Category: متفرق

صنف نازک ہوں مگر میں سرفراز ہوں تاریخ کے کرداروں میں۔ میں صنف نازک محبت کی علامت۔ میں صنف نازک وفا کا پیکر۔

صنف نازک۔ عورت۔ معاشرے کا ایک ایسا ستون جس کے بغیر کوئی بھی معاشرہ تہذیب یافتہ نہیں ہو سکتا۔ 

یہ کہانی ہے آج کے دور کی۔ اکیسویں صدی کی۔ اس سائنس اور ٹیکنالوجی کے دور میں بھی لوگ بیٹیوں کی بجائے بیٹے کی پیدائش کے لیے دعائیں مانگتے ہیں۔ انہیں نسل چلانے کے لیے بیٹے چاہیے۔ اولاد کا اختیار تو رب العالمین کے ہاتھ میں ہے۔ وہ جسے چاہے رحمت سے نوازے۔ جسے چاہے نعمت عطا کرے۔ ایک عورت آتی ہے ڈاکٹر صاحب کے پاس کہ ڈاکٹر صاحب کوئی ایسی دوا دیں کے میری بہو کے صرف بیٹا پیدا ہو۔ ایسا رواج بنا دیا ہے کہ سسرال میں صرف اسی عورت کی پوزیشن مضبوط ہے جو بیٹے کی ماں ہے۔ نسل چلانی ہے۔ نسل چلانے والی بھی ایک عورت ہی ہے نا۔؟ عورت کے بطن سے ہی اولاد جنم لیتی ہے نا۔ تو صرف بیٹوں کا رونا کیوں۔؟

اگر دنیا میں عورت نہ ہوتی تو کیا ہوتا؟ میں بتاتی ہوں اگر دنیا میں عورت نہ ہوتی تو مرد کی تکمیل نہ ہو پاتی وہ ادھورا ہی رہتا، عورت نہ ہوتی تو دنیا نا مکمل ہوتی، عورت نہ ہوتی تو دنیا میں حسن نہ ہوتا۔ عورت کی بدولت ہی دنیا میں رنگینی ہے۔ عورت کی بدولت ہی دنیا میں جذبات و احساسات ہیں۔ مرد کی کامیابی کے پیچھے عورت کا ہاتھ ہوتا ہے اگر عورت نہ ہوتی تو مرد کا وجود بے کار ہوتا اور دنیا میں تخلیق کا عمل نہ ہوتا، نسل نہ بڑھتی، ایک خوبصورت گھر کا تصور نہ ہوتا اور دنیا بالکل بے معنی اور بے رنگ ہوتی۔ کیوں کہ وجود زن سے ہے تصویر کائنات میں رنگ۔

ہمیں آج یہ بات سمجھنے کی ضرورت ہے کہ عورت بھی ہمارے معاشرے کا ایک مضبوط ستون ہے۔ عورت کے بغیر یہ معاشرہ نامکمل ہے۔ عورت عزت و احترام کا نام ہے۔ عورت والدین کے لیے باعث فخر اور بھائیوں کے لیے باعث عزت ہے۔ عورت صبح کا نور ہوتی ہے۔ عورت رات کا تارا ہوتی ہے۔ اللّٰہ تعالٰی کی دی گئی بے شمار نعمتوں میں سے ایک بہت بڑی نعمت عورت کا وجود ہے۔ گھر ہو یا کاروبار ہر جگہ عورت ایک مضبوط ستون ہے۔ لیکن ہمارے معاشرے میں عورت کی ذات جو سب سے بڑے مسئلے کا شکار ہے وہ یہ کہ قوت فیصلہ کی طاقت اس کے پاس نہیں۔ 

سوشل میڈیا پر ایک دوست نے پوسٹ شیئر کی، جس میں اس نے لکھا تھا کہ ” میں بچپن سے دیکھتا آرہا ہوں۔ صبح سویرے ماں اٹھایا کرتی تھی کہ ” بیٹا اٹھ جاؤ تمہیں سکول جانا ہے ". جب کچھ بڑا ہوا تو بہن اٹھاتی تھی کہ ” بھائی جان اٹھ جاؤ ناشتا تیار ہے” بھائی جان کیا آج کالج نہیں جانا۔؟ 

شادی ہوئی تو بیگم کہنے لگی "اٹھ بھی جائیں، آپ نے ڈیوٹی پر نہیں جانا؟”.. کچھ عرصے بعد بیٹی کہنے لگی ” ابو جی اٹھ جائیں، آپ نے مجھے اسکول چھوڑنے جانا ہے”۔ اب بڑھاپے کی عمر ہے اور بہو رانی کہتی ہے ” بابا جی اٹھ جائیں، ناشتا کر لیں، آپ نے دوا وقت پر کھانی ہے”۔ اس میں کوئی شک نہیں کہ عورت جس روپ میں بھی ہو عظیم ہے”.

