Blog

فرانسیسی اخبار Le Monde کی جانب سے پاکستانی نژاد کاروباری شخصیت طاہر محمود بھٹی سے متعلق شائع ہونے والی رپورٹ پر ان کے وکیل نے سخت ردِعمل دیتے ہوئے خبر میں موجود معلومات کو غلط قرار دے دیا .

پیرس بار سے تعلق رکھنے والے معروف وکیل پاسکل پیئر گاربارینی نے اپنے مؤکل طاہر بھٹی کی جانب سے جاری کردہ پریس ریلیز میں کہا ہے کہ 19 مئی 2026 کو شائع ہونے والے مضمون میں متعدد حقائق کو غلط انداز میں پیش کیا گیا۔ فرانسیسی اخبار نے اپنی رپورٹ میں دعویٰ کیا تھا کہ طاہر بھٹی کو ٹیکس فراڈ اور اس سے متعلق منی لانڈرنگ کے مقدمے میں پیرس کورٹ آف اپیل نے 24 ماہ قید کی معطل سزا، ڈیڑھ لاکھ یورو جرمانہ، دس سال کے لیے کاروبار چلانے پر پابندی اور تین جیگوار گاڑیوں سمیت قیمتی گھڑیوں کی ضبطی کی سزا سنائی ہے۔
تاہم طاہر بھٹی کے وکیل نے اس رپورٹ کو نامکمل اور حقائق کے برعکس قرار دیتے ہوئے کہا کہ اخبار نے مؤقف جاننے کے لیے دفاعی ٹیم سے کوئی رابطہ نہیں کیا۔ وکیل کے مطابق خبر میں یہ دعویٰ بھی غلط کیا گیا کہ تین جیگوار گاڑیاں ضبط کی گئی ہیں، جبکہ عدالتی حکم صرف ایک جیگوار گاڑی سے متعلق تھا۔پریس ریلیز میں مزید کہا گیا کہ طاہر بھٹی نے مقدمے کے آغاز سے ہی اپنے خلاف عائد تمام الزامات کو مسترد کیا ہے اور وہ قانونی طور پر اپنا دفاع جاری رکھے ہوئے ہیں۔

ایران کے سپریم لیڈر مجتبیٰ خامنہ ای نے دوٹوک اعلان کیا ہے کہ افزودہ یورینیم ملک کے اندر ہی رہے گا۔

ایران کے سپریم لیڈر آیت اللہ مجتبیٰ خامنہ ای نے یورینیم ایران سے باہر بھیجنے کا امریکی مطالبہ مسترد کر دیا،ایرانی قیادت کا کہنا ہے کہ افزودہ یورینیم ایران کے اندر ہی رہے گا اور جوہری پروگرام پر کوئی سمجھوتہ نہیں ہوگا،ایران کی اعلیٰ قیادت نے ملک کے افزودہ یورینیئم کے ذخائر کو قومی سلامتی کا بنیادی جزو قرار دیتے ہوئے واضح کیا ہے کہ یہ مواد کسی بھی صورت میں ملک سے باہر منتقل نہیں کیا جائے گا، ایران کے سپریم لیڈرنے اعلیٰ حکومتی عہدیداروں کو ہدایت جاری کی ہے کہ جوہری پروگرام سے متعلق کسی بھی مذاکرات میں افزودہ یورینیئم کی بیرونِ ملک منتقلی پر اتفاق نہ کیا جائے،ایرانی ذرائع کا کہنا ہے کہ اس ہدایت کے بعد تہران نے واشنگٹن کی اُس تجویز کے حوالے سے سخت مؤقف اختیار کر لیا ہے جس میں ایران کے افزودہ یورینیئم کو کسی تیسرے ملک کے سپرد کرنے کا مطالبہ کیا گیا تھا۔

