Author: ممتاز حیدر

کینیڈا کے شہر اوٹاوا میں ہندوستانی طالبہ وِنشیکا کی پراسرار موت کی اطلاع ملی ہے، جس کی تصدیق اوٹاوا میں بھارتی ہائی کمیشن نے کی ہے۔ مقامی پولیس کے مطابق، وِنشیکا کی موت کی وجہ کی تحقیقات جاری ہیں۔ یہ واقعہ اس وقت پیش آیا جب چند روز پہلے ہی وِنشیکا لاپتہ ہو گئی تھی۔

وِنشیکا، دیوندر سنگھ کی بیٹی تھی، جو عام آدمی پارٹی کے ایک رہنما اور پنجاب کے ایم ایل اے کلجیت سنگھ رندھوا کے قریبی ساتھی ہیں۔ وِنشیکا کا تعلق پنجاب کے شہر ڈیرہ بسّی سے تھا، اور وہ دو سال قبل اوٹاوا منتقل ہوئی تھی تاکہ اپنے تعلیمی کورس کو جاری رکھ سکے۔اوٹاوا میں بھارتی ہائی کمیشن نے ایک بیان میں کہا: "ہمیں یہ افسوسناک اطلاع ملی ہے کہ وِنشیکا، جو ہندوستان کی طالبہ ہیں، کی موت ہو گئی ہے۔ معاملہ متعلقہ حکام کے ساتھ اٹھایا گیا ہے اور مقامی پولیس کی جانب سے تحقیقات جاری ہیں۔ ہم سوگوار خاندان اور مقامی کمیونٹی سے قریبی رابطے میں ہیں اور تمام ممکنہ مدد فراہم کر رہے ہیں۔”

وِنشیکا 25 اپریل کو لاپتہ ہو گئی تھی، جب وہ ایک کرائے کے کمرے کو دیکھنے کے لیے اپنے گھر سے نکلی تھی۔ اوٹاوا پولیس سروس کو ہندی کمیونٹی نے ایک خط لکھا جس میں کہا گیا کہ وِنشیکا کا فون مسلسل بند تھا اور وہ ایک اہم امتحان بھی چھوٹی، جو اس کی معمول کے مطابق نہیں تھا۔ پولیس نے وِنشیکا کی پراسرار موت کی تحقیقات شروع کر دی ہیں، لیکن ابھی تک اس کے انتقال کی وجہ کا پتہ نہیں چل سکا۔ بھارتی ہائی کمیشن نے یقین دہانی کرائی ہے کہ وہ اس معاملے میں مکمل تعاون کر رہے ہیں تاکہ وِنشیکا کے خاندان کو انصاف مل سکے۔

وِنشیکا کے والد دیوندر سنگھ نے اس دردناک وقت میں کمیونٹی اور حکام سے اپیل کی کہ وہ وِنشیکا کے کیس کی تحقیقات میں تیزی لائیں اور اس کے خاندان کو انصاف فراہم کیا جائے۔

بحیرہ احمر میں امریکی طیارہ بردار جہاز یو ایس ایس ہیری ایس ٹرومین پر حادثہ، ایف 18 لڑاکا طیارہ سمندر میں گر گیا

بحیرہ احمر میں تعینات امریکی طیارہ بردار جہاز یو ایس ایس ہیری ایس ٹرومین پر ایک افسوسناک حادثہ پیش آیا، جس میں ایک ایف 18 لڑاکا طیارہ سمندر میں گر گیا۔ امریکی بحریہ کے جاری کردہ بیان کے مطابق، یہ طیارہ جہاز سے اُڑنے کے بعد اچانک حادثے کا شکار ہو گیا اور سمندر میں جا گرا۔بحریہ کے مطابق اس حادثے میں ایف 18 لڑاکا طیارہ کے ساتھ اس کو کھینچنے والا ٹریکٹر بھی سمندر میں گر گیا۔ حادثے کے بعد فوراً بچاؤ آپریشن شروع کیا گیا، جس میں بحریہ کے اہلکاروں نے طیارے اور ٹریکٹر کے ساتھ سمندر میں گرے تمام افراد کو محفوظ طریقے سے نکال لیا۔ اس حادثے کے دوران ایک اہلکار زخمی ہو گیا، جس کی حالت کو مستحکم بتایا گیا ہے۔

