Baaghi TV

Blog

  • ٹی 20 ورلڈ کپ:ٹرمپ کا امریکی ٹیم کے لیے نیک تمناؤں کا اظہار

    ٹی 20 ورلڈ کپ:ٹرمپ کا امریکی ٹیم کے لیے نیک تمناؤں کا اظہار

    امریکی صدر ڈونلڈ ٹرمپ نے آئی سی سی مینز ٹی ٹوئنٹی ورلڈ کپ 2026 میں شامل امریکا کی ٹیم کے لیے نیک تمناؤں کا اظہار کیا ہے۔

    صدر ٹرمپ نے اپنے سوشل میڈیا پلیٹ فارم ٹروتھ سوشل پر جاری پیغام میں امریکا کی کرکٹ ٹیم کے لیے نیک خواہشات کا اظہار کیا اپنے پیغام میں انہوں نے کہا کہ انہیں ابھی ابھی معلوم ہوا ہے کہ بھارت میں کرکٹ ورلڈ کپ جاری ہے، ان کی نیک تمنائیں امریکی ٹیم کے ساتھ ہیں امریکا کی ٹیم بہت مضبوط ہے اور پوری قوم اپنی ٹیم کے ساتھ کھڑی ہے۔

    واضح رہے کہ ٹی ٹوئنٹی ورلڈکپ میں امریکا گروپ اے کا حصہ ہے، جہاں اس کا مقابلہ میزبان بھارت، پاکستان، نیدرلینڈز اور نمیبیا سے ہےٹورنامنٹ کے اپنے پہلے میچ میں امریکا نے شاندار بولنگ کا مظاہرہ کرتے ہوئے میزبان بھارت ٹیم کو سخت دباؤ میں ڈال دیا تھا اور ایک موقع پر بھارت کے 6 کھلاڑی صرف 77 رنز پر آؤٹ ہو گئے تھے۔

    تاہم بھارتی ٹیم کی جانب سے کپتان سوریاکمار یادو نے شاندار بیٹنگ کرتے ہوئے 49 گیندوں پر ناقابلِ شکست 84 رنز اسکور کیے اور اپنی ٹیم کو 20 اوورز میں 9 وکٹوں کے نقصان پر 161 رنز تک پہنچایاجواب میں امریکا کی ٹیم پاور پلے کے دوران تین اہم وکٹیں کھو بیٹھی،اگرچہ مڈل آرڈر نے اننگز کو سنبھالنے کی کو شش کی تاہم امریکا کی ٹیم ہدف حاصل کرنے میں ناکام رہی اور بھارت نے میچ 29 رنز سے جیت لیا تھا۔

  • اسرائیلی صدر کی آسٹریلیا آمد پر احتجاج،پولیس اور مظاہرین کے درمیان جھڑپیں

    اسرائیلی صدر کی آسٹریلیا آمد پر احتجاج،پولیس اور مظاہرین کے درمیان جھڑپیں

    اسرائیلی صدر آئزک ہرزوگ کے دورہ آسٹریلیا کے خلاف پیر کو مختلف شہروں میں لوگ سڑکوں پر نکل آئے۔

    خبر رساں ایجنسی رائٹرز کے مطابق اسرائیلی صدر آئزک ہرزوگ پیر کے روز وزیر اعظم انتھونی البانیز کی دعوت پر آسٹریلیا پہنچے اسرائیلی صدر کے دورے کا مقصد سڈنی کے بونڈی بیچ پر ہونے والی ہنوکا تقریب کے دوران فائرنگ کے واقعے کے بعد آسٹریلیا کی یہودی برادری سے یکجہتی کا اظہار ہے، تاہم اسرائیلی صدر کے آسٹریلیا پہنچتے ہی ملک بھر میں لوگ سڑکوں پر نکل آئےفلسطین کے حامی گروپوں اور انسانی حقوق کی تنظیموں نے پیر کی شام ملک بھر کے شہر وں اور قصبوں میں منظم احتجاجی مظاہرے کیے جس میں ہزاروں افراد نے شرکت کی۔

