Baaghi TV

Category: بلاگ

  • گوگل نے پاکستان میں زلزلے کی خبر دینے والا الرٹ سسٹم متعارف کرا دیا

    گوگل نے پاکستان میں زلزلے کی خبر دینے والا الرٹ سسٹم متعارف کرا دیا

    دنیا کے سب سے بڑے سرچ انجن گوگل نے پاکستان میں زلزلے کی خبر دینے والا الرٹ سسٹم متعارف کرادیا ۔

    باغی ٹی وی : اینڈرائیڈ ارتھ کوئیک نامی یہ الرٹ سسٹم بلاقیمت ہے اوراینڈرائیڈ پلیٹ فارم کا ایک مددگار فیچر ہے جو دنیا بھر میں زلزلوں کا پتا لگاتا ہے اور لوگوں کو آگاہ کرتا ہےیہ سسٹم زلزلےکی سرگرمیوں کا پتا لگانے کے لیےفعال اینڈرائیڈ اسمارٹ فونز میں موجود ایکسلرو میٹر (accelerometers)استعمال کرتا ہے اور سرچ اور ڈیوائس کے ذریعے براہ راست لوگوں کوزلزلے کے بارے آگاہ کرتا ہے۔

    فِچ ریٹنگز نے پاکستان کے آؤٹ لک کو مستحکم سے منفی کر دیا

    یہ سسٹم گوگل سرچ کو تقریباً فوری طور پر (near-instant)معلومات فراہم کرتا ہے جب لوگ ’زلزلہ‘ یا ’میرے نزدیک زلزلہ‘دیکھتے ہیں تو انہیں متعلقہ نتائج ملتے ہیں اور ساتھ ہی اس بارے میں مددگار وسائل کے بارے میں بھی معلومات ملتی ہیں کہ زلزلے کے بعد کیا کرنا چاہیے۔

    تیل کی پیداوار ایک کروڑ 30 لاکھ بیرل سے نہیں بڑھا سکتے،محمد بن سلمان

    ایسے صارفین جو یہ الرٹس وصول نہیں کرنا چاہتے وہ ڈیوائس کی سیٹنگ میں جا کر اسے بند بھی کر سکتے ہیں موبائل آلات پر اینڈرائیڈ ارتھ کوئیک الرٹس سسٹم 2 اقسام کے الرٹس دکھاتا ہے جن کا انحصار زلزلے کی شدت پر ہوتا ہے۔

    یہ اطلاع زلزلے کے مرکز سے فاصلے کی معلومات کے ہمراہ بھیجی جاتی ہے، الرٹ فون کے موجودہ والیوم، وائبریشن، اور ڈسٹرب نہ کریں کی سیٹنگ استعمال کرتا ہے۔

    ٹک ٹاک گوگل سرچ انجن کیلئے بھی خطرہ بن گیا

  • اسنیپ چیٹ نے اپنا ویب ورژن جاری کردیا

    اسنیپ چیٹ نے اپنا ویب ورژن جاری کردیا

    سوشل میڈیا ایپلیکیشن اسنیپ چیٹ نے بالآخر اپنا ویب ورژن جاری کردیا ۔

    باغی ٹی وی : غیر ملکی خبر ایجنسی کی رپورٹ کے مطابق اسنیپ چیٹ نے فی الحال یہ سہولت امریکا، برطانیہ، نیوزی لینڈ، کینیڈا اور آسٹریلیا کے لیے متعارف کروائی ہے جس کے تحت صارفین اب اپنے لیپ ٹاپ پر بھی دوستوں کو پیغامات بھیج سکیں گے، ساتھ ہی تصاویر اور ویڈیو کالز بھی کرسکیں گے۔

