باغی ٹی وی : پنڈی بھٹیاں(شاھدکھرل)صحافی جو دوسروں کے لیے آواز اٹھاتا ہے جب اس پر برا وقت آتا ہے تو اس کی مدد کو بہت کم لوگ سامنے آتے ہیں حافظ آباد کا معظم علی جو مختلف ٹی وی چینل ویب چینلز اخبارات کے لیے رپوٹنگ کرتا رہا ہے عرصہ تین سال سے دل کے عارضہ میں مبتلا ہو کر چارپائی تک محدود ہو گیا متعدد مرتبہ سوشل میڈیا پر آواز بھی اٹھائی گی معظم علی کا کہنا ہے گھر کا سارا سامان بک چکا ہے ایک ماہ 25000 ہزار کے قریب ادویات آتی ہیں 6 ہزار بجلی کا بل ہے گھر کے لیے دیگر اخراجات ہیں اگر کوئی مدد کر جاتا ہے تو گھر میں کھانا پکتا ہے ورنہ فاقے کرنے پڑتے ہیں میں روز روز اپیل کر کے تنگ آچکا ہوں بیماری کی وجہ سے بہن بھائی دوست رشتہ دار چھوڑ گے ہیں ہزاروں روپے کا مقروض ہوں جن سے قرضہ لے کر معاملات چلاتا رہا وہ بھی غریب لوگ ہیں مالی حالات خراب ہیں اب وہ قرض کی واپسی کا تقاضا کرتے ہیں معظم علی کا کہنا ہے مجبوراً حالات سے تنگ آکر خود کشی کے بارے میں سوشل میڈیا پر میسج شئیر کیا ہے معظم علی کا کہنا ہے پاکستان سمیت دنیا بھر میں بہت سارے صاحب استطاعت لوگ کوبھی بھی شخص کوئی چھوٹا موٹا کاروبار، آٹورکشہ وغیرہ بنا دے میں اپنی بیٹی کی مدد سے اپنا نظام زندگی خود چلا لوں گا معظم علی کی مدد کے لیے سرکاری محکموں سمیت سماجی، صحافتی تنظیمیں آگے بڑھ کر ایک جان بچائیں اس سے قبل کہ دیر ہو جائے معظم علی کی مدد کے لیے دیے گے نمبر 03112982071 پر رابطہ کر کے مدد کی جاسکتی ہے
Category: بلاگ
-
ڈی جی خان میں پہلا ٹی ہاؤس بنانے کا فیصلہ ،کمشنر کا آرٹس کونسل میں مجوزہ جگہ کا معائنہ
باغی ٹی وی : ڈیرہ غازیخان (نامہ نگار)کمشنر ڈیرہ غازی خان ڈویژن لیاقت علی چٹھہ نے کہا کہ پڑھے لکھے شہریوں،ادیب اور شعراء کرام کےلئے ڈویژن کا پہلا ٹی ہاؤس ڈی جی خان میں قائم کرنے جارہے ہیں جس کےلئے ڈی جی خان آرٹس کونسل میں جگہ مختص کردی گئی ہے۔ایک ماہ کے اندر ڈی جی خان ٹی ہاؤس کا تعمیراتی کام شروع کردیا جائیگا۔آج ڈی جی خان ٹی ہاؤس کی مجوزہ جگہ کا معائنہ کیا ہےڈی جی خان ٹی ہاؤس کے 15 روز کے اندر ٹینڈر جاری کردئیے جائیں گے منصوبہ پر پانچ کروڑ روپے خرچ ہوں گے۔ابتدائی فنڈز جاری کردئیے گئے ہیں۔