Baaghi TV

Blog

  • اجے دیوگن کی فلم چوہان کا ٹیزر جاری ہونے کے بعد شدید تنازع کھڑا ہوگیا

    اجے دیوگن کی فلم چوہان کا ٹیزر جاری ہونے کے بعد شدید تنازع کھڑا ہوگیا

    بالی ووڈ اداکار اجے دیوگن کی آنے والی فلم چوہان کا ٹیزر جاری ہونے کے بعد شدید تنازع کھڑا ہوگیا ہے۔

    ٹیزر میں ایک نوجوان کو احتجاج کے دوران آنکھوں میں پیلٹ لگتے ہوئے دکھایا گیا ہے، جبکہ پس منظر میں اجے دیوگن کی آواز سنائی دیتی ہے، جس میں ان چوٹوں کو محدود نقصان (Limited Damage) قرار دیا جاتا ہے،یہ مکالمہ سامنے آتے ہی سوشل میڈیا پر شدید ردعمل دیکھنے میں آیا۔

    سوشل میڈیا صارفین انسانی حقوق کے حامیوں اور کشمیر کی بعض سیاسی جماعتوں نے ٹیزر کو مقبوضہ کشمیر میں پیلٹ گن متاثرین کے زخموں کو معمولی ظاہر کرنے پر سخت تنقید کا نشانہ بنایا ہے،ناقدین کا کہنا ہے کہ پیلٹ گن سے متاثر ہونے والے ہزاروں کشمیریوں کی تکالیف اور مستقل معذوری کو اس انداز میں پیش کرنا ناصرف حقائق کے منافی بلکہ متاثرین کی توہین کے مترادف ہے۔

    سوشل میڈیا پر کئی صارفین نے فلم کے بائیکاٹ کا مطالبہ بھی کیا ایک صارف نے لکھا پیلٹ گن کو محدود نقصان کہنا ان ہزاروں نوجوانوں کی تکلیف کا مذاق اڑانے کے مترادف ہے جنہوں نے اپنی بینائی کھو دی کئی صارفین نے کہا کہ پیلٹ گن کے اثرات کو معمولی قرار دینا حقیقت کے برعکس ہےبعض صارفین نے فلم کو پروپیگنڈا فلم قرار دیتے ہوئے اس کے مقصد اور وقت پر بھی سوالات اٹھائے-

    رپورٹس کے مطابق 2010ء سے 2016ء کے درمیان مقبوضہ کشمیر میں 10 ہزار سے زائد افراد پیلٹ گن سے زخمی ہوئے، جبکہ صرف جولائی سے اکتوبر 2016 کے دوران ہونے والے احتجاج میں تقریباً 6 ہزار افراد متاثر ہوئے۔ ان میں سے 782 افراد کی آنکھوں پر پیلٹ لگے اور متعدد افراد ایک یا دونوں آنکھوں کی بینائی سے محروم ہوگئے۔

  • فیصل آباد، مدرسے کے 15 سالہ طالب علم کا اندھا قتل، استاد سمیت 3 ملزمان گرفتار

    فیصل آباد، مدرسے کے 15 سالہ طالب علم کا اندھا قتل، استاد سمیت 3 ملزمان گرفتار

    ​فیصل آباد ، تھانہ بٹالہ کالونی کے علاقے بوٹا چوک میں مدرسہ کے 15 سالہ طالب علم شعیب کے اندھے قتل کا معمہ حل ہو گیا۔ پولیس نے کارروائی کرتے ہوئے مدرسے کے استاد رفاقت اور دو طالب علموں ریحان اور عرفان کو گرفتار کر لیا ہے۔

    ​تفصیلات کے مطابق مقتول شعیب دو روز قبل لاپتہ ہوا تھا، جس کی نعش بورے میں بند کر کے سائیکل پر لے جانے کی سی سی ٹی وی فوٹیج بھی موصول ہوئی تھی۔ سی پی او تنویر حسین کے نوٹس پر قائم خصوصی ٹیم نے ٹیکنیکل وسائل کی مدد سے ملزمان کو ٹریس کیا۔​دورانِ تفتیش انکشاف ہوا کہ استاد رفاقت علی بچوں سے بدفعلی میں ملوث تھا اور اسے ڈر تھا کہ ذہین طالب علم شعیب اس کا پول نہ کھول دے۔ رفاقت نے شعیب سے حسد رکھنے والے دیگر دو طالب علموں کو اکسایا، جنہوں نے شعیب کو گلا دبا کر قتل کیا اور نعش نالے میں پھینک دی۔ سی پی او فیصل آباد کا کہنا ہے کہ مقدمے کا چالان مکمل کر کے سفاک ملزمان کو قرار واقعی سزا دلوائی جائے گی۔