    ٹک ٹاک گوگل سرچ انجن کیلئے بھی خطرہ بن گیا

    اس کے علاوہ رپورٹ میں بتایا گیا کہ اسنیپ چیٹ ارادہ رکھتا ہے کہ اس ورژن کو پوری دنیا میں متعارف کروانے سے قبل اسے سعودی عرب، متحدہ عرب امارات، فرانس اور جرمنی میں بھی لانچ کروایا جائے جلد ہی یہ فیچر پاکستان اور بھارت کے لیے بھی متعارف کرادیا جائے گا۔

    اسنیپ چیٹ کے ویب ورژن کے ذریعے آپ ناصرف پیغامات اور تصاویر بھیج سکیں گے بلکہ ویڈیو کالز بھی کرسکیں گے، اس کے علاوہ آپ کو ڈیسک ٹاپ پر وہ تمام فیچرز میسر ہوں گے جو آپ موبائل پر استعمال کرتے ہیں۔

    فِچ ریٹنگز نے پاکستان کے آؤٹ لک کو مستحکم سے منفی کر دیا

    ایپ کی جانب سے جاری کردہ پریس ریلیز میں کہا گیا ہے کہ تمام پروڈکٹس کی طرح ہماری ٹیم نے ویب کے لیے اسنیپ چیٹ پرائیویسی مدنظر رکھتے ہوئے ڈیزائن کی ہے, ہم نے یہ ایک منفرد پرائیویسی اسکرین کے ساتھ لانچ کیا ہے جو کچھ اور کام کرنے پر اسنیپ چیٹ کی وِنڈو کو چُھپا دے گی-

    ویب ورژن کیسے لاگ اِن کریں؟

    اسنیپ چیٹ کے ویب ورژن تک رسائی کے لیے سب سے پہلے ڈیسک ٹاپ پر web.snapchat.com کھولنا ہوگا، اس میں اب اپنا یوزر نیم اور پاس ورڈ ڈالنا ہوگا جس کے بعد موبائل پر تصدیقی پیغام موصول ہوگا ایک بار صارف لاگ ان ہوگیا تو پھر باآسانی تمام فیچر تک رسائی حاصل کرسکے گا۔

    نجومی خاتون بابا وانگا کی 2022 میں کی گئی پیشگوئیوں میں 2 پوری ہو گئیں

    واضح رہے کہ اسنیپ چیٹ نے حال ہی میں اسنیپ چیٹ+ پریمیئم ٹیئر اضافی لیکن مصنوعی فیچرز کے ساتھ جاری کیا تھا ان فیچرز میں ایپ کے نشان کے اسٹائل میں تبدیلی، یہ دیکھنا کہ کس نے اسٹوری دوبارہ دیکھی اور اپنےکسی دوست کو ’بی ایف ایف‘ بنانا اور ان کو اپنی چیٹ ہسٹری میں سب سے اوپر پِن کرنا شامل تھا۔

    سعودی عرب میں امریکی صدر کا استقبال،سرخ کارپٹ کی جگہ بنفشی کارپٹ کیوں بچھائے گئے؟

  • قومی سلامتی کے اداروں پر ذمّہ داری بڑھ گئی: تجزیہ:-شہزاد قریشی

    قومی سلامتی کے اداروں پر ذمّہ داری بڑھ گئی: تجزیہ:-شہزاد قریشی

    ملکی معیشت اور سیاست کے افق پر غیر یقینی کے بادل گہرے ہو گئے ۔ جاری سیاسی رسہ کشی اور اقتدار کی جنگ نے ایک خطرناک نہج اختیار کرلی۔ جس پر قومی سلامتی کے اداروں پر بہت بڑی ذمہ داری آن پڑی ہے۔ سیاسی کشمکش کے زہریلے اثرات نہ صرف معیشت بلکہ مقتدر حلقوں کی صفوں میں سرایت کرتے جا رہے ہیں۔