    سڈنی کے مرکزی کاروباری علاقے میں ہزاروں مظاہرین ایک چوک میں جمع ہوئے، جہاں انہوں نے فلسطین کے حق میں نعرے بازی کی اور اسرائیلی قیادت کو غزہ میں شہریوں کے قتلِ عام کا ذمہ دار قرار دیاسڈنی پولیس کی جانب سے مظاہرین کو قابو میں رکھنے کے لیے بھاری نفری تعینات کی گئی، ہیلی کاپٹر فضا میں گشت کرتا رہا جبکہ گھڑ سوار پولیس اہلکار بھی موقع پر موجود رہے۔

    پولیس نے مظاہرین کو آگے بڑھنے سے روکنے کے لیے کالی مرچ کے اسپرے اور آنسو گیس کا استعمال کیا، جس کے بعد مظاہرین مشتعل ہوگئے اور جھڑ پوں کے نتیجے میں متعدد افراد کو حراست میں لے لیا گیا آسٹریلوی حکام نے اسرائیلی صدر کے دورے سے قبل خصوصی اختیارات استعمال کرتے ہو ئے مخصوص علاقوں میں داخلے پر پابندی، لوگوں کو علاقے خالی کرنے کے احکامات اور گاڑیوں کی تلاشی کا سلسلہ جاری رکھافلسطین کے حامی گروپ کی جانب سے ان اقدامات کو عدالت میں چیلنج کیا گیا تھا تاہم پیر کو سڈنی کی عدالت نے یہ درخواست مسترد کر دی۔

    دوسری جانب ان مظاہروں سے کچھ فاصلے پر بونڈی بیچ واقعے میں ہلاک ہونے والوں کی یاد میں دعائیہ تقریب کا انعقاد کیا گیا جس میں اسرائیلی صدر سمیت یہودی برادری کے افراد، سرکاری حکام اور اپوزیشن جماعتوں کے رہنماؤں نے شرکت کی،واضح رہے کہ گزشتہ سال 14 دسمبر کو سڈنی کے مشہور ساحلی مقام بونڈی بیچ پر یہودیوں کے مذہبی تہوار ہنوکا کی تقریب میں فائرنگ کے نتیجے میں 15 افراد ہلاک ہو گئے تھے۔

  • پی ٹی آئی کی شٹر ڈاؤن ہڑتال ناکام، عوام نے انتشار کی سیاست مسترد کر دی، ہمایون خان

    پی ٹی آئی کی شٹر ڈاؤن ہڑتال ناکام، عوام نے انتشار کی سیاست مسترد کر دی، ہمایون خان

    ‎پاکستان پیپلز پارٹی کے سیکرٹری جنرل محمد ہمایون خان نے تحریکِ انصاف کی جانب سے دی گئی شٹر ڈاؤن ہڑتال کی کال کو مکمل طور پر ناکام قرار دے دیا ہے۔
    ‎اپنے بیان میں ہمایون خان نے کہا کہ عوام نے انتشار، منفی سیاست اور زبردستی کی کالوں کو مسترد کر دیا ہے۔ ان کا کہنا تھا کہ کاروباری مراکز، بازار اور روزمرہ زندگی معمول کے مطابق جاری رہی، جو اس بات کا واضح ثبوت ہے کہ عوام اب ایسے ہتھکنڈوں کا حصہ بننے کو تیار نہیں۔
    ‎انہوں نے کہا کہ ملک کو احتجاج اور ہنگامہ آرائی نہیں بلکہ استحکام، معاشی بحالی اور عوامی فلاح کی ضرورت ہے۔ ہمایون خان کے مطابق پاکستان پیپلز پارٹی ہمیشہ عوامی مسائل کے حل کے لیے مثبت اور جمہوری کردار ادا کرتی رہے گی۔