  • پاکستان کی ترقی اور خوشحالی میں نوجوانوں کا کردار فیصلہ کن ہوگا۔رانا مشہود احمد

    پاکستان کی ترقی اور خوشحالی میں نوجوانوں کا کردار فیصلہ کن ہوگا۔رانا مشہود احمد

    اسلام آباد: چیئرمین وزیراعظم یوتھ پروگرام رانا مشہود احمد نے کہا ہے کہ حکومت نوجوانوں کو بااختیار بنانے، فنی تربیت فراہم کرنے اور انہیں عالمی روزگار کے مواقع سے جوڑنے کے لیے جامع اقدامات کر رہی ہے، جبکہ مالی سال کے بجٹ میں نوجوانوں سے متعلق منصوبوں کے لیے خصوصی فنڈز مختص کیے گئے ہیں۔

    اسلام آباد میں نیوز کانفرنس سے خطاب کرتے ہوئے رانا مشہود احمد نے کہا کہ پاکستانی میڈیا دنیا بھر میں ملک کی مثبت تصویر اجاگر کرنے میں اہم کردار ادا کر رہا ہے۔ انہوں نے کہا کہ حکومت نوجوانوں کی صلاحیتوں کو نکھارنے کے لیے مختلف پروگرامز پر عمل پیرا ہے اور انہیں جدید تقاضوں کے مطابق تربیت فراہم کی جا رہی ہے۔انہوں نے کہا کہ نوجوانوں کی فنی تربیت کے لیے نیوٹیک کو تاریخی فنڈز فراہم کیے گئے ہیں، جبکہ رواں سال آئی ٹی، سافٹ اسکلز اور ایتھیکل ٹریننگ کے ذریعے لاکھوں نوجوانوں کو جدید مہارتوں سے آراستہ کیا جائے گا۔ ان کا کہنا تھا کہ حکومت سعودی عرب، خلیجی ممالک، جاپان، جنوبی کوریا، یورپ، کینیڈا اور امریکہ میں پاکستانی نوجوانوں کے لیے روزگار کے نئے مواقع پیدا کرنے پر بھی کام کر رہی ہے۔

    رانا مشہود احمد نے بتایا کہ رواں سال 17 سے 18 لاکھ نوجوانوں کو تربیت دے کر بیرون ملک روزگار کے لیے بھیجنے کا ہدف مقرر کیا گیا ہے۔ انہوں نے کہا کہ وزیراعظم یوتھ پروگرام کے تمام منصوبوں کے لیے بجٹ میں خصوصی فنڈز مختص کیے گئے ہیں تاکہ نوجوانوں کو تعلیم، ہنر اور کاروبار کے شعبوں میں زیادہ سے زیادہ سہولتیں فراہم کی جا سکیں۔انہوں نے یوتھ بزنس اینڈ ایگریکلچر لون اسکیم کا ذکر کرتے ہوئے کہا کہ گزشتہ مرحلے میں 280 ارب روپے کے قرضے فراہم کیے گئے، جبکہ کامن ویلتھ کی ایک اسٹڈی کے مطابق اس اسکیم سے 9 لاکھ سے زائد ملازمتیں پیدا ہوئیں۔ ان کا کہنا تھا کہ رواں مالی سال اس اسکیم کے لیے 265 ارب روپے مختص کیے گئے ہیں، جس سے 12 لاکھ نئی ملازمتیں پیدا ہونے کی توقع ہے۔ انہوں نے کہا کہ یہ اسکیم اسٹارٹ اپس اور ایس ایم ایز کے فروغ میں بھی اہم کردار ادا کرے گی، جبکہ یوتھ ایمپلائمنٹ پالیسی کے تحت خواتین کی لیبر فورس میں شمولیت بڑھانے پر خصوصی توجہ دی جا رہی ہے۔