    وقت آن پڑا ہے کہ مقتدر حلقے اور سیاسی زعماء سرجوڑ کر بیٹھیں۔ ماضی کی غلطیوں، غلط فیصلوں، کوتاہیوں کو خلوص دل سے تسلیم کر کے اور کروا کے مستقبل میں اپنی حدود اور قیود کا نئے سرے سے تعین کریں اور فیصلہ کریں ملک میں معاشی استحکام ہو۔ ذاتی پسند ناپسند اپنی مرضی کے ججوں، جرنیلوں، دوسرے اہم اداروں میں تعیناتیوں کی دوڑ میں ہم آج اس مقام پر کھڑے ہیں۔ اگر اس وقت بھی اقتدار اور اقرباء کی حوس کو لگام نہ ڈالی گئی اور جج میرا جنرل میرا وزیراعظم میرا وزیراعلیٰ میرا چیئرمین۔ میرا میم ڈی میرا وزیر خارجہ میرا وروزیر خزانہ کی رٹ جاری رہی تو ملک اور عوام کو اس کا مزید نقصان ہو سکتا ہے۔

    اس وقت ایک اخلاص محبت الوطنی اور سچائی کے جذبے کی ضرورت ہے جو ذاتیات سے بلند ہو کر اعلیٰ ذہانت اور بے لوث قیادت کے ساتھ وطن عزیز کو سیاسی و معاشی منجدھار سے نکالے اب مزید تاخیر کی گنجائش نہیں ملکی سیاسی گلیاروں میں افواہ پھیلانا روزمرہ کا معمول بن چکا ہے۔ ملکی قومی سلامتی کے اداروں کو اپنی اصلاح کرنے کا پیغام دینا ہرذی شعور پاکستانی کا حق ہے مگر تواتر کے ساتھ پاک فوج اور ملکی سلامتی کے اداروں پر تنقید ملک کمزور کرنے کے مترادف ہے۔

    ملکی حالات کے پیش نظر سیاستدانوں کو قومی سلامتی کے اداروں پر الزام تراشی سے گریز کرنا چاہئے۔ عراق، لیبیا، شام، افغانستان ، آج اگر کھنڈرات کی شکل اختیار کر چکے ہیں ان ممالک میں قومی سلامتی کے اداروں کو متنازعہ بنایا گیا عالمی طاقتوں نے کمزور قومی سلامتی کے اداروں کو دیکھ کر ان ممالک کا حشر نشر کر دیا آج یہ ممالک عبرت کا نشان ہیں ان ممالک کو دیکھ کر ہمارے سیاستدانوں کو اقتدار کی حوس میں اپنے قومی سلامتی کے اداروں کو متنازعہ بنانے سے گریز کرنا چاہئے۔ ہم اپنے جن قومی سلامتی کے اداروں کو متنازعہ بنانے کی کوشش کر رہے ہیں اگر کسی باہوش بھارتی سے پوچھیں تو وہ ڈرتا بھی انہی اداروں سے ہے۔

  • ن لیگ ووٹ کو عزت دو بیانیہ سے محروم، تجزیہ : شہزاد قریشی

    ن لیگ ووٹ کو عزت دو بیانیہ سے محروم، تجزیہ : شہزاد قریشی

    ضمنی انتخابات میں تحریک انصاف کی کامیابی اور پی ڈی ایم جماعتوں اور بالخصوص مسلم لیگ (ن) کی پنجاب میں شکست نواز شریف کے بیانیے ووٹ کو عزت دو سے انحراف نے عوامی پذیرائی سے محروم کردیا ۔ ٕ

    جب تک ووٹ کو عزت دو کا پرچار کیا جارہا تھا عوام کی اکثریت نواز شریف اور بعد میں مریم نواز کے جلسوں میں دیوانہ وار شرکت کررہے تھے۔ جس تحریک کا آغاز نواز شریف نے ووٹ کو عزت دو شروع کیا تھا اس طرح کی تحریکیں ٹھنڈی نہیں ہوا کرتیں لیکن ڈیل اور ڈھیل کی سیاست نے نواز شریف کی سیاست کو اور جماعت کو شدید نقصان پہنچایا پھر پاکستان مسلم لیگ(ن) کی پاکستان میں موجودہ قیادت نے (ن) لیگی کارکنوں اور عہدیداروں کو نظر انداز کیا وہ ایک الگ کہانی ہے ۔

