Blog

دمشق: شامی وزارت داخلہ کے ترجمان نورالدین البابا نے احتجاج میں مظاہرین کی جانب سے متحدہ عرب امارات کے سفارت خانے پر دھاوا بولنے کی سخت الفاظ میں مذمت کی ہے-

شامی وزارت داخلہ کے ترجمان مظاہرین کو فلسطین سے منسلک "جاہل افراد” قرار دیا جو کہ ناکارہ اسد حکومت ہے، اور ابو ظہبی کو یہ یقین دلایا کہ ایسے عناصر کی وجہ سے ان کے تعلقات میں کسی قسم کی پچیدگی نہیں آئے گی،جو چیز ہمیں متحدہ عرب امارات کی قیادت میں ہمارے عرب بھائیوں کے ساتھ متحد کرتی ہے، وہ ہمیں تقسیم کرنے سے کہیں زیادہ ہے۔”

اسس ے قبل متحدہ عرب امارات نے دمشق میں اپنے سفارت خانے اور سفیر کی رہائش گاہ کو نشانہ بنانے والی جسے اس نے تخریب کاری، ہنگامہ آرائی اور حملوں کی کارروائیاں قرار دیا، ان کی مذمت کے بعد شامی وزیر خارجہ اسعد الشیبانی نے کہا کہ حکومت متحدہ عرب امارات کے ساتھ اپنی مضبوط برادرانہ تعلقات پر فخر کرتی ہے، جو باہمی احترام اور تعمیری تعاون پر مبنی ہیں۔

انہوں نے ہفتہ اور اتوار کی درمیانی شب سوشل میڈیا پلیٹ فارم ”ایکس” پر ایک بیان میں زور دیا کہ کسی محدود گروہ کی جانب سے ہونے والی کوئی بھی زیادتی نہ تو شامی عوام کی نمائندگی کرتی ہے اور نہ ہی ان کی اصل اقدار کی عکاسی کرتی ہے انہوں نے ہر قسم کی زیادتی اور بدسلوکی کی شدید مذمت بھی کی۔

خلیج تعاون کونسل (GCC) کے سیکرٹری جنرل جاسم محمد البدوی نے بھی شامی دارالحکومت دمشق میں متحدہ عرب امارات کے سفارت خانے اور اس کے سربراہ کی رہائش گاہ پر ہونے والے ہنگاموں، حملوں اور تخریب کاری کی شدید مذمت کی، انہوں نے زور دیا کہ شامی حکام کو چاہیے کہ اس واقعے میں ملوث افراد کے خلاف کارروائی کریں اور سفارتی عمارتوں اور عملے کے دفاتر کی حفاظت کو بین الاقوامی اصولوں اور معاہدوں کے مطابق یقینی بنائیں۔

تائیوان کی اپوزیشن رہنما چین کے دورہ کریں گی،صدر شی جن پنگ سے ممکنہ ملاقات بھی متوقع

اسی طرح سعودی عرب نے بھی متحدہ عرب امارات کے قومی نمائندوں کے خلاف ہونے والی ناقابل قبول بدسلوکی کی مذمت کی اور اس بات پر زور دیا کہ سفارت کاروں اور سفارتی مشنز کے دفاتر کو بین الاقوامی قوانین کے مطابق تحفظ فراہم کیا جائے۔

متحدہ عرب امارات کی وزارت خارجہ نے ہفتہ کو جاری بیان میں اس ہنگامے، تخریب کاری اور حملوں کی سخت مذمت کی اور کہا کہ وہ اپنے قومی نمائندوں کے خلاف ہونے والی بدسلوکی کو ہرگز قبول نہیں کرتی۔

وزارت خارجہ نے شامی حکام سے مطالبہ کیا کہ وہ سفارت خانے اور عملے کے تحفظ کو یقینی بنائیں، واقعے کی تحقیقات کریں، مستقبل میں اس کی دوبارہ روک تھام کریں اور قانون کے مطابق ملوث افراد کو سزا دی جائے۔

ٹرمپ آج اعلیٰ فوجی قیادت کے ہمراہ اہم پریس کانفرنس کریں گے

یہ واقعہ اس وقت پیش آیا جب جمعہ کو شام کے دارالحکومت دمشق میں متحدہ عرب امارات کے سفارت خانے کے سامنے دسیوں مظاہرین جمع ہوئے ایک شامی سکیورٹی اہلکار نے اپنی شناخت ظاہر نہ کرنے کی شرط پر بتایا کہ یہ واقعہ اس وقت ہوا جب کچھ شرکاء ایک بڑی فلسطینی حمایت کرنے والی مظا ہرے سے الگ ہو گئے جو قریبی امویین اسکوائر میں منعقد ہوئی تھی، انہوں نے سفارت خانے میں داخل ہونے کی کوشش کی، اندرونی سکیورٹی فورسز نے انہیں داخلے سے روک دیا اور اس واقعے سے نمٹا گیا۔