  • خیبر پختونخوا :بھیک مانگنے والوں کو قید اور جرمانہ ہو گا

    خیبر پختونخوا :بھیک مانگنے والوں کو قید اور جرمانہ ہو گا

    وزیرِ اعلیٰ خیبر پختونخوا سہیل آفریدی نے کہا ہے کہ بچوں سے بھیک منگوانے والوں کے ساتھ کوئی رعایت نہیں ہو گی۔

    سہیل آفریدی کو وگرنسی کنٹرول اینڈ ری ہیبلیٹیشن بل سے متعلق بریفنگ دی گئی، بریفنگ کے دوران بھیک پر پہلی بار وارننگ، بحالی مرکز منتقلی یا 1 ماہ قید اور جرمانے کی تجویز پیش کی گئی، بچوں کو گداگری سے نکال کر تحفظ دینا حکومت کی آئینی و اخلاقی ذمے داری ہےبار بار بھیک مانگنے پر ایک سال تک قید اور 50 ہزار روپے تک جرمانہ، فراڈ اور دھوکا دہی سے بھیک مانگنے پر 1 سے 2 سال قید کی سزا تجویز کی گئی ہے۔

    بریفنگ کے دوران کہا گیا کہ جعلی معذوری اور فریب سے مبنی بھیک مانگنا اب قابل سزا سنگین جرم ہو گا جبکہ منظم و جبری بھیک میں ملوث عناصر کے لیے 3 سال تک قید اور 4 لاکھ روپے تک جرمانہ تجویز کیا گیا ہےوزیرِ اعلیٰ نے بل کو صوبائی کابینہ میں پیش کرنے کی منظوری دیتے ہوئے کہا کہ بل صوبے میں بھیک مافیا کے مکمل خاتمے کے لیے تاریخی قانون ساز ی ہےنیا بل گداگروں کے منظم نیٹ ورکس، استحصال کے خلاف فیصلہ کن وار ثابت ہو گا، بحالی مراکز، ہنرمندی اور روزگار کے ذریعے بھیک کے ناسور کو جڑ سے ختم کیا جائے گا، خیبر پختونخوا پہلا صوبہ بننے جا رہا ہے جو بھیک کے مسئلے کا جامع اور پائیدار حل دے گا۔

  • 
میٹرک و انٹرمیڈیٹ امتحانات میں بائیومیٹرک حاضری لازمی

    
میٹرک و انٹرمیڈیٹ امتحانات میں بائیومیٹرک حاضری لازمی

    ‎پنجاب کے تمام بورڈز آف انٹرمیڈیٹ اینڈ سیکنڈری ایجوکیشن نے میٹرک اور انٹرمیڈیٹ کے امتحانات میں بائیومیٹرک حاضری کو لازمی قرار دے دیا ہے۔ لاہور بورڈ کی جانب سے تمام پرنسپلز اور ہیڈ ماسٹرز کو خطوط جاری کیے گئے ہیں، جن میں کہا گیا ہے کہ چیف منسٹر کے ٹاسک فورس برائے امتحانی اصلاحات کی ہدایات اور ہائر/اسکول ایجوکیشن ڈیپارٹمنٹ کے احکامات کے مطابق تمام امیدواروں کی امتحانی مراکز پر لائیو بایومیٹرک حاضری لازمی ہوگی۔
    ‎خط میں مزید کہا گیا ہے کہ امیدواروں کے دونوں انگوٹھوں کے فنگر پرنٹس اسکین کرنا لازمی ہوگا اور ادارے کے سربراہ اس عمل میں کسی قسم کی غفلت یا تاخیر کے ذمہ دار ہوں گے۔
    ‎ریگولر اور پرائیویٹ طلبہ اپنے متعلقہ اسکول یا کالج میں بائیومیٹرک رجسٹریشن کرائیں گے، جہاں بورڈ کی فراہم کردہ سافٹ ویئر یا ایپلیکیشن کے ذریعے اسکین کا عمل مکمل کیا جائے گا۔