    نواز شریف کی ہمدردی میں جو لہر اُبھری تھی اس لہر کوبھی دوبارہ اُبھارنے کے لئے نواز شریف کی ضرورت ہے ۔ ملک میں موجود مسلم لیگ (ن) کی قیادت اپنی غلطیوں کا اعتراف کریں(ن) لیگ کی پنجاب میں شکست کے برابر شریک ہیں۔ میاں محمد شہباز شریف اور ان کی ٹیم کو یہ بات سمجھنی ہو گی کہ پارلیمانی سیاست ، پارلیمنٹ اور سیاست میں جن راستوں پر وہ چل پڑے ہیں کبھی بھی سیاسی جماعتوں کو مضبوط نہیں کرسکتی مسئلہ یہ ہے کہ ہماری سیاسی جماعتیں اور قائدین اپنا تجزیہ کرنے کو تیار نہیں ان کے طرز عمل سے کیسے جمہوری نظام اور ووٹ کی سیاست کمزور ہو رہی ہے ۔

    یہ ہماری سیاست کا المیہ ہے کہ طاقت کی سیاست کے پیچھے بھاگاجا رہا ہے ۔ عوام کو نظر انداز نہیں کیا جا سکتا جمہوری ممالک میں عوام ہی انتخابات میں فیصلہ کرتے ہیں۔ آج کل ملک میں آئین کے آرٹیکل 6 پر باتیں کی جا رہی ہے آئینی ماہرین کے مطابق آئین کے آرٹیکل 6 سے پہلے آرٹیکل 3 بھی آتا ہے جس کی رو سے ملک میں ہر قسم کے استحصال کا خاتمہ ،ہر شہری کو باعزت روزگار کی فراہمی ریاست کی ذمہ داری ہے ۔ آئینی ماہرین کے مطابق آرٹیکل 38 بھی اسی آئین کا حصہ ہے ۔

    ان آئین کی شقوں کی خلاف ورزی حکومتیں کرتی چلی آرہی ہیں ۔ اس پامالی پر شور کیوں نہیں مچایا جاتا ؟ ان شقوں پر پارلیمنٹ میں بحث کیوں نہیں ہوتی ؟اگر آمریت نے آئین کو پامال کیا ہے تو کیا جمہوری حکومتوں نے اس کی پاسداری کی ہے ؟ سچ تو یہ ہے کہ ملک میںاہل ہوس مدعی بھی ہیں اور منصف بھی ۔ عوام مسلسل دھوکہ اور فریب کھا رہی ہے۔ عوام کا رُخ موڑنے کے لیے کھیل تماشے کئے جاتے ہیں ۔ عوام کے بنیادی مسائل کو حل کرنا تو دور کی بات یہ سوچنے سے بھی عاری ہیں ۔75 سالوں میں جس ملک میں بجلی کا بحران ختم نہیں ہوا ور کی تمنا عوام عوام کیسے کرے گی ۔

  • جوبائیڈن کا دورہ مشرق وسطیٰ ایک سعی لاحاصل،تجزیہ: شہزاد قریشی

    جوبائیڈن کا دورہ مشرق وسطیٰ ایک سعی لاحاصل،تجزیہ: شہزاد قریشی

    امریکی صدر جوبائیڈن ان دنوں مشرق وسطیٰ کے دورے پر ہیں۔ مگر بہت دیر کی مہرباں آتے آتے کے مصداق ہے۔ روس یوکرین جنگ، امریکی معیشت پر اس کے اثرات۔ امریکہ میں اس وقت مہنگائی 40 سال کی ریکارڈ بلند ترین سطح پر ہے۔ خارجہ محاذ پر یکسر ناکام جوبائیڈن داخلی محاذ پر بھی ناکام ہو چکے ہیں۔ امریکہ میں جو بائیڈن کا گراف تیزی سے گر رہا ہے نومبر کے وسط مدتی انتخابات میں بائیڈن کی ڈیموکریٹک پارٹی کو شکست یقینی نظر آرہی ہے جو ڈیموکریٹک کے لئے انتہائی شرمندگی کا باعث بن سکتی ہے۔