معاشرے میں اسلام نے عورت کو بہت مقام و مرتبہ اور شرف و اعزاز عطا فرمایا ہے۔ بحیثیت ماں ، بہن، بیوی اور بیٹی کے روپ میں اعلیٰ و ارفع مقام سے روشناس کرایا ہے۔

ویسے تو اسلام نے عورت کو ہر لحاظ سے بلند مقام عطا فرمایا ہے لیکن عورت کو ماں کا درجہ دے کر اس کی عظمت میں چار چاند لگا دئیے ہیں۔ عورت ماں کے روپ میں مرد سے زیادہ فضیلت رکھتی ہے۔ اللّٰہ تعالٰی نے عورت کے قدموں میں جنت رکھ کر اسے عظیم ترین بنا دیا ہے۔

اسلام نے عورت کو بحیثیت بیوی بہت سے حقوق دیئے ہیں۔ اسلام بحیثیت بیوی عورت کے تمام حقوق کی نگہداشت کرتا ہے۔ آپ صلی اللّٰہ علیہ وسلم نے بیوی کے ساتھ حسن سلوک کا حکم دیا ہے اور ظلم و تعدی سے منع کیا ہے۔ آپ صلی اللّٰہ علیہ وسلم نے فرمایا کامل مومن وہ ہے جس کا اخلاق اچھا ہو تم میں سے بہترین لوگ وہ ہیں جو اپنی عورتوں کے حق میں بہترین ہیں۔

اسلام میں عورت کو بحیثیت بہن و بیٹی جو بلند مقام عطا فرمایا ہے اس کی مثال دنیا میں کہیں نہیں ملتی۔ آپ صلی اللّٰہ علیہ وسلم کو ایک نہیں چار بیٹیوں کا باپ بنایا گیا تھا۔ آپ صلی اللّٰہ علیہ وسلم حضرت فاطمہ سے بہت محبت کرتے تھے۔ جب وہ آتیں تو ان کے لیے چادر بچھا دیتے اور ان کو "بضغة منى” یعنی میرے جگر کا ٹکڑا کہتے تھے۔ آپ صلی اللّٰہ علیہ وسلم نے یہ تعلیم دی کہ لڑکیوں کا باپ ہونا مؤجب عار نہیں بلکہ مؤجب سعادت ہے۔ اللّٰہ تعالٰی جس سے خوش ہوتا ہے اس کے گھر اپنی رحمت بیٹی کے روپ میں بھیجتا ہے۔

آج کے زمانے میں بیٹیاں بیٹوں سے بڑھ کر اپنے والدین کا سہارا بنی ہوئی ہیں۔ ہر میدان میں کامیاب ہو کر اپنے والدین کا نام روشن کر رہی ہیں اور اس کے ساتھ ساتھ معاشرے میں ایک اہم مقام حاصل کرنے میں کامیاب ہوئی ہیں۔ اللّٰہ تعالٰی ہمیں بیٹوں اور بیٹیوں کے ساتھ مساوی سلوک روا رکھنے کی توفیق عطا فرمائے آمین۔

Twitter I’d @alifsheen_5

ہمارے معاشرے میں لوگ جس کام کو نہیں کر سکتے کہہ دیتے ہیں بلکہ ایسا کچھ نہیں ہے ہر محنت کرنے والے کو اللہ اس کا اجر دیتا ہے آپ بھی سچے دل سے ایمان سے محنت کریں اللہ آپ کو آپ کے کام میں ضرور مدد کرے گا وہ معجزوں کا خدا ہے

ہم میں سے اکثر افراد اپنی ناکامیوں کو اور کاہلی کو قسمت کا نام دیتے ہیں دراصل بدقسمتی ایک باطن ہوتا ہے جو کاہلو کی طرف سے خدا پر لگایا گیا تھا کمزور سوچ رکھنے والا شخص اور سست آدمی میں یہی سوچتا رہتا ہے کہ وہ اپنی ضرورتوں اور خواہشوں کوبن محنت کیے ہی حاصل کرلے دنیا میں ہر ترقی پذیر انسان محنت کرکے ہی اپنی منزل تک پہنچتا ہے جس کی کامیابی پر کاہلوں کو رشک ہوتا ہے جب کہ رب کریم نے بھی کاہلوں کو بھی باصلاحیت پیدا کیا ہوتا ہے 