کمشنر لیاقت علی چٹھہ نے کہا کہ ڈی جی خان ٹی ہاؤس کی جاذب نظر عمارت بنائی جائے گی۔ادیب،شعراء اور پڑھے لکھے افراد کو ڈی جی خان ٹی ہاؤس کی ممبرشپ دی جائے گی۔اس موقع پر پی ٹی آئی رہنما محمد لطیف پتافی ،ڈائریکٹر ڈویلپمنٹ عبید الرشید اور ڈائریکٹر آرٹس کونسل نعیم اللہ طفیل اور دیگر موجود تھے۔ ایکسئین بلڈنگز اصغر علی نے بریفنگ دی
-
ایٹمی ملک چلانے والوں کی آڈیوز برائے فروخت — اعجازالحق عثمانی
اگر آپ اسلامی جمہوریہ پاکستان کے شہری ہیں تو پھر یقیناً حال ہی میں آپ نے پانامہ لیکس کا نام سنا ہوگا ۔اور آج کل آڈیو لیکس کے بارے میں بھی اور لیک ہونے والی آڈیوز کو سن بھی رہے ہونگے۔ملکی تاریخ میں آڈیوز لیکس پہلی بار نہیں ہورہی ہیں،اس سے پہلے بھی آڈیوش اور ویڈیوز لیکس ہوتی رہی ہیں۔ مگر ہم نے کبھی اپنی سیکیورٹی کو بہتر بنانے کی طرف غور ہی نہیں کیا۔
گزشتہ ہفتے آڈیوز لیکس کا شروع ہونے والا سلسلہ تا حال جارہی ہے۔ وزیر اعظم شہباز شریف، سابق وزیرِاعظم عمران خان سمیت کئی اہم وزرا کی حساس نوعیت کی گفتگو لیک ہو چکی ہے۔ "انڈی شیل” کے نام سے ایک اکاؤنٹ ہیکرز کے ایک فورم پر بنایا گیا۔ اکاؤنٹ بنانے والے ہیکر نے پاکستانی وزیر اعظم ہاؤس کی آڈیوز کی اپنے پاس موجودگی کے متعلق ہیکرز فورم پر پوسٹ کی۔ جس کی قیمت 180 بٹ کوائن رکھی گئی ۔ یعنی پاکستانی وزیر اعظم ہاؤس کے لیک شدہ گفتگو کی عالمی مارکیٹ میں بولی لگائی گئی ۔ جی ہاں، جناب ! ایٹمی ملک پاکستان ہے یہ ، یہاں وزیراعظم ہاؤس میں ہونے والی گفتگو ریکارڈ ہو جاتی ہے۔ اور پھر ہیکر اسے عالمی مارکیٹ میں فروخت کے لیے بولی لگاتا ہے۔ مگر ایٹمی ملک بے خبر ہے کہ یہ سب کیسے ہوا ہے۔
100 گھنٹوں سے زائد کی گفتگو کی ریکارڈنگ۔۔۔۔۔۔۔ وہ بھی وزیراعظم ہاؤس جیسی حساس جگہ کی۔۔۔۔۔۔ ایٹمی ملک کو اپنا سر پیٹ لینا چاہیے۔ دنیا ٹیکنالوجی میں کتنی آگے بڑھ گئی ہے۔ کوئی دشمن ملک کتنی آسانی سے ہمارے رازوں سے پردہ اٹھا سکتا ہے۔ یہ سب سوچنے اور اسکا سب کا حل نکالنے کی بجائے آج بھی ہم فقط سیاست میں مصروف ہیں۔
وزیرِاعظم پاکستان شہباز شریف نے اپنی اور پرنسپل سیکریٹری کی مبینہ آڈیو لیک ہونے کے معاملے پر تشویش کا اظہار کرتے ہوئے کہا کہ” یہ معاملہ صرف اُن کی ذات کا نہیں بلکہ ریاستِ پاکستان کی عزت کا ہے”۔جناب ریاست پاکستان کی عزت وتکریم کو جتنا آپ لوگوں نے پامال کیا ہے۔ اب آپ یہ بات کرتے ہوئے اچھے نہیں لگ رہے۔