شام میں مظاہرے اس وقت سے جاری ہیں جب اسرائیلی پارلیمنٹ نے ایک قانون منظور کیا جس کے تحت فلسطینی ملزمان کے لیے فوجی عدالتوں میں حملوں کے جرم ثابت ہونے پر پھانسی خودکار طور پر سزا کے طور پر مقرر کی گئی ہے۔

تائیوان کی سب سے بڑی اپوزیشن جماعت کی سربراہ چینگ لی وون چین کے دورے پر روانہ ہوں گی-

تائیوان کی سب سے بڑی اپوزیشن جماعت کیومنٹانگ (کے ایم ٹی) کی سربراہ چینگ لی وون منگل کے روز چین کے دورے پر روانہ ہو ں گی، جہاں ان کی چینی صدر شی جن پنگ سے ممکنہ ملاقات بھی متوقع ہے چین کی جانب سے تائیوان کے ساتھ ’اتحاد‘ کے لیے بڑھتی سفارتی کوششوں کے تناظر میں چینگ نے اپنے اس دورے کو ’امن مشن‘ قرار دیا ہے۔

یہ دورہ ایسے وقت میں ہو رہا ہے جب چین تائیوان پر فوجی دباؤ میں اضافہ کر رہا ہے اور اسے اپنا علاقہ قرار دیتا ہے، جبکہ تائیوان کی اپوزیشن اکثریت رکھنے والی پارلیمنٹ حکومت کے 40 ارب ڈالر کے اضافی دفاعی بجٹ کی منظوری میں رکاوٹ بنی ہوئی ہے۔

دورے سے قبل کے ایم ٹی اور حکمران جماعت ڈیموکریٹک پروگریسو پارٹی (ڈی پی پی) کے درمیان سوشل میڈیا پر بیانات کی جنگ بھی دیکھنے میں آئی، جہاں دونوں جماعتوں نے جنگ اور امن کی علامتی زبان استعمال کی کے ایم ٹی نے اپنے پیغام میں کہا کہ امن ہی خوشحالی کی بنیاد اور تائیوان کے مستقبل کی امید ہے جبکہ اس کے برعکس ڈی پی پی نے الزام لگایا کہ اپوزیشن چین کے ساتھ مل کر تائیوان کی دفاعی صلاحیت کو کمزور کرنے کی کوشش کر رہی ہے۔

ٹرمپ آج اعلیٰ فوجی قیادت کے ہمراہ اہم پریس کانفرنس کریں گے

اتحاد کے حوالے سے سوال پر چینگ لی وون نے کہا کہ اس موضوع پر بات چیت کا وقت ابھی نہیں آیا ان کے بقول، فی الحال سب سے اہم بات یہ ہے کہ دونوں اطراف کے درمیان پُرامن اور مستحکم تعلقات کیسے قائم کیے جائیں۔

یہ دورہ ایسے وقت میں بھی ہو رہا ہے جب امریکی صدر ڈونلڈ ٹرمپ آئندہ ماہ بیجنگ میں صدر شی جن پنگ سے ملاقات کرنے والے ہیں توقع ہے کہ اس دوران زرعی تجارت اور ہوابازی کے پرزہ جات جیسے معاملات پر پیش رفت ہو سکتی ہے، تاہم تائیوان کے حساس معاملے پر کسی بڑی پیش رفت کا امکان کم ہے۔

یہ ایک دہائی کے بعد کسی کے ایم ٹی رہنما کا چین کا پہلا دورہ ہے، تاہم تاحال چینی حکام نے چینگ اور شی جن پنگ کی ملاقات کی باضابطہ تصدیق نہیں کی، چینگ جمعرات سے بیجنگ میں موجود ہوں گی، ادھر تائیوان کی چین پالیسی مرتب کرنے والے ادارے مین لینڈ افیئرز کونسل نے کہا ہے کہ چینگ کو بیجنگ سے فوجی دباؤ ختم کرنے اور تائیوان کے عوام کے حقِ خود ارادیت کا احترام کرنے کا مطالبہ کرنا چاہیے۔