    چیئرمین وزیراعظم یوتھ پروگرام نے کہا کہ حکومت نے پاکستان کی تاریخ کا متوازن بجٹ پیش کیا ہے، جس میں صنعت، ایس ایم ایز، کاٹیج انڈسٹری سمیت تمام شعبوں کا خیال رکھا گیا ہے۔ انہوں نے کہا کہ 2027 پاکستان کی ترقی اور خوشحالی کا سال ثابت ہوگا۔علاقائی صورتحال پر بات کرتے ہوئے رانا مشہود احمد نے کہا کہ پاکستان نے سندھ طاس معاہدے کے معاملے پر جرات مندانہ مؤقف اپنایا ہے اور بھارت کی آبی جارحیت کا بھرپور جواب دیا جائے گا۔ ان کا کہنا تھا کہ آج کا پاکستان اپنے قومی حقوق کے دفاع کے لیے بھرپور انداز میں کھڑا ہے۔انہوں نے مزید کہا کہ مشرق وسطیٰ میں بحران کے دوران حکومت نے عوام کو ریلیف دینے کے لیے پٹرولیم مصنوعات پر سبسڈی فراہم کی، جبکہ حکومت کی تمام پالیسیوں کا مقصد معاشی استحکام، روزگار کے مواقع میں اضافہ اور نوجوانوں کو قومی ترقی کا فعال حصہ بنانا ہے۔ انہوں نے اس عزم کا اظہار کیا کہ پاکستان کی ترقی اور خوشحالی میں نوجوانوں کا کردار فیصلہ کن ہوگا۔

  • جگن کاظم سیاحتی مقامات پر گندگی پھیلانے والوں پر برس پڑیں

    جگن کاظم سیاحتی مقامات پر گندگی پھیلانے والوں پر برس پڑیں

    جگن کاظم سیاحتی مقامات پر گندگی پھیلانے والوں پر برس پڑیں-

    جگن کاظم اپنے اہلِ خانہ کے ہمراہ نتھیا گلی کی سیر پر ہیں سفر کے دوران انہوں نے ایک ویڈیو شیئر کی، جس میں جگن کاظم نے کہا کہ یہ کیا ہو رہا ہے؟ لوگ ہر جگہ کچرا پھیلا رہے ہیں میں جب سے نتھیا گلی آئی ہوں، ہر طرف گندگی ہی نظر آ رہی ہے آپ خود بھی یہ صورتحال دیکھ سکتے ہیں آخر لوگ اپنے ساتھ ایک تھیلا کیوں نہیں رکھتے تاکہ اپنا کچرا اس میں جمع کریں اور مناسب جگہ پر جا کر تلف کریں؟-

    انہوں نے کہا کہ مجھے معلوم ہے کہ میں عام طور پر اس انداز میں بات نہیں کرتی لیکن یہ واقعی ناقابلِ برداشت ہے پھر ہم اپنے ہی ملک کو برا بھلا کہتے ہیں آخر ہم اپنے شہروں اور سیاحتی مقامات کو صاف کیوں نہیں رکھ سکتے؟ ہم ہمیشہ نظام، موسم اور قدرتی حالات پر تنقید کرتے ہیں لیکن اپنی ذمہ داری ادا کرنے کے لیے تیار نہیں ہوتے،ماحولیاتی تبدیلیو ں کی ایک بڑی وجہ بھی یہی ہے کہ ہم ماحول اور اللہ تعالیٰ کی عطا کردہ ان خوبصورت نعمتوں کی حفاظت نہیں کر رہے۔

    سوشل میڈیا پر متعدد صارفین نے ماحول کے تحفظ سے متعلق عوامی شعور اجاگر کرنے پر جگن کاظم کی تعریف کی جبکہ بعض صارفین کا کہنا تھا کہ حکومت کو بھی دیگر ممالک کی طرح عوامی مقامات پر مناسب تعداد میں ڈسٹ بنز نصب کرنے چاہئیں تاکہ صفائی برقرار رکھنے میں شہریوں کو سہولت میسر آ سکے۔