برطانوی خبر رساں ایجنسی رائٹرز نے ایرانی حکام کے حوالے سے دعویٰ کیا ہے کہ ایرانی سپریم لیڈر کی یہ ہدایت ایرانی اسٹیبلشمنٹ کے اندر موجود اتفاقِ رائے کی عکاسی کرتی ہے۔ایرانی اعلیٰ حکام کا خیال ہے کہ اس مواد کو باہر منتقل کرنے سے ملک مستقبل میں امریکا اور اسرائیل کے حملوں کیلئے زیادہ کمزور ہوجائے گا۔رائٹرز کے مطابق ایران کا یہ اقدام امریکی صدر ڈونلڈ ٹرمپ کو برہم کرسکتا ہے۔ صدر ٹرمپ نے اسرائیل کو یقین دہانی کرائی ہے کہ ایران کی افزودہ یورینیم کسی دوسرے ملک منتقل کیا جائے گا، جنگ بندی تجاویز میں افزدوہ یورینیم کا معاملہ بھی شامل ہے۔

دوسری جانب امریکی صدر کا کہنا ہے کہ ایران سے ہر حال میں افزودہ یورینیم حاصل کریں گے، ہمیں اس کی ضرورت نہیں لیکن ایران سے لے کر تباہ کریں گے۔امریکی صدر ڈونلڈ ٹرمپ نے وائٹ ہاؤس میں میڈیا سے گفتگو کرتے ہوئے کہا کہ آبنائے ہرمز پر امریکا کا مکمل کنٹرول ہے، نہیں چاہتے کہ ایران آبنائے ہرمز پر ٹول ٹیکس لے۔صدر ٹرمپ نے دعویٰ کیا کہ ابھی تک کوئی جہاز امریکی اجازت کے بغیر آبنائے ہرمز سے نہیں گزرا۔

بھارت کی ریاست بہار میں سوشل میڈیا پر ایک ویڈیو وائرل ہونے کے بعد شدید غم و غصے کی لہر دوڑ گئی ہے، ویڈیو میں ایک شخص کو خواتین اور کم عمر بچیوں کے سامنے ٹرک پر لگی خواتین کی تصاویر والے پوسٹرز کے ساتھ انتہائی نازیبا حرکت کرتے دیکھا جا سکتا ہے۔ ویڈیو کے منظرِ عام پر آنے کے بعد خواتین کے تحفظ، معاشرتی رویوں اور جنسی ہراسانی کے بڑھتے واقعات پر نئی بحث چھڑ گئی ہے۔

سوشل میڈیا صارفین کی بڑی تعداد نے اس واقعے کو خواتین کے خلاف بڑھتی ہوئی ذہنی اور سماجی پسماندگی کی علامت قرار دیا ہے۔ صارفین کا کہنا ہے کہ اگر خواتین عوامی مقامات پر لگے پوسٹرز میں بھی محفوظ نہیں تو حقیقی زندگی میں ان کے تحفظ کی صورتحال کا اندازہ لگانا مشکل نہیں۔ کئی افراد نے اس حرکت کو “نفسیاتی بیماری” اور “خطرناک ذہنیت” قرار دیتے ہوئے مطالبہ کیا کہ ایسے افراد کے خلاف فوری قانونی کارروائی ہونی چاہیے۔ ماہرین کے مطابق جب تصاویر تک کو جنسی انداز میں استعمال کیا جائے تو یہ مستقبل میں سنگین جرائم کے خطرے کی نشاندہی بھی ہو سکتی ہے۔

سوشل میڈیا پر اس واقعے سے متعلق مختلف ردِعمل سامنے آئے ہیں، جہاں صارفین نے بھارت میں خواتین کے خلاف جرائم، ہراسانی اور جنسی تشدد کے بڑھتے ہوئے واقعات پر تشویش ظاہر کی۔ بعض افراد نے کہا کہ ایسے رویوں کو ابتدا ہی میں سخت سزا دے کر روکا نہ گیا تو یہ مزید خطرناک شکل اختیار کر سکتے ہیں،بھارت میں خواتین کے خلاف جرائم سے متعلق حالیہ برسوں میں متعدد واقعات خبروں کی زینت بنتے رہے ہیں، جن میں ہراسانی، چھیڑ چھاڑ اور جنسی تشدد کے کیسز شامل ہیں،اجتماعی زیادتی کے واقعات بھی مسلسل سامنے آتے رہتے ہیں،خواتین کی عزت بھارت میں کہیں بھی محفوظ نہیں، ہندوستان کو اسی لئے ریپستان بھی کہا جاتا ہے، سماجی کارکنوں کا کہنا ہے کہ صرف آن لائن غصے کے اظہار سے مسئلہ حل نہیں ہوگا بلکہ تعلیمی، سماجی اور قانونی سطح پر سنجیدہ اقدامات کی ضرورت ہے تاکہ خواتین اور بچیوں کے خلاف نفرت، ہراسانی اور جنسی رویوں کی روک تھام ممکن بنائی جا سکے۔