چین نے کبھی بھی تائیوان کو اپنے کنٹرول میں لانے کے لیے طاقت کے استعمال سے دستبرداری اختیار نہیں کی، تاہم اس کا کہنا ہے کہ اس کی ترجیح ’پرامن اتحاد‘ ہے۔ حالیہ ہفتوں میں بیجنگ نے توانائی کے تحفظ سمیت مختلف فوائد کا حوالہ دے کر تائیوانی عوام کو قائل کرنے کی کوششیں تیز کر دی ہیں، جنہیں تائیوانی حکام مسترد کر چکے ہیں۔

ٹرمپ کے غیر ذمہ دارانہ اقدامات امریکا کو ایک زندہ جہنم میں دھکیل رہے ہیں،قالیباف

چین کی مشرقی تھیٹر کمانڈ نے حال ہی میں ایک علامتی تصویر بھی جاری کی، جس میں تائیوان کو چین کے ساتھ اتحاد کی صورت میں دکھایا گیا، تاریخی پس منظر میں 1949 کی خانہ جنگی کے بعد ماؤ زیڈونگ کی قیادت میں کمیونسٹوں سے شکست کے بعد کے ایم ٹی کی افواج تائیوان منتقل ہو گئی تھیں، تائیوان میں ہو نے والے عوامی جائزوں سے بارہا ظاہر ہوا ہے کہ بیجنگ کے ’ایک ملک، دو نظام‘ ماڈل کے تحت چین کی خودمختاری قبول کرنے کی حمایت نہایت کم ہے-

وائٹ ہاؤس کے ترجمان کے مطابق امریکی صدر ڈونلڈ ٹرمپ آج اہم پریس کانفرنس کریں گے جس میں ایران سے جاری کشیدگی کے معاملے پر اہم گفتگو ہو گی۔

ترجمان نے بتایا کہ صدر ٹرمپ امریکی وقت کے مطابق دوپہر ایک بجے جبکہ پاکستانی وقت کے مطابق رات 10 بجے میڈیا سے خطاب کریں گے،پریس کانفرنس وائٹ ہاؤس کے بریفنگ روم میں ہوگی اور اس میں اعلیٰ فوجی قیادت بھی صدر کے ہمراہ موجود ہوگی، یہ پریس کانفرنس امریکی میڈیا کے مسلسل اصرار پر منعقد کی جا رہی ہے جس میں صدر ٹرمپ ایران سے متعلق جاری صورتحال اور ممکنہ اقدامات پر سوالات کے جوابات دیں گے سیاسی و سفارتی حلقوں میں اس پریس کانفرنس کو انتہائی اہم قرار دیا جا رہا ہے جہاں خطے کی موجودہ کشیدگی کے تناظر میں بڑے اعلانات کا امکان ظاہر کیا جا رہا ہے-

ٹرمپ کے غیر ذمہ دارانہ اقدامات امریکا کو ایک زندہ جہنم میں دھکیل رہے ہیں،قالیباف

کھیل معاشرتی مسائل کے حل کے لیے مثبت ماحول فراہم کرتے ہیں،شہباز شریف

ایرانی پارلیمنٹ کے اسپیکر محمد باقر قالیباف نے امریکی صدر ڈونلڈ ٹرمپ کو خبردار کرتے ہوئے کہا ہے کہ ان کے غیر ذمہ دارانہ اقدامات امریکا کو ایک زندہ جہنم میں دھکیل رہے ہیں اور اس سے پورا خطہ جل جائےگا –

قالیباف نے سوشل میڈیا پلیٹ فارم ایکس پر جاری بیان میں کہا ٹرمپ کو کہا کہ آپ کے غیر ذمہ دارانہ اقدامات امریکا کو ایک زندہ جہنم میں دھکیل رہے ہیں اور اس سے پورا خطہ جل جائےگا کیونکہ آپ نیتن یاہو کے احکامات پر عمل کر رہے ہیں، اس صورتحال کا واحد حقیقی حل ایرانی عوام کے حقوق کا احترام اور اس خطرناک کھیل کا خاتمہ ہے۔

انہوں نے امریکی صدر کو خبردار کیا کہ ’’خطرناک کھیل‘‘ فوری طور پر بند کیا جائے، بصورتِ دیگر نتائج سنگین ہوں گےقالیباف نے ایک تباہ شدہ طیارے کی تصویر بھی شیئر کی، جسے انہوں نے حالیہ کشیدگی کی علامت قرار دیا۔