کامیاب انسانوں اور دوسرے انسانوں میں صرف ایک نقطے کا ہی فرق ہوتا ہے کامیاب انسان دوسرے انسانوں کی با نسبت لگ سوچتے ہیں بالآخر کامیابی کا سہرا اسے ہی سجایا جاتا ہے جو اس کے قابل ہوتا ہے زندگی میں سب سے مشکل کام کامیاب ہونا ہی ہے جو لوگ حوصلے والے ہوتے ہیں کامیابی کو حاصل کر لیتے ہیں وہ جن میں ہارنے کی ہمت نہیں ہوتی وہی لوگ کامیاب ہوتے ہیں کامیابی ایک بات نہیں ہر محنت کرنے والے کو اللہ کامیاب کرتا ہے چاہے جتنا مرضی مشکل راستہ کیوں نہ ہو خدا انسان کی ہر حال میں مدد کرتا ہے اگر آپ سچے دل سے خدا کے ہو جاؤ گے تو وہ آپ کا ہو جائے گا آپ کو کبھی مایوس نہیں ہونے دی کھا آپ کے دکھ سکھ میں ہمیشہ آپ کا ساتھ دے گا جن کی ایک امتحان ہوتی ہے انسان کو اس میں طرح طرح کی مشکلیں پیش آتی لیکن انسان کو گھبرانا نہیں چاہیے اپنے اللہ پر رکھ کر یقین رکھ کر بس محنت کرنی چاہیے کچھ محنت کا اجر تو اللہ نے دیتا بجائے اس کے کہ آپ لوگوں کی خامیاں ڈھونڈے لوگوں میں اچھائی دیکھنا سیکھیں ان کے اچھے کاموں کو دیکھنا سیکھیں جب آپ ایک اچھی سوچ رکھتے ہیں تو خدا بھی آپ کے لئے اچھا سوچتا ہے میں یقین سے کہتا ہوں خدا انسان کو کبھی مایوس دیکھنا پسند نہیں کرتا خدا سے مانگنا چاہیے گلے شکوے شکایتیں نہیں کرنی چاہیے وہ تو دینے والا ہے جو آپ کے لئے اچھا ہو گا وہ آپ کو دے گا اور جو آپ کے لئے اچھا نہیں ہوگا وہ آپ سے چھین لے گا

انسان سوچتا ہے بعض دفعہ ان وہ اتنی محنت کرتا ہے لیکن خدا اس کے لئے کوئی رستہ نہیں نکال رہا یقین کیجئے اس کے کاموں میں دیر ہے اندھیر نے وہ تو عاجزی کا خدا ہے اگر وہ آپ کے لئے اچھا ہو تو وہ کبھی بھی آپ کو اس چیز کو دینے سے پیچھے نہیں ہٹے گا فرق بس اتنا ہی ہے کامیاب اور ناکام انسانوں کامیاب انسان محنت کر کے آگے جاتے ہیں جب کہ ناکام انسان محنت نہیں کر سکتے بزدل ہوتے ہیں بزدل ہوتے ہیں ہم دعا کرتے ہیں اللہ سب کو سب کی محنت کا اجر دے 

انسان کے بس میں سب کچھ ہے لیکن وہ اپنے دل پر قابو نہیں پا سکتا اپنی خواہشوں پر قابو نہیں پا سکتا مجھے لگتا ہے انسان کو اپنے دل میں خواہشیں پیدا کرنی چاہیے تاکہ ان خواہشوں کو پورا کرنے کا انسان کے اندر جذبہ ہو تبھی تو انسان کامیاب ہو سکتا ہے یہ مت کبھی سوچیئے گا کہ اب ہمت ہار گئے ہیں ہمت نہ ہارے کامیابی ایک بہت بڑی دولت ہے اتنی آسانی سے حاصل نہیں ہوتی اس دنیا میں اس معاشرے میں صرف کامیاب انسان کی ہی قدر ہے سو معاشرے میں رہنے کے لئے عزت پانے کے لئے آپ کو کامیاب ہونا بہت ضروری ہے اگر آپ ہمت ہار جاؤ گے تو خدا بھی سوچے گا یہ انسان تو خود ہی ہمت ہار گیا ہیں اللہ سے دعا کریں کہ وہ آپ کو ہمت دے آپ اپنے راستے پر چلیں اس سے طاقت مانگے وہ کبھی آپ کو کبھی مایوس نہیں ہونے دیں گے 

@Hi_Awaiz

@hidesidewithak

"پولیس کا فرض ہے مدد آپ کی، تعاون: حق بناسپتی "۔”تیزرفتاری سے اپنی اور دوسروں کی زندگی خطرے میں مت ڈالیں: تعاون برق موٹرز”۔”تھانہ کورس پارک ایک سو میٹر بائیں جانب، تعاون :کڑک چائے”۔ یہ اور ان سے ملتے متعدد بل بورڈز اور سائن بورڈز آپ کو ہر چھوٹے بڑے شہر میں ضرور نظر آتے ہیں۔ انہیں پڑھ کر یہ سمجھنا قاصر ہوجاتا ہے کہ یہ متعلقہ محکمے کی جانب سے مفاد عامہ کے پیغامات ہیں یا پھر ساتھ بتائے کاروبار کے اشتہارات۔  سب سے اچھنبے کی بات یہ ہے کہ ایسے بورڈز اوراشتہار زیادہ تر قانون نافذ کرنے والے اداروں کے پیغامات سے مزین ہوتے ہیں۔  یہ کمپنیاں اور  کاروباری ادارے ایسے اشتہارات کو کارپوریٹ سوشل ریسپانسبلٹی یعنی  کاروباری سماجی ذمہ داری  کے  عنوان سے  چھواتے اور لگواتے ہیں۔لیکن  کیا حقیقت میں بھی ایسا ہی ہے؟؟؟ 

سب سے پہلے تو  کارپوریٹ سوشل  ریسپانسبلٹی کا یہاں اطلاق مبہم ہے۔    ملکی  اور بین الاقوامی قوانین  میں سی ایس آر کا مطلب و مفہوم اس علاقے خطے یا ملک کے شہریوں کو معیار زندگی بہتر کرنے میں مدد کرنا  ہے جہاں  متعلقہ کمپنی کام یا کاروبار کر رہی ہو۔اس میں صحت عامہ کی سہولیات فراہمی، تعلیم اور روزگار کے مواقع فراہم کرنا ہے ۔ کمپنی کا نام سرکاری اداروں کے ساتھ اشتہاری بورڈوں پر ٹانک دینےسے کونسی سماجی ذمہ دار ی ادا ہوتی ہے ؟یہ حل طلب سوال ہے۔ 

