Baaghi TV

Blog

  • ایران نے امریکا کو 3 مراحل پر مشتمل ایک تازہ امن تجویز بھجوادی

    ایران نے امریکا کو 3 مراحل پر مشتمل ایک تازہ امن تجویز بھجوادی

    ایران نے پاکستان کے ذریعے امریکا کو 3 مراحل پر مشتمل ایک تازہ امن تجویز بھجوائی ہے جس کا مقصد مشرق وسطیٰ میں جاری کشیدگی اور 2026ء کی جنگ کو مستقل طور پر ختم کرنا ہے۔

    عرب میڈیا کے مطابق اس تین مرحلے پر مشتمل منصوبے میں اسرائیل سمیت تمام فریقین کی جانب سے ایک دوسرے پر حملہ نہ کرنے کا عہد شامل ہے تاکہ مشرق وسطیٰ میں جاری لڑائی کا مکمل خاتمہ یقینی بنایا جا سکے اس منصوبے کے پہلے مرحلے میں آبنائے ہرمز کو مرحلہ وار دوبارہ کھولنے اور ایرانی بندرگاہوں پر لگی امریکی پابندیوں کو ختم کرنے کی تجویز دی گئی ہے، جبکہ سمندری بارودی سرنگوں کو ہٹانے کی ذمہ داری تہران قبول کرے گا۔

    دوسرے مرحلے کے تحت ایران کو ایک مخصوص مدت کے بعد 3.6 فیصد تک یورینیم کی افزودگی دوبارہ شروع کرنے کی اجازت ہوگی، تاہم یہ ”زیرو اسٹوریج“ اصول کے تحت ہوگا جس کا مطلب ہے کہ افزودہ شدہ مواد کا ذخیرہ نہیں کیا جائے گااس مرحلے میں ایران نے اپنی جوہری تنصیبات کو ختم کرنے یا نقصان پہنچانے کی کسی بھی شرط کو مسترد کر دیا ہے۔

    تجویز میں یہ بھی کہا گیا ہے کہ امریکا اور اسرائیل، ایران اور اس کے اتحادیوں پر حملوں سے گریز کریں گے اور بدلے میں ایران بھی کوئی جوابی کارروائی نہیں کرے گا، جبکہ پابندیوں میں نرمی کے طور پر ایران کے منجمد فنڈز کو مرحلہ وار جاری کیا جائے گا۔

    آخری اور تیسرے مرحلے میں تہران نے اپنے عرب پڑوسیوں کے ساتھ اسٹریٹجک مذاکرات اور پورے مشرق وسطیٰ کے لیے ایک جامع علاقائی سلامتی کے نظام کی تشکیل کی تجویز دی ہے۔

    ایرانی حکام کے مطابق یہ تجاویز پاکستان کے توسط سے امریکا کو بھیجی گئی ہیں،میڈیا رپورٹس کے مطابق، امریکی صدر ڈونلڈ ٹرمپ نے ابتدائی طور پر ان تجاویز کو "ناکافی” یا "ناقابل قبول” قرار دیا ہےپاکستان اس معاملے میں "بیک ڈور ڈپلومیسی” کے ذریعے سرگرم ثالث کا کردار ادا کر رہا ہے،یہ نئی پیش رفت اپریل 2026ء میں قائم ہونے والی جنگ بندی کے بعد سامنے آئی ہے، جس میں پاکستان نے دونوں ممالک کے درمیان ثالثی میں اہم کردار ادا کیا تھا-

  • چھوٹو گینگ کے سرغنہ سمیت 3 مجرمان کی سزائے موت کے خلاف اپیلیں خارج

    چھوٹو گینگ کے سرغنہ سمیت 3 مجرمان کی سزائے موت کے خلاف اپیلیں خارج

    سپریم کورٹ نے بدنامِ زمانہ چھوٹو گینگ کے سرغنہ غلام رسول عرف چھوٹو سمیت 3 مجرمان کی سزائے موت کے خلاف اپیلیں خارج کر دی ہیں –