  • الیکشن کمیشن نے چار سیاسی جماعتوں کے انٹرا پارٹی انتخابات تسلیم کرلئے

    الیکشن کمیشن نے چار سیاسی جماعتوں کے انٹرا پارٹی انتخابات تسلیم کرلئے

    الیکشن کمیشن نے چار سیاسی جماعتوں کے انٹرا پارٹی انتخابات تسلیم کرلئے

    الیکشن کمیشن کی جانب سے جاری اعلامیہ کے مطابق عام آدمی تحریک پاکستان،پاکستانی عوامی انقلابی لیگ کے انٹرا پارٹی الیکشنز تسلیم کرلئے گئے،اللہ اکبر تحریک،کسان اتحاد عوامی پارٹی کے انٹرا پارٹی الیکشنز تسلیم کرلئے،الیکشن کمیشن نے چاروں سیاسی جماعتوں کے انٹرا پارٹی الیکشنز کے نوٹیفکیشنز جاری کردئیے،الیکشن کمیشن میں درج سیاسی جماعتوں کی تعداد 167 ہوگئی،انٹرا پارٹی انتخابات کیوجہ سے 3 سیاسی جماعتیں بغیر سربراہ اور سٹرکچر کے لسٹ میں موجودہیں،پی ٹی آئی، ٹی ایل پی اور پاکستان ریفارم پارٹی بغیر سٹرکچر کے فہرست میں موجود ہے

  • عماد وسیم اور ثانیہ اشفاق کی مبینہ آڈیو لیک ہوگئی

    عماد وسیم اور ثانیہ اشفاق کی مبینہ آڈیو لیک ہوگئی

    عماد وسیم اور ثانیہ اشفاق کی مبینہ لیک آڈیو نے سوشل میڈیا پر ہلچل مچادی ہے،آڈیو عماد وسیم کی نائلہ راجا سے شادی کرنے سے پہلے کی ہے-

    اس وائرل آڈیو میں مبینہ طور پر ثانیہ اشفاق اپنے بچوں کی خاطر عماد وسیم سے رشتہ بچانے کی درخواست کرتی سنائی دیتی ہیں، اس کے علاوہ کم سن بچوں کے رونے کی آوازیں بھی سنی جاسکتی ہیں، آڈیو میں مبینہ طور پر عماد وسیم اور ثانیہ اشفاق بچوں کی کسٹڈی کے حوالے سے گفتگو کرتے سنائی دے رہے ہیں جبکہ ثانیہ یہ کہتی سنائی بھی دے رہی ہیں کہ میں لندن سے اپنا رشتہ بچانے آئی ہوں، میں اکیلی 3 بچوں کی کفالت کیسے کروں گی۔

    اس آڈیو کے منظرِ عام پر آنے کے بعد متعدد سوشل میڈیا صارفین ثانیہ اشفاق سے اظہارِ ہمدردی کر رہے ہیں ،اداکارہ ہیرا سومرو نے لکھا کہ آخر اکثر مرد ایسا کیوں کرتے ہیں؟ جبکہ اداکارہ آرمینہ خان نے تبصرہ کرتے ہوئے کہا کہ ایسے مردوں کو کبھی کسی عورت کا ساتھ نصیب نہ ہو، ایک اور صارف نے لکھا کہ یہ آڈیو سن کر میرا دل ٹوٹ گیا اور میری آنکھوں میں آنسو آ گئے۔

    دوسری جانب تاہم اس مبینہ آڈیو کی دونوں شخصیات نے اب تک تصدیق نہیں کی ہے،ریکارڈنگ مبینہ طور پر عماد وسیم کی ا نائلہ راجہ کے ساتھ شادی سے پہلے ثانیہ کی طرف سے مفاہمت کی آخری کوشش لگتی ہے، ایسا لگتا ہے کہ اس میں خاندان کے افراد اور پولیس افسران کی گفتگو بھی شامل ہے۔

  • لاہور، تنخواہ نہ ملنے پر ستھرا پنجاب کے ورکرز کا احتجاج،ٹریفک جام

    لاہور، تنخواہ نہ ملنے پر ستھرا پنجاب کے ورکرز کا احتجاج،ٹریفک جام

    لاہور: ستھرا پنجاب ورکرز کی جانب سے شہر کے مختلف مقامات پر جاری احتجاج کے باعث متعدد اہم شاہراہوں پر ٹریفک کی روانی متاثر ہو گئی، جبکہ بعض مقامات پر ٹریفک کو عارضی طور پر بند بھی کرنا پڑا۔

    ستھرا پنجاب ورکرز نے تنخواہوں کی عدم ادائیگی پر فیروز پور روڈ پر احتجاج کیا،دو ماہ سے تنخواہیں نہ ملنے پر ستھرا پنجاب ملازمین سڑکوں پر، ورکرز نے بقایا تنخواہیں فوری ادا کرنے کا مطالبہ کیا، احتجاج کی وجہ سے ٹریفک جام ہو گئی،ستھرا پنجاب کے ورکرز کا کہنا ہے کہ عید کے دنوں میں 24 ،24 گھنٹے کام کرنے کے باوجود وزیر اعلی پنجاب کی جانب سے وعدہ کیا گیا بونس ستھرا پنجاب کے ورکرز کو نہ مل سکا سونے پہ سہاگہ تنخواہوں میں بھی کٹ لگا کر غریبوں کا چولہا بجھانے کی بھرپور کوشش کی جا رہی ہے