ایسے اشتہار نہ صرف  سماجی ذمہ داری قوانین کی غلط تشریح ہیں بلکہ بہت سے حوالوں سے  ذاتی فائدے، اثر و رسوخ بڑھانے اور  غیر قانونی کاموں کو جواز دیتے ہیں۔ پہلے تو اس مد میں خرچ کی جانے والی رقم کو ٹیکس چھوٹ لینے کے لیے استعمال کیا جاتا ہے۔ ایسا ادارہ جسکا نام محکمہ جاتی بورڈز پر کنندہ ہو سرکاری اہلکاروں کے لیے نو گو ایریا بن جاتا ہے اور وہ اسکی جانب رخ کرنے سے قبل کئی بار سوچتے ہیں چاہے وہاں کتنا ہی غیر قانونی کام ہی کیوں نہ ہورہا ہو۔ اب ایک ٹریفک کانسٹیبل ایسی کمپنی کی گاڑی کا چالان کیسے کاٹے گا جس کی ہر تقریب میں اسکا اعلیٰ افسر شرکت کرتا ہو؟ فوڈ انسپکٹر کے لیے ایسی فیکٹری میں کارروائی کرنا کہاں آسان ہوگا جو شہر میں ہونے والی تمام سرکاری تقاریب میں مفت کھانا فراہم کرتی ہو؟ 

سرکاری سطح پر ایسی سماجی ذمہ داری سرگرمیاں کوئی اب کی بات نہیں بلکہ دور قدیم میں جب کوئی سرکاری افسر کسی شہر کے دورے پر آتا تو اسکے قیام و طعام اور تفریح کی ذمہ داری مقامی ماتحتوں پر آجاتی۔ پٹواریوں میں ایک مقامی زمینداروں سے دیسی ککڑ اکھٹے کرتا تو دوسرا صاحب اور ہمراہیوں کے لیے نئے بستروں کا انتظام کرتا۔ گرمیاں ہونے کی صورت میں نئے   پنکھوں کا انتظام کرنا بھی انہی سرکاری اہلکاروں کے ذمہ آتا ۔ اس مد میں آنے والی کل رقم صاحب کے ذاتی اکاونٹ میں منتقل ہوجاتی۔ یہی سلسلہ بڑھتے بڑھتے  آج سرکاری اداروں کے بورڈوں تک  پہنچ چکا

کچھ شہروںمیں   اب پولیس کے گشت کرنے والے دستے کے موٹرسائیکلوں پر بھی یہ سلسلہ شروع ہوچکا ہے۔  نجی کاروباری  اداروں کی جانب سے  فراہم کردہ موٹرسائیکل انکے عطیے کو نہ صرف شہر بھر میں مشتہر کرتے ہیں بلکہ  قانون اور کاروبار کے مابین قریبی تعلق کا پیغام بھی عوام تک پہنچاتے ہیں۔  ارباب اختیار کو اس سلسلے کا جائزہ لینے  اور حدود متعین کرنے کی ضرورت ہے۔ اگر یہ سلسلہ چلتا رہاتو کوئی بعید نہیں کسی دن اہلکاروں کی وردیوں کے ایک بازو پر چائے والی کمپنی کا اشتہار کنندہ ہو اور دوسری جانب  بناسپتی گھی کا۔ پولیس موبائل پر آئس کریم ، ٹوتھ پیسٹ، صابن اور ہیئر آئل کی تشہیر بھی دور کی بات نہیں لگ رہی۔ یوں بھی ہوسکتا ہے کہ راہ چلتے  ہیلمنٹ نہ پہننے پر آپکا چالان کاٹا جائے اور چالان کی پرچی پر محافظ ہیلمنٹ بنانے والے کا بطور تعاون کردہ ذکر ہو ۔

9/11 کے بعد جنوبی ایشیا کے حالات بالعموم اور پاکستان کے حالات باالخصوص تبدیل ہوتے گئے۔ دنیا کی نظریں اس تبدیلی کے پیش نظر پاکستان اور افغانستان کے حالات پر ٹکی رہی۔

دہشت گردی کے خلاف فرنٹ لائن اتحادی ہونے کے ناطے اور قریبی ہمسایہ ملک افغانستان میں بیک وقت نیٹو امریکہ بھارتیوں سمیت کل ملا کر 50 کے قریب پراکسیز کی وجہ سے پاکستان دہشت گردی کی لپیٹ میں اگیا اور دیکھتے ہی دیکھتے پہلے قبائل اور پھر پشاور سے ہوتے ہوئے دہشت گردی کا یہ ناسور پورے ملک میں سرائیت کر گیا۔ 

