Author: ممتاز حیدر

مودی حکومت کی مبینہ ایماء پر نیویارک کے ٹائمزسکوائر پر ہندوستانیوں کا احتجاج بری طرح ناکام ہو گیا۔ ذرائع کے مطابق، یہ نام نہاد احتجاج سرحدی دہشت گردی کے خلاف ایک پہلے سے طے شدہ منصوبہ تھا۔
بھارت کے اس متوقع احتجاج کے ردعمل میں پاکستانی تارکین وطن کی ایک بڑی تعداد بھی ٹائمز سکوائر پہنچ گئی، جس نے مقامی افراد کے ساتھ مل کر بھارتی احتجاج کو مکمل طور پر ناکام بنا دیا۔

اپنی اس ناکامی پر بوکھلاہٹ کا شکار مودی حکومت نے مبینہ طور پر سینکڑوں پاکستانی یوٹیوب چینلز کو بھارت میں بند کر دیا ہے۔ ذرائع کا کہنا ہے کہ مودی سرکار کا اصل ایجنڈہ بھارتی عوام کو سچ سے دور رکھ کر ہندوتوا کے نظریے کو فروغ دینا ہے۔ٹائمز سکوائر پر احتجاج کی ناکامی اور پاکستانی یوٹیوب چینلز پر پابندی کو مودی حکومت کی بڑھتی ہوئی مایوسی اور بوکھلاہٹ کا واضح ثبوت قرار دیا جا رہا ہے۔

پاکستانی فضائی حدود کی بندش نے بھارتی ائیر لائنز کو شدید مالی نقصان پہنچایا ہے، خاص طور پر ایندھن کی مد میں۔ پاکستان کی فضائی حدود کی بندش کے باعث بھارتی طیاروں کو اضافی وقت کے لیے پروازیں جاری رکھنی پڑ رہی ہیں، جس سے ایندھن کے اخراجات میں نمایاں اضافہ ہو رہا ہے۔ بھارتی ائیر لائنز کو یومیہ تقریباً 21 کروڑ پاکستانی روپے کا نقصان ہو رہا ہے اور اگر یہ پابندیاں جاری رہیں تو ان کے اخراجات میں مزید اضافہ متوقع ہے۔

ماہرین کے مطابق، ایک بوئنگ 777 طیارہ ایک گھنٹے میں 6668 کلوگرام ایندھن استعمال کرتا ہے، جبکہ ائیر بس اے 319، 320 یا 321 طیارہ اوسطاً 2400 کلوگرام ایندھن استعمال کرتا ہے۔ جیٹ ایندھن کی قیمت فی کلوگرام تقریباً 82 ڈالر ہے، اور بھارت میں 6668 کلوگرام ایندھن کی قیمت تقریباً 5467 ڈالر بنتی ہے۔اگر ایک بوئنگ 777 یا 787 طیارہ 100 گھنٹے اضافی سفر کرتا ہے تو اسے صرف ایندھن کی مد میں 5 لاکھ 46 ہزار 776 ڈالر کا اضافی خرچ برداشت کرنا پڑتا ہے۔ اسی طرح، اگر ائیر بس اے 319، 320 یا 321 طیارہ 100 گھنٹے اضافی پرواز کرتا ہے تو اس کے لیے ایک لاکھ 96 ہزار ڈالر اضافی ایندھن کی قیمت کا بوجھ ہوتا ہے۔

پاکستانی فضائی حدود کی بندش کی وجہ سے بھارتی ائیر لائنز کو روزانہ دو گھنٹے اضافی سفر کرنا پڑ رہا ہے۔ اگر 100 بوئنگ 777 اور 100 ائیر بس طیارے روزانہ دو گھنٹے اضافی سفر کرتے ہیں تو انہیں 7 لاکھ 42 ہزار 776 ڈالر اضافی ایندھن کی ضرورت ہوتی ہے۔ اس کا مطلب یہ ہے کہ ائیر انڈیا اور دیگر بھارتی ائیر لائنز کو روزانہ 6 کروڑ 35 لاکھ روپے کا اضافی بوجھ برداشت کرنا پڑ رہا ہے، جو پاکستانی روپے میں تقریباً 21 کروڑ بنتے ہیں۔اس کے علاوہ، اگر یہ پابندیاں طویل عرصے تک برقرار رہتی ہیں تو بھارتی ائیر لائنز کو طویل دورانیے کی پروازوں کے دوران ایندھن بھرنے یا اسٹاف کی تبدیلی کے لیے کسی دوسرے ملک کے ائیرپورٹ پر اسٹاپ اوور بھی کرنا پڑے گا۔ اس کے نتیجے میں اضافی اخراجات مزید بڑھ جائیں گے، کیونکہ بین الاقوامی فضائی راستوں پر اسٹاپ اوور کے دوران مختلف اضافی چارجز بھی ادا کرنے پڑتے ہیں۔

