Author: ممتاز حیدر

لاہور ( علی رضا)گورنمنٹ کالج یونیورسٹی (جی سی یو) لاہور کے انسٹی ٹیوٹ آف میڈیا اینڈ کمیونیکیشن اسٹڈیز نے ینگ جرنلسٹس سوسائٹی کے تعاون سے "میٹ دی میڈیا ماسٹرو سیریز” کا آغاز کر دیا ہے۔ اس سلسلے کا مقصد طلبہ کو میڈیا انڈسٹری کے عملی تجربات سے روشناس کرانا ہے، جس کے تحت تجربہ کار میڈیا پروفیشنلز کی جانب سے تربیتی ورکشاپس اور انٹرایکٹو لیکچرز کا انعقاد کیا جائے گا۔

سیریز کے افتتاحی سیشن میں آج سینئر صحافی و اینکر پرسن مبشر لقمان نے ” آرٹ آف پروبنگ ٹروتھ: ماسٹر کلاس اِن انویسٹی گیٹو جرنلزم” کے عنوان سے خصوصی لیکچر دیا۔ انہوں نے اپنے پیشہ ورانہ تجربات کی روشنی میں تحقیقاتی صحافت کے اہم طریقۂ کار، اخلاقی تقاضوں اور اس شعبے میں درپیش چیلنجز پر تفصیلی گفتگو کی۔اس موقع پر شعبۂ میڈیا اسٹڈیز کے انچارج ڈاکٹر مختار احمد نے مہمانِ خصوصی کو خوش آمدید کہا اور طلبہ کو نمایاں میڈیا شخصیات کے تجربات سے سیکھنے کے مواقع فراہم کرنے کی اہمیت پر زور دیا۔تقریب کے اختتام پر ڈاکٹر فوزیہ غنی نے مہمانِ مقرر کا شکریہ ادا کرتے ہوئے کہا کہ ان کے تجربات اور رہنمائی نے طلبہ کو تحقیقاتی صحافت کے میدان میں آگے بڑھنے کے لیے حوصلہ دیا ہے۔

سیمینار کے بعد سینیئر اینکر پرسن مبشر لقمان کو شیلڈ سے نوازا گیا ، وائس چانسلر پروفیسر ڈاکٹر محمد عمر چودھری سے ملاقات میں گورنمنٹ کالج یونیورسٹی لاہور جیسی درس گاہ گی پرانی یادوں پر گفتگو ہوئی۔ وائس چانسلر نے بتایا کہ کس طرح گورنمنٹ کالج اپنے نام کو قائم رکھے ہوئے ہے۔

تحقیقاتی صحافت اور سچ کی آواز کے اس سیمینار میں موجود فیکلٹی ممبران میں ہیڈ آف ڈیپارٹمنٹ ڈاکٹر مختار احمد، چیئر پرسن ڈاکٹر فوزیہ غنی، ڈاکٹر منیبہ فاطمہ، ڈاکٹر علی بہادر، صحافی عثمان بھٹی اور محترمہ اقدس وحید شامل تھیں، جن کی موجودگی نے طلباء میں ایک حوصلہ شکن اقدام کا سہارا پیدا کیا۔ گورنمنٹ کالج لاہور ایک ایسی درسگاہ ہے جہاں سیکھنے کیلئے اساتذہ کا سہارا طالب علموں کو تقویت دیتا ہے۔ تحقیقاتی صحافت پر گفتگو کا یہ دن نوجوانوں میں صحافتی ہم آہنگی، صحافتی اصولوں، میڈیا کی اخلاقی ذمہ داریوں اور مستقبل میں تحقیقاتی جرنلزم اور سچ کی اہمیت پر ختم ہوا۔

ہلمند، افغانستان کے ضلع نوزاد میں القاعدہ سے منسلک غیر ملکی جنگجوؤں اور مقامی رہائشیوں کے درمیان فائرنگ کا تبادلہ ہوا۔

