Blog

اسلام آباد کے علاقے آبپارہ میں واقع لال مسجد سے ملحقہ جامعہ حفصہ کے ہاسٹل سے 18 سالہ طالبہ کی پراسرار حالات میں لاش برآمد ہوئی ہے، جس کے بعد پولیس نے واقعے کی تحقیقات کا آغاز کر دیا۔

پولیس کے مطابق متوفیہ کا تعلق خیبرپختونخوا کے ضلع اَپر دیر سے تھا اور وہ جامعہ حفصہ میں زیرِ تعلیم تھی۔ طالبہ ہاسٹل میں مردہ حالت میں پائی گئی، جس پر فوری طور پر پولیس کو اطلاع دی گئی۔پولیس نے لاش کو قانونی کارروائی کے لیے اسپتال منتقل کر دیا، جہاں پوسٹ مارٹم کیا جائے گا۔ ابتدائی معائنے کے دوران طالبہ کے جسم پر کسی قسم کے تشدد یا ظاہری زخم کے نشانات نہیں پائے گئے۔تفتیشی حکام نے مدرسے کے ہاسٹل میں رہائش پذیر دیگر طالبات کے بیانات بھی قلمبند کر لیے ہیں تاکہ واقعے کے مختلف پہلوؤں کا جائزہ لیا جا سکے۔

تھانہ آبپارہ پولیس کا کہنا ہے کہ طالبہ کی موت کی اصل وجہ پوسٹ مارٹم رپورٹ موصول ہونے کے بعد ہی سامنے آ سکے گی، جبکہ تمام ممکنہ پہلوؤں سے تحقیقات جاری ہیں۔ پولیس کے مطابق فی الحال موت کی وجہ کے بارے میں حتمی طور پر کچھ کہنا قبل از وقت ہوگا۔

حکومت نے پیٹرولیم لیوی میں ردوبدل کرتے ہوئے پیٹرول پر لیوی میں 6 روپے 22 پیسے فی لیٹر اضافہ کر دیا ہے۔ نئی شرح کے مطابق پیٹرول پر پیٹرولیم لیوی 70 روپے 36 پیسے فی لیٹر مقرر کر دی گئی ہے۔

سرکاری اعلامیے کے مطابق ڈیزل پر پیٹرولیم لیوی میں 6 روپے 22 پیسے فی لیٹر کمی کی گئی ہے، جس کے بعد ڈیزل پر لیوی 70 روپے 82 پیسے فی لیٹر ہو گئی ہے۔مٹی کے تیل پر پیٹرولیم لیوی میں کوئی تبدیلی نہیں کی گئی اور یہ بدستور 20 روپے 36 پیسے فی لیٹر برقرار رکھی گئی ہے۔رپورٹ کے مطابق پیٹرولیم مصنوعات پر عائد 5 روپے فی لیٹر کاربن لیوی بھی برقرار رکھی گئی ہے۔

ماہرین کے مطابق پیٹرول اور ڈیزل پر لیوی میں اس ردوبدل سے حکومت کو محصولات میں توازن قائم کرنے میں مدد ملے گی، جبکہ صارفین کو پیٹرول اور ڈیزل کی قیمتوں میں ممکنہ اثرات کا سامنا کرنا پڑ سکتا ہے۔

وزیراعظم کی ٹاسک فورس برائے بحری اصلاحات کی نمایاں کامیابیاں سامنے آئی ہیں

وزیراعظم کی ٹاسک فورس کے تحت اصلاحاتی عملدرآمد کمیٹی دسمبر2024 میں قائم کی گئی تھی،اصلاحاتی عملدرآمد کمیٹی میں وزارتِ دفاع،بحری اور لاجسٹکس شعبوں، این ایل سی کے ماہرین شامل تھے،ٹاسک فورس نے بحری شعبے میں مجموعی طور پر 99 اصلاحات کی سفارشات پیش کی تھیں،کمیٹی نے بندرگاہوں کے ماسٹر پلان، جہاز رانی، جہاز سازی، اور ماہی گیری سے متعلق اصلاحات پر عملدرآمد کا آغاز کیا،ڈیڑھ سال کے قلیل عرصے میں اصلاحاتی عملدرآمد کمیٹی نے 99 میں سے 85 ایکشن پوائنٹس مکمل کر لیے ہیں،دیگر 14 نکات میں سے 11 تکمیل کے آخری مراحل میں ہیں جبکہ 3 پر طویل المدتی حکمتِ عملی کے تحت کام جاری ہے

اصلاحات میں بندرگاہوں کی استعداد میں اضافہ، اقتصادی زونز کی نگرانی کیلئے جدید نظام شامل ہے،اصلاحات میں کراچی پورٹ کی اراضی سے تجاوزات کا خاتمہ بھی شامل ہے،اصلاحات میں ٹرانس شپمنٹ اور بنکرنگ کیلئے کسٹم رولز کو فروغ دینا بھی شامل ہے، اصلاحات میں مقامی جہاز سازی و مرمت کے نظام کو فروغ دینا بھی شامل ہے،صوبائی سطح پر ماہی گیری کے فروغ کیلئے 5سالہ منصوبہ کو حتمی شکل دی گئی ،8 سال بعد جہازوں کی ری سائیکلنگ بھی شروع کر دی گئی ہے،اصلاحات کے باعث بندرگاہوں کی ڈریجنگ میں خود انحصاری کی جانب اہم قدم کے طور پر نیشنل ڈریجنگ اینڈ میرین سروسز کا قیام عمل میں لایا گیا،

قومی اسمبلی سیکرٹریٹ سے خود کو گریڈ 17 کا افسر ظاہر کرنے والے ایک جعلساز کو گرفتار کر لیا گیا۔

قومی اسمبلی کے ترجمان کے مطابق گھوٹکی سے تعلق رکھنے والا عبدالواجد خود کو قومی اسمبلی سیکرٹریٹ کا ملازم اور گریڈ 17 کا افسر ظاہر کرتا رہا۔ ملزم کے قبضے سے قومی اسمبلی سیکرٹریٹ کا جعلی تقرر نامہ بھی برآمد ہوا، جس پر اسپیکر قومی اسمبلی کے جعلی دستخط کیے گئے تھے۔ترجمان کے مطابق ڈی جی ایف آئی اے نے کارروائی کرتے ہوئے ملزم عبدالواجد کو گرفتار کر لیا۔ ابتدائی تحقیقات کے مطابق ملزم جعلی شناخت کے ذریعے غیر قانونی مراعات اور پروٹوکول بھی حاصل کرتا رہا۔

ترجمان نے بتایا کہ عوامی شکایات اور سوشل میڈیا پر معاملہ سامنے آنے کے بعد اسپیکر قومی اسمبلی کی ہدایت پر فوری کارروائی عمل میں لائی گئی۔قومی اسمبلی سیکرٹریٹ نے واضح کیا ہے کہ عبدالواجد نامی شخص کا ادارے سے کسی قسم کا کوئی تعلق نہیں اور نہ ہی اس کی تقرری کا کوئی سرکاری ریکارڈ موجود ہے۔ترجمان نے مزید کہا کہ اسپیکر قومی اسمبلی یا کسی بھی سرکاری عہدے کے نام پر جعلی دستاویزات تیار کرنا ایک سنگین جرم ہے۔ عوام سے اپیل کی گئی ہے کہ ایسے جعلسازوں سے ہوشیار رہیں اور قومی اسمبلی سیکرٹریٹ سے منسوب کسی بھی تقرری نامے یا دستاویز کی لازماً تصدیق کریں۔