Category: بلوچستان

ڈیرہ مراد جمالی(آغا نیاز مگسی) :صوبائی وزیر ایریگیشن میر صادق عمرانی نےانکشاف کیا ہے کہ پٹ فیڈر کینال میں تعینات 1200 ملازمین مسلسل غیر حاضر، ماہانہ 3 کروڑ 62 لاکھ روپے گھر بیٹھے وصول کر رہے ہیں، کروڑ پتی افراد کو بیلدار کی معمولی پوسٹ پر بھرتی کیا گیا ہے

باغی ٹی وی : صوبائی وزیر ایریگیشن میر محمد صادق عمرانی نے کہا ہے کہ پٹ فیڈر کینال میں تعینات 2100 ملازمین ڈیوٹی نہیں دے رہے ہیں مگر گھر بیٹھے تنخواہ وصول کر رہے ہیں جو کہ مجموعی طور پر ماہانہ 3 کروڑ 62 لاکھ روپے تنخواہ قومی خزانے سے مفت میں وصول کر رہے ہیں اس بات کا انکشاف انہوں نے اپنی رہائش گاہ پر میڈیا اور ٹریڈ یونین کے نمائندوں سے گفتگو کرتے ہوئے کیا –

میر صادق عمرانی نے کہا کہ ان میں کروڑ پتی افراد بھی شامل ہیں جن کو سابقہ حکومت میں بیلدار کی معمولی ملازمت پر بھرتی کیا گیا وہ ڈیوٹی کرنے کی بجائے ویگو اور ٹوڈی گاڑیوں پر سیر و تفریح کر رہے ہیں انہوں نے کہا کہ غیر حاضر ملازمین کو قانونی طریقے سے ملازمت سے فارغ کیا جائے گا-

کوئٹہ: امیر جماعت اسلامی حافظ نعیم الرحمان کا کہنا ہے کہ بلوچستان کے سردار اور وڈیرے بھی مسائل کے ذمہ دار ہیں-

باغی ٹی وی : بلوچستان کا مقدمہ مینار پاکستان کے سائے تلے لڑیں گے، بلوچستان کے سردار اور وڈیرے بھی مسائل کے ذمہ دار ہیں، آئین کا آرٹیکل 158مقامی افراد کو وسائل پر پہلا حق دیتا ہے، ریکوڈک منصوبے میں بہتری لائی جائے، امن کے بغیر ترقی ممکن نہیں، سی پیک پر چین سے معاملات طے کیے جائیں، الیکشن کے نام پر جو ڈرامہ ہوا اس کی کوئی حیثیت نہیں، وفاقی اور صوبائی حکومتیں فارم 47 پر کھڑی ہیں، انتخابات میں ایم کیو ایم، پیپلز پارٹی اور ن لیگ کا صفایا ہوگیا۔

دوسری جانب صوبائی وزیر داخلہ میرضیااللہ لانگو نے پنجاب سے تعلق رکھنے والے 7 محنت کشوں کی ہلاکت پر کہا ہے کہ صوبائی حکومت کی جانب سے لواحقین کو یقین دلاتے ہیں کہ واقعے میں ملوث عناصر افراد کو انکے انجام تک ضرورپہنچایا جائے گا۔

بلوچستان اسمبلی اجلاس میں اظہارخیال کرتے ہوئے صوبائی وزیر داخلہ ضیا لانگو نے کہا کہ وزیراعلی بلوچستان کمشنر اور ڈپٹی کمشنر کی ٹرانسفر کرتے ہیں، زمینداروں کے مسائل کے حوالے سے ضرور بات چیت کی جائے گی، ترقی کے خلاف بات کرنا ملک دشمنی ہے، حکومت اگر گوادر میں ترقی لانا چاہتی ہے تو سیاست سے ہٹ کر اپنے لوگوں کے حقیقی مسائل پر بات کرنی ہوگی، حکومت کی جانب سے غیر قانونی ماہی گیری کے حوالے سے سخت اقدامات اٹھائیں گئے، گوادر میں عوام کےمنشا کے خلاف کوئی اقدام نہیں اٹھایا جائے گا۔

