Blog

پیپلز پارٹی کے چیئرمین بلاول بھٹو زرداری نے کہا ہے کہ وفاقی حکومت سازش کرکےسندھ حکومت گرانےکی کوشش کررہی ہے.

باغی ٹی وی کی رپورٹ کے مطابق بلاول بھٹو نے کہاکہ وفاقی حکومت سندھ میں گورنرراج لگانےکاخواب پوراکرلے، پھردیکھیں گےکہ عوام آپ کا کیا حشرکرتےہیں، ان کا کہنا تھاکہ جےآئی ٹی رپورٹ مکمل نہیں ہوئی تھی توسندھ حکومت گرانےکی باتیں ہورہی تھیں.
سندھ حکومت کےخلاف روزاول سےسازش ہورہی ہے. یاد رہے کہ سابق آصف علی زرداری کی گرفتاری کے بعد پیپلز پارٹی نے مزید سخت رویہ اختیار کیا ہے اور حکومت کے خلاف سخت تنقید کی جارہی ہے.

پی ٹی آئی حکومت نے آج اپنا پہلا بجٹ پیش کیا ہے اس پر بھی بلاول بھٹو اور دیگر لیڈروں کی طرف سے سخت تنقید کی جارہی ہے.

وزیر اعظم عمران خان نے قومی اسمبلی میں‌ وزیر مملکت برائے داخلہ حماد اظہر کی جانب سے بجٹ پیش کیے جانے کے بعد اپوزیشن کی جانب فاتحانہ انداز میں ہاتھ اٹھا کر میوزک کمپوزر کی طرح اشارے کیے جس پر پی ٹی آئی حکومت کی طرح دیگر اراکین بھی مسکرائے بغیر نہ رہ سکے.

باغی ٹی وی کی رپورٹ کے مطابق بجٹ اجلاس کے دوران اپوزیشن کی جانب سے زبردست شورشرابا اور ہنگامہ آرائی کی گئی تاہم وزیر مملکت نے بغیر کسی دباؤ کے بجٹ پیش کیا. اس دوران جب ایوان مچھلی منڈی کا منظر پیش کر رہا تھا وزیراعظم عمران خان بھی ایوان میں موجود رہے اور مسلسل تسبیح‌ کرتے رہے. بجٹ پیش کئے جانے کے بعد جونہی اسپیکر قومی اسمبلی کی جانب سے اجلاس ملتوی ہونے کے اعلان کیا گیا تو وزیر اعظم عمران خان مسکراتے ہوئے اپنی نشست سے کھڑے ہوئے اور اپوزیشن کے احتجاج کی طرف ایک میوزک کمپوزر کی طرح اپنے ہاتھوں سے اشارے کیے۔

وزیراعظم عمران خان کے اس خوبصورت انداز پر ان کے اردگرد موجود اسمبلی ارکان بھی مسکراتے رہے جبکہ وزیراعظم اسمبلی سے باہر نکل گئے۔ یاد رہے کہ تحریک انصاف حکومت کی جانب سے گزشتہ روز پہلا بجٹ‌ پیش کیا گیا ہے. اپوزیشن کی طرف سے بجٹ پر سخت تنقید کی جارہی ہے جبکہ حکومتی اراکین اسے تاریخی بجٹ قرار دے رے ہیں.

وفاقی وزیر مملکت برائے ریونیو حماد اظہر نے بجٹ اجلاس کے دوران بتایا ہے کہ سگریٹ کاپیکٹ 10سے 14 روپےمہنگاہوجائےگا.

باغی ٹی وی کی رپورٹ کے مطابق قومی اسمبلی میں بجٹ تقریر کے دوران حماد اظہر نے بتایا کہ ایک ہزارسگریٹ پرپہلےٹیکس 4ہزار 500 روپےتھا جبکہ ایک ہزارسگریٹ پرٹیکس 5ہزار 200 روپےکردیاگیا ہے.