  • چاند پر انسانی شہر بنائیں گے: ایلون مسک

    چاند پر انسانی شہر بنائیں گے: ایلون مسک

    امریکی ارب پتی اور اسپیس ایکس کے بانی ایلون مسک نے مریخ پر انسانی بستی بنانے کے اپنے دیرینہ خواب میں بڑی تبدیلی کا اعلان کیا ہے۔ سالوں سے وہ انسانوں کو مریخ پر پہنچانے کا خواب دیکھ رہے تھے، تاہم اب انہوں نے مریخ کی بجائے چاند پر توجہ مرکوز کرنے کا فیصلہ کیا ہے۔
    ‎اس سلسلے میں ایلون مسک نے ایک ایکس (ٹوئٹر) پوسٹ میں کہا کہ اسپیس ایکس نے چاند پر انسانی شہر بسانے کے منصوبے پر کام شروع کر دیا ہے۔ ان کا کہنا تھا کہ ہم یہ کام ایک دہائی سے بھی کم عرصے میں مکمل کر لیں گے، جبکہ مریخ پر انسانی بستی کے لیے کم از کم 20 سال یا اس سے زیادہ وقت درکار ہوگا۔
    ‎ایلون مسک نے وضاحت کی کہ مریخ کا سفر ہر 26 مہینے بعد ممکن ہوتا ہے، کیونکہ تب دونوں سیارے ایک لائن میں آتے ہیں، جبکہ چاند کے لیے ہر 10 دن میں مشن لانچ کیا جا سکتا ہے۔ اس کا مطلب ہے کہ چاند پر انسانی بستی مریخ کے مقابلے میں بہت تیزی سے ممکن ہے۔
    ‎واضح رہے کہ امریکی خلائی ادارے ناسا بھی مارچ 2026 میں پانچ دہائیوں بعد انسان بردار آرٹیمس 2 مشن چاند کے مدار میں بھیجنے جا رہا ہے۔ اس کے بعد آرٹیمس 3 مشن دو سال کے اندر چاند پر بھیجا جائے گا، جس میں خلا باز چاند کی سطح پر قدم رکھیں گے۔
    ‎متعدد دیگر کمپنیوں نے بھی چاند کے مدار میں خلائی اسٹیشنز قائم کرنے یا چاند کی سطح پر مستقل بیسز بنانے کے منصوبے شروع کر دیے ہیں۔
    ‎ایلون مسک نے یہ بھی کہا کہ مریخ پر انسانی بستی کے منصوبے کو ہمیشہ برقرار رکھا جائے گا اور اسپیس ایکس اس پر پانچ سے سات سال بعد کام شروع کرے گا، مگر چاند پر یہ منصوبہ تیزی سے مکمل ہو سکتا ہے۔
    ‎مسک کے اس فیصلے سے واضح ہوتا ہے کہ اسپیس ایکس نے پہلے مریخ پر توجہ دینے کے بعد اب چاند کو پہلی ترجیح بنا لیا ہے تاکہ تیزی سے عملی نتائج حاصل کیے جا سکیں اور انسانی موجودگی کو خلا میں جلد ممکن بنایا جا سکے۔

  • ماضی کی غلطیوں کا اعتراف کیے بغیر ہم آگے نہیں بڑھ سکتے ،خواجہ آصف

    ماضی کی غلطیوں کا اعتراف کیے بغیر ہم آگے نہیں بڑھ سکتے ،خواجہ آصف

    وزیر دفاع خواجہ آصف نے کہا ہے کہ پاکستان نے افغان باشندوں کو کئی دہائیوں تک پناہ دی، لیکن اس کا مناسب اعتراف نہیں کیا گیا۔

