Blog

اسرائیلی فوج کو درپیش لاجسٹک مسائل ایک نئے بحران کی صورت اختیار کر گئے ہیں، جہاں بنکرز کی کمی کے باعث بعض اہلکاروں نے ڈیوٹی انجام دینے سے انکار کر دیا ہے۔

اسرائیلی میڈیا رپورٹس کے مطابق فوج کے رضاکار اہلکاروں نے راکٹ اور میزائل حملوں کے دوران ناکافی تحفظ پر شدید تحفظات کا اظہار کیا ہے۔ اہلکاروں کا کہنا ہے کہ موجودہ صورتحال میں ان کی جانوں کو سنگین خطرات لاحق ہیں، تاہم اس کے باوجود انہیں مناسب حفاظتی سہولیات فراہم نہیں کی جا رہیں۔میڈیا رپورٹس میں بتایا گیا ہے کہ حکام کی جانب سے بنکرز کی فراہمی کو بارہا لاجسٹک مسائل کا جواز بنا کر مؤخر کیا جا رہا ہے، جس پر فوجیوں میں بے چینی بڑھ رہی ہے۔ایک اسرائیلی فوجی نے صورتحال کو نہایت خطرناک قرار دیتے ہوئے کہا کہ "جب سائرن بجتا ہے تو ہم صرف ہیلمٹ پہن کر بیٹھ جاتے ہیں اور دعا کرتے ہیں کہ کچھ نہ ہو۔”ایک اور اہلکار نے سوال اٹھایا کہ اگر کوئی زخمی ہو جائے تو کیا صرف افسوس کا اظہار ہی کافی ہوگا؟ ان کا کہنا تھا کہ فوج کو اپنے اہلکاروں کے تحفظ کو اولین ترجیح دینی چاہیے۔اہلکاروں نے طنزیہ انداز میں کہا کہ "جو فوج دو ہزار کلومیٹر دور اہداف کو نشانہ بنانے کی صلاحیت رکھتی ہے، کیا وہ اپنے ہی سپاہیوں کو ایک محفوظ بنکر فراہم نہیں کر سکتی؟”

خلیجی خطے میں کشیدگی کے دوران توانائی کے اہم مراکز پر حملوں کا سلسلہ جاری ہے، جس کے باعث عالمی تیل مارکیٹ میں تشویش کی لہر دوڑ گئی ہے۔ تازہ اطلاعات کے مطابق کویت اور سعودی عرب میں تیل کی تنصیبات کو ڈرون حملوں کا نشانہ بنایا گیا ہے۔

ایران نے کویت کی مینا الاحمدی اور مینا عبداللہ آئل ریفائنریوں پر حملہ کیا ہے جس سے دونوں مقامات پر آگ بھڑک اٹھی ہے۔یہ دونوں سہولیات کویت کے ریفائننگ کے اہم مرکزوں میں سے ہیں، جن کی مشترکہ گنجائش 800000 بیرل یومیہ ہے۔دوسری جانب سعودی عرب نے بھی تصدیق کی ہے کہ بحیرہ احمر کی بندرگاہی شہر میں واقع سمرف ریفائنری کو ڈرون حملے کا نشانہ بنایا گیا۔ سعودی وزارتِ دفاع کے مطابق یانبوع کی جانب داغا گیا ایک بیلسٹک میزائل بھی فضا میں ہی تباہ کر دیا گیا۔

یہ پیش رفت ایسے وقت میں سامنے آئی ہے جب ایران کی جانب سے آبنائے ہرمز کو مؤثر طور پر بند کیے جانے کے بعد سعودی عرب کے لیے یانبوع بندرگاہ خام تیل کی برآمد کا اہم ترین راستہ بن چکی ہے۔

توانائی کے مراکز پر حملوں کے معاملے پر امریکہ اور اسرائیل کے درمیان اختلافات بھی کھل کر سامنے آنے لگے ہیں۔ امریکی صدر ڈونلڈٹرمپ نے ایران کے سب سے بڑے گیس فیلڈ South Pars Gas Field پر اسرائیلی حملے پر غیر معمولی تشویش کا اظہار کیا۔صدر ٹرمپ نے اسرائیل کو براہِ راست تنقید کا نشانہ بنائے بغیر کہا کہ اس نے "شدید ردعمل” دیا ہے، اور واضح کیا کہ اگر ایران کی جانب سے اشتعال انگیزی نہ ہوئی تو اس گیس فیلڈ پر مزید حملے نہیں کیے جائیں گے۔

