Blog

متحدہ عرب امارات اور چین نے دوطرفہ غیر تیل تجارت کو 100 بلین ڈالر سے زائد تک پہنچانے کے مشترکہ ہدف کے حصول کے لیے 24 سٹریٹیجک معاہدوں پر دستخط کیے ہیں،جو دونوں ممالک کے درمیان اقتصادی تعلقات کو مضبوط بنانے میں ایک اور قدم ہے۔

یہ اقدام دونوں ممالک کے درمیان طویل مدتی اقتصادی شراکت داری کو مضبوط بنانے، سرمایہ کاری میں اضافے اور تکنیکی تعاون کو فروغ دینے کی جانب ایک اہم قدم ہے، جس کا مقصد تجارتی حجم کو بلند ترین سطح پر لانا ہے ان معاہدوں کا اعلان ابوظہبی کے ولی عہد شیخ خالد بن محمد بن زید النہیان کے سرکاری دورے کے ساتھ بیجنگ میں منعقدہ یو اے ای-چین بزنس پروموشن کانفرنس کے دوران کیا گیا، جو ایک سینئر وفد کی قیادت کر رہے ہیں۔

متحدہ عرب امارات اور چین کے درمیان شراکت داری پچھلی دہائی کے دوران مسلسل بڑھی ہے، جس کی حمایت بڑھتے ہوئے تجارتی حجم اور سیکٹر کے روابط میں توسیع سے ہوئی ہے،خارجہ تجارت کے وزیر ڈاکٹر تھانی بن احمد الزیودی نے کہا کہ تعلقات ترقی کے ایک نئے مرحلے میں داخل ہو گئے ہیں-

قبل ازیں چینی وزیر خا رجہ وانگ ای نے بیجنگ میں متحدہ عرب امارات کے صدر کے چینی امور کے خصوصی ایلچی خالدون المبارک سے ملاقات کی ۔خالدون المبارک متحدہ عرب امارات کی ریاست ابوظہبی کے ولی عہد شیخ خالد بن محمد کے دورہ چین میں ان کے ہمراہ ہیں ۔ پیر کے روز وانگ ای نے کہا کہ دونوں ممالک کے سربراہان کی حکمت عملی کی رہنمائی میں ، چین اور متحدہ عرب امارات کے تعلقات ترقی کی جانب گامزن رہیں گے ۔انہوں نے کہا کہ ریاست ابوظہبی کے ولی عہد شیخ خالد بن محمد کا یہ دورہ دونوں ممالک کے تعلقات کے لئے ایک اہم دورہ ہے۔

وانگ ای نے اس یقین کا اظہار کیا کہ دونوں فریقوں کی مشترکہ کوششوں سے یہ دورہ کامیاب ہوگا۔چینی وزیر خارجہ نے مشرق وسطی کے موجودہ حالات پر چینی موقف کی وضاحت کرتے ہوئے کہا کہ چین خلیجی عرب ممالک کی جائز حفاظتی تشویش کو مکمل طور پر سمجھتا ہے اور متحدہ عرب امارات کی قومی خود مختار ی، سلامتی اور جائز حقوق کے تحفظ کی حمایت کرتا ہے۔ انہوں نے کہا کہ آبنائے ہرمز کو بند کرنا بین الاقوامی برادری کے مشترکہ مفاد کے مطابق نہیں ہے، اور مسئلہ کے حل کا بنیادی طریقہ سیاسی اور سفارتی ذرائع سے مکمل اور دیرپا جنگ بندی کا حصول ہے ۔

وانگ ای نے کہا کہ چین ہمیشہ امن کے قیام اور جنگ روکنے میں سرگرم رہا ہے، اور دیگر ممالک بشمول متحدہ عرب امارات کے ساتھ مل کر مشرق وسطی کے حالات کو جلد از جلد امن اور استحکام کی جانب واپس لانے کے لئے اپنی کوششیں جاری رکھنے کو تیار ہے-

فنانشل ٹائمز کی ایک رپورٹ کے مطابق ایران نے مبینہ طور پر چین میں تیار کردہ ایک جدید جاسوس سیٹلائٹ کے ذریعے مشرق وسطیٰ میں امریکی فوجی اڈوں کو نشانہ بنانے کے لیے انٹیلی جنس حاصل کی۔

رپورٹ میں کہا گیا ہے کہ لیک شدہ ایرانی عسکری دستاویزات کے مطابق یہ نظام 2024 کے آخر میں پاسداران انقلاب اسلامی کی ایرو اسپیس فورس نے حاصل کیا یہ سیٹلائٹ،جسے ٹی ای ای-01بی کہا جاتا ہےچین سےخلا میں بھیجنے کےبعد ایک نجی کمپنی کے ذریعے ایران کے کنٹرول میں آیایہ سیٹلائٹ تقریباً آدھے میٹر ریزولوشن کی تصاویر لینے کی صلاحیت رکھتا ہے، جو ایران کے اپنے موجودہ سیٹلائٹس کے مقابلے میں کہیں زیادہ جدید ہے۔