جنرل شیروف مری

اولین بلوچ افسانہ نگار

9 مئی 1993 یوم وفات
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آغا نیاز مگسی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بلوچی زبان کے پہلے افسانہ نگار، ممتاز ادیب، دانشور اور سیاستداں میر شیر محمد مری المعروف جنرل شیروف مری 1920 کی دہائی میں کوہلو بلوچستان میں پیدا ہوئے۔ ان کے والد صاحب کا نام میر سیدان خان تھا ۔ شیر محمد بجارانی مری تین بھائی تھے بڑے بھائی کا نام کرم خان اور چھوٹے بھائی کا نام ہزار خان تھا میر شیر محمد خان مری کو بچپن سے ہی ادب اور سیاست سے دلچسپی تھی چنانچہ انہوں نے دونوں شعبوں میں کام کیا وہ ایک بہت بڑے مفکر ،ادیب اور دانشور تھے مگر سیاست کی طرف زیادہ چلے گئے انگریز حکومت کے خلاف مزاحمتی تحریک چلائی قید و بند اور جلاوطنی کا سامنا کرنا پڑا جس کے باعث وہ ایک مزاحمت کار سیاست دان کے طور پر زیادہ مشہور ہوئے۔ 1946 میں انہوں نے میر نہالان خان بجارانی مری کے ساتھ مل کر کوہلو میں ” مظلوم پارٹی ” ایک نام سے ایک تنظیم کی بنیاد ڈالی جس میں ہزاروں افراد نے شرکت کی تھی تنظیم کے قیام کی پاداش میں انہیں گرفتار کر لیا گیا جس کے بعد ان کی گرفتاری اور رہائی کا سلسلہ جاری رہا۔ میر صاحب نے بلوچی ثقافت کو فروغ دینے میں بلوچ رہنمائوں میں سب سے زیادہ اہم کردار ادا کیا ۔ ان کا پگڑی ، داڑھی ، مری کٹ بلوچی چپل اور واسکٹ پر مشتمل بلوچی لباس آج بھی بلوچ قوم میں سب سے زیادہ مقبول ہے۔

جنرل شیروف مری نے 1956 میں ” گنوخ ” کے نام سے بلوچی زبان کا پہلا افسانہ لکھا جو کہ ماہنامہ بلوچی کراچی میں شائع ہوا۔ جنرل شیروف صاحب کی 3 کتابیں شائع ہوئی ہیں جن میں ” بلوچی زبان و ادب کی تاریخ ” بلوچی اردو لغت” اور ” بلوچی کہنیں شاعری” شامل ہیں ۔ میر صاحب کو 10 زبانوں پر عبور حاصل تھا جن میں بلوچی، براہوی، پشتو، سندھی ، سرائیکی ، پنجابی ، اردو، فارسی، انگریزی اور روسی شامل تھیں ۔ ذوالفقار علی بھٹو نے انہیں جنرل شیروف کا خطاب دیا، سیدقصور گردیزی نے انہیں پاکستان کا فیڈل کاسترو کا خطاب دیا جبکہ ہفت روزہ تکبیر کے مدیر اور ممتاز صحافی صلاح الدین نے جنرل شیروف کو ” شرم و حیا کا پیکر” قرار دیا ۔ جنرل شیروف اور صلاح الدین کراچی جیل میں ایک سال ایک ساتھ رہے انہوں نے اس بات کا انکشاف کیا کہ میر شیر محمد خان مریعرف جنرل شیروف نے اپنی بیوی کےعلاوہ کسی غیر عورت کے ساتھ کسی بھی قسم کا تعلق نہیں رکھا ۔ میر صاحب کا 9 مئی 1993 دہلی میں انتقال ہوا۔ وہ وہاں علاج کی غرض سے گئے تھے ۔ ان کی تدفین ان کے آبائی گاؤں ضلع کوہلو بلوچستان میں کی گئی ۔

