بلوچستان میں بین المذاہب ہم آہنگی ،بھائی چارہ اور رواداری کی مثال قائم ہو گئی ہے
کوئٹہ میں ایک صدی سے قائم بین المذاہب ہم آہنگی معاشرے میں پرامن بقائے باہمی کو مضبوط کر رہی ہے ،صدربلوچستان شیعہ کانفرنس عاشق حسین ہزارہ کا کہنا ہے کہ تمام مکاتب فکر کیساتھ ہمارے بہترین تعلقات ہیں، ہر بار سکیورٹی فورسز اور حکومت اطمینان بخش انتظامات کرتی ہیں، محرم الحرام کے انتظامات بارے اجلاس میں تمام مکاتب فکر اور مسیح برادری بھی شریک ہوتی ہے، مذہبی اسکالر ڈاکٹر موسیٰ حسینی کا کہنا ہے کہ محرم الحرام کو مذہبی عقید ت کیساتھ منایا جاتا ہے،تمام مکاتب فکر شرکت کرتےہیں، کوئٹہ میں ہر محرم الحرام پر محبت،بھائی چارہ اور رواداری کی مثال قائم کی جاتی ہے ،
صوبائی پیغام امن کمیٹی کے رکن پادری سائمن بشیر نے بھی مسلمانوں سے بھر پور اظہار یکجہتی کیا اور کہا کہ مسیحی برادری محرم کے جلوسوں میں ہر ممکن تعاون کرتی ہے،تفرقہ پھیلانے کی ہر سازش کو ناکام کیا جائےگا، مولانا سمیع اللہ کا کہنا تھا کہ امام حسینؓ کی عظیم قربانی ہمیں صبر، استقامت اور حق پر قائم رہنے کا درس دیتی ہے، محرم کے پُرامن انعقاد اور صوبے میں امن کیلئے تمام مکاتبِ فکر، تاجر اور علماء متحد ہیں،