وزیراعظم ہاؤس جیسی حساس جگہ کی ایسی آڈیوز کا ریکارڈ ہونا اور پھر منظر عام پر آنا۔ ایجنسیوں کے لیے بھی لمحہ فکریہ ہونا چاہیے ۔
اگر یہ کام کسی دوسرے ملک کا ہے۔ تو ہم بے خبر کیسے رہے؟۔سیکیورٹی معاملات اور خارجہ پالیسی جیسے حساس امور پر گفتگو جہاں ہوتی ہے ۔اگر وہاں کی سیکورٹی اتنی کمزور ہے۔ باقی ملک کا تو پھر اللہ ہی حافظ ہے ۔
-
لباس، شخصیت اور تمکنت — شہنیلہ بیلگم والا
بائیس سال سے درس و تدریس سے وابستہ ہوں. ملک سے باہر رہنے کی وجہ سے مختلف قومیتوں سے دن رات کا واسطہ رہتا ہے.ان دو دہائیوں میں پہننے اوڑھنے کے اطوار بہت بدل گئے ہیں. آپ اگر انٹرنیشنل لیول کے ادارے میں کام کرتے ہیں تو گمان غالب ہے کہ مغربی پہناوا زیادہ نظر آئے گا. عرب کلچر میں عبایا کے نیچے زیادہ تر مغربی لباس ہی پہنا جاتا ہے. اسی طرح ایشیائی غیر مسلم ممالک کی خواتین بھی زیادہ تر ویسٹرن وئیر ہی پسند کرتی ہیں. پہلی وجہ یہ ہے کہ یہ ہر جگہ دستیاب ہے اور دوسرا وہی ہماری ذہنی غلامی.
جہاں تک میرا مشاہدہ اور تجربہ ہے ہم پاکستانی خواتین ابھی تک اپنی اصل سے جڑی ہوئی ہیں. پاکستانی برانڈز کے خوشنما اور انتہائی ڈیسنٹ کپڑے. دلکش پرنٹس، نفیس کڑھائی اور پھر اس پہ بڑا سا دوپٹہ آپ کی شخصیت کو تمکنت اور وقار عطا کرتا ہے.
عام طور پر یہی سمجھا جاتا ہے کہ ہر کپڑا، ہر فیشن سب کے لیے نہیں ہوتا. لیکن پاکستانی لباس کی خاص بات یہی ہے کہ وہ ہر جسامت، رنگت اور عمر کو سوٹ کرتا ہے. ویسٹرن کپڑے خاص جسامت کے لوگوں پر ہی اچھے لگتے ہیں. پہننے والے پہنتے ہیں لیکن دیکھنے والوں کو کیسے لگتا ہے وہ سب بتاتے نہیں. اس لیے لباس وہی پہننیے جو آپ کو سوٹ کرتا ہو آپ کی پسندیدہ ماڈل کو نہیں.
اپنی اصل سے جڑے ہونے کا سب سے بڑا فائدہ یہ ہے کہ آپ نہ صرف پروقار لگتی ہیں بلکہ بطور ایک پاکستانی آپ اپنے کلچر کو پروموٹ بھی کر رہی ہوتی ہیں. اپنا تجربہ بتاؤں تو میری کولیگز اب کھاڈی، نشاط لینن، سفائر، جے ڈاٹ، گل احمد کے ساتھ سایا، ست رنگی، کیسریا اور ژیلبری کی بھی فینز ہو چکی ہیں.
