افراد کو بھی منظر عام پر لانے کے لیے کارروائیاں تیز کر دی گئی ہیں۔ حکام کا کہنا ہے کہ کرپشن کے خلاف سخت اقدامات کیے جائیں گے تاکہ ایسے کرپٹ افراد کو قانون کے کٹہرے میں لایا جا سکے۔

گلوکار سلمان احمد نے سماجی رابطے کی ویب سائٹ ایکس پر ایک لیٹر شیئر کیا ہے جو فیک ہے اور اسے بھارتی اکاؤنٹس نے وائرل کیا تھا سلمان احمد نے بنا تصدیق کے اسی لیٹر کو ایکس پر پوسٹ کر دیا

سلمان احمد کے خلاف ماضی میں بھی اداروں کے خلاف پروپیگنڈے کی وجہ سے مقدمہ درج ہو چکا ہے ،اب بھی سلمان احمد نے بھارتی اکاؤنٹس کی جانب سے وائرل کیا گیا ایک خط شیئر کر دیا ،جس میں وزیراعظم کی صحت بارے لکھا گیا تھا تا ہم وہ خط جعلی تھا،بھارتی میڈیا پہلگام ڈرامے کے بعد پاکستان کیخلاف پروپیگنڈہ کر رہا اور بھارتی سوشل میڈیا اکاؤنٹس بھی پروپیگنڈہ کر رہے،سلمان احمد نے بھارتی پروپیگنڈے کو تقویت دی اور ایک ایسے وقت میں جب وزیراعظم قومی سلامتی کمیٹی اجلاس میں شریک ہیں، کاکول اکیڈمی میں خطاب کر رہے ہیں، اسلام آباد میں ملاقاتیں کر رہے ہیں کی صحت بارے افواہ پھیلائی

پاکستانی سوشل میڈیا صارفین نے اس جعلی دستاویز کی نشاندہی کرتے ہوئے سلمان احمد کو شدید تنقید کا نشانہ بنایا۔ ماہرین کا کہنا ہے کہ اس قسم کی غیر مصدقہ معلومات کا پھیلاؤ نہ صرف عوام کو گمراہ کرتا ہے بلکہ سیاسی ماحول کو بھی مزید کشیدہ کر سکتا ہے،فیک خط وائرل کرنے پر کاروائی ہونی چاہئے

واضح رہے کہ رواں ماہ اپریل میں ہی معروف گلوکار سلمان احمد کے خلاف سوشل میڈیا قوانین کی خلاف ورزی کرنے پر پیکا ایکٹ کے تحت مقدمہ درج کیا گیا ہے،ولیس کے مطابق گلوکار سلمان احمد کیخلاف سوشل میڈیا پر قومی سلامتی کے اداروں اور ریاست کے خلاف پروپیگنڈا کرنے کے الزام میں مقدمہ درج کیا گیا، مقدمہ پولیس کی مدعیت میں لاہور کے تھانہ ڈیفنس اے میں درج کیا گیا ہے۔ایف آئی آر میں لکھا گیا ہے کہ سلمان احمد کے سماجی رابطے کی ویب سائٹ ایکس پر 2 لاکھ 65 ہزار 400 فالوورز ہیں، سلمان احمد نے قومی اداروں کے خلاف سوشل میڈیا پر پروپیگنڈا کیا، سلمان احمد نے سوشل میڈیا پر نفرت انگیز پوسٹ کو وائرل کیا اور اسے ڈیوٹی پر تعینات پولیس آفیسر نے خود دیکھیں-

‏جنرل بخشی کی چیخیں ایسے ہی نہیں نکل رہی تھیں

آج پاکستانی فضائیہ نے تھنڈر کی تصویر جاری کی جس میں ڈوئل ریکس پر لانگ رینج BVRs PL15 ایئر ٹو ائیر میزائل نصب ہیں ہہ حالیہ پاک انڈیا کشیدگی کے باعث تصویر جاری کی گئی ہے اس سے پہلے ایسی کوئی تصویر نہیں نکالی گئی تھی۔بہرحال پاکستانی ڈیفینس enthusiasts جشن منا رہے ہیں۔اس سے پاکستانی فضائیہ کی طاقت میں وہ اضافہ ہوا ہے کہ بلامبالغہ انڈیا کی رات کی نیندیں اڑانے کے لیے کافی سے بھی زیادہ ہے۔اس رینج پر انڈیا کے پاس BVR کیپیبلٹی بہت ہی محدود اور قلیل ہے صرف رافیل طیاروں پر ہے وہ بھی میٹیور میزائل کی شکل میں اس میں بھی بہرحال انڈین قابلیت پر شکوک موجود ہیں۔