امریکی صدر ڈونلڈ ٹرمپ نے کہا ہے کہ صدارت کے بعد وہ اسرائیل جا کر وزارتِ عظمیٰ کا انتخاب بھی لڑ سکتے ہیں۔

میڈیا بریفنگ کے دوران ڈونلڈ ٹرمپ نے دعویٰ کیا کہ اسرائیل میں ان کی مقبولیت انتہائی زیادہ ہے۔ انہوں نے کہا کہ “اس وقت اسرائیل میں میری مقبولیت 99 فیصد ہے، میں تو وہاں وزیرِ اعظم کے لیے بھی الیکشن لڑ سکتا ہوں۔”ٹرمپ نے مزید کہا کہ “شاید یہ سب کرنے کے بعد میں اسرائیل چلا جاؤں اور وہاں کا وزیرِاعظم بننے کی کوشش کروں، آج صبح میرے پاس ایک پول آیا جس میں میری مقبولیت 99 فیصد تھی۔”

یہ بیان ایسے وقت سامنے آیا ہے جب ٹرمپ اور اسرائیلی وزیرِ اعظم کے درمیان ایران سے متعلق بڑھتی کشیدگی پر اہم ٹیلیفونک رابطہ ہوا ہے۔ ذرائع کے مطابق دونوں رہنماؤں نے مشرقِ وسطیٰ کی صورتحال اور ایران کے معاملے پر تبادلۂ خیال کیا۔ڈونلڈ ٹرمپ نے گفتگو کے دوران نیتن یاہو کا دفاع بھی کیا اور کہا کہ اسرائیلی عوام اپنے وزیرِ اعظم کے ساتھ مناسب رویہ اختیار نہیں کر رہے۔

اگرچہ مختلف سرویز کے مطابق اسرائیل میں ٹرمپ کو دیگر کئی ممالک کے مقابلے میں نسبتاً زیادہ عوامی حمایت حاصل ہے، تاہم 99 فیصد مقبولیت کے دعوے کو مبالغہ آرائی قرار دیا جا رہا ہے، جسے مبصرین ٹرمپ کے مخصوص اندازِ گفتگو کا حصہ سمجھتے ہیں۔

افغانستان میں طالبان رجیم اپنے ناجائز تسلط کو برقرار رکھنے کیلئےعالمی دہشتگرد تنظیموں کی سرپرستی کا خطرناک کھیل کھیل رہی ہے

چینی صدر شی جن پنگ اور روسی صدر ولادیمیر پیوٹن کے درمیان ہونے والی ملاقات کے بعد ایک مشترکہ اعلامیہ جاری کیا گیا ہے، جس میں دونوں ممالک نے افغان سرزمین سے پنپتی دہشت گردی اور انتہا پسندی پر شدید تشویش کا اظہار کرتے ہوئے اسے علاقائی اور عالمی سلامتی کے لیے بڑا خطرہ قرار دیا ہے۔ مشترکہ اعلامیہ میں اس بات پر زور دیا گیا ہے کہ افغانستان میں پائیدار امن، مستحکم سیاسی نظم اور سیکیورٹی کا فوری قیام ناگزیر ہے، جبکہ عالمی برادری افغان سرزمین کو پڑوسی ممالک کے خلاف استعمال ہونے سے روکنے کے لیے تعاون بڑھائے۔ عالمی ماہرین کے مطابق، طالبان رجیم کی جانب سے دہشت گرد گروہوں کی سرپرستی پورے خطے کے امن کے لیے مستقل خطرہ بن چکی ہے اور روس و چین کا یہ مشترکہ اعلامیہ افغان سرزمین پڑوسی ممالک کے خلاف استعمال ہونے سے متعلق پاکستان کے اصولی مؤقف کی تائید ہے۔