    جسٹس ہاشم کی سربراہی میں 3 رکنی بینچ نے کیس کی سماعت کی، سماعت کے دوران عدالت نے ریمارکس دیے کہ ذاتی دشمنی اور چھوٹو گینگ کے سنگین مقدمات کا آپس میں کوئی موازنہ نہیں کیا جا سکتا،جسٹس صلاح الدین پہنور نے ریمارکس میں کہا کہ یہ گینگ اپنے علاقے کا کنگ بنا ہوا تھا اور اس کی دہشت کی وجہ سے پولیس اسٹیشن تک بند کر دیے گئے تھے۔

    کیس کی کارروائی کے دوران ملزمان کے وکیل نے اعتراض اٹھایا کہ ایف آئی آر میں ملزمان کے اصل ناموں کے ساتھ ان کے عرف بھی لکھے گئے اور سوال کیا کہ پولیس کو کیسے علم ہوا کہ ملزمان کے عرف کیا ہیں،اس پر پنجاب کے ایڈیشنل پراسیکیوٹر جنرل نے عدالت کو بتایا کہ ملزمان کا سابقہ مجرمانہ ریکارڈ پہلے ہی پولیس کے پاس موجود تھا۔

    جسٹس صلاح الدین پہنور نے اس موقع پر یاد دہانی کرائی کہ اس گینگ نے 24 پولیس اہلکاروں کو اغوا بھی کیا تھا ایڈیشنل پراسیکیوٹر جنرل نے کہا کہ جب مقا بلے کے دوران پولیس اہلکاروں کی گولیاں ختم ہو گئیں تو انہیں اغوا کر لیا گیا تھا۔

    ملزمان کے وکیل نے دفاع میں یہ موقف اختیار کیا کہ پولیس اہلکار خود کشتی میں بیٹھ کر واپس آئے تھے اور کسی اہلکار کو ایک خراش تک نہیں آئی تھی، اس پر جسٹس صلاح الدین پہنور نے حیرت کا اظہار کرتے ہوئے پوچھا کہ کیا اغوا ہونے والے پولیس اہلکار وہاں کسی فیسٹیول میں گھومنے کے لیے گئے تھے؟

    تمام دلائل مکمل ہونے کے بعد سپریم کورٹ نے غلام رسول عرف چھوٹو اور دیگر مجرمان کی اپیلیں مسترد کرتے ہوئے ٹرائل کورٹ اور ہائی کورٹ کی جانب سے دی گئی 6،6بار سزائے موت کو برقرار رکھنے کا حکم جاری کر دیا۔

  • معرکہ حق کا دن پوری قوم کے لیے عید سے کم نہیں تھا،شرجیل میمن

    معرکہ حق کا دن پوری قوم کے لیے عید سے کم نہیں تھا،شرجیل میمن

    کراچی: معرکہ حق میں کامیابی کا ایک سال مکمل ہونے پر سندھ حکومت کے زیر اہتمام شہر قائد میں یادگاری تقریب کا انعقاد کیا گیا۔

    تقریب میں وزیراعلیٰ سندھ مراد علی شاہ، چیئرمین پیپلزپارٹی بلاول بھٹو، سینئر وزیر شرجیل انعام میمن، ارکان اسمبلی، اعلیٰ سول و عسکری حکام اور دیگر اہم شخصیات نے شرکت کی،تقریب کا آغاز تلاوتِ قرآن پاک سے ہوا جبکہ قومی ترانہ بھی بجایا گیا۔ تقریب میں معرکہ حق کی کامیابی سے متعلق دستاویزی فلم بھی پیش کی گئی۔

    سینئر وزیر شرجیل انعام میمن نے خطاب کرتے ہوئے کہا کہ معرکہ حق میں پاک فوج نے دشمن کو منہ توڑ جواب دیا، یہ دن پوری قوم کے لیے عید سے کم نہیں تھا پاکستان ایک مضبوط ملک ہے اور کوئی بھی اسے میلی آنکھ سے نہیں دیکھ سکتا،پاک فوج نے دنیا کو واضح پیغام دیا کہ پاکستان ایک طاقتور ریاست ہے۔