گوادر کے علاقے سربندر میں کوارٹر میں سوئے ہوئے7 افراد کو فائرنگ کر کے قتل کر دیا گیا۔

باغی ٹی وی : ترجمان بلوچستان حکومت نے واقعہ کی تصدیق کرتے ہوئے بتایا کہ دہشت گردوں نے سربندر میں مزدوروں پر حملہ جبکہ انتظامی افسران وقوعہ پر پہنچ گئے ہیں اور جاں بحق مزدوروں کے اہلخانہ سے رابطہ کیا جاررہا ہے،ایس ایچ او تھانا گوادر محسن علی کے مطابق نامعلوم افراد نے گوادر فش ہاربر کے قریب رہائشی کوارٹر پر فائرنگ کی جس کے نتیجے میں 7 افراد جاں بحق اور ایک زخمی ہو گیا، حملہ اس وقت کیا گیا جب کوارٹر میں مزدور سو رہے تھے، جاں بحق اور زخمی افراد سربندر میں حجام کی دکان میں کام کرتے تھے، لاشوں اور زخمی شخص کو گوادر اسپتال منتقل کر دیا گیا ہے جاں بحق اور زخمی افراد کا تعلق پنجاب کے ضلع خانیوال سے بتایا گیا ہے۔

نومئی،ایک برس بیت گیا،ملزمان کو سزائیں نہ مل سکیں،یہ ہے نظام انصاف

صوبائی وزیر داخلہ میر ضیا لانگو نے واقعہ کی رپورٹ طلب کرلی اور کہا کہ دہشت گردوں سے سختی سے نمٹیں گے، واقعہ کا تمام پہلوؤں سے جائزہ لے رہے ہیں،انہوں نے اس عزم کا اظہار کیا کہ ملوث دہشت گردوں کو کیفر کردار تک پہنچایا جائے گا۔

وزیر اعلٰی بلوچستان سرفراز بگٹی نے واقعہ پر افسوس کا اظہار کرتے ہوئے کہا ہے کہ گوادر میں بے گناہ مزدوروں کا قتل کھلی دہشت گردی ہے، دہشت گردوں اور ان کے سہولت کاروں کا پیچھا کریں گے، ریاستی رٹ ہرصورت برقراررکھی جائے گی، پاکستانیوں کے خون کے ایک ایک قطرے کا حساب لیں گے اور شہدا کے اہلخانہ کو تنہا نہیں چھوڑیں گے۔

9 مئی کو ایک سال، زخم ابھی تازہ،عمران کا جوابی وار،معافی نہیں ملے گی؟

وفاقی وزیرداخلہ محسن نقوی نے بہیمانہ واقعہ میں7افراد کے قتل پرگہرے دکھ اورافسوس کا اظہار کیا ہے، انہوں نے کہا کہ سوگوارخاندانوں کے غم میں برابرکے شریک ہیں، دکھ کی گھڑی میں غمزدہ خاندانوں کے ساتھ کھڑے ہیں، معصوم لوگوں کی جانوں سے کھیلنے والے درندے انسان کہلانے کے حقدار نہیں ہیں۔

یاد رہے کہ کچھ عرصہ قبل بھی گوادر ائیر پورٹ پر شرپسندوں نے حملے کی کوشش کی تھی جسے سکیورٹی اہلکاروں نے ناکام بنا دیا تھا۔

پولیس حراست میں موجود وکلاء رہا کیے جائیں، اعظم نذیر تارڑ

ے گناہ مزدوروں کا سفاکانہ قتل کھلی دہشتگردی ہے،بلاول
پی پی پی چیئرمین بلاول بھٹو زرداری نے گوادر میں 7 محنت کشوں کے بہیمانہ قتل کی شدید مذمت کی ہے اور کہا ہے کہ بے گناہ مزدوروں کا سفاکانہ قتل کھلی دہشتگردی ہے،اس بربریت پر بلوچستان سمیت پورے ملک کے لوگ شدید غصے میں ہیں، انسانیت شرمندہ ہے، جرم میں ملوث درندوں کو کیفر کردار تک پہنچایا جائے،پاکستانی قوم دہشت گردی کا مکمل خاتمہ کرنے کے لیے پرعزم ہے

