Author: ممتاز حیدر

پاکستان آئندہ ہفتے امریکا اور ایران کے درمیان تعطل کا شکار امن مذاکرات کے دوسرے دور کی میزبانی کرنے کی تیاری کر رہا ہے، جبکہ ذرائع کے مطابق دونوں ممالک کے درمیان جاری کشیدگی کم کرنے کے لیے سفارتی رابطے تیز ہو گئے ہیں۔

میڈیا رپورٹس کے مطابق امریکی صدرڈونلد ٹرمپ کے متوقع دورۂ چین سے قبل امریکا اور ایران کے درمیان ایک ابتدائی معاہدے کا امکان ظاہر کیا جا رہا ہے۔ ذرائع کا کہنا ہے کہ دونوں فریقین کے درمیان تنازع سے متعلق تقریباً 85 فیصد معاملات پر پیشرفت ہو چکی ہے، تاہم جوہری پروگرام کا معاملہ اب بھی سب سے بڑی رکاوٹ بنا ہوا ہے۔ترک خبر رساں ادارے کے مطابق جنگ بندی اور کشیدگی کے خاتمے کے لیے مذاکرات کی بحالی متوقع ہے، جبکہ امکان ظاہر کیا گیا ہے کہ 14 اور 15 مئی کو صدر ٹرمپ کے دورۂ چین سے قبل کسی ابتدائی سمجھوتے تک پہنچا جا سکتا ہے۔

ذرائع کے مطابق حالیہ سفارتی پیشرفت کے تناظر میں اسلام آباد پر امید ہے کہ امریکا اور ایران کے درمیان مذاکراتی عمل دوبارہ شروع ہوگا اور پاکستان اس سلسلے میں اہم ثالثی کردار ادا کرے گا۔سفارتی حلقوں کا کہنا ہے کہ خطے میں بڑھتی ہوئی کشیدگی کے پیش نظر یہ مذاکرات نہ صرف مشرقِ وسطیٰ بلکہ عالمی امن کے لیے بھی اہم پیشرفت ثابت ہو سکتے ہیں۔

معرکۂ حق کا پہلا سال مکمل ہونے پر پاک افواج کا اہم پیغام سامنے آیا ہے

ڈی جی آئی ایس پی آر کے مطابق معرکہ حق کی پہلی سالگرہ پر پاک افواج، خصوصاً پاک فضائیہ، قومی دفاع کی ایک فیصلہ کن اور تاریخی کامیابی کو خراجِ تحسین پیش کرتی ہیں،معرکہ حق نے قومی اعتماد کو نئی جدت دی، ادارہ جاتی عزم کو مزید مستحکم کیا اور پاک فضائیہ کی جدید جنگی تیاریوں کو دنیا پر ثابت کیا،پاک فضائیہ جدید ٹیکنالوجی، اسمارٹ سسٹمز اور niche و disruptive صلاحیتوں کے ذریعے مستقبل کی فضائی قوت کے طور پر ابھر رہی ہے،ملٹی ڈومین آپریشنز میں مہارت نے پاک فضائیہ کو جدید فضائی جنگ کے تقاضوں سے ہم آہنگ ایک موثر اور فیصلہ کن فورس بنا دیا ہے،معرکہ حق کے دوران انجام دیے گئے آپریشنز فضائی جنگ کی تاریخ میں منفرد، غیر معمولی اور اعلیٰ پیشہ ورانہ مہارت کا مظہر تھے،پاک فضائیہ کی کامیابیوں نے پاکستانی قوم کے اعتماد، حوصلے اور جذبۂ حب الوطنی کو مزید مضبوط کیا

ڈی جی آئی ایس پی آر کے مطابق پاکستان ایک امن پسند ملک ہے، جبکہ اس کی مسلح افواج ذمہ دارانہ اور پختہ اسٹریٹجک سوچ کی حامل ہیں،پاکستانی مسلح افواج کی ہر تیاری، ہر کوشش اور ہر صلاحیت کا محور خطے میں امن، استحکام اور سلامتی کا فروغ ہے،پاکستان کے لیے امن ہمیشہ عزت، وقار اور خودمختار برابری کے اصولوں سے جڑا رہا ہے،پاک افواج خطے کی بدلتی جیوپولیٹیکل صورتحال اور دشمن کی جارحانہ عسکری تیاریوں سے مکمل طور پر باخبر ہیں،پاکستانی مسلح افواج مستقبل کے چیلنجز سے نمٹنے کے لیے جدید صلاحیتوں، ٹیکنالوجی اور پیشہ ورانہ مہارت میں مسلسل سرمایہ کاری کر رہی ہیں،پاک افواج مستقبل کے جنگی ماحول کے لیے پہلے سے زیادہ تیار، مرکوز اور مکمل طور پر مستعد ہیں،پاکستان کے خلاف کسی بھی جارحیت یا دشمنانہ عزائم کا جواب پہلے سے زیادہ طاقت، درستگی اور عزم کے ساتھ دیا جائے گا،معرکہ حق میں دشمن نے پاکستان کی قوت، تیاری اور فیصلہ کن صلاحیت کا مشاہدہ کیا، آئندہ ہر مہم جوئی کا جواب اس سے بھی زیادہ سخت ہوگا، اِن شاء اللہ،آج رات پوری قوم پاک فضائیہ کے ہر جوان، افسر اور اہلکار کو ان کی پیشہ ورانہ مہارت، قربانی، انتھک محنت اور غیر معمولی آپریشنل توجہ پر خراجِ تحسین پیش کرتی ہے، جنہوں نے پاکستان کی فضائی حدود کے تاریخی دفاع میں کلیدی کردار ادا کیا