امریکی بحریہ کا کہنا ہے کہ حادثے کی تحقیقات جاری ہیں اور اس کی وجہ جاننے کی کوشش کی جا رہی ہے۔ اس حادثے کے بعد مزید کوئی معلومات فراہم نہیں کی گئی ہے، تاہم تمام گرے ہوئے افراد کی حفاظت کی گئی ہے۔

یاد رہے کہ یو ایس ایس ہیری ایس ٹرومین امریکی بحریہ کا ایک اہم طیارہ بردار جہاز ہے جو اس وقت یمن میں جاری امریکی حملوں میں حصہ لے رہا ہے۔ یہ جہاز نہ صرف بحیرہ احمر میں موجود ہے بلکہ مشرق وسطیٰ میں امریکی فوجی کارروائیوں کا ایک اہم حصہ بھی ہے۔

کینیڈا کے اگلے وزیر اعظم کو منتخب کرنے کے لیے ہونے والے پارلیمانی انتخابات میں ووٹنگ کا وقت ختم ہوگیا جس کے بعد نتیجے کے حوالے سے ابتدائی اعدادو شمار بھی آنا شروع ہوگئے۔

کینیڈا میں پارلیمانی انتخابات پر ووٹنگ صبح 9 بجے سے رات 9 بجے تک جاری رہی جس میں شہریوں نے اپنا حقِ رائے دہی استعمال کیا،کینیڈا کے وزیراعظم اور لبرل پارٹی کے امیدوار مارک کارنی اور کنزرویٹو پارٹی کے پیئر پولی ایو میں کانٹے کا مقابلہ متوقع تھا،343 کےایوان میں اکثریت حاصل کرنےکیلئےکسی بھی پارٹی کو 172 نشستیں درکارہوں گی۔

خبر رساں ایجنسی کے مطابق متعدد میڈیا اداروں نے دعویٰ کیا ہے کہ وزیرِ اعظم مارک کارنی کی لبرل پارٹی نے کینیڈا کے عام انتخابات میں کامیابی حاصل کرلی ہے،پبلک براڈکاسٹر سی بی سی اور سی ٹی وی نیوز دونوں نے دعویٰ کیا ہے کہ لبرل پارٹی کینیڈا کی اگلی حکومت تشکیل دے گی، تاہم ابھی یہ واضح نہیں ہے کہ آیا پارٹی کو پارلیمنٹ میں اکثریت حاصل ہوئی ہے یا نہیں،ووٹنگ کے بعد ابتدائی اعداد و شمار کے مطابق لبرل پارٹی کو 158 جبکہ کنزرویٹو پارٹی کو 143 نشستوں پر برتری حاصل ہے،اس کے علاوہ بلاک کیوبک کو 24 اور این ڈی پی کو 10 نشستوں پر برتری ہے۔

یہ الیکشن ایسے وقت ہوئے ہیں جب صدر ٹرمپ کی جانب سے کینیڈا پر عائد ٹیرف ووٹرز کے ذہنوں پر سوار ہے۔ساتھ ہی شہری علاقوں میں گھروں کی قیمتیں زیادہ ہونا ،بے روزگاری کی شرح 6.7 فیصد ہونا اور ہیلتھ کئیر تک لوگوں کی رسائی میں دشواری سمیت دیگر اشوز بھی لوگوں کی توجہ اپنی جانب مبزول کیے ہوئےہیں۔

اٹلی میں قیدیوں کے لیے مخصوص بنایا گیا پہلا "جنسی کمرہ” فعال ہو گیا ہے، جب ایک قیدی کو اپنی خاتون ساتھی سے جیل میں قائم خصوصی سہولت گاہ میں ملاقات کی اجازت دی گئی۔ یہ واقعہ وسطی اٹلی کے علاقے اومبریا کے شہر ٹیرنی کی جیل میں پیش آیا۔