یہ ناسور اس قدر خطرناک تھا کہ ایک وقت میں پشاور میں لوگ خودکش اور بم دھماکوں کو گنتے تھے کہ اج کے دن ایک ہی روز میں 7 سے 8 دھماکے ہوتے گئے۔۔ حتی کہ کرکٹ جسے جینٹلمین کھیل کہا جاتا ہے اسکو بھی نا بخشا گیا اور سری لنکن ٹیم کی بس پر حملہ کر کے پاکستان کو پوری دنیا میں دہشت گردی کا گڑھ بنا دیا۔۔

دہشت گردی کے اس بھیڑیے نے پاکستان کو دنیا کے لیے نو گو ایریا بنا دیا جس کی وجہ سے دنیا پاکستان انے سے کتراتی رہی اور یوں سیاحت پاکستان میں نا ہونے کے برابر ہوئی۔۔

ِبھلا ہو ہماری عوام کا ہماری فوج کا ہماری عسکری نیم عسکری اداروں کا تمام سیکیورٹی ایجنسیوں کا حکومت وقت کا جنہوں نے اس ناسور کو جڑ سے اکھاڑنے کا مصمم ارادہ کر کے 70 ہزار جانوں کا نزرانہ پیش کر کے بالاخر اس ناسور کو تقریباً ختم کردیا

 اور دنیا میں پاکستان کے بارے میں لوگوں کا خیال رفتہ رفتہ بدلنے لگا۔ 

سب سے اچھا اقدام پی ایس ایل کا پاکستان میں انعقاد ہوا جس سے دنیا کو دہشت گردی کا خوف ختم کرنے میں بہت مدد ملی۔ اسکے بعد برطانوی جوڑے کا پاکستان کا دورہ کرنا بھی سیاحت کے فروغ کا باعث بنا۔

پاکستان ایک زرخیز اور 4 موسم رکھنے والا ملک ہے

 جہاں دنیا کا اٹھواں عجوبہ شاہراہ قراقرم سمیت گلگت بلتستان کے سرسبز و شاداب پہاڑ ، کشمیر کی قدرتی حسن سے مالا مال وادیاں  اور خیبر پختونخواہ کا حسن، سیاحوں کو اپنے سحر میں مبتلا کرنے کے لیے کافی ہے۔

 ساتھ ہی ساتھ موجودہ حکومت کی سیاحت میں دلچسپی کے باعث ایک بار پھر سے سیاحت نے انگڑائی لی اور مقامی افراد سمیت دنیا نے ان علاقوں کا رخ کرنا شروع کیا اور یوں دہشت گردی کے کالے سائے چھٹ کر سیاحت کا ایک درخشاں اور تابناک مستقبل سورج نمودار ہوا۔

اس عید الاضحی پر ایک سروے رپورٹ کے مطابق سیاحت کے شعبے میں 28 لاکھ عوام نے شمالی علاقہ جات کا رخ کیا جہاں انہوں نے 23 ارب سے زیادہ روپے خرچ کیے۔ 

یہ نوید ہے کہ پاکستان میں سیاحت پاکستان کی معیشت میں بہترین کردار ادا کرسکتا ہے۔ بس ضرورت اس امر کی ہے کہ حکومت سیاحت کے لیے مزید اقدامات کرے تاکہ نا صرف اندرونی سیاح بلکہ بین الاقوامی سیاح بھی مزید بڑی تعداد میں اکر سیاحت کو فروغ دیں۔

اخر میں سلام پیش کرتا ہوں پاکستانی عوام کا پاک فوج کا سیکیورٹی ایجنسیوں کا شہدا کا، جنہوں نے ٹیرارزم سے ٹورازم تک کے سفر میں بے شمار قربانیاں دے کر ہمیں اج اس قابل بنایا کہ ہم دنیا کے سامنے سر اٹھا کر کھڑے ہیں۔۔

@Goharspeaks

آج ہمارا معاشرہ شدید بے راہ روی کا شکار ہے۔ آج لوگوں نے اچھائی برائی اور حلال و حرام میں تمیز کرنی چھوڑ دی ہے۔ صحیح اور غلط کا فرق بھلا کر ہر شخص جائز نہ جائز طریقے سے مال حاصل کرنے میں لگا ہوا ہے۔ ہم رشوت اور سود جیسی خطرناک اور مہک بیماریوں میں مبتلا ہیں۔ قتل و غارت عام ہو چکی ہے۔ بھائی بھائی کا دشمن بنا ہوا ہے۔ اولاد والدین کی نا فرمان ہے ہمیں غور کرنا ہوگا کہ آخر اس معاشرے کے بگاڑ کی وجہ کیا ہے؟ کیا ہم بحیثیت مسلمان اپنا فرض اچھے طریقے سے ادا کر رہے ہیں۔ کیا ہم صراط مستقیم پر عمل گامزن ہیں۔