گوادر میں دہشت گردوں کی فائرنگ سے جاں بحق 5 افراد اور ایک زخمی کا تعلق سرائیکی وسیب کے ضلع خانیوال کی تحصیل میاں چنوں کے ایک ہی خاندان سے ہے،،جاں بحق افراد میں دو سگے بھائی بھی شامل،واقعے میں زخمی ہونے والے ایک نوجوان کی 17مئی کو شادی تھی، اطلاع ملتے ہی گھر میں کہرام مچ گیا۔قتل ہونے والوں میں دو حقیقی بھائی اسد اور حسیب جبکہ انکا کزن ساجد بھی شامل تھا

کوئٹہ: صدر مملکت آصف علی زرداری نے کہا ہے کہ بلوچستان کو خوشحال اور ترقی یافتہ بنا کر استحکام پاکستان کیلئے اپنا موثر کردار ادا کریں گے-

باغی ٹی وی: وزیراعلیٰ بلوچستان میر سرفراز بگٹی کی جانب سے دیے گئے عشائیے میں خطاب کرتے ہوئے صدر مملکت نے کہا کہ، بلوچستان کو ترقی اور خوشحالی دینا موجودہ حکومت کی اولین ترجیح ہے، بلوچستان کو خوشحال اور ترقی یافتہ بنا کر استحکام پاکستان کیلئے اپنا موثر کردار ادا کریں گے، بلوچستان اپنے معدنی وسائل اور طویل ساحلی پٹی کی بدولت خاص اہمیت کا حامل ہے۔

انہوں نے کہا کہ بلوچستان کی بنجر زمینوں کو مؤثر حکمت عملی کے ذریعے سیراب کر کے زرعی پیداوار میں اضافے کے قابل بنانے کی کوشش کریں گے، ملکی ترقی اور صوبوں کو حقوق دینے کیلئے ہماری دور میں اٹھارویں آئینی ترمیم پاس کی گئی جس سے تمام صوبوں کو فائدہ پہنچا، دنیا تیزی کیساتھ ترقی کر رہی ہے، بلوچستان کے معدنی وسائل کو جدید طریقے سے نکالنے کی ضرورت ہے، یہاں تیل اور گیس موجود ہیں لیکن ہم نے آج تک اس شعبے کو جدید خطوط پر استوار نہیں کیا مگر اب وقت ہے کہ بلوچستان کے قدرتی وسائل کو نکال کر ملکی معاشی ضروریات کو پورا کیا جا سکے۔

چیمپئنز ٹرافی پر ہم وہی کریں گے جو حکومت ہمیں کہے گی، …

اُن کا کہنا تھا کہ بینظیر انکم سپورٹ پروگرام کے ذریعے کم آمدن و حق دار خاندانوں کو پیکیج دے رہے ہیں جس سے غریب خاندانوں کو فائدہ پہنچ رہا ہے، کوشش ہے کہ بے نظیر انکم سپورٹ پروگرام کی طرح کے پروگراموں کو مزید وسعت دی جائے، میری کوشش ہے کہ پورے ملک خاص کر بلوچستان کی ترقی اور یہاں کے عوام کیلئے زیادہ سے زیادہ کام کر سکوں، بلوچستان کی صوبائی حکومت کو سپورٹ کرینگے تاکہ یہاں کے عوام کیلئے ترقی کے مواقع پیدا کر سکیں۔ بلوچستان کے مسائل سیاسی ڈائیلاگ کے ذریعے حل ہونے چاہیے۔

وزیراعظم شہباز شریف کا دورہ چین متوقع