    مہنگائی اور تیل کی قیمتوں کے اندرون ملک اور عالمی سطح پر کم کرنے کے لئے امریکہ کو سعودی عرب کی مدد ناگزیر ہے۔ امریکی صدر نے انتخابی مہم میں سعودی عرب کو ترک صحافی جمال خشوگی قتل کا ذمہ دار قرار دیتے ہوئے اچھوت ملک قرار دیا تھا لیکن روس یوکرین جنگ اور امریکی معیشت تیل کی قیمتوں کے اضافے نے امریکی صدر کو سعودی عرب کے دورے پر مجبور کر دیا۔

    عالمی سیاسی ماہرین کا کہنا ہے کہ خطے اور عالمی صورتحال کے تناظر میں جو بائیڈن کا دورہ سعودی عرب دونوں ملکوں کے تعلقات میں بہتری لانے میں معاون ثابت ہوگا مگر یہ بھی سچ ہے کہ بائیڈن اپنے دیرینہ عرب حلقوں کو منانے میں بہت دیر کر دی ہے جواب امریکہ کی بہ نسبت روس اور چین پر اعتماد کرنے لگے ہیں۔

    روس اور یوکرین کے تناظر میں اقوام متحدہ اور سلامتی کونسل میں روس کے خلاف ہر اقدام پر خلیجی ملکوں نے جو موقف اختیار کیا ہے وہ یہ بتانے کے لئے کافی ہے کہ اب خلیجی ملکوں کو امریکہ پر اعتبار نہیں رہا کیونکہ یوکرین جنگ کے بعد امریکی ساکھ میں گراوٹ اور روس کی ساکھ میں اضافہ ہوا ہے ایسے میں جوبائیڈن کا دورہ مشرق وسطیٰ انتہائی تاخیر سے کی گئی ایک سعی لاحاصل کے سوا کچھ نہیں ہے۔

  • روجھان : کوہ سلیمان پر ہونے والی طوفانی بارشوں نے ضلع راجن پور میں تباہی مچادی۔

    روجھان : کوہ سلیمان پر ہونے والی طوفانی بارشوں نے ضلع راجن پور میں تباہی مچادی۔

    روجھان : کوہ سلیمان پر ہونے والی طوفانی بارشوں نے ضلع راجن پور میں تباہی مچادی۔
    باغی ٹی وی (روجھان سے ضامن حسین بکھرکی رپورٹ) روجھان کے ٹرائبل ایریامیں بھی شدید طوفانی بارشوں سے کوہ سلیمان بلوچستان سے ملحقہ تحصیل روجھان کے علاقوں میں بارشوں کے باعث پہاڑی ندی نالوں میں طغیانی کی وجہ سے زنگی نالہ میں رودکوہی کے سیلابی ریلے سے ٹرائبل ایریا اور میدانی اور نشیبی علاقے زیر آب آ گئے

    اور وہاں پر زیر کاشت کھڑی فصلیں متاثر ہوئیں اور علاقے میں نقصانات کی بھی اطلاعات موصول ہوئیں ہیں زنگی نالہ میں طغیانی سے متعدد مواضات کے دیہات زیر آب آنے سے عوام کو شدید تکلیف اور مشکلات کا سامناکرناپڑ رہا ہے ، ذرائع کاکہنا ہے کہ بلوچستان سے ملحقہ تحصیل روجھان کے پہاڑی علاقوں کا تو لیڑیں ذاموڑاں، شیخ والہ، باڑا، بھنڈو والہ، اوزمان، جھترو، مغل، دلبر، مٹ واہ میں بارشوں نے تباہی مچا دی جس سے کسانوں کی کھڑی فصلوں کونقصان پہنچاشدیدنقصان پہنچا۔