    قومی اسمبلی میں اظہار خیال کرتے ہوئےخواجہ آصف نے کہاکہ دہشتگردی کا اسلام سے کوئی تعلق نہیں ہے اور اسے ہر حال میں مسترد کیا جانا چاہیے پا کستان نے افغان باشندوں کو کئی دہائیوں تک پناہ دی، لیکن اس کا مناسب اعتراف نہیں کیا گیا، بھارت افغانستان کے پیچھے چھپ کر پاکستان پر حملے کررہا ہے، جبکہ پاکستان نے کبھی بھی افغانستان کے خلاف جارحیت نہیں کی،اپنی مٹی کے ساتھ تعلق کو مضبوط بنانا ہر شہری کی ذمہ داری ہے بھار ت کو جس طرح ماضی کی جنگوں میں شکست ہوئی، وہ دوبارہ حملے کی سوچ بھی نہیں سکتا۔

    وزیر دفاع نے واضح کیاکہ پاکستان افغانستان میں دو جنگوں میں فریق رہا اور آزادی کے فوراً بعد افغانستان کی جانب سے پاکستان پر دوبارہ حملہ ہوایہ جنگیں کوئی جہاد نہیں تھیں اور ہمیں ماضی کے اسباق سے سبق سیکھنا چاہیے نائن الیون کے ذمہ دار کا آج تک پتا نہیں چل سکا، اور افغانستان نے اس واقعے میں کوئی کردار نہیں ادا کیا۔

    خواجہ آصف نے تاریخی ہیروز کو یاد رکھنے کی ضرورت پر زور دیتے ہوئے کہا کہ وہ لوگ جنہوں نے وطن کی جنگ لڑی، ہمیشہ ہمارے لیے مشعل راہ رہیں گے۔ پاکستان کی شناخت اور وراثت پر فخر کرنا چاہیے، اور سڑکیں، عمارات اور یادگاریں اپنے ہیروز کے نام کرنی چاہییں تاکہ نئی نسل اپنی ثقافت اور تاریخ سے واقف ہوختلافات اپنی جگہ، لیکن دہشتگردی کے خلاف متحد ہونا ہر شہری کا فرض ہے افسوس کہ آج بھی بعض حلقے دہشتگردی کی واضح مذمت نہیں کرتے ماضی کی غلطیوں کا اعتراف کیے بغیر ہم آگے نہیں بڑھ سکتے اور پاکستان کو تاریخ کے اسباق سے سبق سیکھنا ہوگا۔

    خواجہ آصف نے کہا کہ پاکستان اور افغانستان کے درمیان کبھی ویزا نظام نہیں تھا اور لوگ اجازت نامے پر جا سکتے تھے خود بھی انہوں نے بغیر ویزا افغانستان کا دورہ کیا،روس کے خلاف افغانستان میں لڑنے والی جنگ بھی کوئی جہاد نہیں تھی، اور امریکیوں کی مدد کے باوجود ہمیں اس سے کوئی درس حا صل نہیں ہوا،جب تک ہم ماضی کی غلطیوں اور تاریخی حقائق کا اعتراف نہیں کریں گے، ملک ترقی اور مضبوطی کی راہ پر آگے نہیں بڑھ سکتا۔