    سٹی ٹریفک پولیس کے مطابق فیروزپور روڈ پر ارفع کریم ٹاور کے سامنے کلمہ چوک کی جانب احتجاج کے باعث ٹریفک عارضی طور پر معطل ہے۔ اس سے قبل جی ٹی روڈ پر قائداعظم انٹرچینج اور شوق چوک کے قریب بھی مظاہروں کی وجہ سے ٹریفک کی روانی متاثر رہی۔سی ٹی او لاہور سید عبدالرحیم شرازی کی ہدایت پر ڈی ایس پیز اور ٹریفک افسران مختلف مقامات پر موجود ہیں، جہاں مظاہرین سے مذاکرات جاری ہیں۔ ٹریفک پولیس کا کہنا ہے کہ شاہراہوں کو جلد از جلد کھلوانے اور ٹریفک کی معمول کی روانی بحال کرنے کے لیے تمام ضروری اقدامات کیے جا رہے ہیں۔لاہور ٹریفک پولیس نے شہریوں سے اپیل کی ہے کہ غیر ضروری طور پر متاثرہ شاہراہوں کا رخ کرنے سے گریز کریں، سفر سے قبل ٹریفک کی تازہ صورتحال سے آگاہی حاصل کریں اور ممکنہ طور پر متبادل راستے اختیار کریں۔

    ترجمان ٹریفک پولیس کے مطابق شہر بھر میں ٹریفک کی صورتحال کی مسلسل نگرانی کی جا رہی ہے اور جیسے ہی احتجاج ختم ہوگا، متاثرہ سڑکوں پر ٹریفک کی روانی فوری طور پر بحال کر دی جائے گی۔

  • ناران میں ویڈیو بنانے کی کوشش ، گاڑی دریائے کنہار میں بہہ گئی

    ناران میں ویڈیو بنانے کی کوشش ، گاڑی دریائے کنہار میں بہہ گئی

    ناران: مانسہرہ کے سیاحتی علاقے ناران میں ویڈیو بنانے کی کوشش، چار دوستوں کی گاڑی دریائے کنہار کے تیز بہاؤ میں بہہ گئی۔

    پولیس کے مطابق چار نوجوان اپنی گاڑی کو دریائے کنہار سے گزار کر ویڈیو بنا رہے تھے کہ اچانک پانی کے شدید بہاؤ کے باعث گاڑی بے قابو ہو کر دریا میں بہہ گئی۔واقعے کی اطلاع ملتے ہی ریسکیو ٹیمیں فوری طور پر موقع پر پہنچ گئیں اور بروقت کارروائی کرتے ہوئے چاروں نوجوانوں کو بحفاظت دریا سے نکال لیا۔ڈی ایس پی صداقت خان کے مطابق خوش قسمتی سے حادثے میں کوئی جانی نقصان نہیں ہوا، تاہم دریا میں بہہ جانے والی گاڑی کو نکالنے کے لیے امدادی کارروائیاں جاری ہیں۔پولیس اور ضلعی انتظامیہ نے سیاحوں کو ہدایت کی ہے کہ دریاؤں، ندی نالوں اور دیگر خطرناک مقامات پر ویڈیوز یا تصاویر بنانے کی غرض سے اپنی جان کو خطرے میں نہ ڈالیں اور حفاظتی ہدایات پر سختی سے عمل کریں۔

  • برطانیہ میں 45 ہزار غیر قانونی تارکین وطن کو ملک بدر کرنے کا اعلان

    برطانیہ میں 45 ہزار غیر قانونی تارکین وطن کو ملک بدر کرنے کا اعلان

    لندن: برطانوی حکومت نے غیر قانونی امیگریشن کے خلاف اپنی پالیسی مزید سخت کرتے ہوئے آئندہ 10 برسوں کے دوران 45 ہزار مزید غیر قانونی تارکین وطن اور غیر ملکی مجرموں کو برطانیہ سے ملک بدر یا بے دخل کرنے کا بڑا منصوبہ سامنے رکھ دیا ہے۔