    ڈپٹی کمشنر راجن پور جمیل احمد جمیل کے حکم اور اسسٹنٹ کمشنر روجھان ذیشان شریف قیصرانی کی ہدایت پر تحصیل دار روجھان ملک مصطفی کریم کھر ریونیو عملہ کے ہمراہ زنگی نالہ کے سیلابی پانی سے متاثرہ علاقوں کا دورہ کیا اور رودکوہی کے سیلابی گزرگاہوں کا اور علاقے میں نقصانات کا بھی جائزہ لیا اور متاثرہ علاقوں کے لوگوں سے بھی ملے سیلابی ریلے سے متاثر لوگوں نے کہا کہ روجھان کے جن مواضعات میں سیلابی صورتحال ہے وہاں پر ابھی تک کوئی امدادی کارروائیاں شروع نہیں کی گئیں علاقائی لوگوں کا کہنا تھا کہ روجھان کے پہاڑی اور میدانی علاقوں میں حالیہ شدید طوفان بارشوں کے باعث لوگوں کاکافی نقصان ہوا ہے علاقے کو آفت ذدہ قرار دے کر متاثرین کی داد رسی کی جائے اور امدای کارروائیوں کا آغاز کیا جائے تاکہ متاثرہ علاقوں کے عوام کی دل جوئی ہو سکے۔

  • مین شاہراہ سیلاب کے باعث کٹنے سےاپرچترال کا ایک ہفتے سے زمینی رابطہ منقطع

    مین شاہراہ سیلاب کے باعث کٹنے سےاپرچترال کا ایک ہفتے سے زمینی رابطہ منقطع

    ضلع اپر چترال میں ریشن کے مقام پر سیلاب کی وجہ سے مین شاہراہ پچھلے ایک ہفتے سے کٹ چکی ہے جس کے نتیجے میں ضلع اپر چترال کا ملک کے دیگر حصوں سے زمینی رابطہ منقطع ہے۔ وزیر اعظم پاکستان کے مشیر انجنیر امیر مقام نے متاثرہ علاقے کا دورہ کیا اور عوام کو فوری ریلیف دینے کا اعلان بھی کیا۔ تفصیل اپرچترال سے باغی ٹی وی کے نمائندے گل حماد فاروقی کی اس رپورٹ میں

  • ’بلیک بیوٹی‘ نامی شہابی پتھرمیں قدیم ترین مریخی معدنیات موجود

    ’بلیک بیوٹی‘ نامی شہابی پتھرمیں قدیم ترین مریخی معدنیات موجود

    پرتھ: سائنس دانوں کا کہنا ہے کہ NWA 7034 المعروف ’بلیک بیوٹی‘ نامی شہابی پتھرمیں قدیم ترین مریخی معدنیات موجود ہیں-

    باغی ٹی وی : غیرملکی میڈیا کے مطابق نیچر کمیونی کیشنز میں شائع کی گئی رپورٹ کےمطابق محققین نے مصنوعی ذہانت کا استعمال کرتے ہوئے مریخ کے مطالعے کے لیے بھیجے گئے متعدد مشنز کی جانب سے عکس بند کی گئی مریخی سرزمین کی ہزاروں اعلیٰ ریزولوشن کی حامل تصاویر کا جائزہ لیا۔

    کسی خلائی شے کا کسی سیارے کے قریب سے گزرنا بھی نظامِ شمسی کو تباہ کر سکتا ہے،تحقیق

    تحقیق کے دوران محققین کو معلوم ہوا کہ ’بلیک بیوٹی‘ خلاء میں تب نکلا جب 50 لاکھ سے 1 کروڑ سال قبل ایک سیارچہ مریخ سے ٹکرایا اور اس کے نتیجے میں چھ میل چوڑا گڑھا پڑا تھا۔