پاکستانی فضائی حدود کی بندش بھارتی ائیر لائنز کے لیے ایک سنگین چیلنج بن چکا ہے، جس سے نہ صرف ایندھن کی قیمتوں میں اضافہ ہو رہا ہے بلکہ اضافی وقت کی پروازوں کے باعث دیگر اخراجات میں بھی اضافہ ہو رہا ہے۔ اگر یہ پابندیاں برقرار رہیں تو بھارتی ائیر لائنز کو مزید مالی مشکلات کا سامنا ہو سکتا ہے اور ان کے لئے اس نقصان کی تلافی کرنا ایک بڑا چیلنج بن جائے گا۔

بھارتی سکیورٹی اداروں نے پہلگام واقعے پر تنقید کرنے والے مختلف شعبہ ہائے زندگی سے تعلق رکھنے والے افراد کو گرفتار کرنا شروع کر دیا ہے۔ اب تک تین مختلف ریاستوں سے 25 افراد کو گرفتار کیا جا چکا ہے، جن میں اکثریت مسلمانوں کی ہے۔ ان گرفتاریوں کا تعلق سوشل میڈیا پر اس واقعے سے متعلق سوالات اٹھانے سے ہے۔

بھارتی پولیس نے ریاستی سطح پر کارروائیاں کرتے ہوئے آسام، میگھالیہ اور تریپورہ میں کم از کم 25 افراد کو حراست میں لے لیا ہے۔ گرفتار ہونے والوں میں ایک ایم ایل اے، صحافی، طلبہ، وکیل اور ریٹائرڈ اساتذہ شامل ہیں۔ ان افراد کے خلاف گرفتاریوں کا سبب سوشل میڈیا پر پہلگام حملے کے حوالے سے اٹھائے گئے سوالات ہیں۔آسام سے تعلق رکھنے والے 16 افراد کو گرفتار کیا گیا ہے، جن میں سب سے پہلے آل انڈیا یونائیٹڈ ڈیمو کریٹک فرنٹ کے ایم ایل اے امین الاسلام کی گرفتاری ہوئی۔ ان پر الزام ہے کہ انہوں نے 2019 کے پلوامہ اور حالیہ پہلگام حملوں کو "حکومتی سازش” قرار دیا تھا۔ ان کی گرفتاری کے بعد ان کے خلاف بغاوت کا مقدمہ درج کر لیا گیا ہے۔امین الاسلام کے علاوہ دیگر گرفتار شدگان میں صحافی جابر حسین، آسام یونیورسٹی کے طالب علم اے کے بہاؤالدین، وکیل جاوید مظفر اور کئی سوشل میڈیا صارفین شامل ہیں۔ ان افراد کو حکومتی پالیسیوں اور اقدامات پر سوال اٹھانے کے جرم میں گرفتار کیا گیا ہے۔

یہ تمام گرفتاریاں اس وقت ہو رہی ہیں جب بھارت میں اس نوعیت کے اقدامات کے خلاف آوازیں بلند ہو رہی ہیں۔ پہلگام حملے کی تحقیقات اور اس پر حکومتی موقف پر سوالات اٹھائے گئے ہیں۔ اس واقعے نے نہ صرف قومی سطح پر بلکہ بین الاقوامی سطح پر بھی توجہ حاصل کی ہے، اور بھارت کے اندر اندرونی سیاسی اور سکیورٹی صورتحال پر مزید سوالات اٹھنے لگے ہیں۔

اگر آپ سنگل ہیں اور رشتہ تلاش کر رہے ہیں تو بہتر ہوگا کہ آپ ان امریکی ریاستوں سے بچیں جہاں تعلقات اور شادی میں سب سے زیادہ بے وفائی دیکھی گئی ہے۔