    حکومتی اعلامیے کے مطابق ملک بدری کے عمل کو تیز، مؤثر اور منظم بنانے کے لیے امیگریشن ریموول سینٹرز (حراستی مراکز) کی گنجائش میں نمایاں اضافہ کیا جائے گااس مقصد کے لیے مختلف حراستی مراکز میں ایک ہزار نئے بستروں کا اضافہ کیا جا رہا ہے تاکہ ملک بدری کے منتظر افراد کو زیادہ مؤثر انداز میں حراست میں رکھا جا سکے اور انہیں طویل عرصے تک کمیونٹی میں آزاد رہنے کا موقع نہ ملے۔

    برطانوی حکام کے مطابق اس منصوبے سے خاص طور پر غیر ملکی مجرموں، غیر قانونی طور پر کام کرنے والے افراد اور چھوٹی کشتیوں کے ذریعے برطانیہ پہنچنے والے غیر قانونی تارکین وطن کے خلاف کارروائیاں مزید تیز کی جائیں گی ایسے افراد کو جلد حراست میں لے کران کی ملک بدری کے عمل کو ممکنہ حد تک مختصر وقت میں مکمل کیا جائے گا، یہ اقدامات ا میگریشن نظام کو زیادہ مؤثر، شفاف اور سخت بنانے کے لیے کیے جا رہے ہیں، اس کے ساتھ ساتھ سرحدی سلامتی کو مضبوط کرنا، انسانی اسمگلنگ کے نیٹ ورکس کی حوصلہ شکنی کرنا اور عوام کے تحفظ کو یقینی بنانا بھی حکومتی ترجیحات میں شامل ہے۔

    برطانوی حکام نے واضح کیا کہ غیر قانونی امیگریشن کی روک تھام کے لیے مستقبل میں بھی مزید سخت اقدامات کیے جائیں گے اور ملک بدری کے نظام کو جدید تقاضوں سے ہم آہنگ بنایا جائے گا تاکہ امیگریشن قوانین پر مؤثر عمل درآمد یقینی بنایا جا سکے نئی حکمت عملی کا مقصد برطانیہ میں صرف قانونی اور ضابطے کے مطابق امیگریشن کو فروغ دینا اور غیر قانونی قیام کے امکانات کو کم سے کم کرنا ہے۔

  • پنجاب ،غیر قانونی مقیم غیر ملکیوں کی بے دخلی کا عمل جاری، 35 ہزار 719 افراد ڈی پورٹ

    پنجاب ،غیر قانونی مقیم غیر ملکیوں کی بے دخلی کا عمل جاری، 35 ہزار 719 افراد ڈی پورٹ

    لاہور: پنجاب بھر میں غیر قانونی طور پر مقیم غیر ملکی باشندوں کے انخلاء کا عمل بدستور جاری ہے۔ ترجمان پنجاب پولیس کے مطابق اب تک 35 ہزار 719 افغانیوں سمیت مختلف غیر قانونی غیر ملکی باشندوں کو ڈی پورٹ کیا جا چکا ہے، جبکہ 72 غیر قانونی مقیم افراد اس وقت ہولڈنگ پوائنٹس پر موجود ہیں۔

    ترجمان کے مطابق ڈی پورٹ کیے جانے والوں میں 14 ہزار سے زائد مرد، 7 ہزار 138 خواتین اور 14 ہزار 529 بچے شامل ہیں۔ بے دخل کیے گئے افراد میں رہائشی ثبوت رکھنے والے 11 ہزار 47 غیر ملکی، افغان سٹیزن کارڈ رکھنے والے 11 ہزار 135 افراد اور 13 ہزار 537 غیر قانونی طور پر مقیم غیر ملکی بھی شامل ہیں۔انسپکٹر جنرل پنجاب پولیس عبدالکریم نے صوبے بھر میں سکیورٹی ہائی الرٹ رکھنے کی ہدایت کرتے ہوئے کہا ہے کہ تمام غیر قانونی طور پر مقیم افراد کے انخلاء کو ہر صورت یقینی بنایا جائے۔ انہوں نے کہا کہ پنجاب پولیس عالمی قوانین اور حکومتی پالیسی کے مطابق غیر قانونی مقیم غیر ملکی باشندوں کے انخلاء کے عمل پر عملدرآمد کر رہی ہے۔