    320 گرام وزنی ’بلیک بیوٹی‘ 2011 میں مغربی ریگستان صحارا سے دریافت ہوا اور اس کی دریافت کے بعد ایک نئے قسم کے شہابی پتھر کی درجہ بندی شروع ہوئی۔ اس پتھر میں قدیم ترین مریخی معدنیات موجود ہیں جو 4 ارب 48 کروڑ سال قبل وجود میں آئے-

    واٹس ایپ نے اسٹیٹس سے متعلق دلچسپ فیچر پر کام شروع کر دیا

    بلیک بیوٹی مریخ کا واحد ٹوٹی چٹان کا نمونہ ہے جو اس وقت دنیا میں موجود ہے اس میں متعدد اقسام کی چٹانوں کے ٹکرے یکجا ہیں یہ خصوصیت اسے دیگر مریخی پتھروں سے ممتاز بناتی ہے جوایک قسم کی چٹان کے ہوتے ہیں۔

    آسٹریلیا کی یونیورسٹی آف کرٹِن سے تعلق رکھنے والے ماہر اور تحقیق کے مصنف ڈاکٹر اینتھونی لیگین کا کہنا تھا کہ مریخ پر بھیجے گئے ناسا کے مشن کے نمونے واپس دنیا میں لانے سے 10 سال قبل ہم پہلی بار مریخ کے ارضیاتی سیاق و سباق کو اس پتھر کے ٹکڑے کی وجہ سے جانتے ہیں۔

    نظامِ شمسی کے قریب زمین جیسے دو چٹانی سیارے دریافت

  • ٹک ٹاک نے کم عمر صارفین تک نامناسب مواد کی رسائی روکنے کیلئے فیچرز متعارف کرادیئے

    ٹک ٹاک نے کم عمر صارفین تک نامناسب مواد کی رسائی روکنے کیلئے فیچرز متعارف کرادیئے

    مقبول ویڈیو شیئرنگ ایپ ٹک ٹاک نے کم عمر صارفین تک نامناسب مواد کی رسائی روکنے کے لیے نئے فیچرز متعارف کرائے ہیں۔

    باغی ٹی وی : کمپنی کی جانب سے دی گئی معلومات کے مطابق ان میں سے ایک نئے فیچر سے صارفین فیصلہ کرسکتے ہیں کہ ان کے ‘فار یو’ فیڈ میں کیسا مواد نظر آنا چاہیے۔

    واٹس ایپ نے اسٹیٹس سے متعلق دلچسپ فیچر پر کام شروع کر دیا

    اس فیچر سے وہ مخصوص الفاظ یا ہیش ٹیگ خودکار طور پر فلٹر ہوجائیں گے جن پر مبنی مواد وہ اپنی فیڈ میں دیکھنا نہیں چاہتے کمپنی کے مطابق اس فیچر کے مختلف ورژنز کی آزمائش گزشتہ سال سے کی جارہی ہے۔

    ایک نئی تبدیلی ‘thematic maturity’ ہے جس کو کمپنی کانٹینٹ لیول فلٹر قرار دیا ہے جس کا مقصد 13 سے 17 سال کی عمر کے صارفین تک بالغ مواد کی رسائی کو بلاک کرنا ہے ہم ہمیشہ ایپ میں سیفٹی سسٹمز کو بہتر کرتے رہتے ہیں تاکہ ہمارے صارفین اپنے پسندیدہ مواد سے لطف اندوز ہوسکیں۔

    بائیڈن کا ایران کوجوہری ہتھیاروں کےحصول سے روکنے کیلئے طاقت کا استعمال کرنےکاعندیہ