لیکن پاکستان کی یہ کیپیبلٹی لامحدود ہے کیونکہ تھنڈر ہمارا اپنا پلیٹ فارم ہے جتنا چاہیں بنا لیں جتنا چاہیں سکریمبل کر لیں اور تھنڈر پر PL15 کی تنصیب کے بعد صرف تھنڈر طیارہ ہی انڈیا کی ستر فیصد ایئرفورس کے لیے کافی ہو جاۓ گا۔

پہلگام فالس فلیگ،بھارتی میڈیا کے مودی سے اہم سوالات سامنے آ گئے

پہلگام فالس فلیگ حملے کے بعد تاحال مودی سرکار خاموش مگر پروپیگنڈا جاری ہے،پہلگام حملے کے بعد
بھارتی عوام کی جانب سے بی جے پی سے کڑے سوالات پوچھے گئے،بھارتی میڈیا کا کہنا ہے کہ پہلگام حملے کے بعد تاحال مودی حکومت خاموش کیوں ہے،جدید اسلحہ سے لیس دہشتگرد کیسے پہلگام پہنچ گئے؟،پہلگام حملہ کرنے والے دہشتگرد کیسے 200 کلومیٹر تک ہمارے علاقے تک گئے؟بھارتی فوج کی اتنی بری انٹیلیجنس ناکامی کیسے ہوئی؟پہلگام میں موجود ہزاروں سیاحوں کیلئے مناسب سکیورٹی کا بندوبست کیوں نہیں کیا گیا؟پہلگام کے اتنے بڑے واقعہ کے بعد اب تک کسی کو ذمہ دار کیوں نہیں ٹھہرایا گیا؟بھارت کے عوام کو پہلگام پر اٹھتے سوالات کا جواب چاہئے خاموشی نہیں،

سیاسی تجزیہ کاروں کا کہنا ہے کہ بھارتی عوام اور میڈیا کے سوالات جائز ہیں اور مودی کو ان کا جواب دینا ہوگا، در حقیقت پہلگام فالس فلیگ حملے کا مقصد بھارت اور مقبوضہ کشمیر میں مسلمانوں کو نشانہ بنانا تھا .

سابق وزیرِ اعظم انوار الحق کاکڑ نے کہا ہے کہ اگر جنگ مسلط کی گئی تو پاکستان اس کے لیے پوری طرح تیار ہے۔

انہوں نے سینیٹ میں اپنے خطاب کے دوران کہا کہ دشمن کو کوئی بھی قدم اٹھانے سے پہلے ہزار بار سوچنا چاہیے کیونکہ پاکستان پلک جھپکے بغیر اس کا جواب دے گا۔انوار الحق کاکڑ نے مزید کہا کہ پاکستان کا جواب ہمیشہ آنکھ کے بدلے آنکھ، گاؤں کے بدلے گاؤں، شہر کے بدلے شہر اور ملک کے بدلے ملک کے اصول پر مبنی ہوگا۔سابق وزیرِ اعظم نے یہ بھی وضاحت کی کہ موجودہ آرمی چیف کے پاس حالات کا مکمل ادراک ہے اور وہ فوراً فیصلہ کرنے کے عادی ہیں۔ انہیں پورے ادارے کی حمایت حاصل ہے۔ان کا کہنا تھا کہ پاکستانی قوم کو اطمینان رکھنا چاہیے کیونکہ وہ مکمل طور پر محفوظ ہیں اور ہماری مسلح افواج ملک کا دفاع کرنے کی پوری صلاحیت رکھتی ہیں۔