  • بنگلہ دیش کے معاملے میں وہی کیا جو کرنا چاہیے تھا، محسن نقوی

    بنگلہ دیش کے معاملے میں وہی کیا جو کرنا چاہیے تھا، محسن نقوی

    چیئرمین پاکستان کرکٹ بورڈ (پی سی بی) محسن نقوی نے حال ہی میں کہا ہے کہ ورلڈ کپ میں بنگلہ دیش کے معاملے میں پاکستان نے بالکل وہی قدم اٹھایا جو کرنا ضروری تھا۔ یہ اعلان پی ایس ایل کی فرنچائز ملتان کے آکشن کے بعد میڈیا سے گفتگو کے دوران سامنے آیا۔
    ‎محسن نقوی نے بتایا کہ مسئلہ بنگلہ دیش کے ساتھ پیدا ہوا اور اس حوالے سے آئی سی سی کے ساتھ بات چیت جاری ہے۔ انہوں نے کہا کہ آئی سی سی اور بنگلہ دیش سے آنے والی اطلاعات کا انتظار کیا جا رہا ہے اور جیسے ہی کوئی حتمی معلومات آئیں گی، اسے عوام کے ساتھ شیئر کیا جائے گا۔
    ‎پی سی بی چیئرمین نے مزید کہا کہ مہمان کو عزت دینا پاکستان کی روایت ہے اور نہ ہی وہ کسی قسم کے دباؤ یا دھمکیوں سے خوفزدہ ہیں۔ انہوں نے واضح کیا کہ بنگلہ دیش ہمارے بھائی ہیں اور اسی وجہ سے ہم نے وہی اقدامات کیے جو اس موقع پر ضروری تھے۔
    ‎ذرائع کے مطابق، گزشتہ روز لاہور میں پی سی بی اور بنگلہ دیش کرکٹ بورڈ کے درمیان ہونے والی ملاقات میں کئی اہم نکات طے کیے گئے۔ پاکستان نے بھارت کے ساتھ ہائبرڈ ماڈل کو 2031 تک جاری رکھنے کی شرط رکھی، جبکہ ورلڈ کپ 2031 میں پاکستان کے میچز بنگلہ دیش میں کروانے کی بات بھی کی گئی۔
    ‎دوسری جانب، بنگلہ دیش کرکٹ بورڈ (بی سی بی) نے آئی سی سی سے میچوں کی آمدنی میں حصہ دینے کی درخواست کی، جبکہ پاکستان کی جانب سے یہ بھی مطالبہ کیا گیا کہ آئی سی سی ضمانت دے کہ بھارتی ٹیم ایف ٹی پی کے تحت رواں سال ستمبر میں بنگلہ دیش کا دورہ کرے گی۔
    ‎میٹنگ میں پی سی بی کی نمائندگی چیئرمین محسن نقوی نے کی، جبکہ بنگلہ دیش کی جانب سے بورڈ کے صدر امین الاسلام شریک ہوئے۔ آئی سی سی کی طرف سے ڈپٹی چیئرمین عمران خواجہ بھی موجود تھے۔
    ‎اس موقع پر پی سی بی نے واضح کیا کہ اگر بنگلہ دیش بورڈ کو راضی کر لیا جائے تو پاکستان بھی اس معاملے پر مطمئن ہو جائے گا۔ محسن نقوی نے کہا کہ پاکستان کا موقف ہمیشہ واضح اور مستقل رہا ہے اور وہ ہر فیصلے میں ملکی مفاد کو ترجیح دیتے ہیں۔
    ‎یہ ملاقات اس وقت سامنے آئی ہے جب آئی سی سی اور مختلف ممالک کے کرکٹ بورڈز کے درمیان عالمی کرکٹ کے شیڈول، میچز کی میزبانی، آمدنی کی تقسیم اور ٹیموں کے دوروں کے حوالے سے مسائل زیر بحث ہیں۔ پاکستان نے اپنی ذمہ داری کو برقرار رکھتے ہوئے بنگلہ دیش کے ساتھ تعلقات مضبوط رکھنے پر زور دیا ہے تاکہ کرکٹ شائقین کے لیے ایک مثبت اور مستحکم ماحول یقینی بنایا جا سکے۔

  • نہ میں دھمکی سے ڈرتا ہوں، نہ حکومت اور فیلڈ مارشل کا آپ کو پتا ہی ہے،محسن نقوی

    نہ میں دھمکی سے ڈرتا ہوں، نہ حکومت اور فیلڈ مارشل کا آپ کو پتا ہی ہے،محسن نقوی

    محسن نقوی نے کہا کہ آئی سی سی اور بنگلہ دیش کرکٹ بورڈ کے درمیان معاملہ چل رہا ہے، پاکستان بھی انتظار کررہا ہے اور بنگلہ دیش کی حمایت میں وہی کیا جو کرنا چاہیے تھا۔