    بیان کے مطابق ہم جانتے ہیں کہ ہمارے پلیٹ فارم پر موجود کچھ مواد دیکھنا ہر ایک کے لیے قابل اطمینان نہیں ہوتا اور کانٹینٹ لیول سے نوجوانوں تک ایسے مواد کی رسائی کو روکنا ممکن ہوسکے گا۔

    ٹک ٹاک کا کہنا تھا کہ اس کی جانب سے مزید فلٹرنگ آپشنز کی تیاری کا سلسلہ آنے والے مہینوں میں بھی جاری رہے گا۔

    سری لنکا: یمرجنسی نفاذ کیخلاف مظاہرین کا پھر وزیراعظم ہاؤس کے باہر احتجاج

    کمپنی کے مطابق ٹک ٹاک کے تجربے کو منفرد بنانے کا ایک حصہ لوگوں کے لیے نئی دلچسپیاں، تخلیق کاروں اور خیالات کو دریافت کرنے کی صلاحیت ہے۔ ہم اپنے تجویز کے نظام کو حفاظت کو ذہن میں رکھتے ہوئے ڈیزائن کرتے ہیں-

    کیونکہ کسی کی آپ کے لیے فیڈ میں مواد کسی ایسے تخلیق کار کی طرف سے آ سکتا ہے جس کی وہ پیروی نہیں کرنا پسند کرتے ہیں یا اس دلچسپی سے متعلق ہیں جس کا وہ اشتراک نہیں کر سکتے۔ مثال کے طور پر، مواد کے کچھ زمرے تجویز کے لیے نا اہل ہو سکتے ہیں، اور ناظرین ہماری "دلچسپی نہیں” خصوصیت کا استعمال کر سکتے ہیں تاکہ کسی تخلیق کار کی ویڈیوز کو خود بخود نظر انداز کر سکیں یا وہی آڈیو استعمال کریں۔

  • واٹس ایپ نے اسٹیٹس سے متعلق دلچسپ فیچر پر کام شروع کر دیا

    واٹس ایپ نے اسٹیٹس سے متعلق دلچسپ فیچر پر کام شروع کر دیا

    میسجنگ ایپلی کیشن واٹس ایپ نے نئے فیچر پر کام شروع کر دیا ہے-

    باغی ٹی وی : واٹس ایپ کی سرگرمیوں پر نظر رکھنے والی ایپلی کیشن واٹس ایپ بیٹا انفو کی رپورٹ کے مطابق ایپ پر اب ’Voice Notes‘ اسٹیٹس پر لگانے کی اجازت بھی ہو گی۔

    اس سے قبل صارفین ویڈیوز اور تصاویر اسٹیٹس پر لگایا کرتے تھے لیکن اب واٹس ایپ ایسا فیچر متعارف کرانے والا ہے جس سے وائس نوٹس بھی اسٹیٹس پر لگانا ممکن ہوگا اسٹیٹس اپ ڈیٹ کے طور پر شیئر کیے گئے وائس نوٹ کو ’وائس اسٹیٹس‘ کہا جا سکتا ہے۔


    ویب بیٹا انفو نے اس فیچر کا اسکرین شاٹ بھی شیئر کیا ہے جس میں اسٹیٹس پر وائس نوٹ سپورٹ کی فعالیت واضح کی گئی ہے۔

    ویب بیٹا انفو کے مطابق اسٹیٹس ٹیب کے نیچے موجود نئے آئیکن کے ذریعے اسٹیٹس اپ ڈیٹ پر فوری طور پر وائس نوٹ بھیجا جا سکے گا تاہم وائس نوٹ کے اسٹیٹس پر بھی پرائیویسی ہوگی یعنی اسے صرف وہی لوگ سن سکیں گے جنہیں آپ سنانا چاہیں گے۔

    واٹس ایپ نے فی الحال یہ اعلان نہیں کیا کہ صارفین اس فیچر کو باقاعدہ طور پر کب استعمال کر سکیں گے تاہم اس فیچر پر کام شروع کر دیا گیا ہے۔