    شرجیل میمن نے کہا کہ شہید ذوالفقار علی بھٹو نے ملک کو ایٹمی طاقت بنایا جبکہ شہید بینظیر بھٹو نے میزائل ٹیکنالوجی کی بنیاد رکھی،بلاول بھٹو نے بھی عالمی سطح پر پاکستان کا مؤقف مؤثر انداز میں پیش کیا پوری قوم اپنی مسلح افواج کے ساتھ کھڑی ہے اور معرکہ حق کی کامیابی قوم کے لیے خوشی کا دن ہےمعرکہ حق کے بعد بلاول بھٹو زرداری نے عالمی سطح پر پاکستان کا مقدمہ بھرپور انداز میں لڑا،بلاول بھٹو زرداری نے بھارت کے دورے کے دوران کشمیر کے مسئلے کو مؤثر انداز میں اٹھایا اور عالمی برادری کو حقائق سے آگاہ کیا۔

    شرجیل میمن کے مطابق بھارت کی حکمران جماعت نے بلاول بھٹو زرداری پر سخت ردعمل دیتے ہوئے ان کے خلاف بیانات دیے اور غیر معمولی سیاسی تنقید کی،بھارتی میڈیا نے اس دوران منفی اور غلط رپورٹنگ کی جبکہ پاکستانی میڈیا نے ذمہ دارانہ اور مثبت کردار ادا کیابھارت کے بعض چینلز پر یہ تاثر دیا جاتا رہا کہ لاہور اور کراچی کو نقصان پہنچا ہے، جو سراسر غلط اور بے بنیاد تھا، پاکستانی فضائیہ نے معرکہ حق میں دشمن کو بھرپور جواب دیا اور پاکستان نے اپنی دفاعی صلاحیت کا واضح ثبوت دیا۔

    چیئرمین پاکستان پیپلزپارٹی بلاول بھٹو زرداری نے اپنے خطاب میں کہا کہ ایک سال قبل پاکستان نے بھارت کو بدترین شکست دی اور پاک فوج نے دشمن کو منہ توڑ جواب دیامعرکہ حق پاکستان کی تاریخ کا ایک سنہرا باب ہے، جس میں پوری قوم نے مثالی اتحاد، جذبے اور عزم کا مظاہرہ کیا۔

    انہوں نے کہا کہ معرکہ حق میں ہر پاکستانی نے اپنا کردار بخوبی نبھایا، جبکہ افواج پاکستان نے میدان جنگ میں دشمن کو شکست دی، پاکستان کے سفارتکاروں نے بھی سفارتی محاذ پر بھرپور کردار ادا کیا اور دنیا کو مؤثر انداز میں پاکستان کا مؤقف پیش کیا، ہم نے دنیا کو واضح پیغام دیا کہ پاکستانی قوم جھکنے والی نہیں ہےیہ کامیابی پوری قوم کی یکجہتی کا نتیجہ ہے اور دنیا کو بتا دیا گیا کہ پاکستان ایک مضبوط ملک ہے۔

  • بلدیہ عظمیٰ کراچی کو 7 اضلاع میں مویشی منڈیاں قائم کرنے کی اجازت

    بلدیہ عظمیٰ کراچی کو 7 اضلاع میں مویشی منڈیاں قائم کرنے کی اجازت

    کراچی: بلدیہ عظمیٰ کو عید الاضحیٰ کیلئے شہر کے مختلف مقامات پر مویشی منڈیاں لگانے کی اجازت دیدی گئی-

    کمشنر کراچی نے مویشی منڈیاں قائم کرنے سے متعلق نوٹیفکیشن جاری کر دیا جس کے مطابق بلدیہ عظمیٰ کراچی 7 اضلاع میں مویشی منڈیاں قائم کر سکتی ہے،نوٹیفکیشن کے مطابق اتوار بازار سیکٹر الیون ڈی نارتھ کراچی، کے ایم سی گراؤنڈ سفاری پارک، گلستان جوہر بلاک پانچ اور چھ میں مویشی منڈی قائم کی جا ئے گی،اسی طرح بکرا پیڑی لیاری اور کورنگی میں اٹک پیٹرول پمپ کے اطراف خالی پلاٹ پر مویشی منڈی قائم کرنے کی اجازت دی گئی۔