ان کا کہنا تھا کہ اضافی ٹیکسوں سےسالانہ 147ارب روپےکی اضافی آمدن ہوگی. یاد رہے کہ عوامی سطح پر بعض حلقوں‌کی جانب سے پہلے سے مطالبہ کیا جارہا تھا کہ کھانے پینے کی بجائے سگریٹ جیسی اشیاء کی قیمتوں میں اضافہ کیا جائے.

وفاقی حکومت کی جانب سے حالیہ بجٹ میں نئی روایت قائم کرتے ہوئے کابینہ ارکان کی تنخواہوں میں کمی کا اعلان کر دیا گیا ہے۔ یہ پہلا موقع ہے کہ کسی حکومت میں‌ کابینہ کے تمام وزراء کی تنخواہوں میں دس فیصد کمی کا فیصلہ کیا گیا ہے. بجٹ میں حکومت کی طرف سے کئے گئے اس فیصلہ کو اچھی نظر سے دیکھا جارہا ہے.

باغی ٹی وی کی رپورٹ کے مطابق قومی اسمبلی میں بجٹ تقریر کے دوران وزیر مملکت برائے ریونیو حماد اظہر نے بتایا کہ کابینہ ارکان کی تنخواہوں میں کمی کر دی گئی ہے. ان کا کہنا تھا کہ ماضی میں ہمیشہ کابینہ اپنی تنخواہیں بڑھاتی تھی لیکن وزیر اعظم عمران خان کی قیادت میں کابینہ کے تمام وزرا نے اپنی تنخواہوں میں 10 فیصد کمی کا تاریخی فیصلہ کیا ہے۔ وفاقی حکومت نے وزرا ، وزرائے مملکت اور پارلیمانی سیکرٹریز کے ساتھ کام کرنے والے سپیشل پرائیویٹ سیکرٹریز کے سپیشل الاﺅنس میں 25 فیصد اضافہ کیا ہے۔

وفاقی حکومت کی جانب سے گریڈ 21 اور 22 کے ملاز مین کی تنخواہوں میں کسی قسم کا اضافہ نہیں کیا گیا۔ وفاقی کابینہ کی گریڈ 1 تا 16سرکاری ملازمین کی تنخواہوں میں10فیصد اضافےکی منظوری دی گئی ہے جبکہ گریڈ 17 سے 20 تک پانچ فیصد اضافہ کی منظوری دی گئی ہے. اسی طرح ریٹائرڈ ملازمین کی پنشن میں 10 فیصد اضافے کی منظوری دی گئی ہے.

حماد اظہ کا کہنا تھا کہ گریڈ 21 اور 22 کے سرکاری ملازمین کی تنخواہوں میں اضافہ نہیں کیا گیا کیونکہ انہوں نے وطن عزیز پاکستان کی معاشی صورتحال کے پیش نظر تنخواہوں میں‌ اضافہ نہ کئے جانے کی قربانی دینے کا فیصلہ کیا ہے.

واضح رہے کہ وفاقی کابینہ کی جانب سے گریڈ 1 تا16سرکاری ملازمین کی تنخواہوں میں10فیصد اضافےکی منظوری دے دی ہے. اسی طرح ریٹائرڈ ملازمین کی پنشن میں 10 فیصد اضافے کی منظوری دی گئی ہے.

قومی اسمبلی میں بجٹ پیش کرتے ہوئے اعلان کیا گیا ہے کہ آبی وسائل کیلیے70 ارب روپے مختص کیے جا رہے ہیں. آیندہ سال کے دوران سبسڈی کیلیے271ارب 50 کروڑ روپے مختص کیے گئے ہیں.

باغی ٹی وی کی رپورٹ‌ کے مطابق وزیر مملکت حماد اظہر کا کہنا تھا کہ پچھلے پانچ سال میں برآمدات میں کوئی اضافہ نہیں ہوا . بہت سے کمرشل قرضہ جات زیادہ شرح سود پر لیے گئے ہیں ۔ قومی اسمبلی میں بجٹ تقریر کرتے ہوئے انہوں نے کہا کہ یہ پیچھے رہ جانے والے لوگوں کو آگے لانے کا وقت ہے۔ پاکستان کا مجموعی قرضہ اور ادائیگیاں 31 ہزار ارب روپے تھیں جن میں سے 97 ارب ڈالر بیرونی قرضہ جات تھے۔ پچھلے ادوار میں بعض کمرشل قرضے زیادہ سود پر لیے گئے۔ گزشتہ دو سال کے دوران سٹیٹ بینک کے ذخائر 18 ارب سے کم ہو کر 10 ارب ڈالر سے کم رہ گئے۔ عالمی سطح پر کرنٹ اکاﺅنٹ خسارہ بلند ترین سطح پر 20 ارب ڈالر اور تجارتی خسارہ 32 ارب ڈالر تک پہنچ چکا تھا۔