یہ اقدام اطالوی آئینی عدالت کے اس فیصلے کے بعد ممکن ہوا جس میں قیدیوں کے لیے "محبت بھرے نجی ملاقاتوں” کے حق کو تسلیم کیا گیا تھا۔ عدالت نے قرار دیا کہ قیدیوں کو اپنے شریک حیات یا دیرینہ ساتھیوں کے ساتھ ایسے مواقع فراہم کیے جائیں جن میں جیل کا عملہ براہ راست نگرانی نہ کرے۔اومبریا میں قیدیوں کے حقوق کے محتسب، جوزیپے کافوریو نے اطالوی خبررساں ایجنسی سے گفتگو کرتے ہوئے کہا،”ہم خوش ہیں کہ سب کچھ خوش اسلوبی سے مکمل ہوا۔ تاہم، یہ انتہائی ضروری ہے کہ ملاقات کرنے والے افراد کی مکمل رازداری کو یقینی بنایا جائے۔””ہم کہہ سکتے ہیں کہ یہ تجربہ کامیاب رہا اور آنے والے دنوں میں مزید ملاقاتوں کی اجازت دی جائے گی۔”

جنوری 2024 میں جاری ہونے والے فیصلے میں اطالوی عدالت نے کہا تھا کہ قیدیوں کو اپنے شریک حیات یا طویل مدتی ساتھیوں سے بغیر کسی نگرانی کے نجی ملاقات کا حق دیا جانا چاہیے۔عدالت نے یہ بھی نشاندہی کی کہ یورپ کے بیشتر ممالک مثلاً فرانس، جرمنی، اسپین، نیدرلینڈز اور سویڈن میں پہلے ہی قیدیوں کو ازدواجی ملاقاتوں کی اجازت دی جا چکی ہے۔

اطالوی وزارتِ انصاف نے حال ہی میں ایک نیا ضابطہ جاری کیا جس کے تحت قیدیوں کو مخصوص کمروں میں دو گھنٹے تک نجی ملاقات کی اجازت ہوگی۔ان کمروں میں ایک بستر اور ٹوائلٹ کی سہولت موجود ہوگی۔کمرے کا دروازہ لاک نہیں کیا جائے گا تاکہ ہنگامی صورت میں محافظ مداخلت کر سکیں۔

اٹلی کی جیلوں کو یورپ میں سب سے زیادہ گنجان قرار دیا جاتا ہے۔سرکاری اعداد و شمار کے مطابق اٹلی میں اس وقت 62,000 سے زائد قیدی موجود ہیں۔یہ تعداد جیلوں کی سرکاری گنجائش سے 21 فیصد زیادہ ہے۔جیلوں میں خودکشی کے واقعات میں بھی حالیہ دنوں میں تشویشناک اضافہ دیکھا گیا ہے۔تاہم اٹلی میں قیدیوں کو انسانی بنیادوں پر نجی ملاقاتوں کا حق دینا ایک اہم پیش رفت ہے، جس سے نہ صرف قیدیوں کی ذہنی صحت میں بہتری کی امید کی جا رہی ہے بلکہ اس سے جیلوں کے نظام میں بھی مثبت تبدیلیاں متوقع ہیں۔

خوشی کا لمحہ غم میں بدل گیا بیٹی کی یو پی ایس سی کامیابی کی خوشی میں والد کا دل کا دورہ پڑنے سے انتقال ہو گیا ،واقعہ بھارت میں پیش آیا

مہاگاؤں تعلقہ سے ایک افسوسناک خبر سامنے آئی ہے جہاں ایک خاندان کے لیے خوشی کا لمحہ ایک ناقابل تصور سانحے میں تبدیل ہو گیا۔ پوساد پنچایت سمیتی کے ریٹائرڈ ایکسٹینشن آفیسر، پرہلاد کھندارے، اپنی بیٹی کی یونین پبلک سروس کمیشن کے امتحان میں شاندار کامیابی کی خوشی مناتے ہوئے دل کا دورہ پڑنے سے انتقال کر گئے۔ کھندارے کی بیٹی، موہنی، نے حال ہی میں جاری ہونے والے UPSC نتائج میں شاندار رینک حاصل کیا تھا۔ یہ لمحہ خاندان، رشتہ داروں، ہمسایوں اور دوستوں کے لیے بے حد فخر کا باعث تھا۔ سب لوگ اس تاریخی کامیابی کا جشن منانے کے لیے جمع ہوئے تھے اور پورے گاؤں میں خوشی کی لہر دوڑ گئی تھی۔موہنی کی اس بڑی کامیابی نے نہ صرف خاندان بلکہ پورے گاؤں کو ملک بھر میں پہچان دلائی۔ لوگ پرہلاد کھندارے کی محنت اور بیٹی کی تربیت میں ان کی انتھک جدوجہد کو سراہ رہے تھے۔ موہنی کی کامیابی نے گاؤں کے لیے ایک نیا وقار اور عزت کا مقام حاصل کیا تھا۔