    نوٹیفکیشن میں ڈپٹی کمشنر آفس، بلدیہ عظمیٰ کراچی اور ٹاؤن میونسپل کارپوریشن کو ساتوں اضلاع میں مختلف مقامات پر مویشی منڈیاں قائم کرنے کی اجازت دی گئی ہے،بلدیہ عظمیٰ کراچی نے شہر میں 11 اضلاع پر مویشی منڈیاں قائم کرنے سے متعلق کمشنر کراچی سے اجازت طلب کی تھی،یہ اقدامات شہر میں غیر قانونی مویشی منڈیوں کے خاتمے اور شہریوں کی سہولت کے لیے کیے جا رہے ہیں-

  • بھارت سمجھ گیا تھا پاکستان سے لڑنا ممکن نہیں، وزیراعلیٰ سندھ

    بھارت سمجھ گیا تھا پاکستان سے لڑنا ممکن نہیں، وزیراعلیٰ سندھ

    کراچی میں حکومت سندھ کے زیر اہتمام معرکہ حق کی تقریب میں چیئرمین پیپلزپارٹی بلاول بھٹو زرداری، وزیراعلیٰ سندھ مراد علی شاہ سمیت دیگر صوبائی وزراء اور اہم شخصیات نے شرکت کی۔

    وزیراعلیٰ سندھ نے اپنے خطاب میں کہا کہ بھارت کو تھوڑی دیر میں پتہ چل گیا تھا پاکستان متحد ہے، بھارت سمجھ گیا تھا پاکستان سے لڑنا ممکن نہیں، معرکہ حق میں کامیابی ہماری مسلح افواج اور پوری قوم کی فتح ہے۔ان کا کہنا ہے کہ 10 جنوری 1972ء کو قائد عوام ذوالفقار بھٹو کی میٹنگ میں ایٹمی طاقت بننے کا فیصلہ ہوا، پیپلزپارٹی پاکستان کے دفاع میں کبھی پیچھے نہیں ہٹے گی۔وزیراعلیٰ سندھ نے کہا کہ چیف آف ڈیفنس فورسز سید عاصم منیر زبردست قیادت کررہے ہیں، امریکا اور ایران کے درمیان جنگ بندی کرانا بھی کسی معرکے سے کم نہیں۔

    سندھ کے سینئر وزیر شرجیل انعام میمن نے تقریب سے خطاب میں کہا کہ پاک فوج کا دشمن کو منہ توڑ جواب دینا ہمارے لیے عید کا دن تھا، ہماری افواج نے بھارت کو عبرتناک جواب دیا، پاکستان مضبوط ملک ہے، دشمن میلی نگاہ نہیں ڈال سکتا۔

  • شکیرا کا تاریخی فری کنسرٹ، دو ملین افراد کی شرکت

    شکیرا کا تاریخی فری کنسرٹ، دو ملین افراد کی شرکت

    عالمی شہرت یافتہ گلوکارہ شکیرا کا جادو چل گیا اور ریو ڈی جنیرو میں ہونے والے کانسرٹ میں لاکھوں کا مجمع گلوکارہ کی آواز کے سحر میں کھو گیا۔

    ریوڈی جنیرو کے کوپا کبانا ساحل پر چودھویں کے چاند کی روشنی کے دوران گلوکارہ شکیرا کی سحر انگیز آواز کو براہ راست سننے کے لیے 20 لاکھ کا مجمع امڈ آیا، لاطینی موسیقی کی ملکہ نے لاکھوں دلوں کو جیت لیا اور ہر کوئی جھومنے پر مجبور ہو گیا،کولمبو سے تعلق رکھنے والی گلوکارہ کے کانسرٹ کو اسی مقام پر گزشتہ برس ہونے والے لیڈی گاگا اور 2024 میں ہونے والے میڈونا کے کانسرٹس سے تشبیہ دی جا رہی ہے جس میں بڑی تعداد میں عوام نے شرکت کی تھی۔