کیا ہم اپنا محاسبہ کرتے ہیں۔ کیا ہم اپنے اہل و عیال کی اصلاح کا ذریعہ بن رہے ہیں۔ کیا ہم اپنے حقوق وفرائض اچھے طریقے سے ادا کر رہے ہیں۔ ہمارا پیارا دین اسلام ایک مکمل ضابطہ حیات ہے۔ اس میں ہر طبقے کے لئے رہنمائی موجود ہے۔ زندگی کے ہر پہلو کو واضح طور پر بیان گیا ہے۔ انسان کی ہر مشکل کا حل بتایا گیا ہے۔ اب ضرورت صرف اس بات کی ہے کہ انسان اسلام کا پیروکار بننے کے لئے آمادہ ہو۔ اپنا تعلق اپنے رب تعالیٰ سے قائم کرے۔ ہر کام خالص اپنے اللہ عزوجل کے لئے کرے۔ اپنی خواہشات کو اللہ کے لئے قربان کر دے۔ کیا آپ نے کبھی سوچا ہے کہ ہماری حالت اتنی ابتر کیوں ہوتی جا رہی ہے؟ کے ہم پر مصیبتوں کے پہاڑ ٹوٹ رہے ہیں۔ آئے دن کوئی نہ کوئی مشکل آن پڑتی ہے۔

گھروں میں نااتفاقیاں ہیں اور ہمارے خاندانوں کا شیرازہ بکھر چکا ہے۔ اس سب کی وجہ صرف اور صرف اسلام سے روگردانی ہے۔ چند لوگ ہیں جو اسلام کہ احکامات کو اپنی زندگی پر لاگو کئے ہوئے ہیں۔ وہ بھی اسلامی تعلیمات کو بس اپنے گھروں تک محدود رکھتے ہیں۔ خود تہجّد چاشت کے پابند ہیں۔ مگر معاشرے کی اصلاح نہیں کرتے۔ اسلامی تعلیمات نے انسان پر صرف اپنی زمہ داری عائد نہیں کی بلکہ اپنے گھر والوں اپنی اولاد، عزیز و اقارب اور اپنے خاندان والوں کی اصلاح کا فریضہ بھی عائد کر رکھا ہے۔ اللہ تعالٰی نے قرآن پاک میں سورت البقرہ میں ارشاد فرمایا! تم بہترین امت ہو۔ کیوں کہ تم نیکی کا حکم دیتے ہو اور برائیوں سے منع کرتے ہو۔ اس آیت میں امت محمدیہ کو بہترین امت قرار دیا گیا ہے۔

کیوں کہ وہ نیکی کا حکم دیتی اور برائی سے منع کرتے ہیں۔ اب سوچنے والی بات یہ ہے کیا ہم بھلا کا حکم دیتے اور نیکی سے منع کرتے ہیں۔ یقینا نہیں۔۔۔ اسی وجہ سے ہمارا معاشرہ برائیوں کی لپیٹ میں ہے۔ جب ایک فرد اپنی اصلاح کی طرف اپنی پوری توجہ مبذول کرے گا۔ تو اس سے ایک اچھا معاشرہ وجود میں آئے گا۔ اور جب ایک معاشرہ صحیح راستے کی طرف چل پڑے۔ تو دھیرے دھیرے اس کے اچھے اثرات پوری قوم میں منتقل ہوں گے۔ اور پوری قوم میں اصلاح کا جذبہ پیدا ہو گا۔ اگر آپ اس بات پر ایمان رکھتے ہیں کہ آپ کا دین برحق ہے۔ اور مرنے کے بعد جزا سزا کے مراحل پیش آنے والے ہیں۔ تو خدا کے لئے اپنی اولاد، اپنے رشتہ دار اور دوست احباب کو بھی اس مرحلے کے لئے تیار کریں۔ گھروں کو نماز اور تلاوت قرآن سے آباد کریں۔ ان باتوں پر اگر خلوصِ دل سے عمل کیا جائے۔

تو ہم اپنے معاشرے کو ایک بہترین معاشرہ بنا سکتے ہیں۔ اللہ تعالٰی ہم سب کو اپنی اور اپنے معاشرے کی اصلاح کی توفیق عطا فرمائے۔

@SanaullahMahsod

Twitter Handle: @ImranKBloch

کہاں سے لکھوں کہاں تک لکھوں میرے دیس کا تو ہر ہر لمحہ تار تار ہے، ہر روز اِک نیا عذاب جس سے ہجوم چیخ اُٹھتا ہے، فیس بک ٹیوٹر سوشل سائٹس پہ خوب واویلا کیا جاتا ہے، اپنے باشعور ہونے کا احساس چیخ چیخ کے دلانے والے اس ہجوم کا ضمیر اندر ہی اندر ہنس رہا ہوتا ہے کیسا چونا لگا رہا ہے لوگوں کو، اس ہجوم کے ہر تماشائی کی مثال اُس مزدور سی ہے جو مالک کو چونا لگانے کے چکر میں ایک ہی سیمنٹ کی بوری چھت پہ لے کے جاتا اور وہی واپس نیچے لے کے آتا صبح سے شام کر دیتا ہے، اس ہجوم کے غریب لاچار کی خود سے ہمدردی اُس مسافر کی سی ہے جو واپسی کا ٹکٹ بھی لے کر ٹرین پہ سوار ہو گیا ہے اور دل ہی دل میں اس خیال سے محضوظ ہو رہا ہے کہ واپسی تو میں نے کرنی نہیں، اس ہجوم کا ایک ایک فرد ملک و ملت سے اتنا وفادار ہے، غریب بے کس پسی عوام کا اتنا درد اس کے اندر سمویہ ہے کے کام کاج سے تھکا ہارا گھر لوٹ کر شام چھ سے رات بارہ ایک بجے تک پوری تندہی سے سوشل میڈیا سائٹس پہ مفکرانہ، مفسرانہ، قرآن حدیث اقوال ذریں پہ مبنی اسلامی پوسٹس کرتا ہے،  وطن سے محبت کے ترانے الاپتا ہے، حکمرانوں کی سمت درست کرواتا ہے، کرپٹ سیاستدانوں کی ماں بہن ایک کرتا ہے، بیوروکریسی کے کالے کارناموں پہ ہزار لعنتیں بھیجتا غریب دکھیاری پریشان عوام کے دکھ کا مداوا کر کے سکون کی نیند سو جاتا ہے کہ میں نے اپنا فریضہ ادا کر دیا الحمداللہ،