فائرنگ کے اس تبادلے کے دوران کم از کم تین جنگجو ہلاک جبکہ تقریباً دو درجن افراد زخمی ہوئے، جن میں عام شہری بھی شامل ہیں۔مقامی ذرائع کے مطابق ان جنگجوؤں کو صرف دو دن قبل افغان طالبان کی جانب سے آبادی والے علاقے میں منتقل کیا گیا تھا، جس کے باعث کشیدگی پیدا ہوئی۔مقامی افراد کا کہنا ہے کہ ان جنگجوؤں کی موجودگی علاقے کے امن و امان کو خراب کر سکتی ہے کیونکہ پاکستانی انسدادِ دہشتگردی کارروائیوں میں ایسے عناصر کو نشانہ بنایا جا سکتا ہے۔بعد ازاں طالبان حکام نے اس واقعے کو چھپانے کی کوشش کرتے ہوئے اسے دو مقامی گروہوں کے درمیان جھگڑا قرار دیا تاکہ اصل خبر کو چھپایا جا سکے

جنوبی وزیرستان کے علاقے شوال میں آپریشن غضب للحق کے تحت افغان طالبان اور فتنہ الخوارج کے خلاف پاک فوج کی مؤثر جوابی کارروائیاں جاری ہیں۔

سیکیورٹی ذرائع کا کہنا ہے کہ پاک فوج نے بروقت کارروائی کرتے ہوئے شوال، جنوبی وزیرستان سے ملحقہ افغان طالبان کی ایک پوسٹ کو نشانہ بنایا،سیکیورٹی ذرائع کے مطابق پاک فوج کی کارروائی کے نتیجے میں افغان طالبان اور فتنہ الخوارج کے عناصر فرار ہونے پر مجبور ہوگئے،سیکیورٹی ذرائع کے مطابق افغان طالبان کی اس پوسٹ کو دھماکہ خیز مواد سے اڑا دیا گیا،سیکیورٹی ذرائع کا مزید کہنا ہے کہ پاک فوج افغان طالبان کے ٹھکانوں اور فوجی تنصیبات کو مسلسل نشانہ بنا رہی ہے۔

افغان طالبان کی دہشت گردوں کی پشت پناہی اور وار اکانومی کے خلاف افغان رہنما کھل کر سامنے آ گئے

افغان سیاستدان احمد مسعود نے افغان طالبان کی زیرسرپرستی دہشت گردوں کے اڈوں کو بے نقاب کر دیا ، افغان سیاستدان اور نیشنل ریزسٹنٹ فرنٹ کے رہنما احمد مسعود نے شدید تنقید کرتے ہوئے کہا کہ افغانستان میں آج جو حالات ہیں یہ براہ راست افغان طالبان رجیم کے برے اعمال کا نتیجہ ہے،آج افغانستان اپنے لوگوں کے لئے جہنم جبکہ دہشت گرد گروہوں کے لئے جنت بنا ہوا ہے، جس طرح القاعدہ اور اسامہ بن لادن کو پناہ دی، آج وہی دوبارہ ہورہا ہے ،افغانستان میں صرف ٹی ٹی پی( فتنہ الخوارج) ہی نہیں بلکہ 20 سے زائد دہشت گرد گروہ سرگرم ہیں ،افغانستان پر مسلط افغان طالبان رجیم کے خلاف ہماری شدید نفرت کبھی کم نہیں ہو سکتی ،

ماہرین کے مطابق افغانستان کو دہشتگروں کو بطور لانچنگ پیڈ کے استعمال کیخلاف افغان عوام میں طالبان رجیم کیخلاف سخت نفرت پائی جاتی ہے،افغان عوام افغان طالبان کی آمریت اور دہشتگردی پر چلنے والی اس رجیم سے تنگ آچکے ہیں، یہ بات اب قطعی طور پر ڈھکی چھپی نہیں کہ افغانستان دہشتگرد عناصر کیلئے جنت بن چکا ہے