    برازیل کے شہر ریو ڈی جنیرو کے میئر کے مطابق اس کنسرٹ میں تقریباً 20 لاکھ (دو ملین) افراد نے شرکت کی، جو حالیہ برسوں کے سب سے بڑے عوامی اجتماعات میں سے ایک شمار کیا جا رہا ہے۔یہ کنسرٹ 3 مئی 2026 کو منعقد ہوا، جہاں شکیرا نے اپنے مداحوں کے لیے یادگار پرفارمنس پیش کی۔ ساحلِ سمندر پر موجود لوگوں کا جوش و خروش دیدنی تھا، جبکہ پورا علاقہ موسیقی، روشنیوں اور جشن کے ماحول میں ڈوبا رہا۔کنسرٹ کے دوران شکیرا نے اپنے کیریئر کے مشہور گانے پیش کیے، جن میں Hips Don’t Lie، La Tortura اور La Bicicleta شامل تھے۔ ان گانوں پر لاکھوں افراد جھومتے اور گنگناتے دکھائی دیے۔اپنے خطاب میں شکیرا نے جذباتی انداز میں کہا “میں جب 18 سال کی تھی تو یہاں آئی تھی اور آپ سب کے لیے گانے کا خواب دیکھا تھا، اور آج یہ منظر دیکھیں، زندگی واقعی جادوئی ہے۔”

    یہ کنسرٹ نہ صرف شکیرا کے کیریئر کا ایک اہم سنگِ میل ثابت ہوا بلکہ ریو ڈی جنیرو کی ثقافتی سرگرمیوں میں بھی ایک بڑا اضافہ قرار دیا جا رہا ہے۔ اس سے قبل بھی عالمی شہرت یافتہ گلوکارائیں جیسے Lady Gaga اور Madonna اسی مقام پر بڑے پیمانے پر کنسرٹس کر چکی ہیں، جن میں بھی لاکھوں افراد شریک ہوئے تھے۔سکیورٹی کے سخت انتظامات کیے گئے تھے تاکہ اتنے بڑے ہجوم کو محفوظ رکھا جا سکے۔ مقامی حکام کے مطابق تقریب پُرامن رہی اور کسی بڑے ناخوشگوار واقعے کی اطلاع نہیں ملی۔ماہرین کے مطابق اس طرح کے مفت کنسرٹس نہ صرف سیاحت کو فروغ دیتے ہیں بلکہ شہر کی عالمی سطح پر تشہیر کا بھی باعث بنتے ہیں۔ شکیرا کا یہ کنسرٹ بھی برازیل کے ثقافتی منظرنامے میں ایک یادگار باب کے طور پر یاد رکھا جائے گا۔

  • جس نے ملک کو نقصان پہنچایا ہے اس کے پیچھے جانا چاہیے، محسن نقوی

    جس نے ملک کو نقصان پہنچایا ہے اس کے پیچھے جانا چاہیے، محسن نقوی

    وفاقی وزیرِ داخلہ محسن نقوی کا کہنا ہے کہ ون کانسٹیٹیوشن ایونیو کے حوالے سے مؤقف میں کوئی تبدیلی نہیں آئی،

    لاہور میں صحافیوں سے غیر رسمی گفتگو کرتے ہوئے انہوں نے کہا کہ سی ڈی اے کا خیال ہے کہ ون کانسٹیٹیوشن ایونیو غیرقانونی تھا،جس طریقے سے ون کانسٹیٹیوشن ایونیو بیچا گیا، تمام معاملے پر کمیٹی بن گئی ہے، کمیٹی کے سامنے بھی یہی موقف رکھیں گے، جیت قانون کی ہوگی،ہر ایک کے لیے قانون ہونا چاہیے، چاہے وہ امیر ہے یا غریب، یہ نہیں ہو سکتا کہ امیر کے لیے کچھ اور غریب کے لیے کچھ اور قانون ہو،میرا نہیں خیال پاکستان کی تاریخ میں اتنا بڑا فراڈ ہو گا، جس میں ججز، بیوروکریٹس، سیاستدان، بینکرز سب شامل ہیں۔ 21 سال وہ پیسے کھلاتا رہا اور یہ پیسے کھاتے رہے،میں تجویز دوں گا کہ جس نے ملک کو نقصان پہنچایا ہے اس کے پیچھے جانا چاہیے، سی ڈی اے کے مؤقف کی بھرپور حمایت کرتا ہوں اور ان کو سپورٹ کروں گا۔