حماد اظہر نےکہا کہ بجلی کے نظام کا گردشی قرضہ 1200 ارب روپے تک پہنچ گیا تھا جس پر 38 ارب روپے ماہانہ سود ادا کرنا پڑا۔ ان کا کہنا تھا کہ ہم درآمدات کو 49ارب ڈالر سے کم کرکے45ارب ڈالر تک لے آئے ہیں. ایسٹس ڈکلیئریشن اسکیم پرعمل جاری ہے. انہوں نے کہاکہ احتساب کے نظام اور طرز حکمرانی بہتر بنانے کیلیے اقدامات کیے گئے ہیں.

قومی اسمبلی میں‌ پیش کردہ بجٹ دستاویز میں کہا گیا ہے کہ دفاعی اخراجات ، سروسز پر 1152 ارب 50 کروڑ روپے مختص کیے گئے ہیں، سول اورعسکری حکام نےبجٹ میں مثالی کمی کی.

باغی ٹی وی کی رپورٹ کے مطابق وفاقی حکومت نے رواں مالی سال کے دوران ملک کے عسکری بجٹ میں اضافہ نہ کرنے کا فیصلہ کیا ہے۔ وزیر مملکت برائے ریونیو حماد اظہر نے قومی اسمبلی میں بجٹ تقریرکے دوران بتایا کہ پاکستان کے فوجی بجٹ میں کوئی اضافہ نہیں کیا جارہا اور یہ گزشتہ سال کے 1150 ارب روپے پر مستحکم رہے گا۔ انہوں نے کہا کہ فوجی بجٹ کے حوالے سے وہ وزیر اعظم عمران خان اور عسکری قیادت کو خراج تحسین پیش کرتے ہیں۔ ان کا کہنا تھا کہ قومی خود مختاری ہر شے پر مقدم ہے. حکومت یہ بات یقینی بنائے گی کہ پاک فوج کی صلاحیت میں کمی نہ آئے۔

باغی ٹی وی کی رپورٹ‌ کے مطابق حماد اظہر کا کہنا تھا کہ پچھلے پانچ سال میں برآمدات میں کوئی اضافہ نہیں ہوا . بہت سے کمرشل قرضہ جات زیادہ شرح سود پر لیے گئے ہیں ۔ قومی اسمبلی میں بجٹ تقریر کرتے ہوئے انہوں نے کہا کہ یہ پیچھے رہ جانے والے لوگوں کو آگے لانے کا وقت ہے۔ پاکستان کا مجموعی قرضہ اور ادائیگیاں 31 ہزار ارب روپے تھیں جن میں سے 97 ارب ڈالر بیرونی قرضہ جات تھے۔ پچھلے ادوار میں بعض کمرشل قرضے زیادہ سود پر لیے گئے۔ گزشتہ دو سال کے دوران سٹیٹ بینک کے ذخائر 18 ارب سے کم ہو کر 10 ارب ڈالر سے کم رہ گئے۔ عالمی سطح پر کرنٹ اکاﺅنٹ خسارہ بلند ترین سطح پر 20 ارب ڈالر اور تجارتی خسارہ 32 ارب ڈالر تک پہنچ چکا تھا۔

یاد رہے کہ چند دن قبل پاک فوج کی جانب سے ملک کی معاشی صورتحال کے پیش نظر اپنے اخراجات میں کمی لانے کا اعلان کیا گیا تھا اور آج بجٹ دستاویزات پیش کرتے ہوئے اس امر کی تصدیق کر دی گئی ہے.