مقامی ذرائع کے مطابق، پرہلاد کھندارے اپنی بیٹی کی اس کامیابی پر بے حد جذباتی اور خوش تھے۔ لیکن جشن کے دوران اچانک وہ بے ہوش ہو کر گر پڑے۔ فوری طور پر رشتہ داروں اور گاؤں والوں نے انہیں قریبی طبی مرکز پہنچایا، لیکن بدقسمتی سے ڈاکٹروں نے انہیں مردہ قرار دے دیا۔ ڈاکٹروں کے مطابق ان کی موت دل کا شدید دورہ پڑنے کے باعث ہوئی۔

وہ گاؤں جو کچھ دیر پہلے موہنی کی شاندار کامیابی پر خوشی میں جھوم رہا تھا، یکایک سوگوار ہو گیا۔ خوشیوں کی جگہ غم اور آہ و بکا نے لے لی۔ وہ لوگ جو کامیابی کا جشن منانے کے لیے اکٹھے ہوئے تھے، اب ایک محنتی باپ کی اچانک موت پر آنسو بہا رہے تھے، جس نے اپنی پوری زندگی عوامی خدمت اور اپنی بیٹی کی تعلیم کے لیے وقف کر دی تھی۔موہنی، جس نے انتھک محنت کے بعد ملک کے سب سے مشکل ترین امتحان میں کامیابی حاصل کی تھی، اس عظیم لمحے پر اپنے والد کی جدائی کے غم میں ٹوٹ کر رہ گئی۔ یہ کامیابی جو موہنی کی زندگی کا نیا آغاز ثابت ہو سکتی تھی، افسوسناک طور پر اس کے والد کے ناقابل برداشت نقصان کے سائے میں دب گئی۔

فلسطین کے سفیر نے اقوام متحدہ کی اعلیٰ ترین عدالت (انٹرنیشنل کورٹ آف جسٹس) میں پیر کے روز اسرائیل پر الزام عائد کیا ہے کہ وہ غزہ میں شہریوں کو "بھوکا مار رہا، قتل کر رہا اور بے گھر کر رہا ہے”، اور انسانی ہمدردی کی بنیاد پر کام کرنے والے امدادی کارکنوں کو بھی نشانہ بنا رہا ہے۔

فلسطینی سفیر برائے نیدرلینڈز، عمار حجازی نے عدالت میں دلائل دیتے ہوئے کہا "اسرائیل فلسطینیوں کو بھوک، قتل اور جبری نقل مکانی کا نشانہ بنا رہا ہے، جبکہ ان تنظیموں کو بھی نشانہ اور روکا جا رہا ہے جو ان کی زندگیاں بچانے کی کوشش کر رہی ہیں۔”اسرائیل نے اس سماعت میں شرکت نہیں کی۔ تاہم یروشلم میں اسرائیلی وزیر خارجہ گیڈون سار نے ایک پریس کانفرنس میں کہا "میں اقوام متحدہ کی ایجنسی ، اقوام متحدہ، سیکریٹری جنرل، اور ان تمام افراد پر الزام عائد کرتا ہوں جو بین الاقوامی قوانین اور اداروں کو اسرائیل کو اپنے دفاع کے حق سے محروم کرنے کے لیے استعمال کر رہے ہیں۔”