    دوسری جانب خیبر پختونخوا کے عوام کا کہنا ہے کہ وہ اسلام آباد میں ون کانسٹیٹیوشن ایونیو آپریشن اور غیر قانونی تعمیرات کے خلاف حکومتی کارروائی کی مکمل حمایت کرتے ہیں۔متعلقہ نوٹیفکیشن میں واضح تھا کہ اس زمین پر صرف ہوٹل تعمیر ہونا تھا، تاہم مبینہ طور پر بعض عناصر نے اسے رہائشی سوسائٹی اور اپارٹمنٹس میں تبدیل کر دیا۔عوام کاکہنا ہے کہ عدالتوں کی جانب سے بھی اس منصوبے میں اپارٹمنٹس کی تعمیرکرنے والوں کو سخت سزا دی جاۓ اور ہوٹل کے مقصد کو برقرار رکھنے کی ہدایت دی گئی۔خیبر پختونخوا کے شہریوں نے وزیراعظم شہباز شریف سے مطالبہ کیا ہے کہ وہ مبینہ قبضہ مافیا کے خلاف سخت اور فوری کارروائی کریں۔خیبر پختونخوا کے عوام کے مطابق سرکاری زمین کو صرف عوامی مفاد اور ہوٹل منصوبے کیلئے استعمال ہونا چاہیے تھا، نہ کہ غیر قانونی رہائشی یونٹس کیلئے۔اس معاملے میں مکمل شفافیت اور قانونی عمل کی سختی سے پیروی ضروری ہے تاکہ ریاستی اثاثوں کا تحفظ یقینی بنایا جا سکے۔خیبر پختونخوا کے عوام کے مطابق اصل ضرورت یہ ہے کہ تمام فیصلے قانون، شفافیت اور عوامی مفاد کے مطابق کیے جائیں۔

  • صدرِ مملکت نے پی آئی اے کارپوریشن آرڈی نینس 2026 کی منظوری دیدی

    صدرِ مملکت نے پی آئی اے کارپوریشن آرڈی نینس 2026 کی منظوری دیدی

    صدر مملکت آصف علی زرداری نے وزیرِاعظم کی سفارش پر پی آئی اے کارپوریشن (کنورژن) (ریپیل)، آرڈیننس، 2026کی منظوری دے دی۔

    آرڈیننس پی آئی اے کے چند اثاثوں کی منتقلی کے عمل کی تکمیل کے لیے قانونی تقاضے پورے کرنے سے متعلق ہے ان میں کراچی میں پی آئی اے پلینیٹیریم، گلشنِ اقبال کی اراضی، لاہور میں پی آئی اے پلینیٹیریم، اولڈ یونیورسٹی گراؤنڈ کی اراضی شامل ہے۔

    پشاور میں حیات آباد فیز ٹو میں واقع پی آئی اے پلینیٹیریم کی اراضی ، کے ڈی اے اسکیم ون کا فٹبال گراؤنڈ،ایمپرس روڈ لاہور میں دیال سنگھ منشن کا دفتر، کشمیر روڈ کراچی پر واقع جہانگیر خان اسپورٹس کمپلیکس کی اراضی بھی شامل ہے۔

  • امریکی صدر کی کابینہ کے ہمراہ اے آئی سے تیار تصویر کے انٹرنیٹ پر چرچے

    امریکی صدر کی کابینہ کے ہمراہ اے آئی سے تیار تصویر کے انٹرنیٹ پر چرچے

    امریکی صدر ڈونلڈ ٹرمپ نے سوشل میڈیا پر مصنوعی ذہانت (اے آئی) کی مدد سے تیار کردہ کئی تصاویر شیئر کیں، جن میں سے ایک تصویر انٹرنیٹ پر تیزی سے وائرل ہو رہی ہے جس میں 79 سالہ صدر ٹرمپ اپنے کابینہ کے اعلیٰ حکام کے ساتھ واشنگٹن ڈی سی کے تاریخی لنکن میموریل ریفلیکٹنگ پول میں بغیر شرٹ کے آرام کرتے ہوئے نظر آ رہے ہیں۔

    یہ تصویر ان کے سوشل میڈیا پلیٹ فارم ٹروتھ سوشل پر 2 دن قبل مقامی وقت کے مطابق 11 بج کر 3 منٹ پر بغیر کسی کیپشن کے پوسٹ کی گئی، وائرل ہونے والی اس مصنوعی تصویر میں صدر ٹرمپ کو سنہری رنگ کے ہوا سے بھرے صوفے پر لیٹے، مسکراتے اور انگوٹھے کا اشارہ کرتے ہوئے دکھایا گیا ہے،ٹرمپ کے ساتھ نائب صدر جے ڈی وینس، وزیر خارجہ مارکو روبیو اور وزیر داخلہ ڈوگ برگم بھی تالاب میں موجود ہیں، تصویر کے دائیں جانب ایک نامعلوم خاتون بھی نظر آ رہی ہیں-