ڈی جی آئی ایس پی آر کے مطابق پاکستان کی فضائی حدود کے دفاع میں پاک فضائیہ کی جرات، تیاری اور بروقت کارروائی قوم کی عسکری تاریخ کا روشن باب بن چکی ہے،پاک فضائیہ نے اپنے عزم، مہارت اور جذبۂ قربانی سے دشمن کے ناپاک عزائم کو ناکام بنایا اور قومی سلامتی کو ناقابلِ تسخیر بنایا،پاک فضائیہ اپنی پیشہ ورانہ برتری، جدید جنگی صلاحیت اور غیر متزلزل عزم کے باعث آج بھی دنیا کی بہترین فضائی افواج میں نمایاں مقام رکھتی ہے،پاک فضائیہ اِن شاء اللہ ہمیشہ “Second to None” رہے گی اور اس عظیم قوم کے لیے فخر، طاقت اور اعتماد کی علامت بنی رہے گی،پاکستان ہمیشہ زندہ باد

بھارتی پنجاب میں یکے بعد دیگرے دو دھماکے، خالصتان گروپ نے ذمہ داری قبول کر لی۔

بھارتی میڈیا کے مطابق پنجاب دھماکوں سے لرز اٹھا۔ جالندھر میں بی ایس ایف ہیڈکوارٹر کے باہر موجود ڈیلیوری اسکوٹر دھماکے سے تباہ ہو گیا۔ آئی ای ڈی دھماکے سے کھڑکیوں کے شیشے ٹوٹ گئے۔ ڈیلیوری رائیڈر اور بی ایس ایف اہلکار شدید زخمی ہوئے۔بھارتی میڈیا کا کہنا ہے کہ خالصتان لبریشن آرمی نے حملے کی ذمہ داری قبول کر لی ہے۔ تنظیم نے حملے کو بھارتی پولیس کے ہاتھوں مقتول شدت پسند کا بدلہ قرار دیا۔

میڈیا رپورٹس کے مطابق امرتسر میں خالصہ آرمی کیمپ کے قریب دوسرا دھماکہ بھی ہوا۔ گزشتہ روز ہونے والے دھماکوں کے بعد بھارتی پنجاب میں سیکیورٹی سخت کر دی گئی اور تحقیقات کا آغاز کر دیا گیا۔ بھگونت مان سمیت سیاسی مبصرین کا کہنا ہے کہ بھارت اپنی جبر پر مبنی پالیسیوں کے نتائج بھگت رہا ہے، بی جے پی حکومت کے شدت پسند اقدامات سے پنجاب اور منی پور میں بے چینی بڑھی ہے۔بھارتی میڈیا رپورٹس کے مطابق مشرقی پنجاب میں خالصتان گروپس کا اثر و رسوخ بڑھ رہا ہے۔

گزشتہ ایک ماہ میں راجستھان اور چندی گڑھ میں بھی دھماکے رپورٹ کیے گئے۔ بھارتی سیکیورٹی اداروں نے متعدد سکھوں کو نام نہاد مقدموں میں گرفتار کیا ہوا ہے۔

مبصرین کا کہنا ہے کہ کشمیر سمیت مختلف بھارتی ریاستوں میں اضطراب مسلسل بڑھتا جا رہا ہے۔ بھارت کی اقلیتوں کے خلاف سخت ریاستی پالیسیاں نفرت اور عدم استحکام پیدا کر رہی ہیں۔بڑھتی علیحدگی پسند تحریکیں نئی دہلی کے لیے بڑا چیلنج بن رہی ہیں۔بھارت کو پاکستان پر الزام دینے کے بجائے اندرونی اصلاحات کرنا ہوں گی۔