دوسری جانب ایرانی وزارتِ خارجہ کے ترجمان اسماعیل بقائی نے ایک بیان میں کہا کہ امریکی حملے کا فوری اور بھرپور جواب دیا جائے گا امریکی حکام کی جانب سے شہری ڈھانچے پر حملہ ایک مجرمانہ ذہنیت کی عکاسی کرتا ہے اور یہ ایک جنگی جرم ہے،امریکا نے جھوٹ کی بنیاد پر جنگ مسلط کی ہے اور ایران اس کا جواب اپنے دفاعی اقدامات کے ذریعے دے گا۔

کھیل معاشرتی مسائل کے حل کے لیے مثبت ماحول فراہم کرتے ہیں،شہباز شریف

ایران جوابی کارروائی میں امریکی اثاثوں کو نشانہ بنائے گا، اور جو ممالک یا گروہ ایران کے خلاف اس جارحانہ اقدام میں شامل ہوں گے، انہیں بھی سخت نتائج کا سامنا کرنا ہوگا، ٹرمپ کی مسلط کردہ جنگ امریکی عوام کے جذبات کی ترجمان نہیں ہےامریکی عوام بخوبی سمجھ چکے ہیں کہ یہ جنگ ان کی نہیں بلکہ اسرائیل کی طرف سے مسلط کی گئی ہے، جو خطے میں نسل کشی کے اپنے اہداف کی تکمیل کے لیے امریکا کو استعمال کر رہا ہے۔

اسماعیل بقائی کا مزید کہنا تھا کہ امریکا میں ہونے والے احتجاجی مظاہرے اس بات کا واضح ثبوت ہیں کہ امریکی عوام اس جنگ کے مخالف ہیں ایران نے اس عزم کا اعادہ کیا کہ اس کا ردعمل نہ صرف مؤثر بلکہ خوفناک ہوگا، اور ہر ممکن قدم اٹھایا جائے گا تاکہ امریکی جارحیت کا بھرپور مقابلہ کیا جا سکے-

امریکا ایران کو الٹی میٹم دینا بند کرے،روس

روس نے امریکا پر زور دیا ہے کہ وہ ایران کو الٹی میٹم دینا بند کرے اور خطے میں کشیدگی کم کرنے کے لیے مذاکرات کا راستہ اپنائے۔

بین الاقوامی خبر رساں ادارے رائٹرز کے مطابق روسی وزارتِ خارجہ کی جانب سے یہ اہم بیان وزیرِ خارجہ سرگئی لاوروف کی ایرانی ہم منصب عباس عراقچی کے ساتھ ہونے والی تفصیلی گفتگو کے بعد جاری کیا گیا ہے۔

بیان کے مطابق دونوں رہنماؤں نے اس سنگین بحران کے سیاسی اور سفارتی حل کے امکانات کو نقصان پہنچانے والے اقدامات سے گریز کرنے پر بات پر زور دیا ہے روس مشرقِ وسطیٰ میں دیرپا اور پائیدار استحکام کے مفاد میں کشیدگی کم کرنے کی کوششوں کی مکمل حمایت کرتا ہے خطے میں امن کے اس عمل کو اسی صورت میں تقویت مل سکتی ہے جب امریکا دھمکیوں اور الٹی میٹم کی زبان ترک کر کے صورتِ حال کو سفارت کاری اور مذاکرات کی جانب واپس لائے۔

ایران کے اسرائیلی شہر حیفہ پر شدید فضائی حملے

دوسری جانب اقوامِ متحدہ میں روس کے نمائندے میخائل اولیانوف نے اس معاملے پر ’ایکس‘ پوسٹ میں لکھا کہ امریکا سمجھ نہیں پارہا ہے کہ ایران الٹی میٹم قبول نہیں کرتا بلکہ معاہدوں اور معقول سمجھوتوں کو قبول کرتا ہے-

روسی وزارت خارجہ کی جانب سے جاری بیان کے مطابق روس نے امید ظاہر کی کہ ایران کے حوالے سے کشیدگی کم کرنے کے لیے مختلف ممالک کی جانب سے کی جانے والی کوششیں کامیاب ہوں گی امریکا سے مطالبہ کیا گیا ہے کہ وہ شہری تنصیبات پاورپلانٹس خصوصاً بوشہر نیوکلیئر پاور پلانٹ پر پر حملے بند کرے جہاں روسی ماہرین خدمات انجام دے رہے ہیں۔