یہ انکشاف حالیہ تحقیق میں سامنے آیا ہے جو ایک بالغوں کی ویب کیم سائٹ نے کی۔ تحقیق میں بتایا گیا کہ امریکہ میں ایسی دس ریاستیں ہیں جہاں لوگ اپنے ساتھیوں سے دھوکہ دہی کرنے کی سب سے زیادہ کوشش کرتے ہیں۔تحقیق میں 80 مشہور ڈیٹنگ ایپس — جیسے کہ Tinder, BLK اور Ashley Madison (جو خاص طور پر شادی شدہ افراد کے افیئرز کے لیے جانی جاتی ہے) کی تلاشوں کا 2024 کے دوران تجزیہ کیا گیا اور پھر ان ریاستوں کی درجہ بندی کی گئی جہاں ان ایپس کی تلاش سب سے زیادہ رہی۔ آرٹ وین ڈائک کے مطابق "یہ تحقیق ظاہر کرتی ہے کہ امریکہ میں شادی شدہ افراد کے درمیان افیئرز میں دلچسپی بہت عام ہو چکی ہے، کیونکہ ہر ماہ تقریباً ایک ملین تلاشیں صرف ان پلیٹ فارمز پر کی جاتی ہیں۔”

سب سے زیادہ بے وفائی کہاں؟
پہلے نمبر پر ے وفا ریاست کولوراڈو ہے، جہاں ہر ماہ 424 تلاشیں کی جاتی ہیں،دوسرے اور تیسرے نمبر پر بالترتیب نارتھ ڈکوٹا اور نیو ہیمپشائر ہیں۔ نارتھ ڈکوٹا میں ہر ایک لاکھ افراد پر 362 ماہانہ تلاشیں صرف Ashley Madison کے لیے کی گئیں، جبکہ نیو ہیمپشائر میں یہ تعداد 357 رہی۔اگر آپ سوچ رہے ہیں کہ مشرقی ساحل (ایسٹ کوسٹ) محفوظ ہے تو ایسا نہیں ہے — نیویارک اگرچہ آخری نمبر پر ہے لیکن پھر بھی ٹاپ 10 میں شامل ہے، جو کسی فخر کی بات نہیں۔ نیویارک میں ہر ماہ 331 تلاشیں ریکارڈ ہوئیں۔ اسی طرح قریبی ریاست کنیکٹیکٹ بھی 335 تلاشوں کے ساتھ فہرست میں شامل ہے۔

وہ 10 ریاستیں جہاں لوگ سب سے زیادہ بے وفائی کی تلاش میں ہیں
کولوراڈو (424 ماہانہ تلاشیں)
نارتھ ڈکوٹا (362)
نیو ہیمپشائر (357)
الینوائے (355)
نیبراسکا (350)
مونٹانا (342)
واشنگٹن (341)
میساچوسٹس (339)
کنیکٹیکٹ (335)
نیویارک (331)

آرٹ وین ڈائک نے مزید کہا،”یہ دلچسپ ہے کہ Ashley Madison جیسی متنازعہ ایپ کے لیے کس ریاست میں سب سے زیادہ تلاش کی جاتی ہے۔ چونکہ یہ ایپ خاص طور پر شادی شدہ افراد کے لیے بنائی گئی ہے جو افیئر کرنا چاہتے ہیں، اس لیے اس کی مقبولیت بعض لوگوں کے لیے حیران کن ہو سکتی ہے۔”انہوں نے مزید بتایا کہ "Tinder اور BLK کے بعد Ashley Madison امریکہ کی تیسری سب سے مقبول ڈیٹنگ ایپ ہے۔”

اگر شک ہو کہ آپ کا ساتھی دھوکہ دے رہا ہے تو یہ علامات دیکھیں،
مدیلین اسمتھ، جو ایک پیشہ ور "ہنی ٹریپر” (شک کی تصدیق کرنے والی ماہر) ہیں، کہتی ہیں کہ اگر آپ کے ساتھی کا رویہ ان باتوں میں شامل ہو تو محتاط ہو جائیں
موبائل فون چھپانا یا پاسورڈ نہ بتانا۔
سوشل میڈیا پر آپ کی تصاویر شیئر نہ کرنا۔
Snapchat کا زیادہ استعمال (جہاں چیٹ جلدی غائب ہو جاتی ہے)۔
لوکیشن شیئر نہ کرنا۔
آپ پر بے بنیاد الزامات لگانا۔
آخر میں، مدیلین کہتی ہیں کہ اپنی چھٹی حس پر اعتماد کریں۔
"زیادہ تر خواتین مجھے یہی کہتی ہیں کہ کچھ عجیب سا محسوس ہو رہا ہے — اور بدقسمتی سے، وہ اکثر درست ہوتی ہیں۔ اگر شک ہو تو سامنے لائیں — یا میری جیسی کسی پروفیشنل کی خدمات حاصل کریں.