دستاویزات کے مطابق ایرانی عسکری کمانڈروں نے مارچ کے دوران اس سیٹلائٹ کے ذریعے خطے میں موجود امریکی فوجی اڈوں کی نگرانی کی ان میں پرنس سلطان ایئر بیس اور دیگر اہم عسکری تنصیبات شامل ہیں، جہاں حالیہ کشیدگی کے دوران حملوں کی اطلاعات بھی سامنے آئیں۔

سیٹلائٹ سروس فراہم کرنے والی چینی کمپنی نے دعویٰ کیا ہے کہ اس کا نظام صرف زرعی، سمندری اور شہری منصوبہ بندی کے لیے ہے، تاہم ماہرین کے مطابق اس ٹیکنالوجی کا فوجی استعمال بھی ممکن ہے۔ رپورٹ میں یہ بھی بتایا گیا کہ ایران نے اس منصوبے کے لیے کروڑوں ڈالر کی سرمایہ کاری کی اور اسے بیلٹ اینڈ روڈ انیشیٹو کے تحت حاصل کیا گیا۔

امریکی حکام کے مطابق چین کی بعض کمپنیوں اور ایران کے درمیان بڑھتا ہوا تعاون خطے میں طاقت کے توازن کو متاثر کر سکتا ہے جبکہ چین کی وزارت خارجہ نے ان الزامات کو مسترد کرتے ہوئے کہا ہے کہ وہ تنازعات میں اضافے کے بجائے امن اور مذاکرات کی حمایت کرتا ہے۔

منیلا: فلپائن کے صدر مارکوس نے اپنی صحت سے متعلق گردش کرنے والی افواہوں کی تردید کرتے ہوئے صحافیوں کے سامنے جمپنگ جیکس لگادیئے۔

غیر ملکی خبر رساں ادارے کے مطابق 68 سالہ صدر نے پریس کانفرنس میں جمپنگ جیکس لگا کر دکھائے اور اپنے دفتر کے باہر صحافیوں کی موجودگی میں ہلکی دوڑ بھی لگائی انہوں نے کہا کہ جو لوگ ان کی بیماری سے متعلق دعوے کر رہے ہیں وہ آ کر ان کے ساتھ ورزش کریں ان کے بیمار یا مفلوج ہونے کی خبریں بے بنیاد ہیں انہوں نے صحافیوں کو چیلنج دیتے ہوئے کہا کہ وہ ان کے ساتھ جم جا کر دیکھیں کہ کون بہتر انداز میں ورزش کر سکتا ہے۔

واضح رہے کہ جنوری میں کچھ عرصہ عوامی نظروں سے اوجھل رہنے کے بعد سوشل میڈیا پر ان کی صحت اور حتیٰ کہ وفات سے متعلق افواہیں گردش کر رہی تھیں،بعد ازاں صدر نے ایک ویڈیو پیغام میں بتایا تھا کہ انہیں پیٹ کی تکلیف کے باعث اسپتال جانا پڑا، جس کی وجہ انہوں نے ذہنی دباؤ اور عمر کو قرار دیا۔

جوہری توانائی کے عالمی ادارے کے سربراہ رافیل گروسی نے کہا ہے کہ ایران کی یورینیئم افزودگی روکنے کا فیصلہ تکنیکی نہیں بلکہ سیاسی نوعیت کا ہوگا، تکنیکی اعتبار سے 5، 10 یا 20 سال میں کوئی خاص فرق نہیں، اصل معاملہ یہ ہے کہ اعتماد کی سطح کیا ہے-

انٹرنیشنل اٹامک انرجی ایجنسی کے سربراہ رافیل گروسی نے جنوبی کوریا کے دارالحکومت سیؤل میں پریس بریفنگ کے دوران واضح کیا کہ اگر واشنگٹن اور تہران کے درمیان افزودگی کی معطلی پر بات چیت جاری ہے تو اس کی مدت (5، 10 یا 20 سال) کے حوالے سے تکنیکی طور پر کوئی بڑا فرق نہیں، بلکہ یہ مکمل طور پر سیاسی اعتماد کا معاملہ ہےجب بات معطلی کی آتی ہے تو یہ ایک سیاسی فیصلہ ہوتا ہے، تکنیکی اعتبار سے 5، 10 یا 20 سال میں کوئی خاص فرق نہیں، اصل معاملہ یہ ہے کہ اعتماد کی سطح کیا ہے گروسی نے واضح کیا کہ وہ ان مذاکرات کا براہ راست حصہ نہیں، اس لیے ان کی تفصیلات کی تصد یق نہیں کر سکتے۔

