شدید گرمی کے باعث سندھ حکومت نے اعلان کے صرف ایک روز بعد ہی سندھ پنک گیمز ملتوی کرنے کا فیصلہ کرلیا۔
سندھ پنک گیمز 8 سے 10 مئی تک بے نظیر آباد میں منعقد ہونا تھے، جن کی افتتاحی تقریب میں خاتونِ اول آصفہ بھٹو زرداری کی شرکت متوقع تھی۔تاہم سیکرٹری اسپورٹس منور مہیسر کے مطابق صوبے میں گرمی کی شدت میں غیر معمولی اضافے کے باعث مختلف کھیلوں کی ایسوسی ایشنز نے ایونٹ کو مؤخر کرنے کی درخواست کی تھی۔حکام کا کہنا ہے کہ کھلاڑیوں اور شرکاء کی صحت و سلامتی کو مدنظر رکھتے ہوئے سندھ پنک گیمز کو فی الحال ملتوی کردیا گیا ہے، جبکہ نئی تاریخوں کا اعلان بعد میں کیا جائے گا۔