    یہ پوسٹ صدر ٹرمپ کی 42 منٹ تک جاری رہنے والی تصاویر کی سیریز کا حصہ تھی، اس دوران انہوں نے رات 11:03 سے 11:45 کے درمیان کل 11 اے آئی تصاویر شیئر کیں، جن میں ایک تصویر ماؤنٹ رشمور پر ان کے چہرے کی بھی تھی،یہ تصویر دیکھنے میں عجیب لگ سکتی ہے، لیکن اس کا پس منظر اہم ہے، لنکن میموریل ریفلیکٹنگ پول اس وقت صدر ٹرمپ کے حکم پر 1.5 ملین ڈالر کی تزئین و آرائش کے عمل سے گزر رہا ہے، جس کی نگرانی وزیر داخلہ ڈوگ برگم کر رہے ہیں۔

    اس منصوبے کا مقصد تالاب کی گرینائٹ فاؤنڈیشن میں رساؤ کو ٹھیک کرنا اور 4 جولائی کو امریکا کی 250 ویں سالگرہ سے پہلے اسے امریکی پرچم جیسے نیلے رنگ کی نئی کوٹنگ دینا ہے۔

    صدر ٹرمپ نے ٹروتھ سوشل پر لکھا کہ وزیر داخلہ ڈوگ برگم اور میں لنکن میموریل اور واشنگٹن مونیومنٹ کے درمیان واقع اس انتہائی گندے ریفلیکٹنگ پول کو ٹھیک کرنے پر کام کر رہے ہیں، انہوں نے تالاب کی موجودہ خراب حالت کا ذمہ دار پچھلی انتظامیہ کو ٹھہرایا ہے۔

  • نائب وزیراعظم اسحاق ڈار کا ایرانی وزیر خارجہ سے ٹیلیفونک رابطہ

    نائب وزیراعظم اسحاق ڈار کا ایرانی وزیر خارجہ سے ٹیلیفونک رابطہ

    نائب وزیراعظم و وزیر خارجہ اسحاق ڈار سے ایرانی وزیر خارجہ عباس عراقچی کا رات گئے ٹیلیفونک رابطہ ہوا، جس میں خطے کی صورتحال، امن کیلئے پاکستان کی سفارتی کوششوں پر تفصیلی گفتگو ہوئی۔

    ترجمان دفتر خارجہ کے مطابق ایرانی وزیر خارجہ عباس عراقچی نے پاکستان کے تعمیری کردار اور مخلصانہ ثالثی کی کوششوں کی تعریف کی، نائب وزیراعظم اسحاق ڈار نے مکالمے اور سفارتکاری کے فروغ کے عزم کا اعادہ کیا۔وزیر خارجہ اسحاق ڈار نے خطے اور دنیا میں دیرپا امن کیلئے سفارتی عمل جاری رکھنے پر زور دیا۔ ان کا کہنا تھا کہ مسائل کے حل کیلئے بات چیت اور سفارتکاری واحد قابل عمل راستہ ہے۔

    قبل ازیں امریکا نے ضبط شدہ ایرانی کنٹینر جہاز ایم وی توسکا کے 22 ارکان پاکستان منتقل کردیے۔ترجمان دفتر خارجہ کا کہنا ہے کہ ایرانی جہاز کے 22 افراد گزشتہ رات پاکستان پہنچے، آج انہیں ایرانی حکام کے حوالے کیا جائے گا، ایرانی جہاز کو مرمت کے بعد پاکستانی سمندری حدود سے واپس بھیجا جائے گا۔ترجمان دفتر خارجہ نے اس پیشرفت کو اعتماد سازی کی مثبت مثال قرار دیا اور کہا کہ عملے اور جہاز کی واپسی ایران اور امریکا کے تعاون سے ممکن ہوئی، خطے میں امن کیلئے مکالمے اور سفارتکاری کو فروغ دیتے رہیں گے۔