-
ڈیرہ اسماعیل خان – حاجی کفیل احمد نظامی کی کوشش سے یو سی ڈیوالہ سلطانی مسجد کا ٹرانسفارمر مرمت کرا دیاگیا
باغی ٹی وی :ڈیرہ اسماعیل خان( نامہ نگار)ترقی کے رنگ مولانا برادران کے سنگ،مولانا برادران کے خصوصی تعاون سے سابق امیدوارتحصیل میئر حاجی کفیل احمد نظامی کے بروقت رسپانس سے یو سی ڈیوالہ سلطانی مسجد کا ٹرانس فارمر مرمت کروا کر اہلیان علاقہ کے دل جیت لیے، اہلیان علاقہ یوسی ڈیوالہ نے مولانا برادران اورحاجی کفیل احمد نظامی کا شکریہ ادا کرتے ہوئے آئندہ جنرل الیکشن میں اپنی مکمل حمایت کی یقین دہانی کرادی۔تفصیلات کے مطابق یوسی ڈیوالہ سلطانی مسجد کا ٹرانس فارمر گزشتہ کئی دنوں سے خراب تھا جس کی وجہ سے نمازیوں کو مشکلات پیش آتی تھیں۔ ٹرانس فارمر خراب کے متعلق سابق امیدوارتحصیل میئر حاجی کفیل احمد نظامی سے رابطہ کیاگیا جنہوں نے اپنی جیب سے یوسی ڈیوالہ سلطانی مسجد کاٹرانس فارمر مرمت کراکر نصب کرادیا۔ٹرانس فارمر نصب ہونے پر اہلیان علاقہ یوسی ڈیوالہ نے ٹرانس فارمر مرمتی پرسابق امیدوارتحصیل میئر حاجی کفیل احمد نظامی کابے حدشکریہ اداکیا ہے۔انہوں نے کہاکہ سابق امیدوارتحصیل میئر حاجی کفیل احمد نظامی نے ہماری مشکلات کا مداواکیا ہے جس پر انہیں زبردست الفاظ میں خراج تحسین پیش کرتے ہیں۔ انہوں نے آئندہ جنرل الیکشن میں مولانابرادران اورسابق امیدوارتحصیل میئر حاجی کفیل احمد نظامی کواپنی مکمل حمایت کا یقین دلایا ہے۔ انہوں نے مولانابرادران اورسابق امیدوارتحصیل میئر حاجی کفیل احمد نظامی کوبھاری اکثریت سے کامیاب کرانے کا اعلان کیاہے۔
-
ڈیرہ اسماعیل خان – ضلعی جنرل سیکرٹری جے یو آئی اشفاق ایڈووکیٹ کے کزن محمد خلیل کی وفات پر ان کے لواحقین سے فاتحہ خوانی اور مغفرت کی دعا
باغی ٹی وی : ڈیرہ اسماعیل خان( نامہ نگار)سابق امیدوارتحصیل میئر وجمعیت علماء اسلام کے رہنماء حاجی کفیل احمد نظامی کی ضلعی جنرل سیکرٹری جے یو آئی اشفاق ایڈووکیٹ کے کزن محمد خلیل کی وفات پر ان کے لواحقین سے فاتحہ خوانی اورمغفرت کااظہار،اس موقع پران کے ہمراہ شریف چوہان اورراشدببلوبھی موجودتھے۔اللہ پاک سے مرحوم حاجی محمد خلیل کے درجات بلندی اور جنت الفردوس میں اعلیٰ مقام عطاکرنے کی دعاکی گئی۔تفصیلات کے مطابق گزشتہ دنوں جمعیت علماء اسلام کے ضلعی جنرل سیکرٹری اشفاق ایڈووکیٹ کے کزن محمدخلیل وفات پاگئے تھے۔ ان کی وفات کے سلسلے میں سابق امیدوارتحصیل میئر وجمعیت علماء اسلام کے رہنما حاجی کفیل احمد نظامی نے ضلعی جنرل سیکرٹری جے یو آئی اشفاق ایڈووکیٹ کے کزن محمد خلیل کی وفات پر ان کے لواحقین سے فاتحہ خوانی اوردعائے مغفرت مانگی۔انہوں نے ضلعی جنرل سیکرٹری جے یو آئی اشفاق ایڈووکیٹ کے کزن محمدخلیل کی وفات پران کے لواحقین سے تعزیت کااظہارکیااوراللہ پاک سے مرحوم کے درجات بلندی کیلئے دعامانگی۔اس موقع پرشریف چوہان اورراشدببلوبھی سابق امیدوارتحصیل میئر وجمعیت علماء اسلام کے رہنماء حاجی کفیل احمد نظامی کے ہمراہ تھے۔ضلعی جنرل سیکرٹری جے یو آئی اشفاق ایڈووکیٹ کے لواحقین نے سابق امیدوارتحصیل میئر وجمعیت علماء اسلام کے رہنماء حاجی کفیل احمد نظامی کی آمداورفاتحہ خوانی پران کاشکریہ اداکیا۔
-
روجھان – بجلی سمیت تمام ترقیاتی منصوبوں کو فوری طور پر مکمل کیاجائے.سردار ریاض محمود مزاری
باغی ٹی وی : روجھان( ضامن حسین بکھر کی رپورٹ) چیئرمین برائے اسٹینڈنگ کمیٹی پاور ڈویژن رکن قومی اسمبلی سردار ریاض محمود مزاری کی صدارت میں میٹنگ بجلی سمیت تمام تر ترقیاتی منصوبوں کو فوری طور پر مکمل کرنے کی ہدایت ۔
چیئرمین اسٹینڈنگ کمیٹی پاور ڈویژن سردار ریاض محمود مزاری بجلی کے جاری ترقیاتی منصوبوں کو فوری طور پر جلد سے جلد مکمل کرنے کے احکامات صادر کیئے ، پریس ریلیز کے مطابق حالیہ فلڈ کے نقصانات اور ان کے تخمینہ کے لئیے کیبنیٹ نے بریفننگ لیا جائے گا جس کے لئیے خصوصی طور پر وفاقی وزیر منصوبہ بندی احسن اقبال صاحب کو اگلے میٹنگ میں مدعو کیا جائگا نے، اور کسانوں کے بجلی کے مسائل کے حل کے لئیے کیبنٹ ڈویژن کو ان کے مسائل کے حل کے لئیے کمیٹی بنانے کی تجویز دی اور مسائل حل کرنے کی سفارش کی جس پر کمیٹی قائم کی جائے گی اور تب تک کسانوں کے کنکشن منقطع نہیں کئیے جائیں اور نہ ہی ان کے بجلی کے بلز پر لیٹ فیس جرمانہ لگے لگا ، اس معاملے کے حل کے لئیے وزارت نے تمام تقسیم کار کمپنیوں کو مراسلہ جاری کر دیا۔ -
جنوبی وزیرستان کو پی ٹی آئی کا گڑھ بنائیں گے .حاجی افسر خان محسود
باغی ٹی وی :جنوبی وزیرستان(نامہ نگار)جنوبی وزیرستان میں پی ٹی آئی کے چیئرمین زبورشاہ کی سرپرستی میں پروقارتقریب کاانعقاد،تقریب کے مہمان خصوصی پاکستان تحریک انصاف جنوبی وزیرستان کے صدرحاجی افسرخان محسودتھے۔تقریب میں جنوبی وزیرستان کوپی ٹی آئی کا گڑھ بنانے کے عزم کااعلان۔تفصیلات کے مطابق چیئرمین زبور شاہ کی سرپرستی میں ایک پروقار تقریب منعقد ہوئی جس کے مہمان خصوصی پی ٹی آئی کے صدر حاجی افسر خان محسود تھے۔