    لاہور میں میڈیا سے گفتگو کرتے ہوئے کہا کہ چیئرمین پاکستان کرکٹ بورڈ محسن نقوی نے کہا ہے کہ ورلڈ کپ میں مسئلہ بنگلہ دیش کا تھا، اور ابھی آئی سی سی سے بات چیت چل رہی ہے، ہم نے بنگلہ دیش کا مؤقف سامنے نہیں آنے دیا تھا، آئی سی سی اور بنگلہ دیش کرکٹ بورڈ کے درمیان معاملہ چل رہا ہے، پاکستان بھی انتظار کررہا ہے اور بنگلہ دیش کی حمایت میں وہی کیا جو کرنا چاہیے تھا۔

    انہوں نے کہا کہ گھر آئے مہمان کی عزت کرنا سیکھا ہے، اور اگر کوئی خود چل کر آئے تو بہت ساری چیزیں بھول جاتی ہیں بنگلہ دیش سے اطلاعات کا انتظار ہے،ایک سوال کے جواب میں کہ کیا اس معاملے پر کسی دوست ملک نے مداخلت کی، انہوں نے کہا کہ بہت سارے دوست ممالک نے ہم سے بات کی، ہم نے انہیں اپنے مؤقف سے آگاہ کیا، آگے دیکھتے ہیں کیا ہوتا ہے۔

    بھارت کے خلاف میچ نہ کھیلنے پر پاکستان پر پابندی کی دھمکیوں اور بھاری جرمانے عائد کیے جانے کے سوال پر چیئرمین پی سی بی نے کہا کہ نہ میں دھمکی سے ڈرتا ہوں، نہ حکومت اور فیلڈ مارشل کا آپ کو پتا ہی ہے، اس لیے کوئی مسئلہ نہیں ہے۔

  • 
عاصم اظہر کا ہانیہ عامر سے شادی کی افواہوں کے دوران بڑا اعلان

    
عاصم اظہر کا ہانیہ عامر سے شادی کی افواہوں کے دوران بڑا اعلان

    ‎پاکستان کے معروف گلوکار عاصم اظہر نے ہانیہ عامر سے شادی کی بڑھتی ہوئی افواہوں کے دوران اپنے مداحوں کو خوشخبری سناتے ہوئے کہا ہے کہ وہ اپنے سپر ہٹ البم ‘عاصم علی’ کنسرٹ ٹور کو کینیڈا تک وسعت دے رہے ہیں۔
    ‎عاصم اظہر نے انسٹاگرام پر اعلان کیا کہ امریکا میں کامیاب شوز کے بعد وہ 16 اپریل سے کینیڈا کے ٹورنٹو میں کنسرٹ کا آغاز کریں گے۔ اس کے بعد وہ مئی میں کیلگری، وینکوور اور مونٹریال میں پرفارم کریں گے۔
    ‎گلوکار نے مداحوں کو یقین دلایا کہ وہ انہیں بہترین لائیو کنسرٹ کا تجربہ فراہم کریں گے، اور ان کے کینیڈا کے سفر کے لیے بے حد پرجوش ہیں۔
    ‎یہ اعلان ان میڈیا رپورٹس کے بعد سامنے آیا ہے جن میں دعویٰ کیا گیا تھا کہ عاصم اظہر اور ہانیہ عامر کے درمیان صلح ہو گئی ہے اور وہ اس سال رمضان میں شادی کرنے والے ہیں۔
    ‎ذرائع کا کہنا ہے کہ میرب علی سے منگنی ختم ہونے کے بعد عاصم ایک بار پھر ہانیہ کے قریب آگئے ہیں، اگرچہ ہانیہ عامر نے حال ہی میں مداحوں کے تبصروں پر دلچسپ ردعمل دیا ہے، لیکن ابھی تک نہ تو عاصم اظہر اور نہ ہی ہانیہ عامر نے شادی کی ان خبروں کی باقاعدہ تصدیق یا تردید کی ہے۔