ایپسٹن نے خود کو ٹرمپ کا خاص بندہ بتاتے ہوئے امبانی کی دفاعی اور سفارتی معاملات پر رہنمائی کی،امریکی میڈیا

ایران نے اسرائیل کے شہر حیفہ پر میزائل حملے کیے ہیں جس کے نتیجے میں دو افراد ہلاک جبکہ دو افراد لاپتہ ہیں۔

اسرائیلی رپورٹس کے مطابق ایرانی میزائل حملے جو کہ اب روزانہ کا معمول بن چکے ہیں اتوار کو حیفا میں ایک پوری عمارت کو ملبے کا ڈھیر بنا گئے۔ یہ عمارت سات منزلہ تھی تاہم اسرائیلی رپورٹس کے مطابق صرف چار افراد زخمی ہوئے ہیں۔

عرب نشریاتی ادارے الجزیرہ کے مطابق اسرائیلی شہر حیفہ میں ایرانی میزائل حملے کے بعد امدادی ٹیمیں پوری رات اور پیر کی ابتدائی ساعتوں تک ملبے تلے دبے افراد کی تلاش میں مصروف رہیں واقعے میں 9 افراد کے زخمی ہونے کی اطلاع ہے ایک ہی اپارٹمنٹ بلاک میں رہنے والے چار افراد لاپتہ تھے، جن میں سے اب تک دو افراد کی لاشیں نکال لی گئی ہیں جبکہ دو افراد تاحال لاپتہ ہیں۔

ایپسٹن نے خود کو ٹرمپ کا خاص بندہ بتاتے ہوئے امبانی کی دفاعی اور سفارتی معاملات پر رہنمائی کی،امریکی میڈیا

ریسکیو حکام نے تصدیق کی ہے کہ عمارت کو ایک بھاری میزائل نے نشانہ بنایا گیا ہے، جس کے نتیجے میں عمارت کا نصف حصہ مکمل طور پر تباہ ہو گیا باقی ماندہ حصہ انتہائی غیر مستحکم ہے اور کسی بھی وقت گرنے کا خدشہ ہے، جس کے باعث امدادی کارروائیوں میں شدید مشکلات پیش آ رہی ہیں۔

حیفہ اپنی اسٹریٹجک اہمیت کے باعث اکثر ایرانی میزائل حملوں کا نشانہ بنتا رہا ہے، جبکہ یہ شہر لبنان کی سرحد کے قریب ہونے کی وجہ سے حزب اللہ کے راکٹوں کی زد میں بھی رہتا ہے امدادی کارروائیوں کے دوران ہی ایک اور ممکنہ ایرانی میزائل حملے کے خدشے کے پیش نظر الرٹ جاری کیا گیا، تاہم بعد ازاں اسے ختم کر دیا گیا۔

ٹرمپ نے ایران کو معاہدے کے لیے دی گئی مہلت کے حتمی وقت کا اعلان کر دیا

اس سے قبل پیر کی صبح کے ابتدائی اوقات میں ایران کی جانب سے تین میزائل حملوں کی نشاندہی ہوئی تھی، جن پر اسرائیل کے وسطی علاقوں میں الرٹس جاری کیے گئے زیادہ تر میزائلوں کو فضا میں ہی تباہ کر دیا گیا جبکہ کچھ کھلے علاقوں میں گرے حیفہ پر حملہ اتوار کے روز ایران کی جانب سے کیے گئے چار میزائل حملوں میں سے ایک تھا انہی حملوں میں سے ایک نے اسرائیل کے جنوبی شہر بیرشیبہ کے قریب واقع ایک اہم صنعتی اور کیمیائی پارک کو بھی نشانہ بنایا۔

امریکی اخبار کی ایک رپورٹ میں انکشاف ہوا ہے کہ سزا یافتہ جنسی اسمگلر جیفری ایپسٹین نے خود کو ڈونلڈ ٹرمپ کی انتظامیہ کے بااثر اندرونی فرد کے طور پر پیش کرتے ہوئے بھارتی کاروباری شخصیت انیل امبانی کو دفاعی اور سفارتی معاملات پر مشورے دیے۔

امریکی اخبار دی نیویارک ٹائمز کی رپورٹ کے مطابق انیل امبانی، بھارت کے سب سے بڑے تاجروں میں سے ایک، ٹرمپ انتظامیہ کے ابتدائی دنوں میں یہ جاننے کے لیے بے چین تھے کہ بھارت نئے صدر کی قومی سلامتی کی حکمت عملی میں کہاں فٹ ہو سکتا ہے، سزا یافتہ جنسی مجرم جیفری ایپسٹین نے خود کو وائٹ ہاؤس میں ڈونلڈ ٹرمپ کے قریب بااثر شخصیت ظاہر کرتے ہوئے 2017 میں بھارتی صنعتکار انیل امبانی کو بھارت اور امریکا کے درمیان دفاعی تعاون اور قومی سلامتی سے متعلق معاملات میں رہنمائی فراہم کی۔