یہ سماعت اقوام متحدہ کی جنرل اسمبلی کی طرف سے دی گئی درخواست پر ہو رہی ہے، جس میں عدالت سے کہا گیا تھا کہ وہ یہ مشورہ دے کہ اسرائیل کو مقبوضہ علاقوں میں فلسطینی شہریوں کو بنیادی ضروریات فراہم کرنے کے لیے کیا قانونی ذمہ داریاں حاصل ہیں۔چالیس ممالک اور چار بین الاقوامی تنظیمیں ان سماعتوں میں شرکت کر رہی ہیں، اور توقع کی جا رہی ہے کہ عدالت کو کوئی بھی رائے دینے میں کئی ماہ لگ سکتے ہیں۔

غزہ میں امدادی نظام تقریباً تباہی کے دہانے پر ہے۔ 2 مارچ کے بعد سے اسرائیل نے خوراک، ایندھن، دوائیں اور دیگر بنیادی انسانی ضروریات کی رسائی کو روک دیا ہے۔اقوام متحدہ کے ورلڈ فوڈ پروگرام نے گزشتہ ہفتے بتایا تھا کہ غزہ میں ان کا خوراک کا ذخیرہ مکمل طور پر ختم ہو چکا ہے۔18 مارچ کو جنگ بندی کی خلاف ورزی کرتے ہوئے اسرائیل نے دوبارہ بمباری کا آغاز کر دیا اور غزہ کے بڑے حصے پر قبضہ کر لیا۔ گزشتہ رات ہونے والی اسرائیلی فضائی کارروائیوں میں کم از کم 27 فلسطینی شہید ہو گئے۔بیت لاہیا میں ایک گھر پر بمباری سے 10 افراد شہید ہوئے، جن میں حالیہ رہائی پانے والے قیدی عبد الفتاح ابو مہدی اور ان کا خاندان شامل ہے۔غزہ شہر میں ایک اور حملے میں سات افراد جاں بحق ہوئے۔خان یونس میں ایک گھر پر حملے میں پانچ کم سن بہن بھائیوں سمیت کم از کم 10 افراد شہید ہوئے۔

اسرائیل کا کہنا ہے کہ وہ شہری ہلاکتوں سے بچنے کی ہر ممکن کوشش کرتا ہے اور الزام لگاتا ہے کہ حماس شہری آبادیوں کے درمیان کارروائیاں کرتی ہے، جس سے عام شہری بھی متاثر ہوتے ہیں۔

یاد رہے کہ 7 اکتوبر کو جنوبی اسرائیل پر حملے میں تقریباً 1,200 افراد ہلاک ہوئے تھے، جس کے بعد اسرائیل نے غزہ پر موجودہ حملے کا آغاز کیا تھا۔غزہ کی وزارت صحت کے مطابق اس حملے میں اب تک 52,000 سے زائد فلسطینی شہید ہو چکے ہیں۔

فالس فلیگ،بھارتی ہندو کیطرف سے بی جے پی کا ڈرامہ بے نقاب کر دیا گیا

ہر گزرتے دن کیساتھ مودی کا فالس فلیگ حملہ اور اس کے پیچھے چھپی سازش بے نقاب ہو رہی ہے، ہندو پنڈت کا کہنا ہے کہ یہ جو پہلگام حملہ ہوا ہے اس سے کس کو فائدہ اور کس کو نقصان ہو رہا ہے، کہاں ڈھونڈتے پھرو گےاس حملے کا قصور وار تو آپ کے اندر ہی ہے، ایسے نہیں ہوتا کہ جو بھی سانحہ ہو آپ (مودی) سرحد پار پاکستان پے الزام لگا دیں ، کیا کشمیری ایسا حملہ کر کے اپنا روزگار تباہ کریں گے، جو اس حملے سے فائدہ اٹھا رہا ہے اسے پکڑو لو ورنہ دوبارہ بھی ایسے حملے ہوتے رہیں گے، جو اس حملے اور ہندو مسلم تفریق سے فائدہ اٹھا رہا ہے وہی اس کے پیچھے ہے ،

سیاسی ماہرین کا کہنا ہے کہ بھارت کے اندر سے اٹھنے والی آوازوں نے مودی کے فالس فلیگ حملے کا پردہ چاک کر دیا،