واضح رہے کہ 11 اور 12 اپریل کو اسلام آباد میں ہونے والے مذاکرات جو کئی برسوں میں دونوں ممالک کے درمیان اعلیٰ سطح کے براہ راست رابطے تھے، کا مقصد جنگ بندی کو مستحکم بنانا اور ایران کے جوہری پروگرام سمیت اہم معاملات کو حل کرنا تھا تاہم یورینیئم افزودگی کے معاملے پر دونوں فریقین کے درمیان شدید اختلافات برقرار ہیں امریکا طویل المدتی پابندیوں کا خواہاں ہے جبکہ ایران جوہری عدم پھیلاؤ معاہدے کے تحت اپنے حق پر قائم ہے۔

رافیل گروسی نے زور دیا کہ کسی بھی ممکنہ معاہدے کی کامیابی کے لیے انٹرنیشنل اٹامک انرجی ایجنسی کی رسائی اور نگرانی لازمی ہوگی بغیر تصدیق کے کوئی بھی معاہدہ محض ایک کاغذ یا وعدہ ہوگا، بصورت دیگر یہ حقیقی معاہدہ نہیں بلکہ اس کا محض تاثر ہوگا ایران کے وسیع جوہری پروگرام کے باعث اس کی تنصیبات اور جوہری مواد کی مکمل نگرانی ضروری ہوگی، اور ادارہ اس ضمن میں اپنی خدمات فراہم کرنے کے لیے تیار ہے۔

ایران کےموجودہ ذخیرے کے حوالے سے گروسی نےکہا کہ ادارے کے اندازے کے مطابق 60 فیصد تک افزودہ یورینیئم کا بڑا حصہ اب بھی انہی تنصیبا ت میں موجود ہے، خاص طور پر اصفہان میں، جہاں یہ پہلے محفوظ تھاانہوں نے شمالی کوریا کے جوہری پروگرام پر بھی تشویش کا اظہار کرتے ہوئے کہا کہ 2009 میں معائنہ کاروں کے اخراج کے باوجود وہاں سرگرمیوں میں نمایاں اضافہ دیکھا جا رہا ہے۔

گروسی کے مطابق یونگ بیون کے 5 میگاواٹ ری ایکٹر، ری پروسیسنگ یونٹ اور لائٹ واٹر ری ایکٹر سمیت دیگر تنصیبات میں سرگرمیوں میں اضافہ اس بات کی نشاندہی کرتا ہے کہ شمالی کوریا کی جوہری صلاحیت تیزی سے بڑھ رہی ہے، جو درجنوں وارہیڈز تک پہنچ سکتی ہے یونگ بیون میں یورینیئم افزودگی کے ایک نئے پلانٹ جیسی تنصیب کی تعمیر دیکھی گئی ہے، جس سے اس کی پیداواری صلاحیت میں نمایاں اضافہ ہو سکتا ہے، تاہم زمینی رسائی نہ ہونے کے باعث درست اندازہ لگانا مشکل ہے۔

روس اور شمالی کوریا کے درمیان ممکنہ جوہری تعاون کے حوالے سے گروسی نے کہا کہ ادارے کو فوجی نوعیت کے کسی تعاون کے شواہد نہیں ملے، تاہم سویلین منصوبوں سےمتعلق حوالہ جات ضرور موجود ہیں اگردونوں ممالک کےدرمیان کوئی تعاون موجود ہےتو صرف پرامن مقاصد تک محدود رہنا چاہیے۔

گروسی نے جنوبی اور شمالی کوریا کے درمیان ممکنہ مذاکرات کی بحالی کو بھی اہم قرار دیتے ہوئے کہا کہ سفارت کاری کا دوبارہ آغاز ضروری ہے جنوبی کوریا کے جوہری توانائی سے چلنے والی آبدوزوں کے منصوبے پر بات کرتے ہوئے انہوں نے کہا کہ اس کے لیے انٹرنیشنل اٹامک انرجی ایجنسی کے ساتھ خصوصی انتظامات ضروری ہوں گے تاکہ جوہری مواد کا غلط استعمال نہ ہو۔

انہوں نے کہا کہ ایسے منصوبے طویل المدتی ہوتے ہیں اور ان میں تحقیق، تجربات اور ریگولیٹری ہم آہنگی کے کئی مراحل شامل ہوتے ہیں، جو کئی برسوں پر محیط ہو سکتے ہیں،گروسی نے آسٹریلیا کے آکس معاہدے اور برازیل کے مقامی منصوبے کا حوالہ دیتے ہوئے کہا کہ ہر ملک کا جوہری آبدوز پروگرام تکنیکی اور سیاسی اعتبار سے مختلف ہوتا ہے۔