ہم بم دھماکوں میں شہید ہونے والوں سے شرمندہ، دہشتگردوں کے ہاتھوں گولیوں سے چھلنی ہونے والوں سے شرمندہ، اے پی ایس کے معصوم فرشتوں سے شرمندہ، بلدیہ ٹاون، ماڈل ٹاؤن، ساہیوال، جیسے کئی سانحوں کی لپیٹ میں آنے والے معصوم لوگوں سے شرمندہ، شاہ رُخ جتوئی کے ہاتھوں قتل ہونے والے  شاہ زیب سے شرمندہ، ایان علی کیس کے تفتیشی کسٹم آفیسر اعجاز چودھری سے شرمندہ، نقیب اللہ، ننھی زینب، صلاح الدین، جیسے ہزار ہا ناحق مارے جانے والوں، وڈیرے سرمایہ داروں کے ہاتھوں مارے جانے والے مظلوموں، مہنگائی، بیروزگاری، انصاف کی عدم دستابی کے ہاتھوں مجبور ہو کر فیملیز سمیت خودکشیاں و خود سوزیاں کرنے والوں سے شرمندہ ہیں، ہم ایک ایسا شرمندہ ہجوم ہیں جن کی شرمندگی دکھاوے کے سواء کچھ بھی نہیں، جن کے بیان سالہاسال سے اس فرسودہ نظام اور اس سے مستفید کرپٹ عناصر کے خلاف پورے جوش خروش والے ہوتے ہیں مگر جب ہر ہر بربریت سے بھرپور سانحہ پہ نکلنے کا موقع آتا ہے تو یہی عوام نکلنے والوں کی پکار پہ لبیک کہنے کی بجائے ٹی وی چینلز کے سامنے بیٹھ کر نکلے ہووں پہ ٹھٹھے اور جگتیں کسنے میں پیش پیش نظر آتے ہیں، یہی ہجوم پانچ سال دل کھول کے گالیوں سے نوازنے کے بعد اُنہی کرپٹ ظالم بھتہ، قبضہ مافیا کو الیکشن کے دنوں میں اپنی پلکوں پہ بیٹھتا ہے، لائنوں میں لگ کر اُنہیں اگلے پانچ سال کیلئے کرپشن ظلم و بربریت کا بازار گرم کرنے کا لائسنس دیتا ہے، اے زندہ لاشو تم کب تک شرمندہ ہوتے رہو گے تمہارے مقدر کی گولی تو اس فرسودہ کرپٹ نظام میں تیار ہو چکی بس انتظار کرو  کسی نا کسی دن پولیس کی وین آئے گی اور تمہارے لواحقین پوسٹ مارٹم زدہ لاش وصولنے کیلئے مردہ گھر کے باہر منتظر ہوں گے، بے فکر رہو ایک تلاتم خیز سمندر تمہارے نام پہ ہزاروں لاکھوں پوسٹس کرے گا، ہو سکتا ہے ٹیویٹر پہ ٹرینڈ بھی بن جائے، زندہ تھے تو ٹی وی چینلز پہ لوگوں کی خبریں سنتے تھے پولیس گردی کے نتیجہ میں مرو گے تو ٹی وی چینلز کے بلیٹن، ٹاپ سٹوریز، ٹاک شوز، میں تمہارا نام جگمگائے گا، قوم بن کے بوسیدہ دیمک زدہ کرپٹ نظام کو زمین بوس کرنے کیلئے نکلنے کا کیا فائدہ گولیوں سے چھلنی کر بھی دیے گئے تو نیوز بلٹن میں بس اتنی سی خبر آنی ہے پاکستان کو کرپٹ نظام اور اُن کے چیلوں سے واگزار کرواتے ہوئے دس بیس ہزارافراد شہید