رپورٹ میں بتایا گیا ہے کہ بعد ازاں مالی مشکلات کا شکار ہونے والے امبانی نے وائٹ ہاؤس کے ساتھ معاملات طے کرنے کے لیے ایپسٹین سے اندرونی معلومات حاصل کرنے کی کوشش کی امریکی محکمہ انصاف کی جانب سے جاری کردہ پیغامات سے ظاہر ہوتا ہے کہ ایپسٹین نے ٹرمپ انتظامیہ میں تقرریوں اور خارجہ پالیسی سے متعلق معلومات امبانی کے ساتھ شیئر کیں۔

ٹرمپ نے ایران کو معاہدے کے لیے دی گئی مہلت کے حتمی وقت کا اعلان کر دیا

مارچ 2017 میں امبانی نے استفسار کیا کہ آیا ڈیوڈ پیٹریاس کو بھارت میں امریکی سفیر مقرر کیا جائے گا، جس پر ایپسٹین نے جواب دیا کہ وہ معلومات حاصل کرے گا بعد ازاں اس نے بتایا کہ پیٹریاس اس عہدے کے لیے زیر غور نہیں بالآخر نومبر 2017 میں کینتھ آئی جسٹر کو یہ ذمہ داری سونپی گئی۔

اسی طرح جولائی 2017 میں ایپسٹین نے امبانی کو بتایا کہ جان بولٹن جلد ہی ایچ آر مک ماسٹر کی جگہ قومی سلامتی کے مشیر بن جائیں گے، یہ خبر تقریباً 8 ماہ بعد درست ثابت ہوئی ایپسٹین نے امبانی کو ٹرمپ کے قریبی افراد سے ملاقات کروانے کی پیشکش بھی کی، جن میں سٹیفن کے بینن اور تھامس باراک جونیئر شامل تھے۔

دوسری جانب امبانی نے خود کو نریندر مودی کی حکومت سے قریبی تعلق رکھنے والا ظاہر کیا اور ایک موقع پر کہا کہ ’قیادت‘ نے ایپسٹین سے جیرڈ کشنر اور بینن سے ملاقاتوں کے انتظام میں مدد مانگی ہے پیغامات سے یہ بھی ظاہر ہوتا ہے کہ ایپسٹین نے امبانی کو مشورہ دیا کہ بھارت اور اسرائیل کے بڑھتے ہوئے تعلقات کو استعمال کرتے ہوئے ٹرمپ انتظامیہ کے ساتھ روابط بہتر بنائے جا سکتے ہیں۔

ایران امریکا جنگ بندی:پاکستان اور سعودی عرب کا خطے کی صورتحال کا جائزہ،دو مرحلوں پر مبنی ممکنہ معاہدے پر غور

اس دوران مودی کے شیڈول میں اسرائیل سے متعلق امور کو خاص اہمیت حاصل رہی، جو ان کے تاریخی دورۂ اسرائیل اور اسی سال تقریباً 2 ارب ڈالر کے دفاعی سودوں سے مطابقت رکھتا ہے انیل امبانی، جو مکیش امبانی کے چھوٹے بھائی ہیں، کاروباری مشکلات کے باعث 2007 میں تقریباً 45 ارب ڈالر سے کم ہو کر 2019 میں محض 1.7 ارب ڈالر کی ملکیت تک آ گئے۔

رپورٹ کے مطابق 2019 میں بھی دونوں کے درمیان رابطہ برقرار رہا، جہاں ایپسٹین نے بطور ’دوست‘ امبانی کو مشورے اور ہمدردی کا اظہار کیا، بغیر کسی مالی مطالبے کے دونوں کی ملاقات 23 مئی 2019 کو نیویارک میں ہوئی، جو بھارت کے عام انتخابات کے نتائج کا دن بھی تھا پیغامات میں سیاست اور مالی معاملات کے ساتھ ساتھ ’ڈیزرٹ‘ اور ’تفریح‘ جیسے مبہم حوالوں کا بھی ذکر ملتا ہے، تاہم ان کا مکمل سیاق و سباق واضح نہیں۔