پہلگام فالس فلیگ،مقبوضہ کشمیر نےمودی کی پالیسیوں کو ٹھکرا دیا

بھارتی فوج کی جنگی تیاری پر رپورٹ لیک ،افسران اور سپاہیوں میں مایوسی کی لہر

پہلگام ڈرامہ، کھیل بے نقاب،بھارتی خاتون کے مودی سے سوال

پہلگام فالس فلیگ،مقبوضہ کشمیر نےمودی کی پالیسیوں کو ٹھکرا دیا

پہلگام واقعہ نے مودی سرکار کےمقبوضہ کشمیر میں امن اور سیاحت کے دعووں کا پردہ چاک کردیا،دفاعی ماہرین کا کہنا ہے کہ مودی نے آرٹیکل 370 کو منسوخ اور نئے کشمیر کا نعرہ لگا کر کشمیر کو خون میں نہلا دیا،مقبوضہ وادی کے لوگوں نے جذبات کا اظہار کرتے ہوئے کہا کہ مقبوضہ کشمیر میں ہربات کا الزام مسلمانوں پرعائد کیا جاتا ہے جواب کشمیری برداشت نہیں کریگا،ہمیں نہیں چاہئے سیاحت، نئی چاہئے ترقی، آپ ہماری اذان پرحملہ کرو اور آپ کو سیاحت چاہئے، کشمیر کچھ لوگوں کیلئے انڈسٹری ہے اور اس میں کشمیری را میٹیریل ہے، کشمیری کے دل میں کیا ہے وہ کوئی بھی سننا نہیں چاہتا،پہلگام میں اتنے لوگ مارے گئے افسوس ہے، اس میں ہمارا بھائی عابد بھی گیا اس کا نام کسی نے نہیں لیا،پہلگام میں جنہوں نے حملہ کیا وہ مسلمان نہیں تھے، قرآن پاک میں لکھا ہے کہ ایک بے گناہ کا قتل پوری انسانیت کا قتل ہے، اسلام نے تو عورتوں، بچوں ، بزرگوں اور نہتےپر جنگ میں بھی حملہ کرنے سے منع کیا ہے، کشمیر میں آج تک کبھی بھی سیاحوں پرحملہ نہیں ہوا تھا، کشمیریوں سے روزگار کے وعدے کئے گئے مگر ملا کچھ بھی نہیں،بھارت اللہ کے بھروسے پر ہی چل رہا ہے، اس میں سرکار کہیں ہے ہی نہیں، جمہوریت کا مطلب ہے عوام کی حکومت، کیا کشمیر میں عوامی حکومت ہے۔۔؟ پہلگام حملےمیں کوئی ایسی ویڈیو نہیں دیکھی جس میں نظر آئے کہ اس بندے نے کسی کو مارا، کسی ویڈیو میں یہ نہیں دیکھا کہ وہ پوچھے تمہارا مذہب کیا ہے، ابھی تک یہ بھی پتہ نہیں چلا کہ وہ کون لوگ تھے بس انہوں نے فوج کی وردیاں پہنی تھیں، یہ سب کچھ مسلمانوں سے کیوں جوڑا جا رہا ہے، اگر آج میری بہن کے ساتھ غلط ہوگا تو پھر بدلہ تو لیا جائے گا، کشمیر میں دس لاکھ فوج ہے، یہاں توغلط پوسٹ کرنے پر بندہ اٹھا لیا جاتا ہے، کشمیر میں اتنی فوج لگائی ہے وہ کیا کر رہی ہے، اگروہاں 2 ہزارسیاح تھے تو ان کیلئے سکیورٹی کیوں نہیں تھی؟

دفاعی ماہرین کا کہنا ہے کہ مقبوضہ کشمیر کے مسلمان اب سمجھ چکے ہیں کہ بھارت کے زیر سایہ کشمیر جلتا رہے گا، مقبوضہ کشمیر میں سر، سر کی چارد، زبان، مذہب غرض یہ کہ کچھ بھی محفوظ نہیں،کشمیر کا ایک ہی حل ہے اور وہ ہے بھارت سے آزادی،