ایک ملک جس نے پچھلی کئی دہائیوں سے کوشش کی ہو کے ایک بار پاکستان میں کرکٹ واپس آ جائے ایسے وقت پر جب وہ معاشی طور پر ڈگمگا رہا ہوں جب ہر طرف سے مشکلات در پر ہوں اس وقت کرکٹ کی واپسی کے لیے پی ایس ایل جیسا عظیم ایونٹ کروانا اور آہستہ آہستہ پاکستان میں لے کر آنا تاکہ وہ تمام لوگ جو کرکٹ کے دیوانے ہیں جنہوں نے کئی سالوں سے دوسرے ممالک میں مہنگے داموں ٹکٹ خرید کر میچ دیکھے یا پھر گھروں میں رہ کر اس امید میں رہے کہ ایک دن ہمارے ملک کے گراؤنڈ بھی آباد ہوں گے۔ ان کے مرجھائے ہوئے دل صرف اور صرف پاکستان میں کرکٹ کی واپسی پر کھل اٹھے۔ ان لوگوں کے جذبات و احساسات کو بیان ہی نہیں کیا جا سکتا۔ لیکن سیاسی طور پر بزدلی کا مظاہرہ کرتے ہوئے نیوزی لینڈ نے پاکستان کی سیکورٹی فورسز پر اپنے ناپاک ارادے کا دھبہ لگانے کے لئے اپنی ٹیم کو واپس بلا لیا۔

 جب آپ کی ٹیم ایک ہفتہ تک پاکستان میں رہی نہ ہی کوئی خطرہ پیش آیا اور نہ ہی ان کی عزت افزائی میں کمی آئی۔ جسے بڑے پروٹوکول کے ساتھ پاکستان میں خوش آمدید کہا گیا مگر پھر بھی اگر خطرہ پیش آیا تو صرف میچ سے چند لمحے پہلے ہی کیوں؟ ایک ملک میں جا کر آپ پانچ چھے دن رہیں اور پھر اس کی طاقت و قوت یعنی سیکیورٹی پر سوالیہ نشان لگاتے ہوئے واپس چلے جائیں کیا یہ آپ کو زیب دیتا ہے؟ آپ نے نہ صرف پاکستان کے روشن چہرے اور سبز پاسپورٹ پر اپنی غلیظ حرکت سے دھبہ لگانے کی ناکام کوشش کی ہے بلکہ لاکھوں لوگوں کے دلوں کی امید کو بھی توڑا ہے۔ آپ نے لاکھوں لوگوں کے جذبات سے کھیلا ہے۔

 آپ سے پہلے پی ایس ایل میں آپ کی ٹیم کے کھلاڑی ہمارے ہاں کھیل چکے ہیں انہیں تو اس سے کوئی مسئلہ پیش نہیں آیا اس کو چھوڑیے آپ سے پہلے ساؤتھ افریقہ، بنگلہ دیش اور ویسٹ انڈیز وغیرہ کی ٹیمیں بھی تو پاکستان کا دورہ کر چکی ہیں۔ کیا ان کو ذرہ برابر بھی مشکل کا سامنا کرنا پڑا۔

 اس منصوبے میں صرف نیوزی لینڈ ہی نہیں دوسرے ممالک بھی موجود ہیں جو کہ پاکستان کو دن بدن پستی کی جانب دھکیلنے پر تلے ہوئے ہیں۔ انشاء اللہ ان کی یہ تمام کوششیں ناکام ہوئی ہیں اور ہوتی رہیں گی۔ ہم مشکلات کا جرآت سے مقابلہ کرنے والی قوم ہیں۔ ہم نےبھی نیوزی لینڈ کا دورہ کیا جب مساجد میں حملے ہوئے یا پھر جب نیوزی لینڈ میں کرونا شدت سے تھا اور ان کی بدانتظامی کے باوجود ہم نے دورہ ختم نہیں کیا۔ اب وقت ہے کہ ہم صرف کرکٹ کے ساتھ ساتھ پاکستان کے وقار کو بھی مدنظر رکھتے ہوئے اپنے فیصلے کریں۔ اپنی ہمت اور جرات مندی سے ایسی ٹیموں کو میدان میں ہی بتا دیں کہ ہم کون ہیں؟

 ہمارے کرکٹ بورڈ کو مزید بہترین انداز میں پی ایس ایل جیسے ایونٹ کو آگے لے کر چلنا ہوگا تاکہ پاکستان کے دشمنوں کو ہر جگہ رسوائی نصیب ہو اور اس واقع پر ICC میں بھرپور آواز اٹھائی جائے۔ الحمدللہ ہمارا یہ ملک پوری دنیا کے لیے ایک محفوظ ملک ہے جس نے اپنی طاقت و قوت کا ہر جگہ مظاہرہ کیا ہے اور کامیاب رہا ہے۔ اب یہ ہم پر ہے کہ ہم اپنی قوت و صلاحیت سے دشمن کی طرف سے ہر آنے والی سازش اور میلی نظر کو پہچانیں اور اس کو ایسا جواب دیں کہ اس کی نسلیں یاد رکھیں۔

اس کے ساتھ ہی ان لوگوں کو پہچانیں اور بےنقاب کریں جو کہ اس واقعے پر جس میں پاکستان کی عزت پر دھبہ لگانے کی ناکام کوشش کی گئی ہے خوشی منا رہے ہیں۔ یہ وہ لوگ ہیں جو تب خوش ہوتے ہیں جب پاکستان پر وقت آتا ہے خدا ان لوگوں کو ہر جگہ دربدر کرے جس طرح یہ لوگ پہلے ہی ہورہےہیں۔