اس موقع پر حاجی افسر خان محسود نے چیئرمین زبور شاہ کی پاکستان تحریک انصاف کیلئے خدمات کوبے حد سراہا۔ پروگرام کے اختتام پر چیئرمین زبور شاہ نے حاجی افسر خان محسودکو سوئنر پیش کیا۔ پروقارتقریب میں معززین علاقہ نے کثیرتعداد میں شرکت کی اورپاکستان تحریک انصاف کوجنوبی وزیرستان میں مضبوط وفعال بنانے کاعزم کیا۔
-
چیف ایگزیکٹیو ایجوکیشن میاں شفقت حبیب کا حکم نہیں ماننا مختلف سکول کے ہیڈٹیچرز کو حکم
باغی ٹی وی شیخوپورہ( محمد طلال سے)چیف ایگزیکٹیو ایجوکیشن میاں شفقت حبیب کا حکم نہیں ماننا مختلف سکول کے ہیڈٹیچرز کو حکم ۔ڈسٹرکٹ ایجوکیشن آفیسر سکینڈری شیخوپورہ کا ڈسٹرکٹ ایجوکیشن اتھارٹی کو تقسیم کرنے کی کوشش۔باغی ٹی وی کی رپورٹ کے مطابق محمد سجاد اسلم ڈسٹرکٹ ایجوکیشن آفیسر سیکنڈری شیخوپورہ جس جگہ پر بھی ان کی پوسٹنگ ہوئی ہے یہ متنازعہ شخصیت رہے ہیں شیخوپورہ کے سرکاری سکولز میں غیر قانونی طریقہ سے پرائیویٹ آکسن اکیڈمی کا سلیبس لاگو کرنا ہو یا دوسرے معاملات ہوں آکسن اکیڈمی سلیبس کے معاملہ پر ہیڈٹیجرز کو چیف ایگزیکٹیو آفیسر ایجوکیشن میاں شفقت حبیب جنھوں نے اس سلیبس کو لاگو نہ کرنے کے احکامات حاری کیے تھے ڈسٹرکٹ ایجوکیشن آفیسر سیکنڈری شیخوپورہ محمد سجاد اسلم نے ہیڈٹیچرز کو سی ای او ایجوکیشن کا حکم نہ ماننے کہا۔ فاروق آباد میں اپنی ریٹائرڈ ٹیچر بہن کو مانیٹرنگ آفیسر گرلز ہائیرسیکینڈری سکول فاروق آباد لگا دیا۔ شرقپور شریف میں ایک کلرک کو فوکل پرسن لگادیا۔ جو اساتذہ کرام کے جائز وناجائز کام کروانے کے لیے بھی رشوت طلب کرتا ہے بات یہی نہیں رکی ایک ہی ہیڈ ٹیچر کو چار مختلف سکولوں کی ڈی ڈی او اور دو مختلف سکولوں کا اضافی چارج بھی دے دیا۔ انرولمنٹ کے معاملہ میں ان صاحب کی کارکردگی صفر ہے انرولمنٹ میں سکینڈری ونگ کی کارکردگی صرف سات فیصد رہی جو کہ انتہائی کم ہے۔ جبکہ دوسری ایلیمنٹری ونگز سیکینڈری ونگ سے بہت آگے ہیں۔ان کا اساتذہ کے ساتھ رویہ بھی ہتک آمیز ہے۔ ڈسٹرکٹ ایجوکیشن آفیسر سیکنڈری محمد سجاد اسلم ڈینگی کے فوکل پرسن مقرر ہیں مگر اس سلسلہ میں بھی ان کی کارکردگی صفر ہے انکی عدم دلچسپی کے باعث سکول ایجوکیشن ڈیپاڑٹمنٹ سے جواب طلبیاں معمول بن چکی ہیں۔چیف ایگزیکٹو آفیسر ایجوکیشن شیخوپورہ نے خود سکولوں کی چیکنگ کے دوران ڈینگی کے پھلاو کو روکنے کے خاطرخواہ اقدامات نہ کرنے پر 40اساتذہ کو شوکاز نوٹس جاری کرکے ان کے خلاف پیڈاایکٹ کے تحت کاروائی کا آغاز کردیا ہے۔ جبکہ ڈسٹرکٹ ایجوکیشن آفیسر سیکنڈری شیخوپورہ محمد سجاد اسلم کے کاموں کی وجہ سے ڈسٹرکٹ ایجوکیشن اتھارٹی بد نام ہو رہی ہے ڈسٹرکٹ ایجوکیشن اتھارٹی کی کارکردگی بہتر ہونے کی بجائے تنزلی کی طرف جارہی ہے۔ڈی ای او سیکینڈری گرلز سکولوں میں زیادہ دلچسپی لیتے ہیں۔کبھی بھی وقت پر کسی سکول نہیں پہنچتے اور نہ اپنے دفتر کو ٹائم دیتے ہیں۔اس سلسلہ میں جب ڈسٹرکٹ ایجوکیشن آفیسر سیکنڈری شیخوپورہ سجاد اسلم صاحب سے رابطہ کرنے کی کوشش کی گئی تو وہ دستیاب نہیں تھے۔شہر کے سماجی حلقوں میں ڈسٹرکٹ ایجوکیشن آفیسر سکینڈری شیخوپورہ محمد سجاد اسلم کے اقدامات پر تشویش کا اظہار کیا ہے اور اعلی حکام سے مطالبہ کیا ہے کہ ڈی ای او سکینڈری شیخوپورہ محمد سجاد اسلم کی غیر تسلی بخش کارکردگی کا نوٹس لیا جائے۔
-
ضلع تلہ گنگ کے قیام کے حوالے سے دی گئی ڈیڈ لائن کا کل آخری روز،
باغی ٹی وی : تلہ گنگ (شوکت علی ملک سے) ضلع تلہ گنگ کے قیام کے حوالے سے دی گئی ڈیڈ لائن کا کل آخری روز، اہلیانِ تلہ گنگ نوٹیفکیشن کے اجراء کےلیے پُرامید، نوٹیفیکیشن کے اجراء پر ق لیگی قیادت کو بھرپور خراجِ تحسین پیش کرنے کا فیصلہ، نوٹیفکیشن جاری نہ ہونے پر الٹی گنتی شروع کرنے پر غور، گزشتہ ایک ڈیڑھ ماہ سے تلہ گنگ ضلع کے قیام کے حوالے سے مختلف پیشن گوئیاں اور قیاس آرائیاں جاری ہیں، مختلف ذمہ دار ذرائع نے ماہِ ستمبر کے آخر میں تلہ گنگ ضلع کے نوٹیفیکیشن کے بلند و بانگ دعوے کر رکھے تھے، جس کا کل آخری روز ہے، عوامی حلقوں نے اگلے چند گھنٹوں میں تلہ گنگ ضلع کا نوٹیفکیشن جاری ہونے پر ایم پی اے حافظ عمار یاسر سمیت تمام ق لیگی مقامی قیادت کو بھرپور خراجِ تحسین پیش کرنے کا فیصلہ کیا ہے، تاہم اگر دی گئی ڈیڈ لائن تک نوٹیفکیشن جاری نہ کیا گیا اور مسلسل تاخیری حربے استعمال کیے گئے اور کسی ٹرک کی بتی کے پیچھے لگانے کی کوشش کی گئی تو الٹی گنتی شروع کرنے کا بھی اصولی فیصلہ کر رکھا ہے، عوامی حلقوں کا کہنا ہے کہ متعدد بار تلہ گنگ ضلع کے نام پر اپنی سیاسی ہٹیاں چمکانے کی کوشش کی گئی اور ہمارے جذبات کیساتھ کھیلا گیا مگر اب کی بار کوئی گنجائش باقی نہیں، لہذٰا ذمہ داری کا مظاہرہ کرتے ہوئے بلا حیل و حجت اور بغیر کسی تاخیری حربے کے تلہ گنگ ضلع کا نوٹیفکیشن جاری کرکے ہمارا دیرینہ اور دِلی مطالبہ پورا کرکے شکریہ کا موقع فراہم کیا جائے۔