پاکستان کی جانب سے یکم جولائی کو چار ممالک کیلئے تہنیتی پیغامات جاری

یکم جولائی کو دنیا کے 4 ممالک کینیڈا، روانڈا، برونڈی اور صومالیہ اپنے قومی دن یا یومِ آزادی منا رہے ہیں اس موقع پر پاکستان نے چاروں ممالک کی حکومتوں اور عوام کو مبارک باد پیش کی ہے-

یکم جولائی کو کینیڈا نے اپنا قومی دن (کینیڈا ڈے)، جبکہ روانڈا، برونڈی اور صومالیہ نے اپنا یومِ آزادی منایا اس موقع پر پاکستان کی وزارتِ خارجہ نے چاروں ممالک کی حکومتوں اور عوام کے نام الگ الگ تہنیتی پیغامات جاری کیے،وزارتِ خارجہ نے کینیڈا کو ’کینیڈا ڈے‘ کی مبارک باد پیش کرتے ہوئے نیک خواہشات کا اظہار کیا، جبکہ روانڈا، برونڈی اور صومالیہ کو ان کے یومِ آزادی پر دلی مبارک باد دی اپنے پیغامات میں پاکستان نے چاروں ممالک کی ترقی، خوشحالی اور عوام کی کامیابی کے لیے نیک تمناؤں کا اظہار کیا اور دوطرفہ تعلقات کو مزید مضبوط بنانے کے عزم کا اعادہ بھی کیا۔

کینیڈا (Canada): یکم جولائی 1867ء کو برطانوی شمالی امریکہ ایکٹ کے تحت کینیڈا نے برطانیہ سے خودمختاری حاصل کی تھی، جسے ہر سال Canada Day کے طور پر منایا جاتا ہے-

روانڈا (Rwanda): روانڈا نے یکم جولائی 1962ء کو بیلجیم سے آزادی حاصل کی تھی اور اس دن کو اس کے قومی دن کے طور پر منایا جاتا ہے-

برونڈی (Burundi): برونڈی نے بھی روانڈا کے ساتھ ہی یکم جولائی 1962ء کو بیلجیم سے مکمل آزادی حاصل کی تھی اور تب سے یہ دن Burundi Independence Day کے طور پر منایا جاتا ہے-

صومالیہ (Somalia): یکم جولائی 1960ء کو برطانوی صومالی لینڈ اور اطالوی صومالی لینڈ متحد ہو کر صومالی جمہوریہ (Republic of Somalia) بنے تھے، جسے Somalia – Independence Day کے طور پر یاد رکھا جاتا ہے-