معرکہ حق، عشرہ تشکر،مرکزی مسلم لیگ کی چھٹے روز بھی ملک گیر تقریبات کا سلسلہ جاری ہے،لاہور میں ہم ہیں بنیان مرصوص تاجر کنونشن،متحدہ طلبا محاذ اجلاس،فیصل آباد،سرگودھا ،ملتان ،دیپالپور، نوشہرہ ،حاصلپور، جھنگ، کہروڑپکا،مٹیاری، چنیوٹ،ڈیرہ غازی خان، جھنگ میں اے پی سیز،گوجرانوالہ میں مسلم اسٹوڈنٹس کے زیر اہتمام ریلی،وزیر آباد میں مسلم ویمن لیگ کی کانفرنس،سانگھڑ میں سیمینار و دیگر تقریبات ہوئیں،منڈی بہاؤالدین میں مسلم کڈز کے زیر اہتمام ریلی نکالی گئی،کوئٹہ میں عشرہ بنیان مرصوص کے سلسلہ میں سیاسی رہنماؤں سے ملاقاتوں ،کراچی، اسلام آباد،پشاور و دیگر شہروں میں مرکزی مسلم لیگ کی خواتین ونگ سمیت دیگر تقریبات کی تیاریاں عروج پر پہنچ گئیں،

مرکزی مسلم لیگ کے زیر اہتمام معرکہ حق،عشرہ تشکر کے سلسلہ میں لاہور میں بنیان مرصوص تاجر کنونشن کا انعقاد کیا گیا جس میں لاہور بھر سے تاجر برادری شریک ہوئی اور مسلح افواج کو خراج تحسین پیش کیا، تاجر کنونشن سے مرکزی مسلم لیگ کے ڈپٹی سیکرٹری جنرل حافظ خالد نیک، سیکرٹری جنرل لاہور چوہدری حمید الحسن گجر و دیگر نے خطاب کیا،مرکزی مسلم لیگ کے زیر اہتمام متحدہ طلبا محاذ کا اجلاس بھی ہوا جس میں طلبا تنظیموں کے رہنماؤں نے شرکت کی، طلبا نے دفاع وطن کے لئے افواج پاکستان کے شانہ بشانہ کھڑے ہونے کا اعلان کرتے ہوئے کہا کہ طلبا آج بھی بنیان مرصوص ہیں،فیصل آباد میں بنیان مرصوص اے پی سی سے حافظ عبدالرؤف،ڈاکٹر مزمل اقبال ہاشمی و دیگر نے خطاب کیا،مرکزی مسلم لیگ سرگودھا کے زیر اہتمام آل پارٹیز کانفرنس سے مرکزی ترجمان ڈاکٹر مزمل اقبال ہاشمی،مرکزی رہنماء مسعود کمال الدین سمیت دیگر سیاسی و مذہبی جماعتوں کے قائدین نے شرکت کی، ڈاکٹر مزمل اقبال ہاشمی کا کہنا تھا کہ ایک سال میں پاکستان کو اللہ نے بہت کامیابیاں دی ہیں، دشمن ناکام ہوا، ہم عشرہ تشکر میں تمام جماعتوں ،طبقات کو متحد، اتحاد و اتفاق کی فضا قائم کر رہے ہیں، ڈیرہ غازی خان،ملتان میں آل پارٹیز پریس کانفرنس میں مختلف مکاتبِ فکر، سیاسی و مذہبی جماعتوں کے قائدین اور صحافی برادری نےشرکت کی،قاری محمد یعقوب شیخ ،،سابق وفاقی وزیر برائے مذہبی امور علامہ سید حامد سعید کاظمی،سابق وزیر جیل خانہ جات پنجاب چوہدری عبدالوحید آرائیں ،رانا عبدالرحمان نے خطاب میں کہا کہ پاکستان آج بھی سیسہ پلائی دیوار کی طرح قائم ہے اور تمام مکاتبِ فکر متحد ہیں، دیپالپور ،نوشہرہ، حاصلپور، جھنگ،کہروڑپکا، مٹیاری، چنیوٹ ،جھنگ میں بھی اے پی سیز میں تمام سیاسی ومذہبی جماعتوں کے رہنماؤں نے شرکت کی،مسلم سٹوڈنٹس لیگ گوجرانوالہ کے زیرِ اہتمام “بنیان مرصوص معرکۂ حق” ریلی کا انعقاد، 400 میٹر طویل پاکستانی پرچم لہرایا گیا،ریلی میں طلبہ، نوجوانوں اور شہریوں کی بڑی تعداد نے شرکت کی،ریلی کی قیادت راشد علی سندھو نائب صدر مرکزی مسلم لیگ گوجرانوالہ، عمر عباس صدر مسلم سٹوڈنٹس لیگ پاکستان نے کی۔مسلم سٹوڈنٹس لیگ ضلع سانگھڑ کی جانب سے انڈس سکول میں بنیان مرصوص سیمینار کا انعقاد کیا گیا،مسلم ویمن لیگ اینڈ گرلز لیگ لودھراں کے زیر اہتمام ریلی میں طلبا نے بڑی تعداد میں شرکت کی،