ذرائع کے مطابق یہ پہلا موقع نہیں کہ توانائی کے انفراسٹرکچر کو نشانہ بنانے پر امریکہ اور اسرائیل کے درمیان اختلافات سامنے آئے ہوں۔ اس سے قبل بھی اسرائیل کی جانب سے ایرانی فیول ڈپوؤں پر حملوں پر امریکی حکام نے تحفظات کا اظہار کیا تھا۔امریکہ میں بھی اس صورتحال کے اثرات محسوس کیے جا رہے ہیں۔ ایک حالیہ سروے کے مطابق 70 فیصد امریکی ووٹرز کو خدشہ ہے کہ جنگ کے باعث توانائی کی قیمتوں میں اضافہ ہوگا، جو سیاسی طور پر بھی اہم مسئلہ بن سکتا ہے۔صدر ٹرمپ اگرچہ عالمی منڈیوں پر اثرات کو کم کر کے دکھانے کی کوشش کر رہے ہیں، تاہم انہوں نے ایران کو آبنائے ہرمز کی ناکہ بندی پر بارہا خبردار کیا ہے۔ ماہرین کے مطابق دنیا کی تقریباً پانچویں حصے کی تیل سپلائی اسی گزرگاہ سے ہوتی ہے، اس لیے یہاں کسی بھی قسم کی رکاوٹ عالمی معیشت پر گہرے اثرات مرتب کر سکتی ہے۔

بھارت کو اے آئی ہب بنانے کا دعویدار مودی بھارتی عوام کو سائبر سیکیورٹی فراہم کرنے میں مکمل ناکام ہو چکا،

میٹا رپورٹ نے بھارت میں سوشل میڈیا پر آن لائن فراڈ اور اے آئی کے ذریعے بڑھتے جرائم کی نشاندہی کر دی،پہلی ششماہی 2026 کی میٹا رپورٹ نے بھارت کے لیے تشویشناک صورتحال کا عندیہ دے دیا،بھارتی جریدہ انڈین ایکسپریس کے مطابق بھارت بین الاقوامی دھوکہ دہی کرنے والے نیٹ ورکس کے بڑے ہدف کے طور پر ابھر رہا ہے،رپورٹ کے مطابق فراڈ کرنے والے بھارتی گروہ سب سے زیادہ امریکہ اور بھارت میں صارفین کو نشانہ بناتے ہیں،بھارتی صارفین متوسط آمدنی، سستے ڈیٹا اور کم ڈیجیٹل خواندگی کی وجہ سے سائبر جرائم نیٹ ورکس کے نشانے پر ہیں،میٹا کے مطابق بھارتی فراڈ میں مجرم فون اور ویڈیو کالز کے ذریعے قانون نافذ کرنے والے اہلکار بن کر صارفین کو ہدف بناتے ہیں

عالمی ماہرین کے مطابق مودی کی ریاستی سرپرستی اور نااہلی نے بھارت میں جرائم پیشہ گروہوں کی بھارتی عوام تک رسائی کو بے حد آسان بنا دیا ہے،بھارت میں سائبر سیکیورٹی کی ابتر صورتحال نے مودی کا شائننگ انڈیا کا کھوکھلا نعرہ زمیں بوس کر دیا

انتہا پسند مودی کی پاکستان مخالف سرپرستی اور مذموم سازشوں کا پردہ چاک ہو گیا

سابق بھارتی فوجی نے بھارت کا پاکستان کے خلاف افغانستان میں دہشتگرد تنظیموں کی پشت پناہی کا اعتراف کر لیا،بھارتی فوج کے ریٹائرڈ کرنل راجیش پاور کے مطابق فتنہ الہندوستان اور فتنہ الخوارج پاکستان میں دہشت گرد حملوں کے لیے افغانستان کی زمین استعمال کر رہے ہیں،پاکستان کے خلاف دونوں دہشتگرد تنظیموں کو مالی امداد بھارت جبکہ ہتھیار اور انٹیلیجنس اسرائیل فراہم کر رہا ہے،ان تینوں ممالک (افغانستان، بھارت، اسرائیل) کے مفادات مشترکہ اور اہم ہدف پاکستان ہے،اسرائیل کو پاکستان سے یہ مسئلہ ہے کہ پاکستان ایک ایٹمی ملک ہے اور اسرائیل کو تاحال تسلیم نہ کرنے والا واحد یہ اسلامی ملک ہے،اسرائیل پاکستان کے اسرائیل مخالف موقف سے آگاہ ہے اور وقت آنے پر پاکستان اسے بھاری نقصان پہنچا سکتا ہے

عالمی ماہرین کے مطابق ویڈیو میں بھارتی افسر کا اعتراف پاکستان کے مؤقف کی واضح توثیق ہے کہ بھارت طویل عرصے سے پراکسیز کے ذریعے پاکستان میں دہشت گردی کی سرپرستی کر رہا ہے،افغانستان کی دہشتگرد تنظیموں کی بھارتی اور اسرائیلی معاونت سے سرگرمیاں پورے خطہ کے لیے سنگین چیلنج بن چکی ہیں،یہود و ہنود گٹھ جوڑ پاکستان جیسی ایٹمی قوت کے خلاف ناپاک سازشوں سے خطہ میں عدم توازن اور مسلسل انتشار کو ہوا دے رہا ہے.